蝦麵店 (荃新天地) (已結業)

第一篇食評比左呢間餐廳，用左咁多年OpenRice 都無寫過食評，可想而知呢間餐廳係幾咁差。1 服務：無服務可言。落單到有野食等左差唔多半個鐘，waiter一開始仲要比錯左隔離檯野我地，因為肉骨茶太辣，催左好幾次上野飲；之後想叫waiter，成間餐廳都唔見人，要行去另一邊先搵到waiter講野。神奇既係10點收，又可以準時9.30叫埋單架wor。埋單要扣返一杯特飲價錢，居然同我直接係張單扣10蚊？收錢果個做左幾多年收銀？知唔知間餐廳有service charge ？2 食物：肉骨茶胡椒多得好緊要，係我食過最‘辛辣’既肉骨茶，辣過佢個叻沙麵好多好多，佢當時比隻豉油碟我地，但居然話個肉骨茶係唔跟豉油既。另外，跟小食既兩粒青檸乾到淨係擠得出核擠唔出汁。3 飲品：2杯飲品都加左10蚊轉特飲，凍檸檬薏米水3/5杯滿，當中3/5都係薏米，你話有幾多水可以飲，仲要一粒冰都無，我轉檸茶啦，結果我杯檸茶黑到檸樂咁；青檸梳打真心一d氣都無，搞到又要再叫過。餐飯食到一肚氣。講真口味既野見仁見智，但至少希望佢留意下食物出品，樓面唔好齋企唔做，廚房出野快d。話曬，有比service charge架。隔離大戶屋都

行完商場搵嘢食，見到呢度有好抵食嘅二人套餐！尋味二人套餐$246小食：馬來香炸雞翼+2串馬來沙嗲雞脾肉串雞翼同串燒都好夠味同好香口，醃料好香白胡椒肉骨油條白胡椒湯肉骨茶，啱晒唔鐘意飲藥材味肉骨茶嘅人，肉骨好淋，有大量芽菜同豆卜墊底，油條係分開上後加，吸晒湯好好味娘惹參巴咖哩蕃薯葉加$ 18呢個咖哩係比較辣架，用嚟煮蕃薯葉好惹味咖哩叻沙（蝦肉肉骨）河粉咖哩叻沙唔算好辣，湯底好足料香濃，椰奶味香，揀左蝦肉肉骨河粉，河粉索晒湯好正豬骨雞湯（魚片四寶）摻摻魚蛋墨丸魚片，好彈牙。湯底係用豬骨同雞湯熬，摻摻即係湯麵同米粉兩溝，最正宗嘅食法甜品：榴槤咖央多士+摩摩喳喳甜品居然有榴槤多士，我最愛～多士好香脆呢，摩摩喳喳係雜豆湯丸加入香蕉一齊整架冰糖檸檬薏米水加$10去水腫一流可口可樂（套餐）

今日友人話要去南豐紗廠行下，所以順道過來荃灣找尋美食，見有間新開馬來西亞餐廳便來試試，這是之前在灣仔開過來的，應該不會差吧。餐廳地方裝修企理乾淨，座位之間不會很擠擁，菜單有很多選擇，福建麵，喇沙，海南雞飯等應有盡有。雞肉串燒和雞翼很惹味加上醬汁一齊食多一個層次。鮮甜蝦香味的湯底不太辣，肉骨軟淋有咬口的麵底選了摻摻，米粉和油麵這個組合的口感是不俗的喇沙湯底不算好濃，但亦很香，豆腐卜吸收到很多湯水，吃時要小心啲。這裏的亮點是飲品，凍咖啡沖得甘而不苦，很濃的咖啡味在口腔中徘徊

數下數下，原來我一星期內食左好幾餐馬拉野呢間舖頭以黃、灰、白色為主，幾靚顏色配搭幾柔和嗌左呢個二人餐 $248凍白咖啡 （特飲要+$10）本來以為白咖啡係沖粉嗰隻會好甜，但呢個唔會好甜。我覺得冰塊多啲就仲好凍冰糖檸檬薏米水 （特飲要+$10）雖則叫凍，但冇加冰嘅。同樣地，味道唔會好甜，薏米同檸檬味好突出。薏米大大粒，好趙口炸雞翼好香香茅味！熱辣辣！雞肉串肉質林。點埋右上角個甜甜地嘅沙嗲醬五香炸豆腐豆卜炸到脆卜卜，好香口。五香粉令平平無奇嘅豆腐豆卜變得惹味，我自己就中意食豆腐多啲，因為咬落入面好滑，口感好大contrast辣味蝦湯麵揀完湯底，要揀餸。睇menu話蝦肉肉片蝦湯麵係最傳統配搭，所以就嗌左呢個。我揀左少辣，辣度接受到👌🏻湯底有蝦味，啲餸份量好多，蝦開邊、幾爽口叻沙湯河餸要左蝦肉魷魚。魷魚有唔同部位，唔只得魷魚鬚白胡椒肉骨油條中意食胡椒豬扒嘅人應該幾中意食，即係我除左胡椒味外，亦好香蒜味。排骨好林有芽菜墊底桔子香茅凍個果凍好似台灣愛玉，香柚子味，好清新亞參脆多士第一次食亞參style,好似果jam，厚搽個隻，味道幾特別

