裕滿人家 (已結業)

老爸喜愛中茶，平時蒲開市中心嗰邊，一家四口跟嬸嬸有事在附近處理完畢，是但揾間唔使等位嘅中入去啦，燒腩仔塊脆皮有少少靱，肉又鹹炸韮菜餃，外皮炸得脆口，韮菜香，肉餡淡，不過整體味道係唔錯嘅。香煎薄撐，有蔥自然香，煎得都夠薄，唔會成口粉皮感覺。甜豆藕片淮山純粹有碟植物點綴，可惜准山只得兩小塊，味道不過不失春風得意腸嘅春卷唔夠脆囉。出水芙蓉帶子飯，帶子近乎失蹤，豆腐就多，湯飯似的，夏天食就適合不過啦味道恰當，只係料有點揾笨。話梅豬軟骨，色水就有喇，但味道唔驚喜，食唔出話梅的酸甜味。最後要份甜薄撐，不外乎椰絲芝麻砂糖餡，包得唔實一夾即散，以上餡料大家都估到咩味道啦⋯⋯…查看更多

復活節假期少不了跟家人茶聚這環節。 卓爾居多開了間新酒樓, 飲茶多個選擇, 原本都想嚐新, 可惜人太多, 人人都愛試新, 令輪侯號碼越取越多, 早茶分分鐘會變下午茶, 唯有乖乖就範, 走到地面一層, 以前常光顧那間 - 裕滿人家。多年前與家人常光顧, 但點心味道每況愈下, 鹽分都過多, 早就離它而去, 去到同場另一間, 這趟回來確實有猶豫, 就當給它多次機會吧!酒樓另一邊的燒味部, 設有外賣服務, 頗受街坊歡迎。人人都湧到新酒樓, 造就這間不算多人, 也樂得坐得舒服, 點了的點心亦很快上檯。點心即叫即蒸, 送上時仍然很燙手。奶黃流沙包 - 中點剝開麵團, 奶黃餡料流湧而出, 做到真流沙, 不錯。 奶黃味香濃稠身, 滋味不甜膩, 雖然奶味偏重了一點, 整體是不錯!千層馬拉糕 - 中點金黃色的馬拉糕鬆軟和彈性度不錯, 帶有微微的蛋香味, 表面的濕潤度都頗高, 有點影響柔軟口感。 加入了吉士醬, 形成五層分明, 賣相不錯, 甜度適中。香茜叉燒腸 - 大點腸粉皮算得上薄滑, 雖則不是明顯的彈牙, 裡頭的叉燒餡料份量很多, 隔著腸粉皮都隱約見到, 叉燒鹹甜適中, 除了芫荽, 還加了脆肉瓜, 增加健康感。裕滿蝦餃皇 - 特點蝦餃皮薄, 透視到內裡滿滿的蝦餡。 可能亦因為太薄, 一兩隻蝦餃皮爆開了, 露了餡料出來。 外皮軟滑不太黏牙, 蝦肉爽口彈牙, 撇開餃皮爆開, 味道是不錯。荷香珍珠雞-大點荷葉底下包著的餡料不算飽滿。 糯米有點硬身, 帶少許荷葉味, 雞肉粒跟豬肉粒餡料不算多, 味道一般而已。 蟹籽燒賣皇 - 特點灑面的蟹籽份量不留手。 豬肉味香, 肉質有彈性, 加上肥肉不多亦很香口, 不錯。時菜鯪魚球 - 中點鯪魚球彈牙, 沒有如傳統的加上髮菜, 取之代之用了蔥花, 灑上胡椒粉, 淋上豉油, 不錯。藥膳浸雞腳 - 中點豉汁蒸鳳爪, 鮑汁蒸鳳爪都是慣常食開的鳳爪款式, 藥膳雞腳還是較少於酒樓遇到。湯帶藥材味道, 還附上紅棗杞子等藥材, 味道也不錯, 差不多把湯喝光, 雞腳吸收了藥膳精華, 同樣不錯。家鄉咸水角 - 小點色水不太金黃, 外皮厚度中規中矩, 不過口感外脆內糯, 餡料的豬肉碎和沙葛, 鹹香可口。蒜蓉蒸鮮魷 - 大點魷魚大小切得算是平均, 一籠鮮魷份量都很多, 蒜蓉加上鮮魷沒有不好味的理由, 只是墊底的粉絲份量較少, 這才是吸收了鮮汁的精髓呢!鮮竹牛肉球 - 中點入口爽滑彈牙, 不過牛肉香味就較一般。 墊底的腐皮軟身得來有嚼口, 加上吸收了喼汁, 不錯。脆皮燒腩仔 $88燒腩仔皮頗脆口, 脂肪比例佔少數, 感覺上較健康, 豬肉味頗為香濃, 略嫌多鹽了一點。窩燒鮑魚雞粒炒飯 $88飯粒炒得頗乾身和均勻, 雞粒數量不是多, 但素鮑的踪影卻是難得一見。 加了美極來調味, 令味道彌補餡料的份量。雖然某些點心偏鹹一點。 整體食物質素比之前都有進步, 是因為有競爭而進步? 還是更換了師傅? 那就不得而知! 到最後受惠的是食客的味蕾!…查看更多

