蝦麵店 (蘭杜街) (已搬遷) 新店位置

從前的蝦湯麵沒有現正的普及，現在有不少的日式拉麵也以海老入饌，在記憶中，這家麵店可算是蝦湯麵的先河，連蔡瀾也讚好，連日本網站也有報道，真是人氣十足。今曰既然路經灣仔，一於試試看。這家小店裝修帶一點老香港的味道，牆壁上貼滿sepia tone的舊曰景緻，配上實木桌椅，感覺樸實而懷舊。這兒供應四大類湯底，分別有出名的辣味蝦湯底、咖哩咖沙湯底、豬骨雞湯底和福建滷麵。而麵餸的配撘多變，有海鮮、肉片、墨丸、貢丸、雞絲、魚片等，也有肉骨和牛𦟌等等。白胡椒肉骨油條$58這個上湯味道極鮮，白胡椒味道濃郁，仲帶有一點辛口。油條索哂D湯，十分惹味；排骨啖啖肉，肥瘦得宜，肉質軟腍富肉香，味道唔錯。是曰油菜$18食得肉多，也要綠色蔬菜平衡一下。通菜是灼熟的，入口幾嫩又唔油膩，加埋腐乳醬，鹹香惹味。蝦肉牛𦟌麵$88這湯麵上鋪滿了開邊蝦肉和牛𦟌，十分吸引。先飮一口湯，蝦湯惹味濃鮮，帶辣勁，湯的表面還泛著蝦油，正呀！這兒的蝦湯真材實料，用上大量蝦頭、蝦殼同豬骨以及香料炮製湯頭，所以蝦湯鮮甜香辣，層次豐富，配上爽口油麵同大大片的牛𦟌，真是滿足。即使辣到有點冒汗，也要吃光。海鮮麵$72這碗海鮮麵材料豐富，有大蝦、魷魚翼

好好味啊！真係要講三次好好味。終於食到一間正宗喇沙湯麵。仲要係灣仔，喺正我公司附近，我可以成日嚟啦。其實都好容易搵到，喺灣仔同金鐘之間。我揀咗個喇沙湯底下肉面，另外再加肉骨同蟹樓。湯料好充足， 10分好味，湯底亦有大量芽菜同豆腐卜，吸收晒成碗湯嘅精華。佢哋仲有炸魚皮，同個湯麵好襯，我亦都叫埋個沙嗲魷魚，海鮮醬好好味，好友馬來西亞嘅風味。另外要一題嘅，係佢哋即整嘅檸檬薏米水，唔係間間鋪頭都會整架，但佢哋就有賣，very good

有日行經灣仔, 又係諗唔到食乜見到橫街有間餐廳幾有特色, 就望下食乜就試試佢入面成個佈局都好有南洋風味就嗌個南洋小食試試佢首先就黎個白胡椒肉骨油條....即係肉骨茶啦大大粒胡椒係面, 證明係真材實料仲有兩舊油炸鬼比你送肉骨茶, 係國外一般都要另外加錢.肉骨夠哂淋滑, 仲好夠胡椒味海鮮喇沙大大碗, 有成個拉麵碗咁大, 入面有青口,大蝦,之類我就貪得意嗌左摻摻, 即係混合麵有米粉有油麵撈埋一齊口感幾得意湯唔係太辣, 一般人都食到朋友叫O既冬菇雞絲麵D 冬菇勁大片...不過佢唔比我食另加飲品兩杯凍青檸梳打係好飲O既夠哂南洋風味O岩哂依家咁熱O既天氣