最近同事妹妹👧🏻發現了一家主打馬來西亞式湯麵的連鎖店🇲🇾，剛好在公司附近的商場開了分店📍，這夜放工她急不及待的拉了人妻🐷過去💨。店內的裝潢以鮮艷顏色為主🌈，為傳統的食物添上時代感✨。🔹辣味蝦湯海鮮麵摻摻🌶店員推介的招牌辣蝦湯麵🌟，據說是每早以大蝦頭熬煮3小時以上而成🔥，濃郁的蝦味加上辣勁十足😋，再配上檳城風味的摻摻🥢，惹味十足👍🏽。🔹咖哩叻沙蝦肉肉骨河粉🍜上湯以豬骨及雞經長時間熬製而成🔥，再加入了咖喱💛、蝦膏🦐、香茅🎋等等，香氣撲鼻😍，讓人食慾大增🎉。🔹馬來香炸雞翼🐣酥脆的外皮配上嫩滑的肉質😌，很不錯的👌🏽。🔹馬來沙嗲雞脾肉串🍢點上沙嗲汁🧡，入口更為香濃🤤。🔹五香滷肉配一口脆豆腐🐽另配上青檸及醬汁🥢，人妻🐷當然最愛酸甜醬喇😁~🔹馬拉盞炒通菜🥬通菜合時沒有根✨，炒煮時候剛剛好😌，軟硬適中👌🏽。🔹青檸梳打🥤最後來一杯酸酸的飲品😋，解膩一流🎊。🔹馬來白咖啡☕️人妻🐷則挑了一杯白咖啡💘，入口有著點點的炭香味😌，果然正宗喔💯！💭總結另提供了不少的午市🌞及晚市套餐🌛，價錢非常相宜💵。

以前係灣仔附近返工成日都去食呢間蝦麵店！而家係屋企附近都有得食喇🤪一坐低就見到有set叫 對自己好啲同老公一齊叫左2人set!個麵可以自己揀湯底 配料同麵類！好大自由度好正！我揀左叻喱喇沙魚片四寶檬粉入味得黎又足料！正另一碗係辣味蝦湯底蝦肉魷魚摻摻！叫左少辣！一樣食到飲曬啲湯！😌二人餐有好多小食食好開心！🥳碟碟都足料又大份！好滿足！🥳跟餐有野飲 我地加左錢叫左特飲😝😝最後仲有甜品呀！😝我地一個叫左榴連咖央多士！一個叫左亞參脆香多士！正宗馬來西亞甜品作結🤤好肥仔但呢餐好滿足😄

接男朋友，佢個日工作太忙，無時間食lunch😭所以唔去太遠，係荃灣搵食。-🔹咖哩叻沙海鮮麵($74)我揀左摻摻，即係油麵mix米粉。湯底都幾香濃，咖哩味都幾重，但唔辣，幾惹味😋海鮮有好多蟹柳、蝦、青口、墨魚仔、豆卜，都幾豐富。-🔹辣味蝦湯蝦肉墨魚丸麵($68)男朋友嗌呢碗，睇落湯底好濃，以為會好辣，但佢話有辣味，但唔算辣🌶墨魚丸大大粒，蝦肉都幾多片，佢另外仲加左貢丸，男仔食一碗都好夠飽。-🔹沙嗲雞脾肉串($48)雞肉比我想像中細粒同乾身，沙嗲醬味道都唔錯。🔹榴連咖央多士($28)多士烘得好脆，上面既咖央醬係酸既，好似茶記既果占多🤣榴連味就食落聞落都唔覺🤔

