蝦蝦燒 (已結業)

天氣變冷了，約了朋友到蝦蝦燒相聚， 來到這邊不用多說，當然時立馬走去海鮮區拿我愛的鮑魚、蟹、生蠔、扇貝。 記得在旁邊取一些牛油和蒜泥，因為枱上還放幾瓶調味粉，在烤串燒時可以隨意的放很棒呢！來到這裡一定要夾蝦，很有趣要眼明手快的，太慢蝦已經跑掉，這裡的蝦，蝦頭有膏蝦肉鮮甜。座下時侍應生給我們送了一份鱔片， 鱔片和豬大腸烤到外脆內嫩很好吃呢！ 蒜泥包烤得脆脆和 窩夫烤過後放雪糕在上面一起吃很配呀！飲品選擇多樣化，汽水，果汁，茶， 連水也有， 配合不同人的需要。

🔹️蝦蝦燒🔹️自助流水蝦放題盛行左好耐，我都未試過，今晚朋友帶我黎荃灣《蝦蝦燒》品嚐流水蝦，好彩有先預約，晚餐時間好旺場😊店舖位置好寬敞，每枱旁邊都有流水蝦道，放有好多蝦比我地即夾即食，保證新鮮又好食。先係流水蝦道夾起想要既蝦，再放入預先準備既冰桶，先將蝦凍暈，再放上燒爐燒。燒到兩邊橙紅色就可進食，每隻蝦都好多蝦膏🤤又彈牙有咬口場內有大量海鮮供應，有鮑魚、大蜆、生蠔、魚、扇貝、魷魚及蟹，海鮮都好新鮮鮮甜，職員都Refill得好快，真係食極都有，大飽口福串燒區既種類都好多元化，肉類、蔬菜、蔬果、麵包都一應俱全，而肉類都有醃製過所以唔需要落調味料都夠味飲品區既飲品都多選擇，有汽水、茶類、多款啤酒及韓國燒酒-真露可以揀，夠特別🍺 同朋友都掛住食，食到成手都污糟晒，職員都好好不斷幫我地Refill濕紙巾👍服務態度又Nice

呢排好鬼凍, 朋友想食海鮮, 我又突然好想食熱辣辣串燒點算! 點算! 最終搵左蝦蝦燒, 一次過滿足哂我地兩個嘅要求, 用餐時間2.5小時, 實夠我地慢慢傾慢慢燒。一入門口, 果個海鮮台好吸睛, 帶殼類有鮑魚,生蠔,蜆,沙白,貴妃蚌,東風螺,帶子,扇貝,蟹等..魚類有𩶘魚,黃花魚,深水泥鯭,三文魚等, 而且仲有我最愛大大隻魷魚,好想整燒尤魚再點泰式辛辣汁啊!行前DD, 飲品櫃好多款式,串燒櫃都有4大個。除左好多腸類,仲有牛柳粒,腩肉串,牛扒,羊鞍,雞翼亦有全翼同中翼,唔同口味都有 蔬菜類除左有燒烤必食既燒菠蘿同茄子,仲有粟米,翠肉瓜,南瓜,什菌,豆卜,青椒,蕃薯仔, 好多我都好想食,真係未出發先興奮。因為爐面夠大,而且仲有雙層, 熱力好夠, D海鮮同串燒話咁快就熟哂, 燒大腸同燒雞皮上面既油仲係度沸騰緊,香到飛起,個串鱔片不得了,燒到脆卜卜,油香好足,好掂啊!!海鮮果邊都無令我地失望,因為係即撈即燒,真係好新鮮,蝦頭好多紅卜卜既蝦膏,蝦肉鮮甜爽彈,鮑魚大大隻厚實彈牙,D蠔加左牛油同蒜蓉超惹味，貴妃蚌好鮮甜,平時買1斤食可以唔夠喉, 買多又食唔哂, 今次真係可以按個人喜好,樣樣都食D。最後

想食最新鮮既海鮮, 莫過於係池中即拎即煮啦所以一直都好想試下D好似蝦場果度邊拎邊食所以朋友生日, 就係荃灣蝦蝦燒度BOOK左位去慶祝啦入到去已經見到成個蝦場咁, 好多排蝦池, 放左好多蝦, D人隻隻都好大隻, 朋友係平時去開街市的, 佢話D隻蝦係街市買係百幾蚊一斤的, 之係食多幾隻都已經好快回到本除左蝦之後, 仲有一大堆海鮮, 包括有帶子, 扇貝, 魚, 蟹, 東風螺, 蠔, 蜆, 超多選擇飲品雪糕當然就係任拎另外, 仲有D調味架去調味, 可以按住自己既口味去整的當我地拎晒野返去預備食既時候, 職員提我地唔好將個鮑魚殼放上去燒, 我地唔知點算果陣, 佢就好好人咁幫我地去處理, 而且好好禮貌, 值得一讚攪在咁多前期功夫同參觀之後, 終於開始食啦, 蝦因為夠新鮮, 所以非常好味, 肉質彈牙鮮嫩, 我地特別鐘意沾泰色汁, 同呢隻蝦真係好夾而其他海鮮都好有鮮味, 食得出係好新鮮既貨成條大泥猛咁食真係好鬼爽另外, 我真心好推薦D個每人限定一串既鱔肉串, 燒完外皮勁脆勁香口, 而且肉質好彈牙, 鱔肉味好出, 真心好想再食多幾串除左海鮮外,都仲有好多款唔同既食物, 牛, 豬, 雞, 羊就一定有架啦,

