裕滿人家 (已結業)

原來整個12月也沒有在這裡飲茶。今日吃了咖哩牛孖筋(味道好，不過半數牛筋很硬，其餘也得半林)；芥蘭(莖部有un有嫩，不過菜葉配蒜蓉豉油就好得)；粉絲海鮮扎(有蟹柳﹑蝦肉﹑冬菇，汁幾油但粉絲乾)

今日老闆做完interview都已經中午12點半了，佢就話請我地食飯O.O~~~~雖然有餐晏仔食，亦雖然呢幾個月大家老友左咁，不過食飯呢家0野太耐無一齊過喇所以都有d怯怯囉。我去開位先，所以所有0野都係由我負責點。”蝦餃”同”燒賣”就走唔甩喇，蝦餃抵佢賣$18咁貴，好好食0架；新點心”百花蝦餃蒸魚肚”都好食啵；”白烚有機菜心”，至在有條菜食下，不過今次得普通豉油冇蒜蓉豉油啊；”叉燒包”一樣咁正；”炸魷魚鬚”﹑”拍青瓜拚海哲”，貴價小食呀，有人請我先會叫(哈哈)；臨尾唔夠喉就叫多個”鴛鴦炒飯”囉，不錯丫，但大家都好飽喇最後食剩半碟呢。除左炸魷魚鬚d炸漿唔得﹑好油；青瓜只是一條切開兩邊，又凍又難咬，而且味道唔知點解係微辣之外，其他0野都好有水準﹗多謝老闆的一餐喇~

餓得要命，坐下後就瘋狂咁點了四樣點心﹗芥蘭油菜：菜新鮮，但稍嫌莖不夠之前吃過的咁嫩。叉燒包：包鬆軟；叉燒份量又恰到好處，連吃三個也不覺膩。蒸鳳爪：墊底的是南瓜件，蒸到好林但又不會散哂，點豉汁吃一絕；鳳爪依舊入味﹑好啜。鮮蝦豆苗餃：依舊勁多豆苗，正正；皮就比較薄弱，一夾下皮就散開。離奇今日要搭檯食飯，而且比平時旺場呢﹗食到捧住肚走都係六十幾，抵食到丫...

今日和朋友一起飲茶。芝士焗海皇烏冬＄４５：芝士份量很足，令到每條烏冬也被芝士包著；材料有雪藏大蝦﹑雪藏帶子﹑蟹柳﹑魷魚，味道過得去，每樣幾舊夾夾埋埋已很夠。兩人食各分到３碗，食後也不會覺很膩，吃到最後芝士也不會因放得太耐而變硬呢！白灼芥蘭＄１４：莖部爽脆無渣，配埋那碗蒜蓉豉油更好食＾＾海鮮扎：一大片邵菜包著半大粒冬菇（掩到入哂味）﹑蟹柳﹑魚肚（林林的更利於索湯汁）及蝦膠，材料估不到的豐富，湯汁又不油。好食呀。羅漢齋粉包：粉皮較爛；齋菜間夾雜結了的透明狀獻汁，口感不太好的說。

１點鐘，落到大街，很冷啊！風繼續吹，突然很想食飯＋咖哩。又怕美心難找位﹑太興又沒有咖哩飯，於是改變食程，去裕滿食個海哲燒肉飯＄１６～幾粒燒肉﹑一ｐａｔ海哲﹑一條菜心﹑半碗飯，份量比預期少，算吧人家只收＄１６。飯本身已加了些豉油增味，飯比較林，撈起吃吃到很有食屋企煮的米飯味道，不錯；本身喜歡食豉油撈飯，手多多再加油菜配來的蒜蓉甜豉油，估不到味道更佳（哈）。海哲不錯，撈飯食又是另一番風味。本身食所有燒味也不吃皮，燒肉當然不例外，但因燒肉比較細粒，吃到最後一粒’不小心’吃到皮．．．噢～＊０＊脆卜卜的，又唔肥，塊皮好好食呀！（可恨之前的皮已掉在檯去了，拾不了Ｏ＿Ｑ）白灼有機芥蘭＄１４：菜莖又大又嫩，冇渣豆苗蝦餃（大點）：新出的點心。皮黏左ｄ，蝦得半粒，不過豆苗就勁多（正）點心紙加了不少款式，非常的好，不用食來食去都是那些嘛～很巧合服務本檯也是這位落力男侍應，唔畀５分服務又點得呢？呵～

行到累累地o係裕滿人家落腳食個午飯叫左腸粉、馬蹄糕同牛肉先講個腸粉冇味多油不在話下仲離譜係一pea野..軟懶懶!完全冇咬口!好唔掂!仲要收$13一碟!馬蹄糕一樣!d馬蹄又大粒又少!成舊糕淡必必!!好唔掂!!第一次黎食lunch~同時都係最後一次!唔會有下次!!!