荃灣食肆有如繁星般佈滿各街頭，要尋找出此區出眾的美食確係有相當既難度，今日下午放飯與同事繼續覓食，品嘗此馬來風味既食店後，心中不敢地將此店例入我的美食名單，除左格價親民，仲配有獨特既裝潢，優質既服務態度，日後必定成為我的御用食堂！辣味蝦湯底 + 蝦肉肉骨 油面湯底蝦味非常濃烈，蝦味撲鼻，鮮甜至極，配上蝦肉及肉骨，蝦肉固之然爽口有蝦味，而肉骨盡吸濃湯精華，柔嫩既肉質在不被蝦味喧賓奪主的情況下保留豬肉應有既味道，認真出色！豬骨雞湯底 + 魚片四寶(魚蛋、貢丸、墨魚丸、腐角) 河粉魚蛋粉通街都有，馬來風味既都係第一次食，味道配搭亦有驚喜，湯底帶有豬骨獨有既芳香，又帶點雞湯既鮮甜味，魚片四寶更是款款彈牙，值得一提係墨魚丸口感極佳，墨魚既香味簡直叫我神魂癲倒。馬來香炸雞翼 + 馬來沙嗲雞脾肉串雞翼炸到十分香脆，內裡肉汁緊緊地鎖住，配上獨有香料，味道不錯。沙嗲雞脾肉串肉質十分細嫩，加上惹野沙嗲醬汁，普通的雞肉也昇華至上品佳餚。白胡椒肉骨油條童年時到馬來旅遊曾試過當地肉骨茶，畢生難忘，今日在此再嘗一次，味道相當正宗，額外添加白胡椒令整體變得更加有層次，肉骨柔軟香甜，兒時回憶馬上返哂黎！娘惹參巴咖哩蕃

檳城嘅風味，吹到黎香港啦，雖然我好少食檳城嘅美食，但係今次朋友帶我嚟到呢間蝦麵店，品嚐檳城風味，都覺得自己都好鍾意呢一種風味，全新天地呢度開咗呢間蝦麵店，朋友話喺灣仔都有分店食過味道真係唔錯架。湯底方便，有四款俾你揀，今次我揀咗嘅係比較清新啲嘅豬骨雞湯，叫咗嘅係雞絲河粉，因為個人比較貪心，所以仲加咗一件肉骨添，肉骨好大件㗎，入口鮮嫩無比，一啲都唔會好鞋口，而且肉質唔會好淋身，咬落去肉汁四散，果然夠晒風味，雞絲比較碎，但係份量唔少，河粉夠晒滑身，而且好大碗，對於我一個女仔來講，真係食唔晒架。朋友叫嘅呢碗係檳城海鮮咖喱叻沙湯油面，淨係個湯底，都已經夠晒架勢，因為個湯底係用鮮雞同豬骨熬製，而且充滿淡淡嘅嘢香味，仲要辣辣地，口感濃厚又唔油膩，我真係好後悔點解唔跟我朋友叫呢一個湯底。海鮮方面有蝦，青口，魷魚，仲有蟹柳，真係好豐富架，油麵方面好滑身，真係忍唔住，係我朋友嗰度畢左一小碗嚟食呀。我哋仲叫咗一個沙嗲雞肉串，佢嘅雞肉係用雞俾肉造成架，入口好亂，唔會太乾身，可見廚師笑得真係好細心，最重要嘅係要點上佢嘅沙嗲醬，佢個沙嗲醬充滿龍龍嘅花生醬香味，入口濃郁又唔油膩，正！

今日落雨天，岀開荃灣行街，都係去商場就圍行下。行到餓餓地又已經到左lunch time。就係City walk 1期到搵野食。見到依間蝦麵店個名幾特別，食馬來西亞野，就試下佢啦。以lunch黎講，都幾多選擇，有二人餐，仲有一人餐。小編就散叫左一碗麵。豬骨雞湯冬茹雞絲麵。個湯清清地，岩啲中意淡口味既人。💕冬茹雞絲配撘健康，冬茹好滑。另外小編仲加左一條肉骨，+$14。好濃既胡椒味，肉質嫩。檸檬薏仁水 ， +$10。為喜愛養生的女士而設，仲可以食埋啲薏仁添。💆🏻‍♀️小編既友人就叫左個一人餐試下。辣味蝦湯肉骨麵。個麵都幾辣，但又冇覆蓋蝦湯的鮮味。個湯底用左足蝦頭，蝦殻，豬骨去淆製，都幾惹味。肉骨吸左蝦湯的味，口味更獨特。👍有個碟仔比你放骨，好貼心。跟餐馬拉盞通菜旁邊有蝦醬配通菜一齊食。跟餐的炸雞翼香脆肉嫩，新鮮食好香口。

來到荃灣搵晚飯食，見到依一間鋪頭正正常常，有冇人排隊，就試試佢。兩條友試咗個二人餐，$200多啲有晒展^_^甜品，有晒正餐嘢飲算係咁。叫咗兩碗面，我食嗰碗係咖喱喇沙，正正常常啦，算係好食。但係個馬拉盞通菜就有少少失望。因為馬拉盞通菜一般都預佢炒，但係估唔到佢係烚。但係佢餐牌上面有冇講過係炒，所以係合理嘅。成餐最特別反而係個甜品。個榴槤嘉欣多士都算係咁出邊比較少食到。但係個橘子香茅凍，就真係幾特別。點解呢，就係因為入口改一下係有錢未，食咗冇耐之後橘子味會消失，香茅味會湧出來。呢一刻真係好特別。差啲唔記得講個肉骨茶。個肉骨茶都係正正常常算係咁，如果鍾意重藥材味嘅你，你可能會覺得去訊息少少。不過香港地$200有咁多嘢食算係咁啦。