友人同我講bookmark 左蝦蝦燒好耐，要留番同我去玩😆 呢日同佢行完街街就去又玩又食啦❤️.✨新鮮流水蝦➕海鮮➕自助串燒燒烤$348每枱既旁邊就有流水蝦俾你任夾，可以邊玩邊食兩個半鐘！仲一路食飯一路望住啲蝦游水幾過癮，蝦都好生猛又大隻，仲要有膏🦐供應都好充足.✨除咗新鮮活蝦，仲有海鮮種類都超多，佢係海鮮自助吧形式自己出去夾， 想食幾多就幾多，我食左大量既蠔🦪、扇貝、 鮑魚、大蜆同魚，款款都大大隻鮮甜肥美😆海鮮控黎到呢到真係不得了，職員仲會keep住 refill，可以食番夠本😍😍😍，另外仲有螺，魷魚🦑，不同種類既魚等等，供應十分充足👍🏻.✨凍櫃入面放咗多款串燒肉類、丸類同蔬菜類，食串燒緊係要食燒菠蘿🍍 啦！香甜又多汁，燒到帶焦香就岩岩好！.✨整體黎講不論流水蝦，連海鮮質素都好好，款式種類多又新鮮👍🏻性價比十分之高，食物、飲品、甜品一應俱全，呢個價錢食足兩個半鐘仲有得玩🥳

一直都聽朋友講過蝦蝦燒，有得食又有得玩，今次就嚟到位於荃灣既蝦蝦燒，流水蝦放題可以任食任燒2.5小時，大部分座位隔離都有水箱，即捉即燒，夠哂新鮮！水箱裡面既蝦都非常新鮮、有活力，夾起嚟既時候都扎扎跳，店員都有喺開始前教我地夾起蝦後要放入冰水浸暈佢地，等燒既時候唔會彈到周圍都係水。啲蝦大大隻，親手捉親手燒埋，要捉到蝦都唔難，成件事幾有趣味性，又好玩又好食！個人覺得有要注意既位係，水箱既蝦好生猛，啲水容易彈到周圍都係，要小心枱面既食物，唔好放得太近水箱，如果食左生水怕肚仔痛🥹🥹除左蝦之外，仲有一個corner係新鮮海產，鮑魚、螺、扇貝、生蠔、魷魚等等，任你調味，自己烹製出最理想既味道！如果海鮮都滿足唔到你，仲有唔同燒烤常見既食物，羊肉、牛肉、豬肉、雞肉等任君選擇，放題梗係唔少得熟食區同甜品區～食到口渴仲可以喺雪櫃拎番枝野飲，好多選擇，實有你岩既飲品！今餐食得非常滿足，落手落腳去捉蝦再自己燒，特別有滿足感。我同朋友都食到捧住個肚走呀🤣🤣

最近天氣開始有點轉冷, 所以開始約朋友去食燒肉同埋打邊爐朋友話成日都食燒肉同打邊爐, 不如試下新野去食燒海鮮大餐啦, 我梗係話好啦, 因為我大鄉里都未食過$348一位再加一, 之係唔過$400就可以任食海鮮, 性價比都幾高下入面個環境係成個釣蝦場咁, 勁有FEEL蝦就係你坐既地方隔離, 你睇岩邊隻, 覺得邊隻新鮮生猛好食, 你就可以夾起佢, 勁好玩!夾起左佢之後, 就要即刻放入冰筒入面凍暈佢, 先再放佢上火度燒咁新鮮, 又大隻, 當然係爽口彈牙鮮甜無比啦, 我地係KEEP住不停咁食, 勁爽勁興奮除左蝦外, 仲有好多海鮮比你任夾的, 例如有鮑魚, 扇貝, 帶子, 蠔, 魚等等, 款款都幾新鮮, 最重要當然係任拎任食啦其實我都係一個幾冇耐性既人黎, 係等D海鮮燒熟期間, 就可以係出面拎唔同既熟食, 例如有醉蝦, 辣酒東風螺等等, D個安排真係好貼心除左海鮮外其實都仲有好多肉類, 但我地係海鮮控當然係食海鮮為主啦最後食埋甜品走人, 發現除左阿菠羅D大路雪糕外, 仲有做餐廳市場為主既COCOBERRY, 平時想食都難買到, 依架就可以食返夠皮啦總結海鮮種類唔少, 而且質素幾好, 最緊要好玩,

