西貢金雞海南雞

營業中

休息中

已經食過好多好多次，今次終於寫下食評介紹比大家，個人認為真係真係好好味無骨海南雞飯，好似57，好正麻辣海南雞飯，只係雞面加左麻辣酱，食得辣都正架豬手飯都好味，但唔穩定其實樣樣都正

一個人去左九龍城做完野,醒起無骨海南雞....二話不說,就去開餐!一坐低就同姐姐ORDER個海南雞飯...等左一陣,有得食~~~~~雞分開左有皮同無皮骨起得好清👍🏻雞肉好滑又入味！無雪藏味但有微微雞既味！而油飯內有炸蒜片 調一調個味🤗呢個海南雞又唔會太油膩 唔錯唔錯☺️

順路經過, 家裡食飯要加餸, 速戰速決, 來隻海南雞看到店外有不少報導介紹呢海南雞外皮色調均勻, 有光澤雞皮唔油, 比較爽吃落口啖啖肉, 骨起得清, 肉質彈牙, 夠嫩海南雞沒有雪味, 而且雞胸部份都能保持軟稔

本身想去石屋，但係點知佢今日下午有event所以去左龍城食，上黎搵有無咩平價少少又好既食物，就搵到呢間啦係街市附近，行左一陣就去到。入到去睇下個餐牌，得好少選擇，咁應該係對自己食物有信心先會咁。坐低就俾左碗南瓜湯，還算可以啦叫左一客去骨海南雞飯 + 一客咖哩豬頸肉飯 + 時菜等左幾分鐘就黎左個飯同個海南雞先，見到個飯係唔只就咁油飯，入面仲有D脆既好似係魚乾既。個飯唔錯~食落有脆脆既口感。個雞睇落都唔少~~心諗~咁既價錢都唔錯呀! 仲有唔只一樣汁俾我地用~~good。食落個雞真係無骨，同埋都幾滑，可惜既係佢無d雞既油脂，無左一種滑得黎有少少膏既享受。之後就黎左個咖哩豬頸肉。呢個真係一般般，因為佢個豬頸肉係炸過..可能小弟唔習慣呢個食法，有少少唔慣。個咖哩叫做都香既，食落有少少spicy，過一陣都仲會有少少spicy。其實咖哩唔一定要好spicy先得。所以我唔算好鍾意呢個菜時菜真係無咩特別，不過就真係都算大碟，有最少15條菜~~咁既價錢..算唔錯~!埋單135 因為叫左一個凍OT走甜同凍檸檳

我約Honey到九龍城吃海南雞飯，叫他到「栢檔」等。Honey話，找不到呀！原來，改名了，叫「金雞」已久！只是，我們一路幫襯，未留意而已！因為，食物、裝潢，都無改過。我們吃午市套餐。Honey點去骨海南雞飯。有雞腿肉、胸肉，但就算是雞胸肉，都不粗糙。三款醬汁，跟新加坡海南雞飯一樣，好好味！油飯也香口，內有炸乾蔥頭，香得很！而我呢？Honey已代我選擇了：豬手飯豬手皮稔滑而不肥膩，只嫌汁醬濃了點。而餐湯是南瓜湯，甜甜的，絲絲南瓜絲。其實，我想選擇香煎鹹魚肉餅的！好！另叫一個！即煎，香脆得很！鹹香，而不太鹹，很「送飯」！美味！

九龍城假日，無論大舖小舖都大排長龍，估唔到呢度唔洗點排隊質素都唔錯喎！以後去九龍唔洗淨係諗到泰國菜喇！呢間海南雞飯都唔錯，雖然係快餐店形式，但呢個錢價，係超值左既。我地5個人，叫左個4人餐，加碗油飯，好夠飽，又冇野剩，真係好抵食！香手刴咸魚蓉肉餅，香脆可口，咸魚加上薄薄既肉飯，煎得非常香口，送飯當然一流啦！油飯有少少炸香既蒜粒，令本身都好香既油飯更加惹味。例湯就一般，那天係南瓜湯。馳名滷水西貢狀元蹄，都几大隻下，煮得又夠淋，見到D骨膠原就好開心喇! 雖說是滷水，但又唔係好食到滷水味，但好味就夠啦！至於主菜呢，起晒骨賣相已經好吸引，雞皮有少少肥，但肉滑就好香滑。

無骨海南雞飯餐，雞肉鮮味又夠林，真係完全去哂骨，啖啖肉，但碗油雞飯就較淡d雞油無乜油雞飯味…。對個油飯少少失望，送南爪湯，另外個煎肉飯都好好味不過係香煎變左係半煎炸…

早排舊同事在荃灣金雞買外賣請我們食，真是好好味，令我時常有想去再食的沖動。 今日晚上約朋友在九龍城食飯，原本未有想到什麼idea, 行行下見到有間金雞，實在太驚喜啦！ 我們便了入去開動晚餐。餐廳簡潔的裝修，令人感覺很舒適。 我們坐下朋友點選了招牌的海南雞飯及咸魚肉餅飯。由於套餐的關係，當中送上了 ~ 今期的南瓜豬骨湯，見湯料十足，每啖都好清甜。無骨的海南雞，雞肉嫩滑，跟隨的三款醬汁選擇，而我就覺得唔點醬汁已感覺好好食。另外，油雞飯我個人覺得硬了一點。特制的咸魚肉餅出來時熱騰騰，入口帶著梅香咸魚的味道，每口都帶有種捨不得的感覺，這種滋味永記不忙。 這價錢來說，50元左右可以食到一個餐，確是感到超值。

