裕滿人家 (已結業)

冬至返屯門做節食飯, 無錯, 又係裕滿人家, 唉... 今日冬至當然無佐果個好抵食既「求其一餐」, 我地叫佐個$288既翅, 西蘭花花枝片, 斑腩煲, 上湯龍蝦伊面, 賽螃蟹, 燒味拼盤. 個翅真係完全唔掂, 又淡又稀, 好似飲水咁. 西蘭花花枝片又係好淡, 又無鑊氣, 唔好食. 斑腩煲都還可以. 賽螃蟹普普通通. 個燒味拼盤D鴨鬼死咁肥, 果層脂肪仲厚身過D肉, 最離譜既係佢將D頭頭尾尾, 無肉既骨墊係底, 表面上睇好似好大碟咁, 但其實根本係無咩肉食, 離晒譜.最離譜既係明明叫佐個上湯龍蝦伊面, 鬼咁耐都未黎, 催單先發覺佢地原來漏佐單, 之後上既又上錯, 黎佐個芝士龍蝦伊面, 我地唔想要芝士, D阿姐仲要話「芝士咪仲好食~」, 今時今日咁既服務態度?? 我地咪索性唔要叫佢cut單囉, 阿姐當然面口都變埋, 後尾我地連糖水都唔敢要, 費事佢加料報仇, 不過其實都唔知當晚有無糖水送, 因為我地話埋單佢地都無話送糖水. 總之呢餐完全係不知所謂啦~

12/22 去做冬.......冇邊爐打之餘, 叫左條大魚, 但超超鞋..........蒸耐左.....平日食飯有孖寶餐, 今日冇.....5個人食左$650...平日食$500 only.....

星期日因為民民生日, 所以夜晚一齊食飯. (但點解生日正日唔同女朋友出去玩下慶祝下既?) 又係裕滿人家... 唔好啦... 我地又係叫佐求其一餐, 有六個餸, 有蠔仔砵, 韮菜炒蜆肉, 咕嚕肉, 鎮江排骨, 魚香茄子煲, (仲有個餸唔記得lu) 另外仲叫多個香煎銀鱈魚, 瑤柱肉環甫, 同一個響螺湯.其實D餸菜係幾好食, 不過即使幾好食都好, 我都唔會亦唔鍾意去黎去去都係同一間食肆, 試下新野好唔好呀...?

上星期六晚去屯門食晚飯, 咁d朋友話去裕滿人家食, 反正未去過, 去試下又無訪.去到, 第一個感覺地方好細, 座位擺設好迫(真係好似要背對背咁). 咁我5個人叫左5個小菜, 係點菜期間個位待應小姐不斷介紹一些如蒸昇班, 龍蝦之類的小菜. 我地又唔係諗住豪食, 所以話唔洗. 誰不知佢就話:....真係比佢激死...大姐我地想叫幾多你都要管??? 最尾我地都係食左5個小菜加糖水(西米露涼粉, 不過真係太甜).食物味道都ok, 價錢就略高.

上星期三返屯門食飯, 但係伯母無煮飯, 於是出街食. 由於美心約滿執佐, 所以得番樓下既裕滿人家可以揀. 我本來唔想去呢間, 因為之前去過飲茶, 超唔掂, D枱擺到密質質, 座位窄, 又污糟, 試過杯底仲可以黐住舊鳳爪骨, 恐怖到你唔信, 嗱渣到暈. 但係無得選擇, 所以最後都去佐食飯.我地叫佐個求其一餐, 可以揀六款餸, $198. 雖然我地三個人去食, 但因為預埋第二日lunch帶飯, 所以三個人仍然叫六個餸, 我地叫佐:咕嚕肉--OK豆腐斑腩--幾好焗蠔砵--好食喎九菜菜甫蜆肉炒蛋--好食, D蜆肉好大隻鎮江排骨--味道OK, 不過每一粒排骨好似骰仔咁細...芝士焗四蔬--好味酒樓仲送佐碟燒肉, 但奇怪在有D皮好脆, 有D好淋. 呢餐飯其實幾好食, 樣樣餸都幾得, 晚飯都食得過. (但如果去飲茶我仍然有保留)

我尋日先去完食晚飯, 食物無論款式同素質都好一般. 不過d待應真係一味叫我地將d平價小菜改為其他貴價小菜(真係以為買電器才會出現如此下等推銷手法). 我地沒有改佢提議的小菜, 她便瞼黑黑地比說話我地聽:. ....咁架服務態度都有??? 如果唔係同女朋友佢地一家一齊真係同佢吵大去. 不過我都問返佢佢地食物素質比一般茶餐廳差, 但價錢比美心更貴!!!!!!茶$8一位, 花生$10, 埋單時我一毛貼士都無比.

第一次係早2個星期前的星期六去, 食物同價錢都算ok.第2次係10月7日(舊歷8月16日)星期六再去, 排左好耐隊, 有位坐下時先發覺平日$299的套餐加多左1,2個小菜就改成$699, 茶芥8蛟位, 小菜最平55蛟碟起.咁我成家人選左5個小菜後,想再叫多一個小菜, 咁本來想叫黃金基團蝦, 果女待應話介紹我地食鼓油王乾燒中蝦, 我同個女待應講我地要落黃金基團蝦, 果女待應係都唔肯落, 又話鼓油王乾燒中蝦好好食又大隻. 當時我屋企人問佢一碟有幾多隻, 佢話一定8隻以上又話基團蝦唔好食. 我媽媽就話算但啦, 果女待應先肯落單. (當時我已經一肚氣). 誰不知碟鼓油王乾燒中蝦一到, 我以後叫錯鼓油王乾基團蝦.... 同屋企人做節, 我唔想大家掃興, 所以我決定今日先投訴佢地巧奪名目, 雖然明知已太遲同無咩用, 但希望提醒各位唔好再比佢地呃.老實, 以佢地的價錢可以去一些更高級的地方.

