蟹仙海鮮蒸氣鍋 (龍崗道)

營業中

休息中

完全不值此價錢，呃錢1200兩位食完仲好肚餓海鮮少，唔新鮮環境差，完全比人劏成個餐十八樣餸，每樣比一件人地食成個食物成本計埋唔洗兩舊水，劏客當人傻仔去的話捉你妳運

近排同朋友去食海鮮蒸氣鍋，餐廳環境闊落，有多款新鮮海鮮，價錢親民，服務亦貼心尊貴海鮮套餐(每位$419)野生膏仔蟹爆膏又多汁嘅膏仔蟹，肉質結實彈牙台灣花尾龍躉片食落魚味濃郁，而且香滑爽口野生琵琶龍蝦平時少食琵琶龍蝦，食落味道更加鮮，而且肉質細嫩台灣九孔鮑魚鮑魚肉質厚身，食落有彈性加拿大野生大赤蝦蝦身大大隻，蝦頭有膏，味道鮮甜大西洋野生青口青口肥美厚肉，有嚼口紐西蘭刀貝蚌刀貝蚌脹卜卜，食落冇沙又爽甜黃金翡翠螺食落Q彈爽脆珍珠蠔唔會有腥味，口感順滑有機蔬菜籃食埋粟米、生菜等蔬菜後，就可以食落咗蔥花、菜脯等配料嘅綿滑粥底，食落鮮味十足，最後食埋餐廳送嘅滋補椰汁雪燕糖水就剛剛好

蟹仙海鮮蒸氣鍋 (龍崗道) (九龍城).女朋友爸爸食過一次後就間中想再食，咁既然想食就帶佢再食尊貴海鮮餐，每次嘅服務態度都係200分！.蝦，鮑魚，蠔等逐個上場，味道由淡至濃對於我倆嘅重點重頭戲都係龍蝦以及蟹，可惜今日無饅頭蟹變咗龍躉片，不過唔緊要今日多左個白刀貝，從來未吃過，非常鮮甜蒸嘅時間仲要剛剛好.澳洲青年龍蝦每次都唔會令我地失望，肉質爽口實正又彈牙.食曬海鮮就可以食啲生菜娃娃菜粟米，再品嘗精華所在嘅粥底粥內加入排骨，粟米，芋頭粒等，芋頭令到個粥更加綿.甜品係好好食嘅椰汁燉官燕碎！

蟹仙海鮮蒸氣鍋 (龍崗道) (九龍城).老闆做批發海鮮，服務態度又好，全程都唔洗你動手🩶.▪️$419 尊貴海鮮餐▪️.先有店員蒸餐具，然後由淡食到濃.珍寶大蝦，蝦頭勁多膏🦐 肉質爽口鮮甜，完全唔洗掂豉油.鮑魚唔算大隻但蒸嘅時間啱啱好，唔會好韌韓國斧山珍珠蠔一拎上枱就好鮮，入口係充滿海水味，不過由於充滿海水味，所以有啲鹹今次最令我驚喜嘅係白刀貝，望落去普普通通，但非常之鮮甜肥美，仲有啲好似日本魚生嘅刺身感.野生青口咬住條草，平時食冰鮮嘅食得多，嗰啲乾水扁身，但呢個係勁脹卜卜.澳洲青年龍蝦，膏唔算好多，但肉質真係勁爽口彈牙！平日呢個套餐如果蟹新鮮嘅話會有兩款，但係由於呢度係咩海鮮新鮮就比咩你，今次我哋就試咗龍躉片！.最後就到精華所在，個粥都俾啲膏整到變咗綠色。食完粥店員仲送個甜品，椰汁燉官燕，滋補又養顏.📌 蟹仙海鮮蒸氣鍋 (龍崗道) (九龍城)九龍城龍崗道2-4號地下

蟹仙海鮮新鮮和蒸氣鍋聞名，每隔一段時間就很想回來再品嘗。青口味道鮮美，而且富含蛋白質。珍珠蠔肉質細嫩，而且有著獨特的甜味。鮑魚海螺口感爽滑，而且含有豐富的蛋白質和維生素等營養。很新鮮。龍蝦、膏蟹非常新鮮，充滿海水鮮甜，肉質鮮嫩，好想一吃再吃。這最特色之一就是粥底，這是一種非常獨特的烹調方式。粥底是用高湯融合而成，再加入海鮮等食材海鮮汁，一起蒸煮，讓海鮮的鮮味都能夠充分釋放出來，同時粥底的口感也非常豐富，非常綿密。蟹仙海鮮蒸氣鍋 (龍崗道)九龍城龍崗道2-4號地下

