蝦蝦燒

營業中

休息中

從不同朋友口中已經聽過幾次，終於有機會嚟朝聖一下！店如其名，場地好大好闊落，入到去最吸睛嘅莫過於一條長長嘅水道，裏面佈滿生猛游緊水嘅蝦，迫不及待好想撈起快啲開始燒。一個價錢任食海鮮，仲要係新鮮嘅，真係算唔話得。為保持蝦肉能以最佳狀態食用，同啲蝦係箱中搏鬥一番之後，就要隨即放入冰桶鎮住，待佢地靜止就可以放上烤爐燒。時間唔需要太耐，變色後隔一陣就可以剝殼，一入口鮮美爽彈，肉質都幾厚實，果然名不虛傳！除咗主角流水蝦之外，呢度仲有唔少值得一試嘅海鮮，例如：限定惹味鰻魚、鮮甜大粒沙白、肥美多汁白鱔、醇滑生蠔、各款坊間較少提供嘅貝殼類。當然，餐廳仲提供唔少串燒必食嘅選項，客人可以自由選擇，豬牛羊雞包羅萬有，最基本同時最值得叫嘅包括：雞軟骨、金菇肥牛卷、羊架、雞翼等等，要數真係講唔曬，總有啱你口味，最後仲可以食埋雪糕～相信到場嘅人絕對會捧著個肚走！

朋友食過都讚口不絕，推薦我一定要試嘅餐廳。一入去彷如去咗旅行咁，第一時間見到門口位置擺放滿滿海鮮任人挑選，包括：生蠔、沙白、扇貝、鮑魚、魷魚、原條魚都有，款式數之不盡。場內唔同角落都係任食流水蝦，環境寬敞得來真係夠曬獨特！欣賞餐廳定時會檢查水缸，將唔點郁嗰啲蝦移走，又會周不時添加新蝦，確保客人夾起係生鮮嘅蝦。燒蝦時間唔需要太長，蝦肉燒完後咬落真係好驚豔，肉質爽彈又紮實，仲要好多膏，配搭粗鹽燒或者就咁原味食都別有風味！海鮮每款都十分鮮美，當中一定要推薦：👍🏻鰻魚烤到外表乾身，夠曬焦香又脆皮，內裏保持嫩滑多汁，就算無咩醃料都十分夠味！👍🏻貝類無一不新鮮，最驚喜係隻隻厚肉，蠔滑、沙白海水味濃郁、魷魚軟滑、扇貝鮮甜，隨個人口味挑選都唔會出錯。肉類方面都唔輸蝕，推薦：👍🏻牛肉片油脂適中食落有如高級肉質、雞全翼必食建議放下層慢慢烤十分可口、台灣腸烤完外脆內軟充滿肉汁。除此之外仲有唔少蔬菜同各類小食提供，例如：翠玉瓜、菠蘿、一口薯、蒜蓉包、金菇肥牛卷、雞皮雞腎等。小編臨到最後就發揮創意先烤脆窩夫，抹上牛油，再淋上朱古力醬同少許煉奶，然後放上雪糕，完美收結～

海鮮一般肉食好咸，海鮮你唔會食完覺得好想下次再食，又唔係唔新鮮無乜味咁，兩個人一個爐四個人又係一個爐所以係唔夠時間的，我哋夠中未食完佢趕我哋走，正常夠中唔比你拎野食但會比你食埋啲嘢先比你走，又無人等位，員工態度好差，不知所謂，旺角尖沙咀大把好過佢，你知而家疫情好耐冇出街食飯，真係好唔開心，因為朋友好耐冇見出嚟傾偈食吓野，但係經歷真係好差，又唔係平唔明點解有咁多好評，真係食到一肚氣，試一次就夠唔會有下次😡😡😡

嚟到佐敦蝦蝦燒, 食海鮮燒烤放題, 涼住冷氣燒烤兩個半鐘，除咗無限食蝦，仲有多款海鮮、小食等任飲任食😜蝦蝦好生猛，即攞即燒好惹味，肉質鮮甜😋隻隻都有蝦膏ga~Wa~原來仲有牛扒、羊架、腸仔、丸類、雞翼同蔬菜類任食！蒜蓉包、燒窩夫好好味呢😝海鮮有黃花魚、扇貝、帶子、魷魚、鮑魚、生蠔、蜆等，種類款式多又新鮮～啱曬我呢啲鍾意食海鮮嘅人😛食燒烤點可以唔配飲品，呢度種類夠晒多，連酒類都有，而雪糕有我最鍾意嘅海鹽味😋正吖～

第一次來！裝修好有特色。夾滴蝦🦐好方便好好玩👍！海鮮、牛羊肉等食材都唔錯！最正係滴蝦！有子有膏！一定會再來！韓國燒酒16.7度有滴似Vodka。適合各種聚餐，老人家小朋友都啱食。

