蝦麵店 (蘭杜街) (已搬遷) 新店位置

朋友找食評找到這來看樣子味道不錯就選了蝦肉片米麵店員說米撈麵最好吃似乎很有趣~便試試看~她說是普通辣的程度朋友說有「一點點」辣我倒是幾乎吃不出辣味肉片味道不錯但整體就是沒啥特別吃完了一個麵我還不飽得去百佳買雞蛋仔說不上失望但35$買這樣一個麵就不太值了

I have been here many times before, the prawn noodle soup is very rich, however I still havent tried their noodles in thick soup, so I finally tried it.The thick soup looked like crab meat soup with egg, and it actually tasted like that, it tasted quite strong and salty, not the ordinary saltyness, but the prawn saltyness like that of prawn bisque.Overall the noodles are good, the owner has a patient telephone manner and does not rush to end the call.

本來今日想去車仔麵之家，點知撞正佢裝修我特登搭電車黎食lunch冇可能再返去架..所以就去蘭杜街搵食，見到出面d介紹好似幾吸引，價錢都ok貴，但今日平安夜就唔計咁多啦~由於一條友既關係，好快就有位了，但d位都ok逼...睇左一輪，要左個蝦肉片油麵，喇沙湯底$44估唔到叫完之後5mins左右就黎到個碗夠大，但d料好少......我食完都唔係好夠.....湯：有少少鮮味，係幾濃，但飲多幾啖覺得好heavy...飲唔落...餸：蝦同肉片都好少，配料都係幾舊仔豆卜、牙菜，估唔到肉片都幾正，好似燒肉果d味，其他野就一般啦冇咩特別麵：呢隻油麵同車仔麵之家既差唔多，但配喇沙湯底似乎唔太夾，或者配河粉式米粉會好d服務：一般啦，起碼夠快(你一入去佢即抹好張枱，擺張紙巾快子同茶)但又唔會催住哂衛生：還可以環境：燈光幾好，如果d位再鬆動d坐得舒服d會更好，可惜佢係食神果一套"d位有咁逼坐咁逼d人食完就拿拿聲好走"總結：呢間野果然主打個湯底，第一啖好好味，但我覺得好既湯底應該有令人一飲而盡既衝動，呢個冇，而且有d偏咸，而其他野就一般了，價錢方面我覺得唔值$44，$35就差唔多

上完堂又係搵食時候，聽說這裡的蔡生介紹話正。入到去，好多人呀。要了蝦雞絲米線超少辣。原來湯上紅紅的辣係假像的，完全唔辣呢，就算友人要辣佢都話無辣味。成個麵都一般，反而反而湯底的蝦味重，有用真材實料。加埋菜蜜同油菜就要 50 幾蚊...見仁見智。Service 都 ok 既，不過唔坐得耐囉，會係咁執野趕你走的。

係呢頭返工...想試下呢間都幾耐!~不過見到要成差不多$40一碗麵又覺得都唔係話平..所以試下每一次行過就算!~不過今晚終於去試左啦試左招牌的海鮮辣蝦湯油麵 & 蝦片辣蝦湯油麵第一啖食落去 有少少辣 之後就係蝦味既鮮味!~開頭以為都唔好咁有蝦味 因為多數咁寫既店都做唔到咁既味道!~不過呢間你就真係會食到好濃既蝦湯味!~ 但係d材料就麻麻~油麵都幾好味!~唔會住到好粉~最有趣係聽到WAITRESS話麵可以雙拼..哈哈..即係油麵併米粉咁-.-"?!!食完碗粉 好似食完蝦條咁!~

