西貢金雞海南雞

營業中

休息中

招牌海南雞飯，佢哋嘅海南雞飯算平，50蚊內有飯有湯，而且份量都多，但係可惜雞肉有點過生，唔夠熟，有少少透明肉同血肉，但程度可接受的，雞好滑，份量亦好多，可惜油飯太過油，太多的炸蔥頭片太多令到成件事太濃味，呢款海南雞飯適合重口味人士，反而對我來講真係頂唔順個飯太油，但整體來講算好食嘅，亦稱得招牌的，不會失望個例湯都好好飲，睇得出有心機，可以試吓，但應該唔會再有想再去的感覺，因為雞好味個飯都好重要！！

雞肉做得好，豬手和肉餅組合超贊❤❤❤。老闆招呼都好好，喜歡去，介紹了很多朋友去，不是明星，沒有掛牆壁的福利哈哈哈。我很少對白切雞之類的肌肉覺得留戀，這是第一家我覺得好吃的，外邊比較難停車，附近九龍城廣場可以停車。平時來的話可以到九龍寨城公園玩一下不錯。對了，海南雞飯的飯也很重要，這個真的值得推薦了，今日幾個小朋友全部吃完了一碗飯，還要搶豬手和肉餅吃，飯做的不錯，海南雞飯的口味這個飯的占比很重要。已經光顧不知道第幾次。。。。

同同事食lunch 叫咗個海南雞飯，只係想問姐姐可否多少少飯（個人較大食），姐姐十問九唔應，問多兩次後就好不滿咁：我哋不嬲多飯㗎！好，咁講聲唔該就算。點知出到嚟兜飯唔止唔覺大碗，反而比起其他人嘅更細（啲飯平碗，而其他人就漲出嚟有個全圓，好似平時酒樓白飯咁），因為我已經食咗少少好難同佢理論點解我少咗份量；同時阿姐全程面口比起六點幾起食做到兩點幾未停未開過餐嘅人更黑，好似我講嘈口鬧完佢咁，感覺激差！其實唔多得飯一句唔得就okay，冇必要咁小學雞，發誓以後喺九龍城餓死都唔會再食！真心嬲！

早2個月食完, 今日突然又好想食。海南雞我地黎啦但放工時間超大雨, 擔左雨傘都濕左1/3....... 2隻落湯雞走黎食雞....可能今日真係太大雨, 除左我地完全冇人坐低食, 變相包場 。但不斷有人冒雨黎買外賣幫襯左咁多次其實都未試過坐响鋪頭食, 叫左個2人餐後就四圍望下。店內簡潔明亮, 一邊牆上貼左n張老細同到訪明星/名人既合照, 好有衝動想偷偷地撕幾張返去半隻招牌去骨海南雞+老火靚湯+油飯雞一如以往又嫩又滑又好味，呢度有足夠既醬，終於唔洗面臨比人搶醬冇得點既情況湯是南瓜（雞）湯，南瓜西湯就飲得多，但南瓜中湯就第一次。這個湯很清甜，是有淡淡南瓜味的雞湯。湯底頗清澈的，2種味道也很相配。相比之下我想我應該比較喜歡南瓜中湯呢油飯勁香入口又煙韌，好像跟出面的有少少不同, 原來飯入面加左木耳絲, 香蔥絲, 蒜絲等等，值得一試。滷水汁時菜, 唔多覺有加過汁, 但好彩d菜夠嫩, 加蠔油已經夠好食馳名香煎手刴咸魚蓉肉餅~肉餅壓成薄薄的一片, 煎得夠香脆, 難得還保留了一點點的肉汁, 不會太乾。啖淡肉香有o趙口之餘還帶有少少咸香 空口食或者配飯食再或者用黎送酒皆宜。原來除左雞外, 其他食物都有番咁

每次跟小食神飯局都非常傷腦筋，她不愛吃的，一口也不會放入嘴巴，她愛吃的，比大人的食量更利害。如何能做到她願意吃又不會過量呢？跟她說我要吃海南雞，她最初是不願意的，但突然又說: 好呀，我帶妳去吃!由一個小女孩帶我去吃海南雞，會是怎麼樣的海南雞呢？三大一小要了個四人餐，除了海南雞外，還點了豬手和咸魚煎肉餅雞，一整隻，肉滑並入味，雞皮不太薄令人有點卻步，吃太多好像不太好豬手，一整隻，軟滑的豬皮，熱吃非常美味，肉夠軟但不太淋，跟我記憶中的不得了豬手，還有出入咸魚煎肉餅，薄薄的應該是肉片吧，味道不錯，是半煎炸的嗎？ 脆脆的如在吃脆片，沒有了那個外內軟的感覺還有油飯跟油菜一碟小食神吃得津津有味，令這個晚餐特別加分可能有飯的關係，她知道吃飽要停，她說好味道，我吃飽了很滿足，不可以再多吃了吃…不止能滿足胃口，同時可以滿足心靈

去開西貢都會食金雞海南雞飯👅原來佢係九龍城都有分店😋唔洗去咁遠都食到🖒海南雞煮得岩岩好，雞肉嫩滑得黎又有雞味💕海南雞有3種醬汁可以點，我最鍾意佢特制嘅甜豉油，同海南雞好match。油飯中有粒燈炸蒜，食落更加香口🖒佢嘅老火南瓜湯亦好有驚喜，飲落非常清甜又冇味精，大家去九龍城唔好錯過喇😆

This restaurant, as its name implies, is specializing in Hainan Chicken, in the Singaporean style. Located in Kowloon City, I think it started in Sai Kung, then expanding into different districts, with this one actually getting a lot of celebrities coming, as you can see the photos of many of them on the wall with the owner.Frankly the place is a bit dirty and unkempt, certainly not a nice environment but people tends to eat quickly and go, with us being no exception. We ordered the two-person s