成日見到呢類燒蝦🦐放題嘅廣告，見呢間「蝦蝦燒」口碑好似唔錯，於是揀咗個星期五放工去試吓。Book咗7pm，準時去到，限食2.5小時⋯⋯ 兩個半鐘其實都夠嘅，唔會食得好趕。坐低每人包一串鰻魚，幾好味😋 不過一人得一串真係少咗啲🤣 一開始先用個桶🪣去攞啲冰🧊同水，之後夾咗啲蝦🦐上嚟就先用啲冰水浸死佢先，然後再燒🔥⋯⋯ 啲蝦🦐直接喺個缸度夾上嚟，新鮮就一定啦！🦐肉好鮮甜彈牙，個🦐頭啲膏真係👍🏼👍🏼👍🏼整體食物質素幾好，除咗蝦🦐，其實仲有好多其他嘢食，生嘅熟嘅都有，海鮮啦、肉啦、菜啦⋯⋯埋單連加一每人差不多$400，感覺貴咗少少😜 服務一般啦。同埋環境都係好一般，坐得好迫🥴 張枱太細，好近個爐…… 冷氣可以再大啲🤣

#蝦蝦燒 網上一直多人說這店非常正，任食即撈鮮蝦海鮮燒烤專門店🦐🐙🐟 晚上七時到了店裏，已經坐滿客人，非常熱鬧👯‍♀️ 大家記住要訂位啦😎我拿拿淋入去個位到拿桶除去裝冰和凍水，預備撈蝦食🤩🔹流水蝦，大部分座位隔離都有一個長長水缸，放了大大隻活蝦，客人可隨時隨地撈起來，即刻可以燒烤享用🦐撈蝦步驟：先用夾，夾住蝦頭，避免蝦身郁動，夾好後即刻放入冰水筒，之後就可以去燒烤✌️✌️🔹蝦熟後，係勁香蝦味，蝦殼都脆卜卜🥰🥰🔹海鮮：任食海鮮相當多款式，而且源源不絕供應，大眼雞燒烤後係超好味，一定要試！帶子、鮑魚都極受歡迎，帶子可以加蒜蓉粉絲一齊燒、更加可口🐟🔹除了海鮮、還有多款肉類、丸類提供，真係多到食唔晒🔹不能錯過的蒜蓉飽、必要食！即烤即食既蒜蓉包勁脆勁香，我食到4件😅😅😅🔹小食熟食也有提供 ，推薦涼拌魚皮和咖哩魚蛋🤭🔹飲品種類有韓國燒酒、其他酒類和一般放題既飲品都會有☺️🔹甜品就有雪糕，菠蘿椰子味不錯👍🏼👍🏼蝦蝦燒 (佐敦)地址：佐敦白加士街10-24號永富大廈1樓#流水蝦 #流水蝦吃到飽

男朋友好鐘意食蝦，今日帶佢哋喺度可以又玩又食😋😋成個場都有水缸入邊有蝦游嚟游去，保證你鍾意食幾多就食幾多，絕對回到本。試過捉一兩隻蝦玩下，點知一夾就跳到勁高，睇得出好生猛，個人領悟到一個小技巧係將水桶擺近個水面，一夾到下就即刻擺落個水桶嘅冰度第一round枱面都擺咗10幾隻蝦，唔使你自己夾，蝦燒到變咗色其實都差唔多，燒得太耐啲蝦肉會好鞋冇咁好食，啲蝦真心好大隻新鮮，好多都有蝦膏🤤🤤除咗蝦其實有好多其他嘢食，包括唔同種類嘅海鮮同肉類我哋仲燒咗鮑魚、帶子、蜆、魚等等當然唔少得雞翼、腸、蒜蓉包、菠蘿同翠玉瓜野飲都好多選擇㗎，酒精類都可以任飲如果想同朋友又玩又食呢間真係唔錯

🦐蝦蝦燒🦐考完試，就想輕鬆一下，記得佢成日話想去夾蝦、釣蝦，見近來咁興流水蝦放題，就上網search 到呢間蝦蝦燒，唔單止流水蝦，仲有海鮮、勁多款串燒同啲熟食、雪糕任你食，我地記book 左今晚試下🤪個燒烤爐有有上下層，呢樣我覺得幾好，可以燒到多啲，同埋分兩類咁燒。我鍾意佢側邊放左調味粉，勁有風味😆🦐海鮮：流水蝦放題，主角阿蝦勁新鮮，新鮮到周圍跳，真係要夾實啲先得😂跟住仲有新鮮鮑魚，青口，扇貝，蜆，花螺，魚鮫，生蠔，大眼雞等等… 全部都好新鮮🤩🦐串燒：豬牛雞乜都有，丸類，腸類，蔬菜類都有，真係多不勝數🥳🦐熟食：有炸物，烏冬，咖喱魚蛋，青瓜，冷盤小食等等…🦐飲品：20幾款嘢飲，啤酒都有👍🏼

