西日式料理 (已結業)

餐廳沒有太多人，寧靜，很適合少女一邊享用美食，一邊傾談心事。因太餓，點了很多食物。油甘魚刺身- 厚切。新鮮炸芝士年糕- 唔油膩，口感柔軟，略欠芝士味鵝肝多士- 唔太油膩，入口易溶軟殼蟹手卷- 與其他壽司店差不多，沒太大驚喜燒羊架-少"SO"及有鮮味, 不過略為少肉鵝肝白汁野菌義大利飯- 飯硬度正宗，偏硬，汁不多不少，剛剛好，鵝肝也是很好吃燒牛舌- 肉質爽軟，味道少咸。黑朱古力心太軟- 普遍，不太甜。總括來說，比相像中好吃，加上環境很好，會推薦朋友，亦會再造訪。

龍蝦汁海鮮意粉 跟餐 蘑菇忌廉湯 沙律凍檸茶炸軟殼蟹卡幫尼意粉燒羊架燒牛脷北寄貝壽司龍蝦汁海鮮意粉 龍蝦味很濃 意粉硬度適中 good炸軟殼蟹卡幫尼意粉 軟殼蟹分量比較少 得半隻 兩啖冇哂 卡幫尼意粉很creamy 蘑菇忌廉湯 很香蘑菇味 足料 略微咸了一點北寄貝壽司 北寄貝很爽 壽司飯味道同壽司米都好味 燒羊架 生熟度剛好 羊味很重很juicy, 正， 因為剛燒好 表面有少少脆 讚 幫客人切埋件 方便食 很細心 一碟真係唔夠食 haha燒牛脷 有點un 不過味道還好沙律 醋味好像帶點蘋果味 蘋果醋嗎? 不過可能醋溝了糖 有點太甜 沙律菜尚算新鮮凍檸茶 茶很夠濃 不過茶有點鞋續了會員 不過仍然沒有會員卡 會令會員沒有卡放銀包從而忘記自己係會員 忘記來吃 我就係咁 上年入左會都唔記得食雪糕 綠茶味及芝麻味各一球 略甜 可能是因為我本身不嗜甜環境幾舒服 唔太迫太嘈 服務都唔錯 快手有禮貌

前幾天訂定枱，12:30上到去暫時未有客人，侍應隨便指著面前指示我們三人坐下，我問是那一張枱，女侍應禮貌欠奉的答『第一張！』，第一印象麻麻。另一位落order的侍應，道出餐湯、餐前小食都係要問另一位同事，自己都不太sure提供是什麼。整體食物是即做，但端出來都只是微溫，不熱。我與另一位同事order羊架，煎得太熟，好『鞋』口。另一位同事order葡國雞，貌似精緻，葡汁上灑有提子乾及椰絲，可惜亦是不夠熱，味道一般。餐飲點了熱咖啡，怎料是已加奶，我們並沒有order多奶，侍應就落了多奶，難飲非常。始乎取勝於價錢，而食物則有待改善。

前幾日想食日本野，偶爾喺OpenRice見到呢度有10個好評，價錢亦合理，於是決定二人前來晚餐。雖然入座時間係星期日晚飯時候，但餐廳仍有唔少枱騰出，點菜時服務員唔洗五秒便來到枱前 先黎嘅係刺身，齋睇三文魚嘅厚度、帶子嘅size已令人十分雀躍！三文魚整體油份較多，入口十分肥美。飲左一口茶，一啖食左成粒特大嘅帶子，鮮甜味充滿左整個口腔！鵝肝意大利飯。鵝肝略嫌太薄，做唔到入口即溶嘅感覺，同飯一齊食嘅時候鵝肝嘅油香比芝士味掩蓋。但飯嘅硬度適中，芝士味濃而不膩，如果將鵝肝油淋上飯上，味度會更佳！叫三文魚腩壽司時，侍應生推介入口即溶嘅左口魚壽司。食落果然名副其實，油香十足，入口即溶！ 三文魚腩亦唔錯，但未有三文魚刺身咁肥美。牛油果軟殼蟹反卷。炸粉偏厚唔夠鬆脆，軟殼蟹唔夠鹹，帶唔出蟹味，質素一般。鹽燒牛舌質感唔韌，冇落味精，食起黎牛味幾濃紅酒燴梨十分入味，似係食緊蘋果批裡面嘅餡，軟綿綿帶有陣陣酒香。不錯！餐廳整體不俗，食物質素頗高，價錢合理，員工效率亦很高，唔洗10分鐘起第一道菜，而且會不時會幫客人收碟，好值得一讚！

