蝦魂

營業中

休息中

🔹️和牛雲吞、燒干貝、叉燒牛骨湯拉麵 （期間限定）喺香港好少食到好味的牛骨湯拉麵🐄，依間我好滿意！和牛雲吞🐄、燒干貝、叉燒好有質量，仲有幾塊好滑的慢煮雞胸🐥！🔹️蝦紅湯拉麵 呢度嘅蝦紅湯底好鮮甜好正，用左好多蝦去淆🦐，有4隻蝦咁多，都幾彈牙！麵條彈牙掛汁，仲有好多櫻花蝦，同埋流心蛋。我加咗個辣蝦醬，用來點蝦和麵都幾惹味，注意唔好一次過哂落去。🔹️自家製阿根廷紅蝦雞肉餃子 每隻大餃子，都用咗原隻大紅蝦🦐，加埋免治雞肉包🐥，可以說是世一餃子😍🔹️花雕酒漬新鮮鮑魚 鮑魚爽口彈牙，幾有酒味

平日夜晚去到唔太多人，唔需要等位。鋪頭採取開放式設計，地方闊落，坐得都舒服。我地總共叫左蝦紅湯拉麵🍜，和牛餃子同埋自家製阿根廷紅蝦雞肉餃子🥟蝦紅湯拉麵 3.5/5湯底濃但少腥，食落都有多種唔同蝦熬製既味道，誠意十足😊 不過有因濃蝦湯既些少苦澀味，可以再有多d蝦油香味。麵底有嚼勁👍🏻份量足夠但蝦既size較細。感覺拉麵風格比較似fusion日式拉麵再加d港式元素，食既時候好似有種去左大澳既感覺🤣 不過overall都係一個好既嘗試，配料的確可以再豐富d。阿根廷紅蝦雞肉餃子 4/5呢個餃子係餃子皮包住雞肉同蝦既餡料，皮薄多餡👍🏻口感豐富。食到淡淡雞肉味，不過味道可以再豐富d，唔係太食到蝦味。和牛餃子 3.5/5有淡淡和牛味，味道中上。服務不錯，nice同有禮貌。味道有改善空間但有十足誠意，如下次經過都有興趣試其他拉麵👍🏻

上次嚟試咗佢哋嘅蝦湯，非常之好好味，今日又再過嚟食拉麵。今次佢哋多咗款期間限定嘅拉麵。全名都幾長。和牛雲吞、燒干貝、叉燒、牛骨湯拉麵🍜佢哋除咗雞白湯同埋蝦湯，本身有一款牛骨湯底嘅拉麵。今次呢款限定就加入咗和牛雲吞同埋燒帶子，仲有一片叉燒同埋兩塊雞胸，最特別係有一隻冬菇喺面。送到嚟就聞到好香牛油香。湯底係好純好細緻嘅牛味，裏面仲有啲煙肉粒調味，有啲偏油嘅。拉麵入邊加咗麥粒，有小麥香又夠煙靭，紋身本身都掛湯啊，所以食落都好暢順夠味道。嗰粒和牛餛飩有幾特別嘅裏便啲肉餡就似和牛漢堡。其餘配料都幾出色。另外我冇試過雞白湯啊，所以就叫咗一碗雞湯蘿蔔做小食。雞湯都有啲乾，所以個雞湯係好濃味蘿蔔就煮到腍晒，作為一個小食青青地係幾好嘅。

蝦魂拉麵店位於新都城商場天橋入口的必經位置，之前有時候經過仲未開舖，今日星期四午餐終於有幸可以嘗試 午市套餐有四款，$88 起，包括拉麵、餃子兩隻和汽水，唔使加一服務費，好抵食 我好鍾意食蠔，這個廣島蠔拉麵令我非常驚喜，蠔/蜆/鮮魚湯底好香濃，又唔會太鹹或者太油膩，廣島蠔好肥美，竟然有三隻咁多，蜆都算好大隻，味道幾鮮甜，拉麵是用日本麵粉新鮮製作，見到一粒粒小麥，感覺幾健康，又有咬口 下次過來都會再encore另外我哋叫咗叉燒雞白湯拉麵，雞湯味道都係非常濃郁，但亦唔會太鹹或者太油膩，叉燒肉質都好彈牙，值得一試 套餐的汽水和餃子正常發揮，唔算好特別，所以冇影相記錄，整體來說，餐廳的食物質素和CP值都好高，下次一定會再來試試其他招牌菜

