蝦蝦燒

營業中

休息中

心思思又想食蝦蝦燒，去咗佐敦分店食。2.5小時任飲任食正呀！一入門口已經見到好多飲品全部海鮮任攞任食任燒，真係見到都興趣😆魚都有幾款，魷魚、鮑魚、大蜆、生蠔、扇貝。游緊水既蝦大隻又生猛，好快就要游入我個肚裏面🤣成功呀！夾到隻蝦蝦啦！拿拿臨放佢入冰桶涷暈佢先。收穫都幾豐富，一陣可以慢慢食😋密密夾密密燒密密食😆燒完一輪蝦要燒吓啲海鮮先。我夾咗條魚，鮑魚、魷魚、生蠔、扇貝。大大隻魷魚🦑好味😋其實出面仲有好多串燒蔬菜任攞。攞多兩杯雪糕返去食先。

海鮮真係食極都唔厭佐敦呢間蝦蝦燒超級旺場平日晚市都爆滿 真係厲害2.5小時任飲任食 價錢只係3百幾蚊一位性價比極高 包埋酒水流水蝦好生猛 夾上嚟即時燒好新鮮蝦肉爽口彈牙 無得頂自助海鮮檔仲有鮑魚 蠔 扇貝 蜆 魚 螺真正全部任食 超爽 本身係鮑魚迷 食左超過10隻🤣 正啊不過燒之前要先將個殻拆開 唔係燒唔到架入座時每人附送一條鰻魚串 呢個好味記住要燒到魚皮脆卜卜 入口超正另一邊自助區仲有大量串燒 肉類 蔬菜 水果一應俱全 仲有個甜品櫃 真係大滿足😆爆場係有原因👍🏻

之前去過覺得好多嘢食，尤其是海鮮🥳依次帶埋屋企人去嘆番餐🥳平日夜晚坐滿晒👍🏼好有人氣。一坐低爐上面已經有大約十隻大頭蝦喺度燒緊～另外一人有一串大鱔串，好厚肉又肥美。我哋主力燒海鮮🥳自助區魚檔有好多款式嘅海鮮～選擇都好多，有原條大眼雞丶三文魚鮫丶扇貝丶蜆丶鮑魚丶蠔丶東風螺⋯我最鍾意燒蠔🦪原味燒都好有風味。而服務生提醒我哋，鮑魚要用鉸剪剪走個殻先燒，如果唔係會燒到爆跳彈起😝而燒魚配泰式辣汁好食喎。其他肉類和蔬菜嘅串燒選擇都唔少，鴨胸丶羊架丶豬髀仔丶一口牛丶雞翼丶開邊茄子丶小番薯丶格仔餅⋯我就好鍾意燒菠蘿，多汁超甜！另外，雞髀菇好大一串，燒完厚肉又彈牙！依到有咁多海鮮燒～又有得夾流水蝦，食到超飽，作為海鮮控真係好滿足！

一直好期待食流水蝦🦐，所以突登book咗呢間喺佐敦嘅蝦蝦燒😃。坐咗喺流水蝦水缸隔離，望到啲蝦游黎游去，目測啲蝦好有活力💪🏻！有兩個半鐘食，時間好充裕。店員有預先講解點樣釣蝦，但到自己夾嗰時都有啲雞手鴨腳😅，夾完啲大頭蝦上黎要放入冰筒浸死，否則燒嘅時候會彈黎彈去😵‍💫。冰唔夠嘅話，隨時可以出去攞，非常方便👍🏻！ 第一round嘅蝦係店員攞俾我地，仲幫我地燒埋🔥, 仲有附送一人一串鱔。啲蝦size都ok, 無落咩調味就咁落咗少少鹽，食落都幾有鮮味，以任食嘅程度黎講，絕對抵食😋。除咗任食流水蝦🦐之外，仲有熟食區同自助區俾我地夾啲野返去食同燒。熟食比較特別就係醉蝦，而自助區嘅肉類都算齊，一般燒烤店有嘅肉類🥩，例如雞牛豬羊都有，而且有唔同調味😆，啲肉都醃得幾入味！海鮮都可以任攞，款式都算多！特別推薦扇貝🤓，佢啲扇貝都幾大粒，而且附近有牛油蒜蓉同粉絲攞，可以自製蒜蓉粉絲蒸扇貝，非常好食☺️。仲有鰻魚魷魚生蠔東風螺，重點係鮑魚同原條嘅魚🐠🐟，呢兩個係必食item!整體黎講，蝦蝦燒有唔少回本位🙈，性價比頗高，大頭蝦同各類海鮮都值得一試🥰，而且地方幾闊落，啱哂一大班人聚會。