我地成班同事四個,响山林道夜晚十點幾揾野食, 點知有兩三間都話接近LAST ORDER,咁就行行下轉角有人派傳單, 喜見就係佢....Window Kitchen!!再問問, 好彩LAST ORDER係11:30 PM , 我地一直懸空既肚腩仔, 終於有著落喇!!^^上到去除咗環境清幽吹水聖地、又收得夜之外, 仲有咩野咁值得寫呢??萬事皆因, 佢D野真係好好食呀!!!!!! 剌身拼盤淨講賣相都夠靚仔,試落都新鮮爽口 侍應話當中既牡丹蝦頭, 可以炸返 又 可以放麵豉湯喎!呢個牛柳沙律, 個蜜糖黑醋汁真抵讚酸酸甜甜食落好開胃, 牛柳燒得啱啱好...沙律都出色, 難得香口、滑身!!!呢款火灸壽司, 食完真係哇啦啦!入口即溶, 個陣魚油香味, WoW!!味覺享受佢D意大利飯, 一上枱就已經好香, 食落唔膩,佢既汁、佢既飯!好似著魔咁, 愈食愈想食

過兩天是我的生日，老婆和仔女們去Window kitchen和我興祝。這裏地方舒適，每枱之間空間充足，食得自在。先來一個前菜「酸辣鳳爪」，老婆的至愛。很爽脆，件數也不少，$38抵食！再來壽司，我們點了北寄貝、蟹柳、鰻魚、蟹子等，不錯，每客2件，約$16-$28，我的一對小孖寶，吃得津津有味，還要返點。主菜有我的鵝肝意大利飯，$98，真的很好味，鵝肝香而不膩，分了點給我的細仔，他食過返尋味，和我搶食。之後有蜜汁燒豬仔骨，6安士$58，好味又抵食，我個女話最正！可惜唔記得影相。再來的有大蝦天婦羅、燒秋刀魚和醬汁燒墨魚，天婦羅有四隻蝦和一件矮爪，$50，入口絕不油膩，推介。燒秋刀魚也不錯，$38，很乾淨，個肚唔會苦，可以食埋。燒墨魚的醬汁略鹹，算OK啦！餐廳送的蛋糕，好味！

今次, 我都係跟同事去食LUNCH, 偶然發現呢間餐廳既存在 可惜, 我忘記咗影個倩影, 無相分享!!要靠閣下既想像力喇 HE HE初時, 間餐廳格局令我以為食個LUNCH都要好貴!!~誰不知, 拎起餐牌......車! 都係幾廿蚊一個餐!!!仲要1.) 免收加一2.) 奉送 前菜、餐湯、飲品3.) 凍飲, 唔洗加錢餐牌係雙面, 一面日式、一面西式種類有好多好多我地一行有三位同事, 分別點左A.) 三文魚刺身飯有大概八件三文魚刺身係上高, 望落都新鮮架!! B.) 羊架 配意粉可能要燒既關係, 時間會耐少少, 但賣相都靚~ 同埋, 好香呀!!!!!!~C.) 有隻炸煆的.....卡邦尼意粉(我 點既!!!!!~)好多汁好好夾雜洋蔥碎粒, 香口哦!!!意粉質地超正!! 煙煙un un 口感好好!!!

一入到餐廳, 裝修好日式化既。以為, 淨係純食日本野啦!!但一打開本MENU, 發現入面仲有好多西餐菜式 ,初時仲諗, 得唔得架??!!!點知, 西日兩式, 都同樣出色!!!~ 煙三文魚沙律 伴 蜜糖芥末醬嗰醬混得惹味!!甜甜地, 又攻鼻, 再夾埋煙三文魚既煙燻味, 最後, 由一堆新鮮沙律菜中和返味覺, NICE!!特大帶子配魚子醬齋聽嗰名, 都夠HIGH 啦!!!睇埋賣相, 擺落口...簡直真係好享受!!!牛肋骨一上碟, 呈半生熟狀態牛味配佢既濃味燒汁可謂取得當中精髓!! 鵝肝 伴松露野菌意大利飯經燒過既鵝肝,未食之前, 都已經聞到佢既香味,切開試下, 入口.....正呀!!意大利飯, 就唔似傳統咁硬,比較林身D, 好juicy松露夾雜少許洋蔥, 總之就好味啦!!!!!!!

本來訂咗另一間餐廳，但睇完"開飯"天書之後，發覺仲有一間高分的餐廳，於是抱住試吓的心態打電話訂枱，聽電話的小姐十分有禮貌，我訂枱後的第二日，要改遲用餐時間，打去一開口話改時間，小姐已經可以講出我的姓氏，好利害呀!去到餐廳見無乜人，心想唔通唔好食? 侍應好快奉上熱茶，並介紹是日招牌菜，有油甘魚同牡丹蝦，我同朋友分咗2次點菜，真係好新鮮。第一圈有蟹籽沙律，油甘魚同牡丹蝦刺身，牡丹蝦食完之前，侍應話個頭可以放湯或炸，之後清酒煮蜆亦都到，以前食過好多餐廳都會有沙，但今次完全冇，食完呢過燒鷄腎同燒鷄奕都一起來，鷄奕好香口，好入味。食完呢圈，見到menu仲有好多嘢想食，今次點咗白酒藍青口，軟螜蟹壽司，再來油金魚刺身，仲要試佢的鵝肝意大利飯，試晒咁多美食真係超飽，但侍應仲有雪糕送，食到真係超飽了，下次我一定要試埋紅酒啤梨餐廳環境十分適合同朋友傾計，侍應十分殷勤加茶同換碟，呢度的洗手間亦十分乾淨，我已做埋會員因為我知道下次我會再次光顧。