叫咗刁鑽套餐，每位699。海鮮全部都好新鮮，上到枱仲識郁。另外店員推介龍蝦刺身，一樣好鮮甜，冇腥臭味，好食仲有赤蝦刺身，勁大隻，仲好鮮甜😋冰鎮瀨尿蝦開埋殻，有羔，正😋最後仲有個粥底，好甜每位店員服務態度都好好，一個叫黃小姐嘅店員超nice👍🏼👍🏼

平時自己很少到街市買海鮮，不懂怎樣選，又怕短秤。 吃海鮮通常我會去「蟹仙」，一個套餐價錢明碼實價，有齊多款海鮮，我覺得比自己買海鮮更便宜，還不用刷碗碟呢！蒸鍋可以保持原汁原味，最鮮甜的美味。 這裏海鮮質素有保證，必定是上等貨，甚至乎野生的海鮮也能嚐到。每次也會預先訂位，因為有不少會吃會喝的熟客光顧，很旺場。今次選了「尊貴海鮮套餐」，陣容鼎盛。有罕有的藻食綠膏蟹，蟹肉鮮嫩多汁，超多蟹膏，味道濃郁，令人回味無窮。台灣花尾龍躉大片厚身，肉質鮮美。吃海鮮要看捕獲收成，某些海鮮可能季節時令缺貨，今天就自動升級了較貴價的蟶子，蟶子肉質鮮嫩，口感細膩，不用搭配任何醬汁也很美味。琵琶龍蝦我只在蟹仙見過，其貌不揚但比龍蝦更好吃，鮮味更濃郁。有機蔬菜口感清爽清甜，還有海鮮精華盡收的海鮮粥，太美味了！最後還贈送了椰汁燉雪燕，為整餐留下了美好的結尾。

食海「鮮」，鮮味是最重要的，最新鮮的食法就是刺身，不過秋冬季節當然想吃熱的。今晚就和家人到【蟹仙】嚐鮮～餐廳裝潢不講亮麗但環境乾淨整潔，水缸清澈。餐廳供應多款套餐，我們選了【尊貴海鮮套餐】，每位四百多元，店員不久就送上海鮮。先來的是【加拿大野生大赤蝦】極之鮮甜、【台灣九孔鮑魚】、【黃金翡翠螺】則十足彈牙、【韓國斧山珍珠蠔】帶點點海水味，零異味，都十分出色～接著是【台灣花尾龍躉片】魚肉雪白嫩滑；【蟶子】則大隻爽甜。【野生琵琶龍蝦】比較少食到，又鮮又彈，不過我最喜歡還是蟹【奄仔蟹】【頂角膏蟹】都很多膏，蟹肉鮮甜。吃完海鮮就吃菜，【有機蔬菜籃】有粟米、娃娃菜等，原來蔬菜可以如此甜。最後是排骨芋頭粥底，吸收海鮮鮮味，加上菜脯、香蔥提味，天氣漸涼更感飽腹暖胃。整餐都由店員即席調校時間蒸煮，我們只需坐著拍照等吃～享受美味～

朋友話想食下海鮮蒸鍋，生活忙碌兼資訊太多，用左半個鐘彩食評就揀左呢間蟹仙一行三人，入座後阿姐不停推介，隔唔夠兩分鐘又黎問，但現場無大魚缸睇，有d猶疑加上價錢都貴，最後揀左$2188三人套餐，阿姐話有d海鮮無貨，比時令蟶子，元貝比你地，本身自己經常買海鮮，即時問阿姐咩蟶子，佢大聲疾呼本店只賣靚野， ook信你第一碟上枱已知中伏，蟶子係街市50蚊份，元貝未蒸已細過一蚊銀，青口，蠔似雪藏野解凍，咩九孔飽本身已係平價野又係勁細粒龍躉肉可以一夾就散零味道，店員仲提醒唔好點豉油去品嘗鮮味羔蟹d羔係綠色，店員話正野因為隻蟹食海藻，當我唔識野但老實講好難食，肉質就ok開邊蒸龍蝦就正常唔太差，原條象拔蛑等到最尾先到，味道都中上，但份量就少左d埋單套餐連一渣柑吉蜜2500大元，只想講世紀中伏，揼到上心口