今天要去這個商場攞嘢, 所以就嚟左呢間酒樓飲茶, 已經好長一段時間沒有來了. 不用等位, 感覺裝修好像有點不一樣的. 好似靚左, 唔知係咪裝修過呢.叫左一些點心食, 炸兩腸粉, 腸粉上面係有好多蔥花的, 腸粉的皮都好薄身, 入面的油炸鬼唔算好脆, 味道還可以的, 加埋豉油一齊食, 好味道的, 但如果可以再熱D, 再脆口D仲正.仲有百花釀魚肚, 紫米糯米卷, 鮮蝦菜苗餃. 百花釀魚肚, 蝦膠好大件, 上面還有一些蟹子的, 好爽身又夠鮮甜, 好味, 下面的魚肚都好爽口, 都算好大塊及唔會好硬, 係好乾淨及冇雜質的, 吸晒蝦膠的汁, 一啖咬落去, 好多汁好好味又JUICY呀, 仲有鮮蝦菜苗餃都大大粒, 有三粒的, 餃出面層皮都夠晒薄身, 可以睇到入面的材料, 好似透明咁, 入面有咩, 咪有豆苗, 仲有鮮蝦, 菜苗好鮮甜, 好多汁, 鮮蝦啖啖都係, 好爽口, 又彈牙, 好正, 又好足料的, 紫米糯米卷, 有三件的, 賣相精緻, 紫米的顏色好深色, 好紫的呀, 出面的皮好白, 同埋好薄, 入面的紫米好多, 有些花生, 蝦米, 好香的, 唔會好甜的, 好味.這間酒樓食物水準進步了, 我記得之前來的時候, 有一段時間係好難食的. 今天改觀了.…查看更多

D野難食，仲差過大排檔！:(所以唔會再去！腸粉、蝦餃D皮差！燒肉D皮好硬，咬唔到！咁的質素，我覺得好很貴囉！未試過D咁野！未試過出post出到咁火！總之食物質素差到不堪！…查看更多

