西貢金雞海南雞

營業中

休息中

近排好興食海南雞，北角、上環紅磡都係長龍店👻 piggy為食但都好怕排隊，今日去九龍城覆診就去咗呢間無骨海南雞飯，55蚊套餐真係好抵，雖然油飯係乾咗啲同唔算好有雞味，但海南雞好大碟，而且好滑，最重要係中間有層啫喱😋😋 跟餐個老火湯係屋企嘅味道，今日呢個價錢去邊度搵😜

一直都知e 間野 但見其貌不揚咁又一直都冇試過佢。今日有朋友我黎搵我 就買左佢個外賣二人餐食，估唔到又幾出色！兩個人：兩餸一菜兩飯兩湯～好食，如果份量多d 更佳滑！嫩！量多！依個我未食以為佢好鹹！原來一d 都冇！！調味岩岩好，多醬仲可以拎黎送飯。肉好淋，食落就覺得好足骨膠原有d 驚喜當時食好食，第日番工個陣反叮就麻麻地了，會有d 硬朋友話好飲，但我冇飲，我唔鐘意放落發泡膠嘅湯。下次應該走湯我地兩個女仔食，雞同豬仲剩左一半，我碗飯剩一半，湯冇飲。（我都冇浪費曬，食唔完第日拎番公司食xd)咁都已經好飽

星期六晚9點幾去九龍城諗住食啲簡單嘢，點知間間舖頭都排滿人等位，見呢間小店仍有位都估到應該麻麻哋，不過算啦，趕住食完返屋企。入去點咗一個麻辣海南雞飯同泰式鳳爪，海南雞飯先上，D雞還接受到，但啲黃飯就半生熟又硬，等咗好耐先等到泰式鳳爪，見到個樣已經超級超級失望，成世人都未食過泰式鳳爪只有蕃茄同鳳爪仲有幾粒冰，啲鳳爪應該係用滾水解凍，之後直接放冰，好嘔心，冇洋蔥、冇青檸、冇唐芹、冇辣椒，冇酸甜雞醬，乜都冇咁就叫做泰式鳳爪！咁就想收客$48？你不如早啲同我講話冇料做唔到，叫我取消好過啦，最後真係忍唔住爆咗佢一鑊！已經冇抱乜嘢希望去食呢餐，但真係估唔到會食到一碟垃圾！走咗之後先至醒起應該留張相俾大家開下眼界！

一直念念不忘嘅海南雞髀飯🐔之前去西貢食過覺得真係勁好味😋既然佢有其他分店當然都去試吓喇我哋叫咗海南雞髀飯✨雞非常滑捋捋之餘仲勁有雞味🐔加埋海南雞飯嘅醬汁簡直係絕配✌🏻#heacookmama

這間食海南雞飯（一隻雞）配油雞飯，豬手飯，咸魚剁肉餅，油菜，湯！這個組合加份量確實無敵，味道就不用懷疑，廚師一流，很有大餐廳水準，小店地方雖然真係唔大，但都坐得舒服，份量亦非常之大。唯一需要改善的，便是天花的風扇太大風，餸菜很快會吹涼，而人也被吹得有點凍。

以前做野既時候，中午五知食咩，同事就介紹左呢間海南雞店。食過覺得好食，宜家就經常打包翻屋企食，方便又好味。距送既南瓜湯好好飲，雞油飯有少少飯焦，食落焦香脆口。只雞，其實就無話同其他唔一樣，都係普通海南雞甘啦。

突然之間好想食海南雞飯，所以近近地就去咗依間，之前喺西貢都食過一次，感覺都唔錯，呢度最特別嘅係有去骨麻辣海南雞飯，真心好似口水雞咁，不過啲雞就滑啲同冇咁油，另外佢啲雞份量都算多，配埋油飯都好好味😊，老火湯呢就飲到都幾足料😌，算系CP值高嘅海南雞飯😋

以前已經唔係好食，今次朋友話想試，咁咪食下囉！嘩！越來越差，湯冇味既已前都啲湯都好甜，而家好似打碎晒啲紅蘿蔔倒落去咁🤬啲飯硬到好似隔夜咁，啲雞冇任何雞油香味，真係越來越難食，2個人一人一個海南雞飯加飲品122$我寧願去大家樂大快活食好過仲有啲大家姐職員，超級冇禮貌，不停傾偈唔理客人，佢老闆請著佢地真係倒米，我坐最入，一陣噏臭味，點攪呀？