今日同朋友聚下，佢提意去食放題任食，最後想食海鮮，就去咗荃灣食蝦蝦燒，除咗流水蝦外，仲有好多款海鮮海產餐廳環豐都好大坐得舒服，坐位旁邊就係蝦缸方便夾蝦出面自助區就有好多款海鮮夾，而連埋燒烤食品有成幾十款，仲有啤酒汽水清酒任飲嚟得食海鮮同蝦，緊係一嚟就主打燒佢哋啦，攞咗扇貝、鮑魚、帶子及生蠔等等我哋仲用冰水桶夾咗好多蝦慢慢燒如果想燒貝殼類惹味啲，可以好似我咁加埋蒜蓉、辣椒及葱去燒架扇貝好新鮮又大隻，食落啖啖肉又鮮味，仲有蒜辣味道，另外帶子都好爽口鮮甜下層仲可燒肉類蔬菜㗎，燒白鱔超好食，不過只係一人一串，好彈牙又濃郁鱔味燒完一輪海產到主角蝦出場，一排去燒再慢慢食，隻隻都好新鮮大隻，爽口又鮮甜

放工和老朋友來到荃灣食蝦蝦燒，他一直懷念開關前泰國的流水蝦，我話佢知香港都已經有左好耐，所以佢好開心！閒日晚上到去唔算爆滿，但都旺場，唔少人已經燒得如火如荼。餐廳闊落企理，食物整齊擺放在各區域，而且選擇十分豐富。飲品不單汔水，清酒、啤酒也是任飲。燒烤食品幾十款，放滿4個長雪櫃，還有雪糕櫃！不過最吸引的還是海鮮！我地坐低第一時間去拎海鮮，帶子，扇貝、鮑魚、生蠔，大蜆等，而朋友則撈蝦，隻隻生猛的大蝦，任撈！店員仲好好，幫我地剪鮑魚。準備了大量的蒜蓉和葱，放在貝類上燒，自製蒜蓉帶子扇貝，好香，帶子扇貝鮮甜而且厚肉，食左成打！上層燒海鮮，下層就放串燒，同步進行。金菇肥牛是我的愛，可以食一打！雞軟骨、雞皮、牛柳粒等，串燒都好好味，有質素，菠蘿更加係必食！不過主角當然要食蝦，隻隻生猛，爽口彈牙，由透明燒至橙紅的過程吸引，點上自家製泰式辣汁，好好味，encore了很多轉。環境企理，食物好味又有質素，三百零蚊的價錢，絕對令人燒得開心又食得開心，去唔到泰國就黎呢度任食一餐啦！

一入座就見到座位旁邊有大頭蝦任夾，而外面自助區仲有個好似海鮮檔嘅位置，有超過十款嘅海鮮可以讓你放肆享用。今日有帶子、扇貝、鮑魚、魷魚筒、蟹、三文魚鮫等等，仲有原條魚比你任揀，場面好壯觀！燒緊嘅同時都無得抖，外面有熟食同唔同嘅即食蝦料理可以食住等，醉蝦同泰式酸辣凍蝦都好入味。自己蝦自己夾真係幾好玩，啲蝦勁新鮮生猛。大頭蝦size都唔細，膏好甘香蝦身爽彈幾飽嘴！當日亦打破左我以往一日食蝦嘅量，見到咁肥美嘅蝦真係忍唔住不斷食。除左蝦之外，扇貝都好大粒又鮮甜，加少少蒜蔥一齊燒更惹味，完全輕鬆食到外面蒜蓉扇貝嘅味道呢！魷魚筒好大條，本身海水味都幾夠，另可自己調味加入孜然粉、辣椒粉、椒鹽等等。另外串燒區有4個大雪櫃，眼花撩亂好多款都好想食！雞類串燒有好多款：雞軟骨、雞翼、雞皮、雞腎等，當然唔少得牛同豬肉啦。另外仲有羊架、多春魚、魷魚鬚等。蔬菜就推介雞髀菇、翠玉瓜、蕃薯仔、豆卜。蒜蓉包都唔好錯過！飲品同雪糕選擇都唔少～真係有泰國食流水蝦嘅感覺，整體食材都好新鮮，已經想下次再嚟食。