✈飛唔到去曼谷旅行， 喺香港都有好多好去處，今朝去完書展， 之後就去左歎流水蝦， 一坐低枱側邊，已經有長長的水缸， 已經睇到好多蝦，可以直接夾起生猛🦐蝦，放在冰桶裏凍暈一陣先燒， 簡簡單單最鮮甜既味道，而且隻隻大頭蝦🦐都大大隻，好生猛😃海鮮吧有多款時令海鮮有齊蠔🦪，鮑魚， 東風螺 ， 帶子 ，🦑，仲有幾種原條魚可以揀，大眼雞， 泥鯭 。。。全部都係任食😋 一定回到本🥰， 仲有好多醬料可以自己揀，最正仲有泰式醬汁🤭， 抬上面仲有唔同香料可以自己加除了海鮮任食之外，串燒區仲有各式各樣的肉類、蔬菜，丸類等，雞全翼， 雞腎， 雞軟骨 ，🍗 豬仔髀 ，牛仔骨，一口牛，原條五花腩和羊架。。蔬菜:金菇、🧄蒜蓉包🍞、🍆茄子同🥒🌽🍄🫑燒烤必食的燒♨️🍍菠蘿， 減低油膩感一流👍🏻

炎炎夏日， 太陽又猛烈，怕曬又怕熱，竟然給在網上看到「蝦蝦燒」一個室內燒烤場。餐廳位於佐敦白加士街10-24號永富大廈1樓，非常近地鐵站1分鐘可到達。最開心是可以在室內大玩捉新鮮流水蝦、多款海鮮、自助串燒，任燒任飲任食，享受著冷氣燒烤，的確好正！價錢方面，不同時段，有不同收費，星期一至四平日$348/位，早段及宵夜時間段有88折，星期五$378，星期六日及公眾假期$378，仲有午市，另有加一服務費，可任飲任食2個半小時。入座時職員已準備好一些凍蝦在燒烤爐上，即刻已經可以燒， 沒有浪費每一刻時間， 爭分奪秒食到盡。之後會每位送上串燒鰻魚，上層在燒蝦蝦，下層就可以烤串燒。先講一下，自助吧可任取海鮮有海螺、鮑魚、蠔、帶子、蜆及多款原條魚類，而且職員會不停添上海鮮。 冷盤及熱葷有數款選擇， 例如麻辣魚皮、 木耳青瓜、 椒鹽蝦、餃子、咖哩魚蛋、紅豬韭菜等，非常豐富。串燒部也有多款肉類、蔬菜、 丸類、腸仔及水果等等。 飲品方面， 汽水、茶類、啤酒及各款飲品， 最吸引是韓國燒酒任飲，簡直不得了。甜品亦有多款雪糕及雪糕糯米糍，總括來說，十分齊備，應有盡有。食物質素可算不錯，流水蝦是很新鮮，蝦肉彈牙，仲

之前試過係其他地方既場地釣蝦，試過大頭蝦真係好正，咁岩呢度既流水蝦就可以任食，岩哂我呢d蝦控。呢間流水蝦放題有2.5小時任食任飲，除左招牌流水蝦之外，仲有好多新鮮海鮮，同好多其他野食，非常多選擇。首先一入座店員就已經俾你準備好一輪蝦俾你可以即食，完全唔浪費你一分一秒，務求俾你食足2.5小時。流水蝦既size好大好飽滿，比一般見到既更加大，而且肉質彈牙爽口，仲帶有少少鮮甜味道，食極都唔夠喉。另外入座果時除左準備好蝦之外，每人仲要有一串白鱔。白鱔肉質嫩滑，碎骨唔多，燒到個外皮勁脆，香味十足。出面自助區仲有好多海鮮可以拎，我地就拎左扇貝，鮑魚，蠔，魷魚同沙貝蜆等等。扇貝大粒厚肉，仲好鮮甜，而且可以跟自己口味加牛油蒜蓉，非常香口。鮑魚拎果時仲識郁！口感彈牙，加少少鹽已經好好食。佢地d蠔一d都唔腥，仲好有海水味，要食多幾隻先夠皮。魷魚燒完之後果陣魷魚香仲係好爽，即燒既魷魚真係無得輸。佢地仲有好多唔同既串燒，好似牛小排，雞皮，粟米，瓜類等等，可以加埋佢地既辣椒粉，孜然粉或者鹽，更加吊出佢地既風味。飲品區方面佢地有5個大雪櫃，基本上平時見到既汽水都會見到，值得一提既係佢地係有韓國燒酒同喜力，都係包係