/ 同男朋友揸車去九龍城諗住覓食，行左一陣唔知食咩好，之前聽人講呢間西貢金雞海南雞好似唔錯，幾出名，就入左去試一試👀本身我同男朋友仲諗住會有湯河金邊粉果d，點知原來只有配飯呢個選擇🙈⋯男朋友本身想叫去骨麻辣雞飯，但因為佢想同我share小小，知我唔食得麻辣，所以最後就叫左唔辣既海南雞一齊share食🥰📍去骨海南雞飯 ($52)💬我地覺得d海南雞都ok，都有舊雞翼食下🤣，D雞都幾滑，而配搭海南雞既醬汁都唔錯👍🏻而我就叫左個📍蒜香豬頸肉飯 ($52)💬豬頸肉其實幾特別，同出面食開果d唔一樣，但就唔太岩我地既口味，覺得豬頸肉有d硬，佢厚切得黎唔太好食😭，d肉比較「鞋」，麻麻地⋯另外仲有兩個例湯，係紅蘿蔔南瓜湯，個湯都ok，唔算差！

呢間九龍城金雞武肺之前食佢無數咁多次，除左因為佢上菜快，最主要係因為好食雞靚，滑，有肉味油飯入口滑順香口一個武肺冚埋去再食啲雞明顯cheap左個等級唔夠黃，鞋口飯又唔再咁多雞油，又硬，起曬角咁唔通往事真係只能回味🥺🥺真係唔係話我口賤成件事差到好似轉左手咁佢自己標榜用泰國香米入口啲飯又鞋又硬又削邊度係泰國香米老老實實隻雞未入口望落去都同以前唔同暗暗黑黑咁冇厘生氣不過抵讚嘅係武肺咁耐都冇加過價 $53蚊有飯有老火湯算啦🤑

果然同傳聞一樣，態度好差，明明話有學生餐，我帶住小朋友去，兩個人話一定要嗌兩個餐先有一個學生餐架，話一個餐冇學生價，真係第一次遇到。落錯單仲要態度唔好，遇到呢D員工，佬細真係慘！

今日去食雞飯，都抱住一個期待嘅心情，因為都係有少少慕名而來嘅心態，點知碗飯嚟到覺得油淋淋咁，間餐廳入邊仲勁多蚊...諗住算啦，或者啲嘢食好味到吸引啲蚊嚟呢～～點知食到成口油淋淋，我諗食完呢餐雞飯真係要等多排先可以再食，因為真係太肥膩，食到好滯食食吓聽到個夥計同班學生講話有得添飯，心諗都幾體貼，知道後生仔食量大，驚佢哋唔夠食...點知隔咗陣，就聽到個夥計喺度話呢度有規矩，添左飯嘅話一定要食晒，如果唔係要比返正價...但明明我聽到佢話可以添飯嘅時候，冇話一定要食晒....雖然唔應該浪費食物，但係如果有呢啲咁嘅規矩，係咪應該要講清楚！我得閒得滯睇睇餐牌，添飯價錢要加10幾蚊，但係餐牌係冇講過話添飯一定要食清光，否則要比正價...個後生仔就講咗句：「你哋都冇話一定要食清光」，跟住過夥計態度傲慢咁話「今次就算啦，下次你要俾㗎喇！」咁件事都唔係直接發生係我身上，不過嗰一刻就覺得佢喺度蝦後生仔。之後食完晏返到屋企，肚痛入廁所，肚痾咗幾次...呢間野都唔使旨意有下次，都想喺度提醒返有機會去嘅食客：有肚痾嘅心理準備先好考慮去食佢啲油淋淋嘅雞飯

平時都好鍾意食海南雞飯，有時得閒會去西貢食海南雞飯，今日趁假期冇乜嘢做就出咗嚟九龍城買餸，順便買海南雞飯番屋企食。呢間餐廳嘅海南雞飯啲雞好淋，好入味，而中間仲有層啫喱，唔係間間海南雞飯嘅餐廳都做得到。而佢嘅醬汁酸酸甜甜好好食，應該係自制，而個油飯呢就好有雞油味但係又唔會好肥，另外佢仲有個南瓜湯亦都好足料以呢個價錢，呢個級數既海南雞飯餐廳絕對係香港性價比最高嘅海南雞飯餐廳，雖然我覺得西貢嗰間總店係好似好食少少不過如果住喺市區嘅話入唔到西貢呢間分店都係一個唔錯嘅選擇😀

今日下午諗住唔出街...就諗住叫外賣啦...叫左個2人餐...2個湯..半隻雞..1個小菜..2個飯..2個野飲..黎到見到個袋濕晒..都心知不妙..諗住倒瀉少少姐..一打開入面..碗湯個蓋都爛埋..2碗湯都得返一半..其他野全部濕晒..好彩既係d雞無事囉..諗住打電話去同佢地講聲..下次放湯既位置小心d.. 可能上面既野太重..搞到個蓋都爛埋..佢仲話返我轉頭..話佢地d湯係咁放嫁喎..態度又衰..下次唔會再叫呢間

原來朋友之前食過西貢店，知道九龍城有分店就筇我去。 兩個人叫咗個二人套餐， 埋單每人都係九十幾蚊， 真係好抵。除左個海南雞好有雞味， 我最欣賞個香煎手剁咸魚蓉肉餅， 尤其係個邊得好香脆。 個油飯都好味，估唔到我自己可以食曬一碗。朋友話豬頸肉都好好味，咁下次要去試下。