夾新鮮游緊水嘅蝦直接燒嘢食，有d吸引，所以一家三口就決定來試吓。入坐時人數不多，但要一枱接住一枱咁坐，每張枱是4個位，出去夾野食成日撞到，人哋的櫈，好逼。（如果二個人來燒嘢食就好d）一坐低就有個姨姨攞碟鰻魚出嚟俾你，係送的（以人數計）但冇得再添，賣相白白地不討好，但燒完食真心好味😋有好多款的海鮮俾你夾來燒，如帶子，蟹（成隻成），鮑魚，魚（不知名的，但成條上），沙白，蜆，東風螺，蠔（連殼一起燒），筒魷魚，仲有一串串的肉類，蔬菜類……種類多，但個燒烤爐太細，燒嘅速度太慢，所以夠鐘離場時，有好多款冇攞來燒🥹

蝦蝦燒之前都分別去過荃灣店和佐敦店，今次再度回訪荃灣店，鍾意荃灣店呢度個環境比較大，坐得舒服啲，唔會覺得迫夾。魚缸入面嘅流水蝦可以任夾任燒之外，自助區仲有多款海鮮，有幾款蜆，幾款原條魚、蟹、鮑魚、帶子、扇貝、魷魚、螺、生蠔、三文魚鮫都可以自己燒。除咗海鮮，場內自助區食物仲有好多已經預先串好嘅食物，蔬菜、瓜類、丸子、腸仔、豬肉、牛肉、雞肉，羊肉，格仔餅等等，$348/位，輕輕鬆鬆可以食兩個半鐘。鍾意去蝦蝦燒都係鍾意呢度海鮮嘅種類多，食物Refill 得快，海鮮樣樣都夠新鮮，啱晒鍾意食海鮮嘅我，平時都冇咁嘅機會食海鮮食得咁盡興。飲品款式選擇都比較多。推介：燒鱔真係好正，夠肥美好正。蝦、生蠔、三文魚鮫、沙白、扇貝呢幾隻我食得最多😋

環境:🔥🔥🔥食物:🔥🔥🔥性價比:🔥🔥🔥🔥回頭率:🔥🔥🔥(最高分為5分）第一次去呢一類型嘅餐廳，有得玩又有得食🤣最主要都係食大頭蝦，唔係每一隻都大大隻，不過啲膏都幾靚。順帶提一提嘅係服務加分，服務員會留意到客人就燒燶野食，就走過來提我地要反一反🤣其他食物質素就一般，蟹唔係太新鮮，相反蜆就鮮甜既，肉類都係正常質素，唔使太大期望。甜品冇乜選擇，得窩夫同雪糕。

之前已經試過食蝦蝦燒嘅流水蝦放題，一直對佢新鮮嘅海鮮同埋好多唔同種類嘅食物吸引，所以今日決定再嚟一次，享受呢個海鮮盛宴！入座嘅時候會每枱免費送鱔串，厚肉地，而且燒完之後嘅鱔皮脆口又香口，好好食！熟食方面都有唔少選擇比客人，包括有炸蟹鉗，麻辣椒鹽蝦，仲有炒西蘭花，所以唔使擔心完全會變成食肉獸😂而係海鮮方面，亦有提供蜆，魷魚，帶子，生蠔，花蟹，魚絞等等。有啲令我估唔到嘅就係有好多當造嘅鱲魚，條條都好肥美，亦都非常新鮮，自己鍾意揀邊樣就夾邊樣，職員姐姐都fill得好快，完全唔使擔心唔夠食！飲品方面亦都有唔少選擇，有汽水啤酒，茶，仲有啲零糖零脂肪零卡路里嘅嘢飲可以揀，絕對可以減輕呢餐盛宴嘅罪惡感

上次係屯門食過間類似但麻麻地嘅，原本唔想再食，但朋友話佢今次哩間好好多，話帶我去試吓，咁我就再比多次機會可能我地早去到無咩人，一入到去地方寛敞好多，坐位之間唔會好密麻麻嘅感覺，坐得好舒服入座後職員細心咁講左一次要點樣燒，同埋檯面啲工具用途，之後就上咗2串鱔，望下隔離個蝦缸咁多蝦咁大隻嘅❤️趁無乜人就周圍影下，眼見有唔少海鮮，仲有串燒、雪糕同飲品，我同朋友都好鐘意食海鮮，所以今次主打都係海鮮，第一轉即刻拎左1打蠔先，仲有扇貝、魷魚、三文魚同蟹第二轉就食主角蝦蝦啦，係未拎野食嗰陣先凍暈佢地先，排靚靚開始燒，隻隻好多膏又彈牙🤤第三轉就拎沙白，隻隻都新鮮開晒口，無沙，好味道，跟住就再拎蠔、扇貝、三文魚、沙白，最後食埋甜品大滿足啲職員服務幾好，得閒就黎幫我地清下垃圾，總括嚟講幾好，可以下次再去食