我周不時都幫襯這間裕滿人家的早茶和午茶:)，反而下午茶則甚少，可能以前試過一次，價錢並不是話太抵太吸引啦。近日行過酒樓門口，見放了幾個宣傳版，其中一個是下午茶套餐，記得多年前裕滿都有做過此推廣，不過好快就取消了。今次我不想錯過機會，所以連續兩天都來吃套餐，只因是太抵食呀。六款湯粉麵選一：茶香豬軟骨通粉﹑蕃茄濃湯肥牛米線﹑鮑汁雞腳撈粗麵﹑裕滿一品西式炒飯﹑銀芽乾炒三絲瀨，還有一款湯麵我忘記是什麼~平時在茶餐廳多數吃湯粉類，因為炒粉麵飯較貴所以較少食囉，今次就可以吃炒野啦，裕滿一品西式炒飯，見廚房一出就出十幾碟炒飯，大鑊飯對我來說都無乜所謂，最緊要好吃，撞正剛炒起出來，飯的熱度很是足夠。份量大到不得了(事先問侍應，她說不太大碟...)，配料有蕃茄粒﹑三色豆﹑腸仔粒和少少蝦肉粒，飯底炒得很乾身，米飯更是粒粒分明，茄汁量也下夠，加上蕃茄的帶動下，令飯底帶出絲絲的酸甜味，很是不錯啊。最厲害的是，碟底是一點油也沒有剩下來的呢。銀芽乾炒三絲瀨也是勁大碟，可能晏了過來食飯，此瀨的溫度只得微暖而已。配料不少，有叉燒絲﹑火腿絲﹑紅蘿蔔絲﹑蛋絲﹑韭菜及芽菜，算是好豐富了。豉油量落得剛剛好，條條瀨粉都上到色之餘，也不會過咸。以為食炒粉最後實會見到油份同我say hi啦，怎料此碟和炒飯一樣，一滴餘油也沒有哦，算係可以"安心"一點啦。指定點心款選一：有蒸粉果﹑叉燒腸粉﹑生煎菜肉包﹑齋腸粉等等。雞絲蒸粉卷，跟正價點心一樣每籠有三條:)，軟滑的腸粉皮包了大大條雞肉，雞卷內除了有雞肉﹑更有豬肉﹑椰菜絲﹑紅蘿蔔絲，相當豐富的，配以甜豉油，好吃﹗由於飯吃得太飽，最後要吃剩不少雞卷呢...香煎鯪魚肉餅雖有三塊，不過只是薄薄的所以也可以食得哂。我喜歡魚餅內夾不少有蓮藕粒，加了口感也帶出些清甜味，是不錯的配合。三款糖水選一：陳皮紅豆沙﹑香草綠豆沙和椰汁西米露。紅豆沙有著滿滿的紅豆，更帶起沙，少少甜，飲後好滋潤。而西米露充滿椰香，西米軟淋，連芋頭都粉雷雷，很好吃﹗收費：平日$33，價日$36，餐價已包加一，不過茶錢連茶錢加一是額外付，為起都是$40咋。食完勁滿足，又可以飽足半日。…查看更多

我們家常常來兒吃晚飯，因它價廉物美。如果一家人，我們會點套餐，因為套餐有湯又有魚，很划算，但昨晚只有我跟父親，所以打算散點。1、雜菌炒翠肉瓜，很有鍋氣，用料很新鮮，不過偏油，但上飯館，已經有心理準備2、烤羊架，不騷味道很好，肥瘦適中，外脆內嫩，還有少許肉汁，讓我想起了多年前在內蒙吃過的烤全羊，所以會再去吃這道菜只有兩個菜，配上香噴噴的缽仔蒸飯剛剛夠飽，他們的米飯用料也不馬虎，吃得出是中上等級的絲苗香米，跟普通的餐館不一樣。家父對食米要求甚高，他對這家的蒸飯特別欣賞。飯後的免費甜點是雜果西米露，也算有誠意了。所以每次吃完這家館子的晚飯，我都很滿足！…查看更多

二０一一年，又是新開始！晨早起身到公園練跑後，到附近的酒樓飲早茶。「裕滿」人家，來吃個意頭吧！　新一年，早茶點心紙也轉了優惠點心。上回的百花粟米球已經沒有了‥‥‥鮮蝦豆苗餃：今期新晉早茶優惠點心，一直對裕滿人家的餃都沒有期望，所以就算皮厚不晶瑩，也不會感到驚訝。如我所料，果然皮厚！勝在內裡的餡料夠飽滿，豆苗夠多，也夠入味。蝦仁也有幾粒‥‥‥香芋糯米卷，以下圖片不加任何修整：賣相極度驚嚇！芋皮既濕透又裂開又皺皮，嘩！雖然味道不錯，但只是加了味精吧！糯米就只有糯米，任何配料也沒有。奉勸一句：請好好注意賣相！！　雖然只是＄９的廉價點心，但起碼也弄得像樣點吧！！金蒜蒸鮮魷，「金蒜」即蒜蓉，鮮魷數量（如圖），少得可憐，美心皇宮比這兒好多了。大點價錢（＄２２），不值！用大量粉絲「墊底」，可惜粉絲卻被汁漿成一團，又是「亂黎」之作。:(元旦日，早食就此吃畢，等待下一餐的來臨！…查看更多