今日去寶琳食拉麵。老婆食貴嘢，叫咗個期間限定；老公就食平啲、轉咗個午市套餐嘅醬油牛骨清湯拉麵🍜 不過兩個拉麵嘅牛骨湯底都一樣出色👍🏻 牛骨的味道香濃。所以套餐有杯茶飲係好重要‼️這是佢地嘅 Jasmine Greentea , 雖然用 dimah 品牌非日系、但都好飲拉麵配料係期間限定的果一款都幾豐富：有和牛雲吞、有帶子、有慢煮雞胸肉，一塊叉燒。另一碗醬油牛就配有竹荀、澳洲Prime 牛肉。我覺得幾正的嘅係兩碗麵都有冬菇、冬菇係鮮味再加埋牛骨湯底，咬開juicy tasty。帶子厚、新鮮。麵條軟硬適中、唔錯錯。

餐廳在新都城一期商場，寶琳火車站一出行幾分鐘就會見到，座位不算多但感覺舒適，店員按顧客需要有提供凍水或暖水。蝦紅湯拉麵睇餐牌介紹湯底使用了龍蝦、虎蝦、阿根廷紅蝦、日本櫻花蝦等多種不同蝦種經過焗炒煮熬多重工序每日新鮮熬煮4小時，再配上自家秘製的蝦油醬，令湯底味道細緻和層次更為豐富，達到濃而不濁。大家如果黎必叫首選。澳洲頂級肉眼醬油牛骨清湯拉麵湯底睇介紹係大量使用帶有肉、筋膜和油脂既牛肋骨經24小時慢火熬製，所以飲落清澈同時醇厚而不膩，湯頭再加上秘製昆布醬油，額外令整體味道鮮甜甘醇。肉眼肉質鮮嫩，入口順骨，適合食肉獸人士。自家製阿根廷红蝦雞肉餃子有提供柚子醋沾點食用，紅蝦和雞肉既配搭味道上意外和諧，食落十分滿足，上面灑滿了櫻花蝦，增加了咬口。和牛煎餃子餃子就試得多，和牛餃子就比較少見，一上桌就熱滾滾，似係即叫即煎，餃子皮煎得香脆可口，和牛牛味濃郁，一咬牛肉汁在口內爆發。

又係將軍澳覓食喇～💨 將軍澳寶琳可以話係最多餐廳美食選擇嘅地方，新都城呢一間日式拉麵都開左一段時間🍜 終於有機會食到😉睇餐廳名就知佢哋主打蝦拉麵🍤我哋分別叫咗蝦紅湯拉麵同埋另一款牛嘅拉麵，仲有佢哋既小食都幾吸引！ 特別要一讚既係，一入到去餐廳店員非常有禮貌，好體貼貼心地向每位客人問要暖水定係凍水☺️𖡼 蝦紅湯拉麵有別於出面嘅蝦湯拉麵，本身以為會係好濃稠嘅湯底，但佢哋既蝦湯好特別✨係非常之清甜既鮮蝦湯底，好清新既感覺🌿 唔會覺得勁重口味，會想一啖接一啖連湯都飲埋，有大量櫻花蝦乾🍤🍤🍤 蝦肉仲要貼心到已經搣咗殼，成碗拉麵食到最尾都唔會覺得膩，讚！𖡼 澳洲頂級肉眼醬油 牛骨清湯拉麵 見到隔籬枱點咗呢碗牛嘅拉麵，覺得好吸引，有三塊勁大塊嘅肉眼牛肉🥩 果然係澳洲頂級牛肉，非常嫩滑，牛味都好夠，大大塊食落塊好滿足！湯底方面，亦都係好清甜既牛骨湯底，我個人好推薦呢款拉麵 👍👍👍𖡼 自家製阿根廷紅蝦雞肉餃子（三隻）睇得出呢款自家製餃子都好有心機，好味！好少拉麵店會有自家製餃子，值得加點～🥟🥟🥟𖡼 鰹魚昆布漬廣島蠔 廣島蠔漬得好入味，而且都幾大隻 🦪

在寶琳搵到間高質拉麵店！蝦魂做到湯底濃郁，但係唔會鹹，食完都唔會口渴。特別選了期間限定拉麵同埋雞白湯，餐廳除了主打蝦湯之外，其他拉麵都出色。🌟和牛雲吞、燒干貝、叉燒、牛骨湯拉麵 $138（期間限定、限量供應）牛骨湯清淡得來又好夠香，用料豐富，雞肉、雲吞、元貝、叉燒同蘑菇，鋪滿一整碗。拉麵爽口彈牙有麥香。🌟雞白湯拉麵 $88清淡可以選雞白湯，湯底望落濃郁奶白香甜。雞胸肉非常嫩滑軟腍。🌟自家製阿根廷紅蝦雞肉餃子 3隻 $48必點之選，大隻餃子，製作比較特別而且好食，紅蝦味道好香。🌟雞湯浸時蔬(菠菜) $20另點蔬菜，而且是菠菜，份量正常，雞湯煮特別香滑。總括嚟講，食物味道同環境都不錯，係會再去嘅拉麵店。