來了例湯，南瓜青紅蘿蔔粟米豬骨湯，三個字———清甜好喝麻辣汁淋在海南雞上，麻香突出，不太辣，雞皮滑溜有彈性，雞肉亦嫩滑，沾上麻辣醬汁之後，味道更添層次感。雞油飯粒粒分明，但油香欠奉，可惜可惜。

上次試過在西貢買外賣之後又好想食海南雞飯。所以特意來試在九龍城這間分店。原來西貢是第一間, 這是第二間。我們兩個人, 懶得想, 就點了二人套餐。有半隻海南雞, 3選1選了蒜香豬頸肉, 菜, 雞油飯加兩杯飲品。海南雞依然滑, 雞皮十分爽口沒油膩的感覺。都吃光了, 有點內疚.... 雞飯裡有摻入炸shallots, 所以好香。豬頸肉普通, 下次想試豬蹄。順帶一提, 這裡服務很友善, 下次會再來!

好耐無嚟九龍城,睇完電視介紹, 今日就嚟一試。本來叫去骨海南雞飯同香煎手剁咸魚肉餅飯，但咸魚肉餅未整好，所以店員提議我叫另一樣，咁就叫去骨麻辣雞，點知又係未得，店員提議我叫狀元蹄飯，但因為我唔太食元蹄，店員見我好苦惱，就馬上幫我整咸魚肉餅首先上嘅湯好好飲，唔係平時果D味精水，好多南瓜。海南雞飯好好味，雞唔腥，有鮮味又滑，個飯又香等左一陣嚟嘅咸魚肉餅飯LIKE爆，香口，表面脆仍保持有肉汁，送飯同就咁食都一流樣樣都好好味，店員又NICE, MUST ENCORE

呢一間海南雞我哋屋企時不時都會食，有時會外賣返屋企，有時會直接堂食。佢嘅招牌菜去骨海南雞個人覺得真係唔錯，每一次食佢啲雞嘅肉質都係好嫩滑，而且佢啲雞油喺烹飪嘅過程中已經揮發左，令到你食埋啲雞皮都唔會覺得肥。我自己覺得啲師傅真係好犀利，因為除咗雞翼之外，其他部份都係去晒骨，令到客人好容易就可以食到啲雞。除此之外，食海南雞飯一定要點埋佢三種醬汁先好食。佢有三隻醬汁，第一種係甜豉油，第二種係薑蓉，第三種係酸辣醬。我個人覺得酸辣醬係最好食，因為佢酸酸辣辣好開胃。我自己覺得呢一間都幾抵食。如果自己去街市買隻雞煮一餐，咁不如去買隻現成的無骨海南雞仲好，又可以慳返啲功夫。

今日終於有得同男朋友放假 所以去左九龍城諗住食野之後按摩... 一朝早真系吾想食泰國野 行下行下行到去呢間野門口 男朋友知我鐘意食雞 所以二話不說就入左去住底好快選擇好 啲姐姐好好禮貌 抵讚去骨海南雞飯隻雞滑到不得了 唔會話太肥又唔太瘦冇肉體食 正 ！個油飯好香但吾膩 個飯局仲溝左啲炸蒜片 就算淨食油飯都得！蒜香豬頸肉配既都系油飯！所以個飯就吾再講但個豬頸肉又系不得了 開頭我地諗叫乜既時候對豬頸肉好有保留 因為驚整得吾好會得啖油 但出奇地佢整到外面脆卜卜 吾油 咬口好實在 總括有料有驚喜 下次要試埋麻辣雞先得

今晚一個人收工後去九龍城開餐， 除了食泰國菜之外，聽聞有一間食海南雞飯不錯的餐廳，它就是<金雞去骨海南雞專門店>，在7 點幾鐘的晚上時份，店內光顧客人都不少，店員都好熱情地招呼我入座，我點了一個去骨海南雞飯餐(奉送一個例湯)或可以選擇凍熱的咖啡、檸茶或奶茶.... ( 另加$5)，不久食物都好快上枱了。 是日例湯是南瓜青紅蘿蔔豬骨湯，熱呼呼送上了一碗，味道較甘甜美味，南瓜肉更已經滾至稀爛，而且飲落又不會太油膩。雞肉的份量都好足，雞皮偏原黃，好脆口，雞肉滑溜鮮嫩，同時雞味也相當濃郁，油飯的質感都好軟糯，店中選用了金象泰國米，整個油香均衡，飯中更滲有香茅的氣味。這個雞飯晚餐真是讓人滿足。

去開九龍城！問下朋友話係九龍城唔想食泰國野咁食咩好呢！咁就介紹左去呢間！一入去阿姐就帶我埋去最入個張檯！落左order後！坐左5分鐘坐下坐下唔對路！問下阿姐點解會咁焗既！佢話個冷氣無開！咁我話開啦！抖唔到氣喇！跟住佢話老細未洗冷氣！如果而家開d塵就吹曬出黎！嚇到我呢😱😱😱😱😱😱！ 食完當然係一支箭🚀🚀🚀🚀🚀咁走啦😪😪😪😪😪好介紹下