10月1日姑姐約左我及媽咪嚟左呢度飲下午茶,下午茶都唔使等位啊,都唔full.我地未夠兩點半就嚟左,姑姐話上次嚟食有些好抵食既嘢,但係又係搵唔到,呢度d點心下午茶都抵食既,但其實有些要18元一樣架,都幾唔抵,例如油菜,咸菜豬肚等.等到差唔多兩點半仕應先俾果張姑姐話抵既點心,但其實好多都係要18元一樣,唔抵囉,我地叫下叫下都叫左幾多嘢喎.叉燒腸粉,一般啦,都多叉燒的,腸粉都滑的煎蓮藕餅,這個都好味,好多料,好有口感,煎得唔算太燶,好味魚腐米線,這個姑姐話好抵食,但我冇食,不過賣相都好的,足料呀,有好多翠玉瓜及魚腐鮑魚雞件粥,本來係叫豬肉丸粥的,但賣晒,原來有得隻拼的,所以叫左鮑魚配雞件,都幾足料呀,好多鮑魚片,雞件都多,好味呀,係煲仔粥,都幾大碗呀.生菜-一般啦,但18元貴左d囉咸菜豬肚,這個都好味,好多豬肚及咸菜都多,好味呀,不過個湯底唔夠胡椒味雞全亦,一隻紅雞亦,一隻啡雞亦,都好香好多肉,好味的蝦子柚皮,我唔鍾意食,完全冇味的,蝦子唔夠均勻,只有蝦子那部份就好咸,如果入味d會好味d呀炸鯪魚球,這個要25元架,唔怪得有咁多粒啦,個蜆介醬冇蠔仔架,只得咸菜.這裏食物一般,價錢唔算平,夏天還好熱唔夠冷氣架,最大問題係仕應的對答及服務都好麻麻....所以下午茶唔算旺場呀.…查看更多

今天整天逗留在屯門，因為是日和家人吃飯預祝母親節，一早進去當然要去喝個下午茶啦，親戚便提議來這間裕滿人家，食物選擇雖較少，但就可以坐得舒服點。來到兩點剛剛好下午茶時間，也有很多街坊在飲茶，但就不用就排隊即刻有位。大家也肚子餓當然要立即叫點東西吃啦，首先叫了我最愛的流沙包，這裡的流沙包相當不錯，餡夠流心，一咬落去D餡即刻流哂出黎。奶皇餡夠香，幾甜下，間中亦食到一粒粒蛋黃。雖然好食，不過如果睇真DD都會發現幾多油下。麵包皮夠軟身，不過都係厚左少少。另外叫左個薄撐，其實我一向唔係好食呢樣野，是日食左一塊。嗯... 其實都係無咩特別，佢煎得幾薄身，咬下去淋淋的，吃到點點蔥香，但味道還是偏淡。還有一個香煎南瓜餅，南瓜餅呢個食物我曾經係廣州食過係超好食，所以自始有時見到都會叫下黎食，但叫親都無一次係好食的 =o=。今次亦不例外，又係好鬼多油，煎得好淋身，最大問題係我一d都食唔到南瓜味，連個樣都唔多似。食落係紅豆沙餡，好甜，佢係比較流質又係一咬就流哂出黎，感覺麻麻。叫了一個咸菜豬肚，這個起初吃覺得還不錯，因為夠濃味，但慢慢吃就會覺得偏鹹呢。但這個其實也是不錯的，最起碼料夠足，不會大多咸菜卻沒什麼豬肚。豬肚夠爽口，有口感，索左D胡椒湯既味道，算係比較好食既一味。蒜蓉鮮魷亦係不過不失之作，好重蒜蓉味所以其實唔係好食到鮮魷既鮮味，不過D鮮魷好在一D都唔靱，唔會食得好辛苦。大家都肚餓所以決定要個炒飯食，叫左一個叉燒菜粒炒飯，以佢$30既價錢黎講的確幾抵食，因為相當大碟，但味道就.... 雖然炒得乾爽，但D飯唔知點解好鬼硬，而且成碟炒飯感覺都好乾... D叉燒好似瘦肉咁，完全無汁無味，所以碟飯食落都係比較淡。出事既點心有一客，就係呢個蝦籽柚皮，其實本身都唔抱有咩期望，但有人提議試下咁都無咩所謂。屋企人一食就話佢有D怪味好似變左咁，我夾起一舊聞一聞，已經聞到少少腥味，再咬一細口，嘩!!! 勁難食，係有D好腥好臭既味道，唔知佢係變左定係點，總之係無可能放入口的。最後當然叫個部長黎要求取消，個部長仲要話D蝦籽味係咁，我心諗係都係你地用D太差既來貨吧？有咩可能腥到咁既地步？點食入口呀？好彩佢都肯取消返。總括食物係非常之普通，要用好食呢個字係無可能，但又未於難食既。叫做有個地方可以舒舒服服飲下茶... 除此之外都無咩可取既地方。…查看更多