睇完秋x哥講到咁正，所以近近地揀了九龍城分店一試。店面少，坐位一眼望晒。叫了2人餐，包2碗雞油飯，2碗南瓜湯，半隻雞，一碟烚菜，一款小菜，2杯飲品我們叫了無⻣豬✋，豬✋真係超細碟，味道超普通，而南瓜湯都不是其他人說到咁好味，真係好一般，而個碟烚菜，細不特止，仲要係老菜一碟，超唔得囉，唯獨係隻雞，好滑嘅，味道唔差，而啲醬油都接受，中途都有不少人外買1隻半隻雞，所以，反應出係得雞叫做好食，其他真係。

好耐無食過咁好味既海南雞飯了！我地叫左2人餐, 店員先比湯我地！南瓜蓉湯-好夠味，南瓜蓉足料，清甜好飲！主菜海南雞配香油飯，賣相已經100分！食落口簡直令人讚嘆！唔係講笑，雞真係夠雞味，雞肉嫩滑，雞皮既油配合雞肉剛剛好！香而不漏！本人對雞皮一般，但呢個海南雞令我食哂d皮而且值得一提既係雞既醬汁！薑蓉好香/ 酸辣汁夠惹味/甜豉油出色到雞油飯，食落唔油亦唔漏，但好有香油同雞湯味！另外，元蹄亦好出色！入味又夠林！有驚喜油菜正常，無咩特別!真係好難得搵到間又平又好味既餐廳！

LUNCH 時間黎左都算幾多人食, 午餐$52 連一碗湯, 今次試左招牌海南雞飯同元蹄飯, 不錯!先黎例湯, 應該落左大量南瓜, 所以每淡都有南瓜肉同好甜好好飲, 然後再黎油飯, 就算係元蹄都會跟番油飯, 由於隻雞未上枱, 所以就食左淡飯先, 淡淡既黃色又未至於反光既立立令, 但味道相當不錯, 夠香又唔油膩, 完全停唔到口!! 元蹄份量都好多,面頭好多汁所以比較甜, 肉質好淋, 豬皮部分好重膠質好正!重點黎到海南雞, 淡淡肉好好味, 雞胸位都唔鞋, 呢個價錢黎講都算幾好!

為左填補未食飽既空虛，我地決定黎個加餐，要食番d好味野！！响九龍城，除左泰國菜，第二樣我就諗起既就係海南雞了~黎到金雞，叫左隻去骨海南雞外賣，因為外賣有87折，抵好多呢~ 我記得原先呢個鋪位都係做海南雞既呢，都係外賣有折外盒包裝都幾精美呢打開見到色澤鮮明，見到就想食啦，食落口皮滑肉嫩，正一口一件冇骨海南雞其實真係一大享受，點埋3款唔同既醬又另外3個口味但希望下次比多d蔥油醬啦，每盒都係裝得一半左右… 最重要既係我只點左一次就比人食哂啦勁正既海南雞，但當口立濕咁食就冇左百五蚊真係有少少奢侈咁囉

I first tried this in SK and the chicken was really good, however SK is so inconvenient that it is a waste of time going there for food.Discovered this in KS so went in.As soon as you sit down, they will give you a bowl of pumpkin soup even if you are not ready to order or haven't ordered.The pumpkin soup was good, lots of pumpkin and it even has pumpkin seeds which are quite delicious but you can't eat the shell.I had the chicken and pork patties.Here was my delicious plate of juicy chicken bre

一個月之前發現左呢間野，今次已經係第三次食，暫時黎講係我最推介ge海南雞飯! ＄52 ge 海南雞套餐有老火湯，份量適中ge海南雞，同埋一碗滿滿ge油飯。店入面唔多人，但每隔5分鐘左右就有街坊買外賣。老火湯啖啖南瓜絲同紅蘿蔔粒，今次味道清甜唔鹹 (但亦都試過幾鹹...)油飯粒粒分明，充滿油香，飯粒軟硬岩岩好，比起其他好多人推介，好出名ge海南雞飯店更加好!海南雞肥瘦均稱，嫩滑有肉汁，唔會煮得過熟，肥膏亦唔多。叫左兩碟都有一隻雞翼，感覺比起有d餐廳ge海南雞，一碟頭尾都得雞皮就抵好多。店入面同門口貼滿老闆同明星合照，非常吸睛!$52就食到有質素ge海南雞，加碟菜都只係$14，冬天入去飲下個老火湯真係幾正.... 街坊生意都有大量明星去試，值得支持下! 

最近搬左離九龍城住，今日執屋執到一半，覺得好肚餓，就淰住落樓下食d野。經過呢間餐廳，見到有海南雞飯食，就入左去啦。叫左個招牌海南雞飯，呢個係我係香港食過最好食噶海南雞飯。當然係我心目中，新加坡噶天天海南雞飯係最好食噶啦。但呢間係香港離講已經相當唔錯噶拉。雞滑得離仲要無骨，真係好有雞味，個湯都唔錯，唯獨是個飯略欠雞油味，而且偏硬，如果可以再軟d同有味d就更加好啦。不過真係會再幫襯，因為個雞真係好好味。

中午經過九龍城“金雞”，稔起之前同事買過黎食，食完讚不絕口，未食飯嘅我即刻入去買返盒返公司食去骨嘅海南雞雞皮脂肪好厚，不過份量夠多，雞肉亦嫰滑非常，也好入味，配甜醬汁更加惹味，令人滿足的一餐