今日同朋友嚟到佐敦嘅呢間蝦蝦燒到食流水蝦放題 真係期待咗超耐呀 因為要預早半個月book位先可以食到 證明餐廳超高人氣嚟到嗰陣時待應帶我哋坐低 雖然枱櫈比較迫夾 不過每張枱都有一個流水蝦缸非常方便入面嘅大頭蝦全部都非常巨型 而且好生猛 夾嘅時候要小心啲 如果唔係就會跳走喇 蝦肉爽口彈牙非常鮮甜 而且蝦頭膏亦都非常惹味最特別係每位仲送 超厚肉嘅白鱔串 本身已經用燒汁醃咗味道濃沃 加上魚肉好鮮甜彈牙 外皮燒到香脆 肉質嫩滑仲有魚油香味 另外仲有一隻巨型貴妃蚌 同樣地非常新鮮

佐敦任食海鮮燒烤最近食燒肉放題上左癮，朋友想食燒海鮮，見到呢間兩樣都有，即刻過嚟試吓。餐廳有多款串燒選擇，除咗燒肉之外，還有新解海鮮，熟食和小食，平日放工過去，都滿座，好熱鬧，記得卜位餐廳大排檔裝修，最特別係有游水生蝦比客人自己夾，自己燒，好玩又好味😋適合朋友聚會。平日$348+1任燒任食放題。提供濕紙巾，每張枱都有醬料：胡椒鹽、孜然粉、鹽等等。自助醬料、多款飲料、熟食、燒肉配料、甜品和雪糕自己拎。除左肉類，仲有包類、窩夫比你燒，推介蒜茸包，好香脆～菠蘿🍍同日本甜番薯🍠都好味😋燒蝦🦐一定要落鹽燒，好味好多。串燒落胡椒鹽、孜然粉，貝殼類都好鮮甜，本身已經有海水味，唔洗調味～另外每人會送鰻魚串比你燒，燒完外皮香脆如薯片，肉嫩多汁，好好味，小心有骨。想再食好肉要加$20@一串服務質素：8/10環境舒適度：6/10ᶘ ᵒᴥᵒᶅ個人口味評分：8/10

難得同朋友聚會，梗係要食好啲，我地搵左間好就腳又有新鮮蝦燒既燒烤店，就係佐敦嘅蝦蝦燒。呢度係燒烤任食，可以食2.5個鐘。一入餐廳，見到長長嘅魚缸入面紮紮跳既海蝦就流唒口水。呢度每個客都會送一串白鱔，另外燒烤網上放滿海蝦，一坐底一陣就有得食。自助熟食區都有幾多野食，熟食最正嘅係麻辣涼伴魚皮，爽口彈牙，辣度適中。燒烤食物款款都好味同新鮮，肉類及蔬菜好多野揀。除左流水蝦，仲有好多新鮮海鮮可以燒黎食，魚，帶子，螺等等。好多調味料，自己調味，想點整都得，唔驚唔啱自己口味啦。最後仲有甜品，雪糕雪條，可惜我太飽食唔落。唯有下次再黎食。

之前食過覺得唔錯，所以今次再嚟食，不過今次約另一個朋友，好嘢梗係要同多啲人分享架啦😉每位$348任燒2.5小時一去到見到勁多人，地方都幾寬敞，我哋坐嘅位置旁邊有個水缸，可以邊夾蝦邊燒🔥真係勁方便海鮮類除咗有主角🦐之外，仲有多款海鮮，例如有帶子、鮑魚、蜆、扇貝、蠔、魚、螺⋯食海鮮最緊要梗係要夠新鮮，呢度嘅海鮮唔只食得出新鮮，仲睇得見添🤩鮑魚仲識郁架，另外每位都會有一串鱔係送嘅，大大串又厚肉，用嚟燒⋯無得頂👍🏻 👍🏻除咗海鮮仲有熟食、肉類、蔬菜、串燒等等⋯真係種類繁多，不能盡錄🤣就連飲品嘅選擇都一樣係好多，最後食返杯雪糕超滿足