今日慶祝生日，找了幾間有半席的酒樓酒家後，決定選位於屯門卓爾廣場的裕滿人家。我們五個大人一個小朋友，點了全包宴(半席)$680(包加一、茶芥及啤酒一支、汽水三支)我們六點半入席，當時不是太多人，我們一邊品嘗、一邊影相。由於不是太多客人，因此很快就上菜。食品：:(1.上海焗龍蝦球(伊麵底)：蝦球啖啖肉，口感不錯，但伊麵份量很少。2.富豪乳豬大拼盤：乳豬皮非常香脆，叉燒肥瘦適中，海哲很入味。3.帝皇龍冠金卷：即是海鮮卷，外皮很脆，內裡沙律醬，口感一流。4.西蘭花帶子花枝片：全晚份量最少的一碟菜，最令人失望是帶子只有四件，一人連一件也沒有，帶子很貴嗎？5.紅燒竹笙蟹肉翅：分量亦是一般，每人食了一碗多。翅很薄身，幸好味道還好，沒有食味精的感覺。6.清蒸沙巴大海斑：海班算鮮甜，但肉身未夠香滑彈口:)7.鮑汁花菰扣鵝掌：在鮑汁打芡下，花菰及鵝掌都很入味8.粵鄉生燒脆皮雞：雞皮很脆，雞肉口感一般，沒有怎麼鮮雞味9.皇宮炒飯：一般蛋及蝦的炒飯，沒有怎麼特色。10.喳咋：味道一般，不是太甜。11.西瓜：算甜，不過不是太凍，凍點可能更好食。總括而言，每碟菜的味道只是一般，加上每碟份量都不是太足夠，這一點要有待改善。…查看更多

十天年假轉眼完結,懶懶的還有點意猶未盡,趁著年假最後一天跟大人飲多個茶,不然又等到何時了。大人心思細密,發現酒樓桌子密度比以前高,利害!!入座已是下午3:15,眼看即拉腸粉供應至3:30,快快快......燒鵝瀨粉x 2來得最快,傳菜阿姐在盤中幾碗相同瀨粉中給了鵝背/鵝胸各一碗,跟我們愛吃的部份不謀而合,醒目!鵝肉還算厚肉質也不韌,不過味道偏淡,被湯浸後更形淡味;燒鵝皮本身已不夠脆,加上被湯浸了一會,沒有脆皮燒鵝啦!瀨粉用上幼身越南檬粉代替正統瀨粉,外觀是較精緻但失去神韻,還是那些粗粗的,一路夾一路跌的比較對題;酒樓用上淡味湯底,要是加點燒鵝汁應會更香更美味。吃著瀨粉時,所點的點心陸續上場:薄薄外皮的韮菜棵表面煎得脆身,外皮雖然稍厚仍不失QQ,油份稍為略多,一定要熱食!韮菜蝦肉餡韮菜味濃,切得幼細又不太老,加上蝦肉大隻爽口,頗香口的一道點心。餐牌寫道是用上有機蔬菜,上酒樓必點的油菜就選了芥蘭了,用上幼身翠綠的芥蘭, 吃來也有菜甜味,外表油潤非常!不過只配味道不太佳的鹹味豉油而非我喜的蠔油,稍為失色。為它而急急入單的香茜叉燒腸和牛肉腸各一, 傳菜阿姐說我們很幸運,最後兩碟腸粉就是我們的! 今次的腸粉柔軟但欠彈性,吃來仍算得幼滑!叉燒切得大片並非粒狀,因此不是整條腸粉也有叉燒了,香茜份量又是太少,香味不足未夠滿足;大人的牛肉腸今次也少了牛肉,也許拉到最後連餡料也不足吧。鮮蝦豆苗餃造型精緻像元寶,而且新春期間豆苗勁貴,這個點心似乎抵吃很多。晶瑩澄麵皮仍不夠Q,而且稍為軟身,放涼一會感覺較佳;豆苗幼嫩新鮮份量也不少,沒那麼膩口之餘又可以增加纖維;蝦仁仍舊大大一隻和爽口,不錯。點心紙裡竟發現懷舊點心豬肚燒賣,問大人要點嗎?大人不斷的點頭!兩片大豬肚不苦不韌也沒怪味,味道主要來自底層以豬肉+蝦肉和一些髮菜做成的肉餡,這兩粒肉團調味不錯,吃來有點彈牙而且有鮮美肉汁透出,蠻好味的! 要是改作豬膶應該更美味。另一款蟹籽燒賣跟豬肚燒賣有著相同豬肉+蝦肉餡,而且加上更多好意頭又有益的髮菜,比平時只有幾粒蟹籽的好看不少。芋粒臘味包外型活像糯米包,黃色燒賣皮薄薄包著切得細小的芋頭粒,芋粒很有芋香,質感爽口不夠粉糯,臘味有臘肉、臘腸和蝦米,增加香味及油潤感,這款點心有糯米包外型卻沒糯米包般飽肚。兩款叉燒包/雞包仔外皮雪白柔軟,薄薄的很香麵粉味略帶微甜,蠻好吃的;叉燒如腸粉般切得大片,有著甜美蠔油芡汁,算有蜜汁叉燒包感覺;雞包仔肉餡跟坊間的沒兩樣,總算有點點芫茜香但肉餡份量略少。蝦餃皇外皮十分透明,像透視裝般將微紅蝦肉餡展示出來,今次的蝦餃皮夠Q,帶點嚼勁比剛才兩款優勝,每隻蝦餃起碼有四隻蝦,壯觀!餡料還有少量筍粒但沒肥肉粒,吃來少了甘香只有蝦味。鯪魚球大大個魚球新鮮蒸起,不過這不是我的茶,看看好了。今次的點心每款都即叫即蒸,等候時間稍長但每款都新鮮非常,很對眼!很多點心都有用上大大隻蝦仁,一年伊始嘻哈大笑,真好! 今次服務絕無問題,皆因酒樓總店高層剛在鄰桌開業務會議,一眾侍應非常有禮,開茶時先後一輪新年祝福及貼心打點! 點心賣光會特來通知,雖然還是漏了一碟煎年糕!但當高層離去時,一切又回復原狀,不過也是我們結帳之時了。…查看更多

