蝦麵店 (荃新天地) (已結業)

檳城嘅風味，吹到黎香港啦，雖然我好少食檳城嘅美食，但係今次朋友帶我嚟到呢間蝦麵店，品嚐檳城風味，都覺得自己都好鍾意呢一種風味，全新天地呢度開咗呢間蝦麵店，朋友話喺灣仔都有分店食過味道真係唔錯架。湯底方便，有四款俾你揀，今次我揀咗嘅係比較清新啲嘅豬骨雞湯，叫咗嘅係雞絲河粉，因為個人比較貪心，所以仲加咗一件肉骨添，肉骨好大件㗎，入口鮮嫩無比，一啲都唔會好鞋口，而且肉質唔會好淋身，咬落去肉汁四散，果然夠晒風味，雞絲比較碎，但係份量唔少，河粉夠晒滑身，而且好大碗，對於我一個女仔來講，真係食唔晒架。朋友叫嘅呢碗係檳城海鮮咖喱叻沙湯油面，淨係個湯底，都已經夠晒架勢，因為個湯底係用鮮雞同豬骨熬製，而且充滿淡淡嘅嘢香味，仲要辣辣地，口感濃厚又唔油膩，我真係好後悔點解唔跟我朋友叫呢一個湯底。海鮮方面有蝦，青口，魷魚，仲有蟹柳，真係好豐富架，油麵方面好滑身，真係忍唔住，係我朋友嗰度畢左一小碗嚟食呀。我哋仲叫咗一個沙嗲雞肉串，佢嘅雞肉係用雞俾肉造成架，入口好亂，唔會太乾身，可見廚師笑得真係好細心，最重要嘅係要點上佢嘅沙嗲醬，佢個沙嗲醬充滿龍龍嘅花生醬香味，入口濃郁又唔油膩，正！