蝦麵店 (蘭杜街) (已搬遷) 新店位置

今日要開早會, 反而晏咗食午飯, 點幾鐘先同老細出發醫肚, 車沿灣仔向金鐘開去, 老細話帶我去食蝦湯麵回味吓 (因早前在新加坡食過, 好正!) 嚟到蘭杜街, 原來是這間之前有公仔箱介紹過的, 今日終有幸一試! 我倆一同叫咗: 蝦肉片麵 (少辣) - 湯麵都幾大碗, 油麵淥得剛好, 唔太腍, 肉片就像日本义燒咁, 好腍, 好味! 蝦, 係就係好鮮味, 但細都唔夠聶牙罅, 莫講話要彈牙! 而個湯就係成碗麵嘅精髓, 極鮮甜, 夠蝦味! 我差唔多成碗飲哂! $35蚊一碗其實唔算貴, 但我又唔介意俾多＋元八塊, 就可以食到大大隻嘅鮮味彈牙靚蝦喎!