流水蝦愈嚟愈多分店，今日終於有機會去食，今次嚟咗佐敦呢間分店！一入就見到自助區同裝滿大大隻蝦嘅水缸，已經好吸引啦！坐底店員已經放咗一埋鹽蝦係個焗上面，睇到隻隻蝦都肥肥大大隻，好吸引，內裏仲有好多蝦膏😝個爐有2 層可以一排排蝦咁燒，再燒其他嘢食！出面嘅海鮮種類都唔少，燒咗啲蠔同魷魚都好新鮮，夠滋味😋a最重要係鮑魚任燒任食，真係 encore咗幾轉 ☺如果覺得唔夠味可以用旁邊嘅調味料加味！除海鮮，仲有肉類、串燒、蔬菜類等，必食👉由於個人係豬大腸嘅愛好者，燒咁幾串豬大腸， 外層燒到香脆而內軟，真係好正😝"燒嘢已經滿足唔到你？出面仲有前菜好似麻辣鮮魚皮、醉蝦、青衣等，而熟食有炸物、炒蝦，都係唔錯嘅選擇😋飲品方面除咗基本飲品，仲有啤酒任飲，如果聽日唔洗返工我實飲返幾杯😋

自從上次食完蝦蝦燒，耐唔耐就有啲蝦癮出嚟！今次約埋屋企人去佐敦分店~食過夠本一條條長水缸裝滿大大隻蝦，先冰暈再燒嚟食，隻隻都好夠肉，肉質彈牙，又多蝦膏~好正！自加製牛油蒜蓉蝦，將蝦剪開塞滿 蒜蓉同牛油，之後燒完味道更佳！食蝦唔夠喉嘅，仲有唔同海鮮選擇，有魚、蠔、大蜆等，燒咗條魚嚟食，夠大條，幾個人分都覺得好滋味！每位都有送1 串鰻魚，每到外層香脆而內層嫩滑，食到唔停口！除咗海鮮仲唔同款揀，肉類、蔬菜等，當中黑椒雞翼真係好正，夠入味，燒到嫩滑即可😋另外仲啲丸、腸仔等都係燒完另一番風味😋覺得唔夠味，每檯都有幾款調味自己落！整體：款式算多，蝦夠生猛大隻，場地夠大，不過拎嘢食行幾轉就有啲遠😋蝦蝦燒 ❨佐敦❩佐敦白加士街10號至24號永富大廈一樓

🌕Hello我係Moon🌕嚟到佐敦呢一度雖然地方唔係好大，不過喺呢一度就一定要隆重介紹海鮮燒烤自助餐嘅必食推介。 😋相比起日式放題又或者韓燒，呢一個海鮮燒烤絕對顛覆對享受嘅定義。 🤩仲要每到週末假期都必定係爆曬人嘅蝦蝦燒。😏雖然個名就主打係蝦，🤣尤其是一入到去就見到一缸又一缸嘅蝦缸，裏面當然有眾多嘅新鮮活躍蝦。 🤤全程一手夾一手浸凍水再去到放喺網上面燒，😎真係少有餐廳可以做到呢一種特色燒烤🤩咁當然呢一度除咗食蝦之外仲有大把海鮮同埋蔬菜肉類有得選擇，😆例如串燒系列就有南瓜紅腸魚蛋冬菇，😋喺食得太多肉或者海鮮嘅時候當然就要有啲蔬菜類中和一下，🤓同埋蔬菜類就比較快熟咁就唔使坐定定喺度等，🤤蔬菜都必然係新鮮色澤又夠靚😝肉類嘅話最熱門應該就係厚切羊架，😆每一塊都足足有接近兩厘米咁厚，🤣再加上油脂分布均勻，😉燒嘅時候更加有油香味釋出，😝令到羊味更加香濃，大約去到七成八成熟咁就完美無瑕，😋肉厚但肉質仍然細膩，值得encore🤪至於主角蝦蝦就要夾完之後就用冰水同埋冰去浸暈佢先，🤓確保冇咗動靜先好放上去燒，😌呢一款蝦肉質呢就軟滑小小彈，🤓微微有啲似龍蝦嘅質感，😗當然食之前就可以再用孜然粉同埋辣椒粉去增加