“鯛魚x牡蠣湯拉麵”($98)“虎蝦乾海味炊飯”($108)“自家制阿根廷紅蝦雞肉餃子”($48)“花雕酒漬 新鮮鮑魚”($32)新都城有間開咗冇耐嘅拉麵店🍜見網上評價不錯所以一於試試😛呢道嘅拉麵/飯有6款每款都十分特別創新拉麵點咗鯛魚x牡蠣湯拉麵🐟🦪鯛魚湯底加上自家製牡蠣醬,好濃郁🥰當中仲會飲到淡淡嘅柚子香豬腩片份量都幾多同幾嫩滑🐖麵條用日本麵粉新鮮製造,軟硬適中另一個就點咗虎蝦乾海味炊飯🦐個飯加咗乾貝,日本花菇,虎蝦乾真係粒粒飯都充滿住海鮮味😋配料方面仲有慢煮雞胸肉,食落夠哂滑🐔而且點呢個飯仲會送上雞/蝦湯我就揀咗紅蝦湯配合返主題😆個湯真係超級香超級濃,大推!小食就叫咗自家制阿根廷紅蝦雞肉餃子🥟除咗造型特別,味道仲有驚喜紅蝦肉搭配上雞肉,櫻花蝦味道好香😚花雕酒漬鮑魚爽口彈牙,酒味清香下次會想再嚟試埋其他拉麵湯底😙

見呢間野岩岩開始嘅時候俾人踩到好唔好食，一路都唔夠膽去試。今日突然有興致去試下，一坐低聞間鋪好濃蝦味，以為會有啲驚喜。點知個都一黎到，個湯完全唔夠熱，蝦味唔新鮮唔好味，食完條脷腥humhum。完全搞唔掂！見呢間野岩岩開始嘅時候俾人踩到好唔好食，一路都唔夠膽去試。今日突然有興致去試下，一坐低聞間鋪好濃蝦味，以為會有啲驚喜。點知個都一黎到，個湯完全唔夠熱，蝦味唔新鮮唔好味，食完條脷腥humhum。完全搞唔掂！

最近工作忙碌 放工都係公司或者屋企附近簡單食就算今晚OT完又想食餐好的想起了屋企樓下商場的專門蝦湯拉麵店位於商場入口位都幾顯眼每次經過都見到好多人//蝦紅湯拉麵 $108//湯底用上龍蝦、虎蝦、阿根廷紅蝦、日本櫻花蝦等熬製4小時而成並加入秘製蝦油醬 橙紅色的湯底 好香喝每一啖湯時都混入櫻花蝦每一口都是滿滿的蝦鮮味味道鮮甜 濃郁而不鹹餐廳一點也不吝嗇 有幾隻蝦蝦都好新鮮 肉質爽口吸晒湯底味道配料有木耳絲、櫻花蝦、紫菜及溏心蛋拉麵麵條用日本麵粉都係自家製口感彈牙 麵底亦都好掛湯 //澳洲頂級肉眼 醬油牛骨清湯拉麵 $98//湯底用牛肋骨慢火熬製24小時加上秘製昆布醬油而製成牛味香濃 入口好鮮味幾塊薄切澳洲肉眼圍邊的擺盤很美入口軟淋又帶濃濃牛味拉麵幼身彈牙 //自家製阿根廷紅蝦雞肉餃子 $48//店員特別推介這個自家製餃子餃子外型特別做法係用餃子皮包住雞肉同原隻阿根廷紅蝦再配上大量嘅櫻花蝦碎賣相很吸引 餃子包住蝦和雞肉入口口感豐富又有層次超級足料而且好有蝦味 //蟹籽沙律 $20//滿滿的一碗 好多蟹籽仲有好甜好爽口既青瓜絲 正

食過咁多間蝦湯底嘅拉麵🍜唯獨寶林呢間蝦魂可以吸引我再去多次環境好乾淨企理，亦都好近地鐵站新都城一入門口就見到佢店員先問我飲凍水定暖水之後再準備二維碼俾我點餐蝦紅湯拉麵湯底十分濃郁據聞用咗唔同嘅蝦去整出嚟呢個湯配料都一啲唔吝嗇，有幾隻蝦蝦都好新鮮，吸晒湯底味道面底亦都好掛湯，最後係完全飲晒啲湯之後仲叫咗阿根廷紅蝦雞肉餃子佢個底煎到好脆，好似大阪皇將咁樣口感完全係未試過，好值得大家叫嚟食呢類嘢已經值得我再去多次食