星期日又嚟呢度飲茶,其實我同屋企人個個星期日都會去飲茶,好多時都會嚟呢度飲,因貪呢度唔使等位,一嚟到就可以入去,但今次唔知點解突然勁多人等位,我地都要等左十數張先有位呀.又係坐係房入面,上次嚟坐房入面已亂到九彩,派錯晒d飛,重覆派飛,跟住又冇人執枱,得一個仕應做,仲要不停係度投訴,今次又係坐房,真係好鬼驚,四個人俾張八人枱我地,仲不停同出面講話我地唔肯坐八人枱,正常人都唔會四個人坐八人枱啦,跟住叫佢起板,又再問你地要起呀?完全唔知想點.食物方面:例牌次次叫雲菜火鴨絲湯米的,因為好大窩又抵食,今次想試下其它,叫左一個肉絲炒麵,價錢貴兩蚊,但份量明顯少過米鴨絲湯米,每人一碗就差唔多冇啦,不過都幾好味的.雞包仔-一般呀鳯爪-勁多獻汁,好結芋角-賣相都好靚,味道都好味,如果熱d仲好味豆苗餃-都好味的,好多豆苗及有些蝦煎芋頭糕-好耐都冇嚟,跟住問仕應,先知原來漏左單喳喳-好味呀,好多豆,唔算太甜其實呢度的食物都幾好食的,不過成日都好快就冇,好簡單的如飽類都會冇,我地都試過好多次好多野都話冇,服務其差,d人完全冇禮貌及成日發夢的.…查看更多

茶餐廳去太多，間中去一次兩次茶樓吃下午茶也是不錯的事，本來一個人去，坐下不過是叫"一壺普洱，伺應端多了一壺滾水俾我，我說收回滾水，不想放到整個桌子都是東西，卻被回應了一句"是但啦"我想說，如果倒轉身份，我上完菜，菜上面好大隻小強，我又說"是但啦"你甚麼感受?南瓜豆沙餅及韭菜果賣相其實不錯，但韭菜果可以煎得更香。喳喳嘛，記得有次來吃，不知是否差不多轉檔，喳喳的渣少得可憐......今次的渣就多得令人會心微笑了!紅豆、芋頭、馬豆、紅腰豆、西米、椰絲等等材料，吃上又不會太甜，口感十足。山竹牛肉，我吃完喳喳還未到，只好叫伺應姐姐催催點心師傅吧?吃上去熱是夠熱，不過略為感覺不到有牛肉味......如果隨便吃幾款點心，下午茶就沒所謂，因為其他時段的確較昂貴......…查看更多