堪稱全港最接近馬來西亞蝦麵味道嘅蝦麵店嚟到荃灣開店，上次喺灣仔食已經超過10年，滿心期待點知未食已經一肚氣！首先係等候時間，一個人星期六8:12分排隊攞飛，眼見店外只有3-4人，竟然要等超過20分鐘！然後入座後沒有店員招呼，好不容易才找到店員給menu及落單，order後等食物也超耐！一碗麵又要等20分鐘！最後蝦面來到，一試味同記憶中嘅味道相距甚遠，以往鮮甜嘅蝦湯底少了好多蝦味，份量雖然係大碗咗，但味道卻很失望😞！奶茶嘅茶味欠奉，也是水準之下呢！

陪朋友黎左呢間蝦面店度食個晚飯。佢介紹過話都幾好食。因為係係商場入面，所以地方都好乾淨企理。餐牌選擇都唔少，唔同既湯底同配料可以互相配搭，選擇自由啲。而且二人餐仲有間好多唔同嘅小食，好適合啲中意試吓唔同野嘅人。咁我地今以點左兩個二人餐。首先，有兩碟大大碟既油菜。呢個係我朋友點嘅。我點左辣味蝦湯底配蝦肉肉骨。蝦味好濃郁好香，感覺係真係用好足料既蝦煮出嚟嘅。舊豬肉都好大份，啲面都幾好食。跟餐每個人都有一杯野飲，我就點左凍檸水，而我朋友又話佢呢度嘅凍咖啡幾好味，推薦我下次飲佢嘅咖啡添。串燒同雞翼都幾惹味，好香香料味，啖啖肉食落都幾正。總而言之，用左一個唔錯既價錢，試左好多樣野，食完都幾飽，味道仲幾好添。

最近荃灣開左蝦麵店，我好似無食過星馬野喇，墨都要去試一試！依度嘅湯麵有唔同嘅湯底，例如蝦湯，喇沙，豬骨雞湯，食星馬野當然要食佢特色嘅口味啦，同朋友一人叫一碗粉麵，我就揀左辣味蝦湯海鮮摻摻，蝦湯用蝦殻同其他配料熬煮7個鐘，充滿蝦嘅鮮味，我鐘意用摻摻掛湯咁食，摻摻係油麵加米粉，索晒湯嘅味，再配埋海鮮做配料，一流啦。朋友就叫左碗咖哩喇沙墨丸魚片檬粉，以豬骨同雞做湯頭，再加入香料同椰奶，令到個湯底更豐富，更有層次。原來檬粉配喇沙湯底又幾好喎，因為喇沙比較濃厚，檬粉都唔會話好淡，都唔錯呀。

蝦麵店總於進駐荃灣啦🤩以前喺灣仔返工，成日都會係蘭度街食lunch，成日都會幫襯蝦麵店，所以前排有新聞話佢唔做都不之幾傷心🥺咁岩得知蝦麵店黎荃灣開，即刻去食返餐，搵返以前嘅感覺！荃灣店開咗喺荃新天地1期L1，係近Pandora 個邊條扶手電梯上去行前少少就見到同灣仔店唔同，荃灣店係有二人餐，可以自選湯底同配料，自由度好大叫左一個咖哩叻沙湯底配蝦肉魷魚，咖哩叻沙湯底好濃味，油麵掛湯度十分好，蝦肉已經剝左殼同開左邊，食起上黎非常方便，魷魚亦十分彈牙👍🏻推介❤️二人餐份量非常大，雖然話係細份嘅麵，但都好大碗，主食放滿成張枱呀！除左咖哩叻沙仲叫左個福建滷湯底配魚片四寶，湯底杰杰地，加埋摻摻(姐係油麵mix米粉)感覺都幾特別，不過都係冇叻沙湯底惹味香濃！藥材味嘅肉骨茶成日食，胡椒味就比較少食，湯底好鮮味，帶有辣辣地嘅胡椒味，排骨煮得岩岩好，好爽滑👍🏻最有驚喜嘅係呢個桔子香茅凍😍 初初入口酸酸地，慢慢食落有香茅味，感覺好夾好特別，亦都唔會太甜，作為一個飯後甜品好Perfect👍🏻👍🏻👍🏻榴槤加央多士味道濃郁，鍾意榴槤嘅你千其唔可以錯過！青檸梳打就正正常常，用嚟送呢濃味嘅嘢食就啱晒啦！ 總括來講，二百