最近發現左間係寶琳新開嘅拉麵店 見到佢舖名同menu都出現左蝦嘅身影 身為拉麵+蝦嘅愛好者點可以唔試下喎！！！🦐🍜蝦紅湯拉麵 $108\ \ 呢個我十級推薦食！！💯 / /蝦紅湯係用左龍蝦、虎蝦、阿根廷紅蝦同埋日本櫻花蝦等等 唔同種類嘅蝦再經過唔同嘅工序每日新鮮熬煮4個鐘！就係聞已經覺得好香 食落更加係超級濃超級濃嘅蝦味😆😆本身個湯底已經好濃郁 面頭仲另外加左炒香左嘅櫻花蝦乾同埋佢地自家製嘅蝦油醬 完全係錦上添花 食落更加帶出左落蝦嘅鮮味🥹🥹有樣野好值得加分嘅係 佢有4隻已經剥左殼嘅蝦 勁貼心！！！而且蝦仲要係爽彈 唔係好似其他地方食到煮到霉哂嘅蝦～仲有本人最鐘意食嘅溏心蛋同埋木耳絲係面頭 真係勁正！🥹🥹🫶🏼🦐🍚虎蝦乾海味炊飯配雞湯 $108拉麵店有湯食都好少見 所以就試一試佢😆呢個炊飯係用左北海道嘅珍珠米 再加上虎蝦乾、櫻花蝦乾、日本花菇同埋乾貝 所以聞落係勁香嘅乾海味味同埋食落努有口感 再撈埋自家製嘅鰹魚昆布汁帶出左咸鮮味 飯嘅面頭仲有5塊慢煮雞胸 雞胸係好嫩滑同埋溏心蛋🙂‍↕️炊飯可以揀配蝦紅湯或者雞白湯 我同朋友就揀左雞白湯 雞白湯都係好濃郁 但落左去飯度一齊食唔會搶左海味飯嘅味

之前聽朋友極力介紹新都城有間專食蝦湯底嘅拉麵，而家天氣時晴時雨又辣熱熱，係商場搵食就岩晒🍜店鋪除左主打蝦紅湯之外，雞白湯、鯛魚牡犡湯、醬油湯及其他限定湯底都係自家新鮮熬製，絕無味精雞白湯拉麵 $88雞胸肉非常嫩滑柔軟，作為一個唔鍾意食雞胸嘅人表示好好食🐥湯底奶白鮮甜，配埋腐竹食，入口滑溜幾得意，另外拉麵係用日本小麥粉製造，口感彈牙爽口帶麥香廣島蠔 x 煙薰豬腩肉 鯛魚牡犡湯拉麵$98材料好豐富，廣島蠔幾大隻，煮得火喉岩岩好唔會過老，豬腩肉肥瘦相間，淡淡煙薰味幾香口，除左呢2位主角外，脹卜卜嘅飛魚子咬開爆汁，令湯底味頭更帶一份咸鮮味道自家製阿根廷紅蝦雞肉餃子 $48餃子組合好創新，將彈牙嘅蝦肉同雞肉加埋一齊，口感特別，蘸上柚子醬汁味道更加惹味雞湯浸蘿蔔 $28蘿蔔煮晒雞湯嘅精華，非常入味，仲有少少瑤柱，味道鮮甜

今次去食拉麵，知道這間麵條🍜係用日本麵粉新鮮做，湯底用原材料熬製、不含味精🩷蝦🦐紅湯 拉麵：湯底係用蝦殼打碎而成, 用上紅蝦、虎蝦、龍蝦、阿根廷紅蝦及日本櫻花蝦等熬製的！橙色的湯底非常濃郁，配上自家秘制蝦油醬、味道層次豐富！所以我飲咗好多😋，而且沒有味精，所以飲完冇口渴！而配料有新鮮既蝦、紫菜、木耳同埋糖心蛋！雞白湯拉麵：奶白色的湯成使用全雞、雞翼、雞腳煑成的，湯底溫和而醇厚，嬓滑的慢雞胸肉配上爽口彈牙拉麵, 口感層次豐富！自家制阿根延紅蝦雞肉餃子🥟：大大隻，入面有多汁的雞肉+ 蝦，好好味呢