朋友見我之前去過覺得好正，叫我同佢嚟試下餐廳環境好寬敞，仲可以坐水缸旁邊，一邊夾蝦一邊燒，夠哂新鮮，🍤蝦頭爆哂膏，蝦肉又爽口，yummy😋海鮮區有魚、蠔🦪蜆、帶子、扇貝、螺、鮑魚仲識郁….勁新鮮店員好貼心幫我剪埋鮑魚殼，先剪好再放落去燒🔥燒完嘅鮑魚肉質鮮嫩彈牙，完全唔韌另外每位仲贈送鱔一串, 啖啖肉嘅鱔用嚟燒，超級好味！除咗海鮮仲有串燒、肉類、蔬菜、熟食等等⋯當然唔少得有雪糕雪條，飲品選擇又多。未食完已經諗定下次幾時再嚟喇🤗💥$348 任燒2.5小時

今次來佐敦食流水蝦放題，個場好大，我地比較早嚟到所以人流未算好多，7:30之後開始人頭湧湧。我地被安排坐蝦缸旁邊，即夾即燒好方便👍🏻 座位都幾寬敞，個爐都幾大，仲要有上下兩層可以俾你更有效率咁燒嘢食😋 店員好細心介紹燒法，記得啲流水蝦要凍暈左先好拎去燒，鮑魚唔好連殼燒因為會爆🫣，佢仲好細心教我哋點樣起鮑魚殼👍🏻 調味方面，枱面放咗四款調味粉，另外出面仲有牛油🧈，蒜蓉🧄，辣椒🌶️，香蔥比你自己調個人口味。我哋未入座店員已經幫我哋開咗爐，燒緊第一轉嘅蝦👍🏻所以好快有得食。趁呢個時間我哋出去拎野食，如果真係好肚餓嘅，出邊自助區都有熟食，可以拎嚟醫肚先。除咗即夾即燒流水蝦之外，仲有多款新鮮海鮮任食，包括鮑魚，帶子，扇貝，蠔，蜆，東風螺，魷魚同各款魚。仲有各款串燒，有雞牛豬，多春魚，腸仔，翠玉瓜，菠蘿… 🧃飲品都有唔少選擇，有烏龍茶、汽水、果汁…燒鰻魚：燒鰻魚燒到外皮好香，裏面啖啖肉，肉質細嫩冇咩骨，好想再食，可惜呢個唔係任食，不過少食多滋味🤤招牌流水蝦流水蝦好生猛，都幾大隻，蝦肉爽口彈牙，啖啖肉，最正係蝦頭的蝦膏，好香濃好鮮味😍扇貝好厚身好大粒，色質鮮嫩，口感彈牙，味道鮮甜，我個人推薦幾種食法：

朋友想試依間蝦蝦燒、一早訂位！有一串白鱔送！上到去勁多人！勁迫！勁熱！疫情下真係驚驚地！一開爐職員就放左堆鹽焗蝦係爐面、一睇就知係死左既蝦唔浪費、等你地食一輪先！不出我所料、蝦肉梅梅地！出面都算幾多海鮮！但咁多人食、仲要放題、你唔好唸佢地既海鮮一定係新鮮來貨！扇貝係凍肉貨、肉係唔痴殼！大眼雞都睇得出唔係街市既新鮮貨試！送既鱔算唔錯、但經處理過、唔係新鮮白鱔既鮮味口感！可能我地真係應該主攻魚缸內既鮮蝦！睇住d蝦好可愛咁游來游去！真係唔忍心燒佢！怪我太仁慈！其他食物都係大路BBQ貨式！全晚最好食朋友首推蒜蓉包、乾尤魚！其他食物都係普普通通！飲品都係好出式！應有盡有！有「氣」系列既支裝飲品！兩個半鐘好快過！如果比四百蚊去食、真係要三思！我覺得只值$250-300！職員係值得加許！為我地剪鮑魚同換碗碟換得好快！但應該無下次！

同比钓虾后的烧烤，今天等同于到了伊甸园！夹着活虾烤，哈哈。（不过真的虾虾们有些可怜）菜品：品类丰富，食材新鲜，太多太多，我们基本只吃了图片上这些样，隔壁台的吃的很多样，我们第一次去，不过也真的是吃不下。服务：很赞，知道我们第一次去，耐心讲解，传授一些有效好味道的烧烤经验饮品：很多很多饮料，酒品，小朋友碳酸饮料自由！哈哈小朋友开心得不得了，下周还要再去。