剛剛坐下，煩惱食什麼點心之際，朋友就打電話來說人在附近也來一起午餐。我沒什麼所謂，反正多一個人可以叫多點東西吃(哈)灼菜心$14：胃口有點膩所以食碟菜清清佢炸雲吞$12：最鐘意裕滿d炸雲吞，好好食0架，裡面成隻蝦，朋友第一次食都讚。(下午茶賣$9-)燒賣$19：大大粒，唔錯啵蝦腸$19：皮好滑，每條有2大隻蝦又包住我愛的韭王，正蘿蔔炆牛肚$20：蘿蔔林，入味；牛肚都林~好味今日d侍應都服務一流，唔通坐近收銀會好d0既?哈哈Ps:佢地唔做”2人同行-1蚊籠蝦餃”promo了(改了$28半邊沙薑雞!)，難得今日有人陪我飲茶…

一坐底，來執檯的是上一次好好服務的男侍應~~~O.O 一路執檯他仲主動和我閒話幾句添。我的心1516，好想問佢拎名(要點名讚賞他)，但又唔敢…執完之後我都唔敢問….咁唯有叫0野食了:b其中一張餐單轉了，竟然有我至愛生炒糯米飯$15~~~~立即剔返碗，好好服務男侍應負責收我呢張單，我先問佢有冇，佢好sure話有…點知5分鐘之後另一位女服務員話冇….(冇得食)T_T不過我預左0架喇…嗚嗚…咁叫多d點心補數喇蝦餃：$19，大大粒﹑每粒入面勁多蝦，正正﹗同美心大酒樓的出品有得fright(ps:兩位以上0黎飲茶，1籠都係1蚊咋，可惜我一個人享受唔到呢個超級優惠)煎蘿蔔糕：飽肚用。味道不錯，質地林pa pa，我鐘意食林pa pa的蘿蔔糕，所以覺得無問題，好好食^^蒸鳳爪：鳳爪好入味，不過一個人食力有限(特別係鯨吞4大粒蝦餃後…)，食剩3隻爪~~~由於成程都見唔到佢，本來諗住下次先算。到最後埋埋單，佢再度黎執檯worO.O…佢亦都係和我傾下計，我見機會0黎喇~~~立即讚賞佢我：我真係要讚你呀，我0黎左咁多次飲茶，都冇一個好似你咁好服務0架﹗佢：(好客氣)啊，呢d係我應份做0既~我：我想知你叫咩0野

上星期三才來過，今日心血來潮又來這裡飲茶紫菜百花什麼卷（炸物）：上次已經想試，今日咪叫０黎食下囉～外型成舊粉團，第一啖咬幾咬覺得好苦（狂碟淅醋都蓋唔到ｄ苦味），裡面ｄ餡除左一條硬骨骨的芋頭之外，其他０個ｄ完全食唔到／睇唔到係乜．．．一碟３舊硬食１．５舊就放棄。時菜鯪魚球：除左蒸法同鮮竹牛肉一樣之外（碟底放腐皮），連味道都一樣，哈哈．叉燒包：好味，包鬆軟，叉燒＆汁都好多～＊＊＊＊＊＊＊＊＊＊＊＊＊＊＊＊＊＊＊＊＊＊＊呢度要讚賞一下屯門裕滿人家有史以０黎一位好好服務的人兄！收碟見我食剩０個１．５舊炸物．．他：唔要？我：（照直講）他：立即話入去廚房同大廚講聲＆介意畀廚師試味嗎？我：ｏｋ（心諗以為得講字吧？）無耐就出０黎報告！他：苦的來源係魷魚，好似椒鹽魷魚０個ｄ，呢樣食物要用大量淅醋來蓋過ｄ苦味我：（椒鹽魷魚比呢舊野好味得多吧＝＝’）我已經用了好多淅醋，但仍很苦他：唔．．．可能你唔習慣食苦０野呢（哈），我好鐘意呢味點心，可能同我鐘意食苦瓜有關喇～雖然，最後他幫唔到咩０野忙，而且ｄ答案怪怪的。不過因為佢肯用心幫客跟進，真係值得加許！因為其他服務員，連基本禮貌都沒有呢！