今日同朋友去宋王臺整野，順路決定食個海鮮餐先返屋企～坐低即刻嗌咗個套餐：包括澳洲青年龍蝦🦞罕有藻食緣膏蟹🦀️台灣九孔鮑魚、台灣花尾龍𧄌片🐠加拿大野生大赤蝦🦐韓國斧山珍珠蠔🦪大西洋野生青口、紐西蘭刀貝蚌、黃金翡翠螺、有機蔬菜🥬玉米🌽白菜。食匀後都分享吓：澳洲青年龍蝦，肉質鮮甜，爽口彈牙。緣膏蟹肥美多膏多肉，膏味非常濃郁，蟹肉鮮甜至極。台灣九孔鮑魚，鮮甜，好有口感。魚片嫩滑。刀貝，入口多汁鮮嫩，好有海水的鹹香味。翡翠螺冇沙，有趙口。食到最後送埋椰汁雪燕，雪燕超多，唔係好甜，真係好滿足！過程中店員會好窩心咁同我哋介紹唔同海鮮嘅蒸煮時間，記住要按每種食物性質來調較鬧鐘蒸煮，由清淡食起。成餐飯食物非常有心又高質，新鮮無比，啖啖都又鮮又甜，最啱中意海鮮嘅我地～偶爾想食海鮮真心推薦大家可以黎呢到，保證原汁原味😋

朋友成日講呢間海鮮火鍋，於是平日放工黎到九龍城分店試一試，今日2人叫左個“尊貴海鮮套餐“，呢個set共有10款食物： 藻食綠膏蟹：好少見綠色膏既蟹，size一隻手掌咁大，估唔到啲膏咁實同鮮，質地唔稀有嚼口，啲肉質亦好彈牙，有鮮甜味及有驚喜！ 台灣花尾龍躉片：呢樣係10道菜中稍為失色，因為時間煮得耐左，有啲過老。 野生琵琶龍蝦：龍蝦每人半隻，雖然唔大，但鮮甜多汁，唔須要沾醬油，否則浪費左鮮味。 台灣九孔鮑魚：味道正常發揮。 加拿大野生大赤蝦：蝦頭都有肉，肉質彈牙唔係淋，新鮮！ 大西洋野生青口及紐西蘭刀貝蚌：大隻多肉，鮮甜！ 黃金翡翠螺及韓國斧山珍珠蠔：兩者都出色。 粟米芋頭豬骨粥底：集結左全部海鮮既精華，略加粟米及芋頭粒，已經夠哂鮮甜味。 最後仲奉送椰汁糖水，侍應們服務態度好，會主動收拾有殼既碟及幫手煮，又有禮貌，最後埋單9百幾元，食到捧住個肚走😋😋

天氣凍，梗係要嚟返一個粥底火鍋啦！有質素保證，當然要推薦朋友嚟到呢一間九龍城嘅分店！食完之後真係暖笠笠，無懼寒風(´▽｀)海鮮同樣係叫咗套餐之後即劏即上，青年龍蝦依個係我嘅最愛，蝦肉鮮甜，海水味充沛;膏蟹佈滿着綠色嘅膏，膏液濃郁，肉質嫩白！刀貝好爽身；鮑魚相對細隻，但係質素不減，鮮甜無比，果然蒸嘅鮑魚先係最好食🤤到最後嗰個粥底真係不得了，全部精華都已經滲透起入面，加埋芋頭、南瓜等等嘅配料，食落鹹鹹香香！最令人喜歡嘅，當然係服務人員嘅態度，真係每一個步驟都照顧周到，令到海鮮保留住最佳嘅口感同新鮮度。食到咁滿足，最後仲有糖水送，真係令人份外開心！