第一次去食，係因為友人結婚搞姊妹團眾餐。望到個鋪頭名叫" 西日式料理"，起初不唯意，打開menu睇一睇, 發覺日本菜式已經好多選擇，刺身、燒物、壽司、手卷...仲有西式扒、意大利飯、生蚝、連泰式鳳爪都有.......心諗做咁多范款式, 會唔會無范掂?!點知.......新鮮, 大件, 抵食。賣相亦相當吸引, 屬專業師傅之作。靚貨, 唔係俾細海膽。望落平平無其,原來個汁醬係個靈魂,辣得黎無"乸"喉,又帶點酸~ 老實講仲好食過一D泰國菜館~我最鍾意就係個Risotto, 軟稔中帶點煙韌, 非常 creamy好精美既甜品,加上微微酒香同香甜味道,真係估佢唔到我個人食tiramisu喜歡較"濕",同要有香濃咖啡酒味。佢，正對我胃口~~love其實本身無諗住叫Lee度既甜品(我以為係買番黎)，但個大廚走出黎social果陣，講開原來全部甜品(除左雪糕)都係由佢自己做，仲有全部食材堅持自己調味，唔買現成貨。個大廚一講起點煮野點鑽硏個陣時，就眉飛色舞，我地真係Feel 到佢地好有Heart，而家係香港地做飲食一D都唔易，租金貴，材料貴，唔諗番D叔數都好難賺到錢....所以對堅持做好美食既餐廳絕對要讚

朋友知我鐘意食日本餐, 介紹佐依間新開的西日式料理食店是日與友人同行, 店內環境好舒服由經理幫我地點菜, 對食店的食物好清晰 推介佐赤貝+三文魚腩, 鰻魚, 羊架, 牛柳串燒等等上菜時間好好, 一款一款送上, 食物唔會擺到成檯都係可以令人細心品嚐, 而且中間仲可以閒聊一下, 唔會趕喉趕命咁 (由於掛住品嚐, 冇影底相片)刺身魚生非常新鮮, 入口即溶, 好鮮甜壽司當然非一般機握飯, 而且米粒粒粒漲卜卜羊架肉嫩味香, 完全冇騷味 每個菜式都非常吸引, 食完真係有再點的衝動, 奈何還要試其他菜式而且, 經理及待應生服務非常好, 非常留意客人需要, 但又不會令人覺得被昅實Window Kitchen, 絕對值得推介的食店

一向鍾情日本菜既我，最近同朋友聚會，有幸黎到位於尖沙咀既Window Kitchen, 品嘗左一餐豐富，美味又抵食既晚餐!第一次黎到Window Kitchen, 感覺地方好乾淨，一d都唔嘈, 侍應生既服務態度非常， 點，好，不時幫我地加水，加茶，換碟，非常細心，老闆亦好親切，見我地念唔到食咩，就主動過黎介紹菜式俾我地上菜時間好適中，我同幾個朋友可以品嘗完一碟接一碟菜式，唔會攤到凍晒或者等極都未有野食，菜式份量亦好足料同新鮮， 當晚我地四個女仔，叫左十個菜式，飽到食唔落，包埋野飲， 每人都係二百幾蚊，係香港，我真係已經好耐冇食過一餐咁滿意既晚餐，成晚我地唔單止唔使等位，唔使俾隔離位嘈到，仲可以坐得舒舒服服咁傾計兼食好野，價錢仲要一d都唔貴，所以今日係度推介俾大家，值得一試！

從朋友口中得知呢間新開嘅西日式餐廳,就決定約埋一班好友去試一試,點知一試後,我同朋友都不約而同地對呢間料理讚不絕口!我地一行5人,每人都只係花咗二百幾蚊,就可以食到又新鮮,又咁有水準嘅一餐,簡直可以用物超所值黎形容,今晚真係豐富又滿足呀!心大心細!又想食焗蠔,又想食生蠔,決定兩款都要晒!大廚特意走來為我們推介以下兩款美食!池魚刺身係我第一次試,入口帶甜,又鮮味,係必食之選!芝士焗烤磨菇,正!!!!呢款辣汁螺嘅辣汁最為野味!朋友再點上刺身,海胆亦係我愛吃之選!今餐既豐富又滿足!加上食物新鮮,下次同朋友飯聚,必定再黎!

有次上去衣間新開張的餐廳，大廚走過來問有冇興趣食龍蝦頭，初初諗得過頭有咩好食，但見佢咁有心走過來推介，即管試下啦！！！上菜既時候賣相已經好吸引（可惜掛住食冇影低），蝦頭好多糕，味道一流！！！芝士味唔會濃到遮蓋左龍蝦的鮮味，本身個蝦頭好大，但係我同我朋友食完之後。。哈哈。。好似連D榖都唔見左一半咁，另外刺身好新鮮，又大件，衣間餐廳食物的質數真係唔錯！！！！