平日行開太古廣場，都會專誠來這間蝦麵店光顧一下。最出名的就是辣味蝦湯底同咖喱喇沙，味道濃郁嘅湯底配上麵條，怎會不好吃呢？今日我都帶朋友來這裏一試。當然就是一人一碗招牌湯底油麵。諗住叫多一款小食試吓，想不到令我們非常驚喜，白胡椒肉骨油條好好飲，而且好食。辣味蝦湯底蝦肉牛𦟌面＄88牛𦟌腍身，而且辣味蝦湯底滲入牛𦟌之中，啖啖濃郁蝦味精華，足足有三大片。湯底濃郁的鮮蝦香氣，再加上食少辣，惹味十足。油麵爽彈，十分好吃。配菜還有些少芽菜和香茜，香氣十足。咖喱喇沙海鮮麵 $72海鮮麵嘅材料包括大蝦，魷魚翼，青口，蟹柳同腐角，材料豐盛。湯底味道濃郁，香濃嘅咖喱加上鮮甜海鮮，很入味。大蝦爽口彈牙。腐角吸收了湯底的精華，濃郁滋味在口裡爆發。脆脆魚皮＄18香脆嘅魚皮浸入濃郁湯底之中，香脆之餘，又配以湯底鮮味，不錯嘅小吃。白胡椒肉骨油條＄58之前已經想食，不過一碗麵已經夠飽。今次同朋友來食，點都要叫一碗來分享。這個真是好吃！這個湯有濃郁的白胡椒香氣。肉骨很腍身，不需要咀嚼已能吞下。油條吸收了白胡椒嘅精華，像是能入口溶化。喜歡白胡椒的一定不能錯過！最後埋單兩人都只是200多元，抵食，而且的確是高質。

真係聞名不如見面呀。我已經想食蝦麵店好耐呀，成日比佢個喇沙吸引住。我中意食喇沙既程度係我會買返屋企自己煮既程度，哈哈今日專程點排隊都要黎幫襯下你先得呀。首先我中意佢既裝修，典型馬來西亞風格。食都食得別有風味呀。一坐低緊係食我最中意食既喇沙底喇。咖哩喇沙湯底加配料。我揀左海鮮麵，包括: 大蝦/魷魚翼/青口/腐角/蟹柳，超豐富，因為我想食多d 菜，所以我另外再加多左冬菇同埋青菜。我揀左摻摻，都建議朋友揀呢個麵底呀，佢係由米粉加油麵組合成的。口感更加好。黎到碟麵比我預期以外大碟呀，好正呀香噴噴的。喇沙味濃濃，十分惹味，每款配料吸左湯底精華，唔夠15分中我已經成碗食晒，實在係太正喇，我後追加炸魚皮，超大碟，脆卜卜。加埋落麵食更惹味呀。我另外叫多一杯檸檬意米水。十分完滿既一餐LUNCH。十分滿意

放工後跟兩個好友到灣仔區，目的就是為了吃家麵店，全因為貪吃朋友們都推薦的足料蝦湯底！聽說這裡的蝦湯是每日用蝦頭、蝦殼、豬骨和多種香料鮮製而成的，不可以不試吧！麵店環境有星馬feel，也有點澳門的街景觀的錯覺。A1. 蝦肉牛展麵朋友喜歡米粉可以吸更多的湯汁，說這樣才會更深入了解湯的精華所在！果然蝦湯底一點也沒有讓人失望，啖啖蝦香味滲出，而且還有陣陣香草味。配料方面有開邊蝦肉，味道可以；而朋友喜歡牛展一點也不嚡，而且肉挺嫰！A2. 蝦肉肉骨麵我也是因蝦湯而來的，當然要點A系列(蝦湯)的！不過難得來到「檳城」，當然想要吃肉骨，享受我喜歡的啖啖肉滋味！貪心的我還加了大蝦跟豆腐卜這兩個配料，大蝦是原隻上，特別鮮又特別爽口；而豆卜呢？當然就是吸湯~~ 而麵底方面我選了摻摻！那其實就是油麵混合米粉，聽說這才是最正宗的食法。D1. 蝦肉肉片麵羹另一位朋友點了這個蝦肉肉片麵羹，油麵底的，說穿了麵羹也就是跟碗仔翅很像的東西。朋友超欣賞這個，說不稀稠的湯底吃起麵上來有種更實在的感覺！配料方面是不同的海鮮，感覺也很豐富！是日油菜 - 馬拉盞通菜第一次以馬拉盞配油菜的方式去吃菜，因為馬拉盞醬沾多沾少可以自己控制