星期天，與家人二人去喝早茶。等了一會即被安排入座。剛坐下，有位阿嬸就捧著點幾籠點心過來，硬要在我的身後行過，椅子被她的下圍一推撞，整個人被推前了一下！叫點心，要了三籠。蜂巢芋角，是中點。比美心的芋角大出差不多一倍，可惜，裡面的肥豬肉太多，而且一點也不蜂巢。ＸＸ鮮蝦豆苗餃，豆苗份量算是ＯＫ，鮮蝦實質是蝦毛，餃皮太厚。ＸＸ生菜魚滑粥，真的不知是爛飯還是粥。十分稠！！生菜居然可以用大蒜代替？！！？ＸＸ最差的是落單的時候，某位侍應居然視若無睹！！更加發現很多侍應用椅背套去「清潔」雙手，情況令人髮指！！！！！！！埋單要差不多７０元，下次真的免了。…查看更多

1/1/2010一行十一個人在在慈雲山裕滿人家食飯叫了八個小菜, 其中有個羊腩煲是用26”大瓦煲上,都是百零蚊,好底食又好味, 其他小菜又有份量, 埋單後又送COUPON(海班)留下次光臨時用; 心想, 返入屯門卓爾居食都可以; 那就爸選擇了今晚去食.我們三個人, 叫了一個羊腩煲跟生菜, 單價$108(標寫了特價小菜, 不得取走, 否則正價),免費十兩重海班一條, 馬拉盞炒芥蘭.$48, 好正常的家庭菜.當來羊腩煲時, 看見瓦煲都是16”, 我們已懷疑會不會攪錯, 但都沒理, 讓在爐上滾起開蓋後才算. 當開蓋後, 我就用公筷撈下撈下, 把支竹沉下, 數下有幾多舊羊肉…….勢利, 收我108元未計加一, (好彩之前在慈雲山食過, 知道特價羊腩是什麼一回事)否則真十下十下. 不是烚下烚下.得八舊可以用筷子夾起, 其中2舊豬頭骨 (用來煲湯用那款)是優之良品八仙果的盒(10元那款)一樣大. 2舊好大的皮, 相等於最大的擦子膠, 得四塊肉可以食, 三個人都分不到兩舊肉., 係人係鬼都叫待應問下是否尼個價錢賣尼個貨, 個待應看完後都不識答我問題, 叫個經理來答我, 他半咸淡的廣東話解釋:”沒錯, 係$108.” 那我問佢廚房都不是這樣的材料比客, 他說無問題, 佢地係原煲上, 不是用湯殼盛出來………..我聽完之後, 無名火開始來, 佢真當我羊牯, 未出過街食飯,未食過羊腩, 未入過廚房. 如果佢收我$78, 我沒說話好講, 可以接受, 覺得公平交易. 但$108這個價錢比2舊骨2舊皮材料, 真是不公平交易. 而佢還這樣回應我. 連我不出聲的爸都忍不住應佢一個 : “那就差點”, 個經理依然覺得無問題, 仍不肯換. 我好怒氣說: 無問題, 我會影底相罷上網, 讓大家評評理.” 他聽完之後之後說: 那同你取消佢.我更怒, 怒是個老闆請一個那樣的公關. 屯門區酒樓多的是, 靠口碑做生意不易, 加上地點不是市中心; 如果不是媽經常同同事係尼間裕滿人家晚飯, 覺得價錢及服務公道, 相信媽都不會介紹我入試菜. 個經理行開後, 我問媽有無見過尼個經理, 佢說無. 我想信都是’裕’的人事問題, 廚房做不好, 樓面高層又不肯面對問題, 態度又不變通, 今時今日的服務, 想信等執. 今天是星期二, 眼見得幾台客, 冷清清,又不是跑馬日, 廚房做出這樣的菜比客, 已經不在講, 還養這樣的經理. FINE, 屯門區裕滿人家想再做我生意, NO WAY, 至於我媽的聯誼飯局, 看她都會改地點.…查看更多