上一次到榮式燒雞扒時見到整條街也是食店，所以天好像火爐一樣，依然行遠些少，來試一試，今次試了蝦麵店。蝦麵店環境尚可，除了上面有幾把很舊式的吊扇，環境不覺得很舊式。我和友人等了十分鐘左右就有位，但就要面向牆吃。我點了蝦肉片米粉，湯底是蝦湯底加少辣。粉不是很大碗，蝦肉有數只，也是開邊，肉質較實，蝦味不出，蝦在此只是等閒之輩。肉片非常薄身，但比較乾，有點似日本叉燒，而今次的米粉不淋，但也不吸汁的。湯是這碗的精華，很鮮的蝦味，加了一丁點辣，帶味道湯底的味道。很少店子會用蝦做湯底，感覺很新鮮，如果辣多一點會更好，最後我差不多把湯底飲清。友人的一碗也是同一個辣蝦湯底，要的是海鮮，我小試了青口，鮮味還可以接受。三十五元，為的是那碗蝦湯，未試過是一試無妨的。

第一次到此店品嘗蝦肉片湯油麵,蝦湯底是這麵的靈魂.湯底非常清甜,有小小辣,多喝也不會口乾口渴.配料有細蝦肉,豬肉片有些少膏剛好,極細蝦干,再加些通菜,芽菜等等.這碗麵跟我在新加坡著名蝦麵店所吃的真的不相伯仲,好味下午十二點到,不用等位.服務員的招呼也很好.下次會試試另一特色招牌麵喇沙

和媽兩人來.當然係食招牌的辣蝦湯油麵喇.星期六, 12點, 不太多人但成條街都係餐館, 可知weekday 有幾多人呢....媽有d 喉嚨痛, 唔食辣; 叫了豬骨雞湯底.30秒已有得食, 勁快!看似勁辣的湯底其實只係微微辣; 但有幾濃的蝦味, 好特別.媽的豬骨雞湯略咸; 雞味重, 豬骨味好少;d 豬肉片係幾薄的, 但也入味, 跟油麵一起食, 很不錯.蝦肉都新鮮唔霉, 雖切到好薄片, 肉都仍好有口感.大隻d就好了!個湯真的幾特別. 下次再試潮式滷麵先!

今日要開早會, 反而晏咗食午飯, 點幾鐘先同老細出發醫肚, 車沿灣仔向金鐘開去, 老細話帶我去食蝦湯麵回味吓 (因早前在新加坡食過, 好正!) 嚟到蘭杜街, 原來是這間之前有公仔箱介紹過的, 今日終有幸一試! 我倆一同叫咗: 蝦肉片麵 (少辣) - 湯麵都幾大碗, 油麵淥得剛好, 唔太腍, 肉片就像日本义燒咁, 好腍, 好味! 蝦, 係就係好鮮味, 但細都唔夠聶牙罅, 莫講話要彈牙! 而個湯就係成碗麵嘅精髓, 極鮮甜, 夠蝦味! 我差唔多成碗飲哂! $35蚊一碗其實唔算貴, 但我又唔介意俾多＋元八塊, 就可以食到大大隻嘅鮮味彈牙靚蝦喎!

一直都和這裡無緣，近來常在灣仔出沒，所以就順道來食了幾次。肉片蝦麵，三十六元，分量也不算少。一片片薄切的豬腩肉，肉味出奇地濃，亦沒有多余的調味，一讃。湯底是非常的鮮甜，應該用了不少海鮮煲出來，真材實料的味道；有點辣，好辣的我再加分。蝦是開邊煮的，肉比較散, 不好吃。整體來說，却絕對沒有令我失望。喇沙，湯底是椰味很重的那種，基本上沒有鮮味，自然沒有鰤魽，同區的加東喇沙比他優勝。湯不鮮的喇沙，應該不會再試了。蝦麵名不虛傳，來了多次水准都不錯，還有那個福建鹵麵，不是那麼多地方有得食，以后來應該也會試試。蝦湯如此，夫復何求？滿足了。