最近對喇沙產生了熱愛，所以有特別找喇沙來吃，有吃到好吃的就當然要跟大家分享一下啦這次來到灣仔的一間馬拉菜小店，主打檳城美食，尤其是蝦麵、喇沙等麵食～店面和店內裝潢帶有懷舊感覺，兩邊牆上貼有不少照片，店內飄著麵條的蛋香這裡的麵食依湯底為分成4大類，有辣味蝦湯底、咖喱喇沙湯底、豬骨雞湯底和福建滷麵。我當然首選喇沙啦男友就點了碗豬骨雞湯麵。麵底有油麵、米粉等可選，最特別的當然是兩者混合的摻摻啦！咖喱喇沙海鮮麵($72)：這碗喇沙相當大碗又足料，無論是麵底還是海鮮配料，份量都很多摻摻麵底是一半油麵加一半米粉，兩者口感、粗幼不一的麵條混在一起吃，口感豐富喇沙湯底既香又濃郁，不會很辣，吃得很舒服豬骨雞湯蝦肉牛𦟌麵($82)：與喇沙一樣，這碗麵也是非常足料，湯底鹹淡得宜，而牛𦟌也煮得很好，軟稔、易入口白胡椒肉骨油條($58)：胡椒味相當濃郁，有點像胡椒豬肚湯的感覺油條充分的吸收湯汁，是精華所在～排骨軟嫩，能輕易骨肉分離馬拉盞通菜($18)：這碟通菜分量不少，而且只是$18，cp值超高一旁啡啡的是馬拉盞，可按喜好拌入，另有腐乳可選～飲品點了檸檬薏米水，味道不錯；另外還有100plus，是類似寶礦力的飲

友人在灣仔上班，之前跟我提起有一間用蝦做湯底的麵店，所以今晚決定一試。蝦麵店主要分開四個主要湯底~A 辣味蝦湯底 B 咖喱喇沙湯底 C 豬骨雞湯D 福建滷麵湯底。我揀左:辣味蝦湯底海鮮麵$ 72湯底好有蝦的鮮味，明顯沒有加味精，辣辣的好惹味裹面仲有大蝦，鱿魚翼，青口，腐角和蟹柳，用油麵和米粉兩溝，份量好大好豐富福建滷麵海鮮檔$69呢個有D似湯羹，杰杰的，有大蝦，鱿魚翼，腐角和魚片，魚片好爽好彈牙不錯小食1: 白胡椒肉骨油條$58有D似胡椒豬肚湯，但更勝一籌，湯底除了有胡椒味，飲得出有鮮甜味，原來是用雞，豬骨和洋葱淆湯，好好味另外把油條浸滿湯一起吃，真是别有一番風味，highly recommended 小食2: 脆脆魚皮$18魚皮炸得又薄又脆，有D食薯片feel, good ah加多$15元仲可以有一杯檸檬薏米水，這個薏米水一点糖也沒加，好健康！牆上掛上很多懷舊相片，頗特別，另外有一排面向牆的位，頗適合一些單身人士進食

牆上貼滿懷舊的相片，有老派的裝潢，悠悠的燈光，好似去了六，七十年代的食店。屹立在灣仔的一間麵店，主打星馬食品中的喇沙湯麺和蝦湯麵。點了一碗蝦肉肉骨麵，註明兩隻辣椒辣度，我雖然喜歡嚐辣，但都係要求一隻辣椒，免得辣度搶過蝦湯味。嚐了一口湯，蝦的鮮味慢慢滲透出來，辣度剛好增加食欲。麵揀選了摻摻，即油麵和米粉的混合，有雙重口感。蝦肉結實，越嚼越出鮮味。肉骨非常軟腍，每啖散發出糊椒香，感覺好暖胃。芽菜和通菜的組合，混入摻摻，層次豐富，夠爽口。

在香港嚐到正宗馬拉菜的地方不多這家湯麵店是味道比較正宗之一外面的鐵閘模仿檳城的商店內裡的裝潢甚有南洋風味四種招牌湯底任君選擇我點辣味蝦湯底肉骨油麵配料有肉骨蝦仁乾蒜等先呷一口湯底味道濃香蝦味鮮甜辛辣味惹味叫人忍不住一口接一口肉骨是肉骨茶那款肉骨炆得軟腍有強烈胡椒香最後把湯都喝到一滴不剩朋友點了魚蛋咖哩喇沙湯河喇沙湯質感略稀但味道香濃配上吸湯的河粉就最好魚蛋彈牙吃得相當過癮本想追加咖哩魷魚本當日缺貨最後改點脆脆魚皮浸一下湯吃軟中帶脆馬來菜又怎能沒有美祿呢一杯冰凍美祿絕對是解暑良品