最鍾意食海鮮蒸氣火鍋 新鮮海鮮就是簡單清蒸♨️已經好好食😆😋呢度店員好nice同專業🥰 介紹每款海鮮特色之餘 仲會幫埋我地計時蒸熟d海鮮 蒸得岩岩好 💯 保證熟又唔會過老😚👍🏻 好似蒸不同海鮮 會放蒸爐中心較熱 或爐邊溫度低d 🤓 尊貴海鮮套餐 每位＄419另外叫左🧉菊花杞子 清熱明目超好人送左份即炸脆魚片小食比我地🥰🦀野生膏仔蟹 蟹鉗啖啖肉 肉質爽彈鮮甜😋🦀太平洋饅頭蟹同🦞野生琵琶龍蝦 市面上很難買到 呢度就有得食饅頭蟹細細隻扁扁圓圓好得意😍 食落原來咁鮮甜👍🏻八頭南非鮑魚(升級+$48)煙韌爽滑😋質感比一般九孔鮑魚緊密👍🏻更有嚼頭🦐加拿大野生大赤蝦 同🦪大西洋野生青口 超鮮甜 赤蝦味濃仲爆多蝦汁😆野生確實鮮味無比肉質更嫩滑😋🐚黃金翡翠螺 肉質厚肥彈牙有嚼勁好有口感😙🦪韓國釜山珍珠蠔 細細粒 鮮甜軟滑🦪聖子爽口又好鮮甜🌽有機蔬菜籃 有甜粟米同娃娃菜 原汁原味 最後粥底火鍋集合所有海鮮精華 啖啖滿「粥」！😁食埋甜品 椰汁雪燕 滋潤大滿「粥」🤰🏻「蟹仙海鮮蒸氣鍋(龍崗道) 」📍九龍城龍崗道2-4號地舖

店名: 蟹仙海鮮蒸氣鍋 地址: 九龍城龍崗道2-4號地舖宋皇臺站B3出口，行2分鐘環境: 4/5價錢: 4/5味道: 4.5/5九龍城係九龍區算係數一數二多美食🍲，除左泰國菜出名🍽，仲有好多好野食😋，粥底蒸氣火鍋不失為泰國菜以外既一個好選擇🤩～今次我地揀左2 set一人尊貴海鮮套餐🦞，仲有staff幫我地set好時間放上去蒸⏲，全程可以專心食☺️！尊貴海鮮套餐❤️❤️❤️❤️$419 x 2店員好細心咁依據海鮮口感同味道輕重作先後上碟次序☺️。首先上碟既係口感較為清爽、而肉質相當彈牙味美既黃金翡翠螺🐚，然後到加拿大野生大赤蝦🦐，大赤蝦好鮮味💦，蝦頭仲keep住好鮮味， 蒸完出黎唔會老，仲好鮮甜😋！跟住到台灣九孔鮑魚🍴，鮑魚幫你清好晒內臟先蒸，蒸完出黎忍唔住即刻放入口😯！然後到台灣花尾龍躉片🐟，龍躉片無骨清蒸出黎相當嫩滑😳，清得黎帶少少龍躉既甜味🎣～韓國斧山珍珠蠔🦪大隻得黎又好Juicy💦紐西蘭刀貝蚌脹卜卜得黎非常鮮甜🤤到大西洋野生青口，都係非常大隻🤗，平時青口熱食冷盤食都係偏乾身，今次清蒸入面仲係脹卜卜非常鮮甜！黎到今日既兩大重頭戲——藻食綠膏蟹🦀，好好彩我地試到既係重皮蟹☺️，即係準備換殼既蟹，超

天氣凍咗想打邊爐，但又唔想食得太油膩， 咁就要試蒸氣粥底火鍋😛 全程店員煮埋畀你食， 用新鮮海鮮精華熬粥🦞大 滿 粥！！呢間店最大嘅特色佢會有一個類似竹籠嘅罩去做蒸焗，一入座嘅時候店員會用蒸氣消毒食具。然後就換上一個裝有米、 豆腐、粟米、排骨嘅鍋， 上面加上蒸隔去蒸焗各種海鮮，成個海鮮套餐嘅精華都會滴落去熬粥， 好鮮甜要做到呢個效果， 前提要食材夠新鮮， 當天基本上所有食物唔使沾醬汁已經好鮮味。 成個煮食過程都會有店員計好時間烹調， 確保口感會留在最佳的一刻🥹👍🏻 將海鮮同粥變到好似Fine Dining盛宴咁，認真細味每一道🤣 係幾特別嘅體驗🤪 當日食嘅係尊貴海鮮套餐 ($419)， 呢款CP值幾高， 我哋兩個人食完飽曬，仲有甜品🤣下次再去會試下其他海產☺️隻龍蝦勁得意當晚個男店員幾搞笑， 佢仲幫我哋擺好隻蝦蒸完縮住咗變咗個心🫶🏻 創意滿分！