吃高價晚餐較多，是時間要節省少少了。今晚和同事兩人就來到這間頗受好評的蝦麵店一試。此店為新式小型餐廳，店內用上光亮淡黃燈，環境潔淨。而餐廳的店面不大，除了數張六人桌外，還有一列「面壁」的單人座位。我們分別點了推介的辣蝦海鮮油麵及咖哩喇沙海鮮油麵。 辣蝦海鮮油麵：湯麵配料有蝦、青口、小吊桶、魚腐及蟹柳，質素只屬中規中矩。反而蝦湯非常濃郁，只有少許辣味，但鮮味卻十足，為整碗麵的精髓。 咖哩喇沙海鮮油麵：同事點的麵，所以只嘗了一口咖哩湯底，但同樣不錯。咖哩味很濃郁，再配合椰汁的清香，很好。 簡單而言，此店主打湯麵，而各類湯底的質素做得很好，所以大獲好評。如果走經附近想來個輕便晚餐，可以試試。

夫人翻睇返雜誌見到係PP附近有呢間蝦麵店，好似幾好味咁喎~食晏時候就過左去試下。12.15PM左右去到...搞錯...要我坐門口位，入面明明有位架喎~不過都算喇，鬼叫兩個人食咩...一坐低睇下MENU, 我地就叫左個辣既蝦麵同埋福建滷麵。大熱天時，梗係唔少得叫返杯青檸水同青檸梳打啦~落完ORDER...唔駛2分鐘，成碗熱氣騰騰既麵就放左係檯面~之不過...我碗福建麵...比想像中淡...其實係比想像中更淡...唔通我俾個「滷」字影響左?!夫人碗辣蝦麵...都係比坊間其他既淡青檸梳打同青檸水...又係無咩味...口味既野人人盡不同，不過呢個價錢呢個味道...點解佢又會咁多人排隊既呢...費解

以前睇magazine介紹過，不過聽聞lunch time時間永遠都係好多人，今日朝早11點幾黎到，就無咩人啦!1. 蝦肉片米 (豬骨雞精湯底) - 其實大部份都係辣的，不過我唔係太食得辣，就要左個清清地的，蝦肉片就同我睇magazine介紹過的...相差都幾遠...唔大塊lor..都係得個幾塊only，食落去成碗野都好次清得濟....三十幾蚊好似貴左D...咁樣食...如果大家食辣應該會好好多

哈哈!!第1次食呢間野__umumum..叫左一個"架ya"海鮮油麵 一個辣蝦海鮮油麵2個都好好味!!"架ya"0個個好有椰子味.個湯底好濃 但係d"送"就好似少左d得一隻蝦同一個青口 跟住有d蟹柳 豆卜 "油魚"就冇了不過個湯真係好好好味。之後蝦個個都好野味!!個湯有蝦味 辣辣地_d "送"同上面一樣。最好味都係d湯底下次要試下其他先!!

大佛口有很多得意的食肆，蝦麵店是其中一間。這天專誠來吃碗麵，見識見識。入內貼牆有一列長檯，坐這邊的客人要面壁，門外貼滿雜誌的介紹，而餐牌大致上，湯底分四種，有辣味蝦湯，咖喱湯，豬骨雞湯和福建滷麵等，再配以不同材料如：蝦，肉片，魚蛋，墨魚丸，貢丸，蟹柳等。本人並不嗜辣，侍應建議要豬骨雞湯，我點了蝦肉片檬粉。食物很快便送來，看來頗大碗，有幾片豬肉片，蝦和通菜，豬肉切得很薄，有些肥膏襯托，入口軟滑，味道也過得去，蝦片得很薄，真佩服師傅的刀章，但看來不覺得矜貴，也吃不到彈牙的口感，肉質較實，應是弄熟後再片開，而檬粉則爽滑，豬骨湯味不太重，反而雞湯味較濃，吃後也不會口渴，應是真材實料之功，雖看來頗大碗，但三兩回合，我已將它解決。價錢稍嫌貴。可能辣蝦湯才是其招牌貨，因此試不出真味，也許下次要少少辣，多多趣！