一直都好想食流水蝦 ，睇左open rice 好耐，覺得佢嘅環境唔錯、難得另一半生日，當然要大事慶祝一下， 流水蝦場食放題2.15小時任飲任食 。除咗有10多款嘅海鮮🦐🦑🐠🐟之外…仲有得夾流水🦐又新鮮又好玩! 冷氣再凍啲就好啦。一入座已有蝦喺個爐上邊 同埋每人有一條白鱔。白鱔燒後外皮脆卜卜，超好味。🐟仲有豬大腸，燒到脆卜卜，內軟外脆，正呀！座位隔離嘅蝦缸，裏面有生猛嘅蝦，每隻都活潑，蝦缸裏面嘅蝦都唔小，一夾起佢哋就要即刻放起個冰桶到，等佢哋暈咗先可以放上個爐😋蝦肉鮮甜不過唔個係米燒既關係，啲蝦殼黐實啲肉好難分離😟出邊有好多海鮮可以拎🥳在冰面上放滿了生猛海鮮 鮑魚、沙貝蜆、生蠔、原條新鮮黃花魚🐠、大眼雞🐡、泥鯭🐟、魷魚🦑、扇貝🐚。黃花魚，大眼雞，扇貝真係好新鮮肉質嫩滑鮮、encore咗好多轉，真系回本之選!飲品櫃仲有燒酒飲，唯一失望既應該係時間不夠，可能個爐細、所以較慢而影響時間不足。

每逢週末最享受嘅當然係無拘無束嘅食飯時間，食幾多食幾快食幾慢都係隨心所欲控制，😉平時食得少係呢啲時候當然就要大擦一番，好似放題啊韓燒喎打邊爐呢一啲越來越多，追求嘅除咗係超高質素嘅牛肉豬肉，與此同時都係時候轉換一下視線。 😎向海鮮類放題進發！ 相信海鮮自由嘅餐廳絕對唔少得蝦蝦燒。 雖然係一間食生猛流水蝦嘅餐廳，但更加令人滿足嘅一定係無限量供應嘅超生猛海鮮。😋食完絕對係滿足到飛一般嘅感覺。首先就要介紹吓啲生猛海鮮，🦐🦑當中就包括生蠔鮑魚日本帶子同埋一條又一條嘅魚， 就好似成個海鮮市場咁樣，每一款海鮮都堆到多一多，任君選夾，要享受嘅話當然每一款都夾一啲然之後即刻攞埋位燒。 😋鮑魚嘅話盡量都係放喺火上面燒，肉就向火，殼就要對出，😏避免因為個殼承受高溫而引起爆裂，與此同時個火候都幾猛烈，所以都要因住時間費事燒到乾晒。 😂正宗嘅味道當然就要配合埋旁邊嘅孜然粉海鹽同埋辣椒粉，每一款海鮮都要灑上少少調味料咁就可以最大程度發揮海鮮嘅鮮味。🧂當然本身每一款海鮮都係新鮮，可以原汁原味咁樣食就知道有幾高質。 😏最多人鍾意嘅應該就係日本元貝，橙色膏係代表雌性，相對都多人選擇，燒嘅時候就可以擺喺個殼度，咁就可以避

#港式eatcovery #佐敦eatcovery💡好味又高質的蝦蝦燒呢間一直都bookmark左好耐，今次襯放假就黎試下。呢間大型嘅流水蝦場食放題😍2.5小時任飲任食，而且海鮮仲有好多選擇，仲有好多肉類可以選。重點必食：生蠔，蝦，雞全翼，菠蘿，鰻魚鱔（每位送一件）。🍽海鮮海鮮檔好多款新鮮海產，生蠔，扇貝，蜆，鮑魚，螺，魷魚，魚都有好幾款。現場水缸啲蝦隻隻都大隻又生猛。根據服務員講解，夾完的蝦需要先用冰水浸死才可放上爐燒，否則會跳來跳去。店內有個大冰櫃，自行夾冰。鮮蝦當然爽口又甜美，蝦味超濃，好多仲有大大舊蝦膏。生蠔超鮮甜魷魚好好燒，就算燒耐左啲，,肉質都一樣好嫩好鮮扇貝大大粒，啖啖肉鰻魚鱔超有驚喜，燒完皮脆肉滑，超juicy， 無另外落任何味粉都已好夠味。🍽肉類大凍櫃超多選擇，多到燒唔曬。雞全翼一定要食，本身已有調味，燒時再落小小孜然粉和辣味粉，惹味大升級。羊架大大件，燒起上嚟超香，食落好嫩好多肉汁，會有d羊羶味，不過喜歡食羊的人應該係可接受程度內。黑椒腸好好食，微辣，好有台式風味。仲有多春魚都係必燒，一d都唔膻，不過好易痴住網架，燒時要多啲翻轉。🍽蔬菜菠蘿大大舊，超甜超多汁無諗過燒