近來搬了去大興，所以有機會去這裡用餐，早上飲茶...晚上火鍋小菜我都已經試過，我實在讚不絕口(除了火鍋)。飲茶方面，大部我食過的點心都很好味，特別叉燒包是我推介的，因為細細個，皮又不是很厚，味道都很好又不會有好多肥的叉燒！蝦餃都錯，幾生鮮；叉燒蒸腸粉都很好..好滑；鳳爪和炸魷魚味道就反而一般，炸魷魚的粉太厚了，不好食。火鍋方面，牛肉實在太差了，咬不開，完全沒有食的興趣：蝦就很生鮮，正；雲吞水餃都很不錯；魚皮餃就完全難食；雞肉都不錯，很滑；湯底都ok。小菜方面，炸乳鴿炸得很香，不過可惜太鹹了；豆豉雞煲就很香，雞件都幾滑；沙爹肥牛金菇煲，都不錯，沙爹味不會太濃，肥牛都ok，不會咬不開(不像火鍋的牛肉)。整體上各方面都不錯，飲茶小菜都會再試，但火鍋就要考慮了，因為火鍋沒有牛肉....不如不吃吧！

呢間野同元朗人家同一集團因為元朗人家越黎越唔好食所以就轉黎呢度頭個兩三次黎d食物都好新鮮好好味去多幾次就越黎越唔掂d 肥牛好似染過色咁顏色係好假既粉紅色貢丸又叔既...同元朗人家一樣越做越差唔會再幫襯lu ...

我吃過一次晚飯, 味道和選擇一般的酒樓.

難得星期六可以同朋友仔一齊放假約埋家人一齊飲茶就佢地關係入番屯門食本來想去麗都總廚但多人到死老豆又話呢度ok就坐低叫左皮蛋瘦肉粥(湯底綿但料少),牛肉(粉左d喼汁又少),蝦餃(皮唔算薄幸好蝦ok),蝦腸(粉皮厚蝦又霉,仲差過叮叮點心),南乳豬手(朋友仔話有d淋有d仲好硬),雞扎(偏油但算ok),羅漢齋粉包(清清地可以),鴛鴦水晶包(皮唔夠煙韌幸好餡味道唔太甜ok),馬拉糕(夠鬆軟算係最好)同叉燒包(包身軟但汁多料少)服務還可以不過無下次

未見過D侍應有咁差o既服務!!!當晚我o地成班學生去打邊爐,,我o地寫完紙比個侍應,,都係順口一句,,而且有禮貌咁講:『唔該快馬,,』咁樣,,個女侍應竟然同我o地講:『你以為你o地係邊個丫??特首黎到都要等啦!!』嘩!!你唔係丫嘛,,身為一個普通侍應講埋D咁o既野??之後叫佢加水同拎野飲,,佢竟然擺出一副唔耐煩o既樣,,最過份o既係,,佢竟然對住我o地講粗口!!!!呢兩個字我本來覺得冇問題,,但出於呢位侍應o既口中就好有問題囉!!我本來想投訴佢,,但由於其他朋友話費事煩,,結果最後就放佢一馬!!至於D墨魚丸同魚蛋有陣『叔』味!!!認真過份!!P.S 我話個女侍應睇唔到我o地D學生係因為佢對住另一枱客人(大人),,態度完全唔同,,有冇搞錯!!我o地依家又唔係冇錢比!!正一狗眼看人低!!以後都唔會再去幫襯!!!

一行六人在特價下午茶時段到來，很多人，要等好一陣子才有位。點了十樣野，分別係雞扎、龍抄手、羅漢齋腸、水晶包、香蕉豆沙球、皮蛋瘦肉粥、竹筒飯和茶樹菇叉燒炒河，有兩味唔記得係咩。總體來講只是一般，如龍抄手唔夠油，不正宗；香蕉豆沙球也欠香蕉味；雞扎好"散"。唯獨是腸粉清清地我覺得唔錯。不過認真平，埋單$180有找，平均每人三十蚊唔使，咁仲可以苛求d咩。