爸媽加埋我3個失業人士飲早茶, 去左呢度, 上次來食九點後$28火鍋都唔錯, 真係平靚正個隻啦~~今次早茶叫下佢d特價點心, 煎腸粉的蝦米好少,腸粉都算完整,不過煎得唔夠脆. 雞扎個樣都唔錯, 好大札, 入面個舊芋頭好粉好入味, 雞就比較細舊, 豬肚好入味, 正~~豆沙角個豆沙比較鞋同埋隔油隔得唔夠, 菜肉飽都ok, 但係肉多菜少, 點解呢??牛肉就好腍同好滑, bb食過翻尋味, 唔錯唔錯, 鯪魚球個樣麻麻, 但食落都彈牙, 如果胡椒粉少d重好~~service ok, 嘈左少少, 但最好就係枱面有免費tissue比你用, good!!

同之前既同事飲茶, 四個人叫左:1. 叉燒飯& 燒肉飯- 叉燒唔夠肥嫩2. 咸水角- 幾油3. 金銀蛋菜- ok, 菜無渣, 湯底普通4. 炸九肛肚魚- 意外地好食, 炸得乾身唔油5. 雪菜肉絲炆米- 味道唔錯wor, 入味又有色仲有其他點心, overall都算ok a.多謝同事請我食~~

一行7人去dinner, 叫o左8 個菜, 上菜唔駛10 min! 超得!! 因我最憎要等!d 菜基本上味道係好正常~ 唔係好好, 又唔會難食~ 不過就唔會好咸, 都唔錯la!不過d '老'水一d 都唔入味, 可不叫!飯後送柑一人一個total 食o左9百幾~都ok 乾淨, 不過d staff 勁o係washroom 煲煙, 好臭!

我係E頭返工嫁~所以...都會有時黎E度飲茶或者叫外賣點心...D點心都幾好味嫁~尋晚~係我第一次黎食晚飯~真係好平呀~$198可以有6款餸、散叫就$38...仲有一種是$68..可以叫海鮮及燒味併盤..我們一行十一人叫左十個餸~不過...都唔太記得叫左D咩~但每一個餸都幾大碟的同埋幾好味的...我本人的心水推介係︰乳豬併海"節"、瑶柱炒豆苗、啫啫雞煲、蠔仔煎蛋食完之後~仲有一碗好大碗的糖水送~係西米露~本人唔太喜歡食西米露的,所以...無咩期望！~D西米露內有西瓜、涼炒同埋椰果..第一啖入口..真係想食多一碗~因為真係好好味！可惜~每人也只係可以分得一碗的！今次E一餐~大家都讚不絕口！但世世往往係美中不足的,,,有好的食物但沒有好的服務態度~因為我們係坐房~所以,,,成日呼天不應的！不只呼天不應~而且,,,個部長都有D口黑平黑,,可能因為出面實在太多人打邊爐~而且..人手不足掛！但E個部長最奇怪的是當我們埋單時~佢渣實張單唔想俾我們CHECK單咁~想我們快D埋單咁！當我們終於係佢手上攞到張單時~佢即時又口黑面黑~真係唔掂！今次總數...係557.-平均都係每人$51,都算抵食！P.S

星期日八點入座, 竟然唔駛等位.炸魚皮浸一浸湯就好似塊布咁, 唔知做乜事. 蝦任叫就真係最抵, 活生生的. 湯底好普通,而野飲唔係任飲, 同元朗人家有分別, 但係都好平, 藍冰十蚊三枝, 西瓜汁$8 渣.

是日放假, 同阿媽走黎飲茶都係叫D 普通點心啦, 我就覺得OK; 但阿媽就話麻麻, 蝦餃冇蝦味, 其他點心都唔係咁好喎~~同埋話卡位黑麻麻, 仲好屏風間開, 好似坐監咁~ XDDD

最近每星期六中午放工,也會和家人來這裡吃飯.每次我也只是叫一碟叉燒飯,因這裡的叉燒唔錯.不會太肥又不會太廋,剛剛好.家人會叫它們的套餐$58,三個點心加一個小菜或飯,再叫多一個沙窩雲吞雞.大約二佰元六個人,很平又唔錯.食得過.而過了一佰元,有一小時免費拍車;二佰元,有二小時.中午12 時已很多人排隊,最好11時半之前到.食物只是一般的好,不過不失;但論價錢和食物ok,也可一試.

$198六個小菜係真架, 同埋佢碟頭依舊一樣大, 幾抵食, 我食過幾次, 1.蠔仔煎蛋: 好味道, 唔油, 蠔仔多又大隻, 味精多了點2.荔芋臘味煲: 荔芋唔夠粉, 但味唔錯3.芝士焗生蠔: 好好味, 芝士味濃, 蠔大隻, 推介4.什菜煲:不過不失，一般水準5.咕嚕骨: 好味, 夠火喉, 炸完都唔算太油6.召鹽排骨:好香口, 正啊!!甜品係送一個什果涼粉, 好大盤, 又多生果, 係好抵食, 個盤野少極都值$20