 聽老婆話平時返工都會係呢間蝦麵店食LUNCH，咁啱返工經過呢頭，所以就去會一會佢先。 午市等位大約等咗五分鐘就有位啦，呢間麵店係一間坐得好親密既小店。佢一共有四款湯底：辣味蝦湯底、咖哩喇沙湯底、豬骨雞湯底和福建滷麵。我最後㨂咗試辣味蝦湯底。蝦肉墨魚丸摻摻湯底夠辣同惹味，摻摻係油麵拼米粉，好特別既食法，一次過可以食到兩款麵。蝦肉都係得三四粒，SIZE仲要好細。蝦肉同墨魚丸味道只係一般般。整體黎講係個湯底比較出色，啲餸就好普通。

今日又有同事提議去食蝦麪, 之前食過兩次, 第一次食辣湯底!!超正!!第二次食喇沙湯底!!都好正!!今日真係好熱, 大熱天時真係食唔到辣湯底同埋喇沙湯底, 所以我最後揀左豬骨雞湯底。配料就揀左片同埋貢丸，個豬骨雞湯底雖然平左$10, 不過真係高下立見!!!味道真係差好遠!!!食清湯既人真係唔好黎蝦麪店, 我今次真係錯誤決擇!!!!C6 貢丸魚片麪 $44麪底我揀左摻摻, 即係油麪加米粉兩溝, 貢丸3粒, 魚片都幾多, 有好多芽菜，仲有通菜!!通菜係辣湯同喇沙湯冇既, 加條菜係健康D既!!=]重點係個湯底唔得!! 豬骨雞湯底??食唔到豬骨味, 又食唔到雞味, 根本係超清湯!!!!味道好淡, 完全冇驚喜冇好味既感覺。所以我話好後悔呢個決定。不過唔緊要啦, 呢間餐廳係OK既, 下次幫親我會識點!!!!呢頭餐廳仔可以八達通比錢, 不錯!! =]

灣仔番工，大熱天時約左個金鐘番工既同事係呢度食，當拎個中間點喎，是但點知原來都幾多人食，排左兩個字左右入左去，叫左個蝦牛展麵, 食左兩淡已經無哂，對個份量好失望！雖然湯底算濃但得兩淡真係唔夠喉。。

有個同事話見過平時鍾意食啲粉麵嘢，介紹我去蝦麵店試一試。同事既然推介得，我哋當然要試吓啦，仲要解決每日返工最大既難題喎，實在係太好啦！呢間麵店位置喺蘭杜街，我其實平時都會過黎呢邊食，不過之前淨係食過深受同事們熱愛既大叻。等位大約等咗十五分鐘，一共有四款湯底作選擇：辣味蝦湯底、咖哩喇沙湯底、豬骨雞湯底和福建滷麵。咖哩喇沙墨魚丸魚片油麵湯底夠香濃，油麵唔會煮得太淋仲係好彈有口感，墨魚丸魚片感覺就普通水平一般般。佢有款麵叫摻摻，原來係油麵加米粉，下次有機會再黎食會試埋佢個摻摻。

今日有同事推介灣仔呢間蝦麵店，平時係附近食LUNCH都會經過，但真係一次都未過，今日大概1點左右黎到，2人枱要等4-5張，不過好快就有位。因為佢個餐牌都好多選擇，而我地2個都係第一次黎，餐牌都未睇掂阿姐已經催左我地2次落單，我都知食飯時間多人，但其實都唔使咁趕，坐低都唔夠3分鐘就催左2次。點餐首先要係4個湯底揀1個A辣味蝦湯底，B咖哩喇沙湯底，C豬骨雞湯底同埋D福建滷麵，我揀左A辣味蝦湯底，然之後再揀配咩餸，最因為佢叫蝦麵店，所以我揀左有蝦肉既A8 蝦肉貢丸麵 $59，(好似唔係好關事)。XD個麵望落好精緻，好香，應該會好好味，蝦肉係半切既，應該都有3, 4隻蝦，貢丸有3粒，我揀左油麵，先飲一啖湯，果然好有風味，微辣，唔知點解好似去左馬來西亞食麵既感覺，好正。不過貢丸同蝦肉就冇咩特別，係個湯底取勝。本人覺得可以再辣小小。不錯，會再黎試埋個咖哩喇沙湯底!