蜀府川鍋 (已結業)

今日有d事要同2個朋友去油塘。 突然好想食雞煲。 咪上openrice睇下有咩食lo最後搵到e間餐廳。e間餐廳唔平好方便。但又唔算好唔方便 因為佢係popcorn對面。但今日落大雨。。 我地見到而唔知點行過去。。最終等雨細左d就沖過去la..其實間餐廳d野唔算好差。 但又未去到好好食。 唔係我想要既雞煲。。但佢d配料真心唔貴。 我地3個人飲埋啤酒都唔洗hkd600..但真心好似唔係好夠甘。。另外。 雖然佢既店員服務算唔錯。 但d野好似好舊甘。。。下次真係唔會為左佢去甘遠lo

星期四晚收工同朋友食飯，將車泊左油塘大本型商場，本來想在商場搵地方，忽然醒起上次路經附近有間川菜喺附近，就試試新野喇一入門口有大大個魚缸，載住很多海鮮同埋龍蝦，好吸引喎本來以為呢度主要食川菜為主，點知睇睇餐牌，原來仲有粥底火煱，海鮮套餐供應我地最後決定食二人泥封富貴荷葉雞海鮮套餐前菜點左椒麻海蜇這款前菜絕對是川菜的味道，爽脆彈牙的海蜇配上川式辣油，極之開胃的前菜泥封荷葉雞主菜泥封荷葉雞，類似叫化雞的煮法，用泥土密封保持溫度，一上檯果然是一團泥一樣，侍應等我們拍照後才幫我們剪開剪開後入邊有層荷葉包裹著，荷葉香味很濃，入邊雞肉鮮嫰，充分吸收左荷葉香味，令雞肉顯得更美味蒜蓉開邊蒸龍蝦龍蝦可選避風塘炒或蒜蓉蒸，既然龍蝦是新鮮即劏，當然是蒸較能食到龍蝦鮮味，龍蝦肉極之彈牙，鮮味十足，配埋秘制蒜蓉的咸香，將龍蝦肉鮮味大大提昇豉汁果皮蒸鮑魚鮑魚大隻又新鮮，肉質有咬口而唔靭，有水準蒜蓉粉絲蒸元貝元貝夠厚肉，肉質極鮮甜，火候控制得剛剛好清炒白菜雖說是清炒白菜，但食到有雞油香味，而且鑊氣十足抹茶芋蓉餅甜品是很有特色的芋蓉餅，表皮有抹茶清香味，外圈有大量芝麻，極之香口，配入邊唔太甜的芋蓉，整個配搭相當不錯

依間餐廳係我有次去朋友家中作客後去搭地鐵回家個時發現的, 因為經過個時個浸辣味已經成功令到我幾個月都心掛掛, 因為店舖位置有點偏僻, 一直都搵唔到機會試吓佢, 終於今日約到個住油塘嘅朋友黎試吓佢啦首先店內的空間好大, 而且我比較早就黎到, 所以都唔洗等位就可以入座。本身睇個店名以為依間店主打川菜, 黎到睇菜單原來有好多選擇。而且價錢都好平民。見到依個泥封富貴荷葉雞海鮮套餐二人餐$388, 應該係新套餐黎, 我鍾意食海鮮,同行朋友又鍾意食雞, 依個套餐真係啱晒我哋所以就叫咗佢啦。仲有小菜可以揀, 為咗滿足吓我個食辣嘅癮, 就揀咗川北薯粉, 味道唔算好濃, 辣辣地幾開胃。而清炒白菜仔就好有鑊氣, 而且菜好新鮮同清甜。值得一讚。接著來的海鮮就有蒜蓉粉絲蒸扇貝,豉汁果皮蒸鮑魚及清蒸龍蝦。蒜蓉粉絲蒸扇貝係其中一樣我好鍾情嘅菜式, 扇貝好厚肉, 而粉絲更加索晒扇貝的精華,蒜蓉嘅份量亦啱啱好, 沒有搶晒扇貝的鮮味。豉汁果皮蒸鮑魚- 蒸的火候剛剛好, 口感軟腍彈牙, 豉汁味道好好,帶一點點甜, 唔會好咸, 仲可以食到鮑魚嘅鮮味。終於到我最期待的清蒸龍蝦, 雖然係二人份量, 但都有好大隻龍蝦, 而且非常

應朋友邀請，去食飯，當然是開心啦！加上又快暑假，在那忙碌的日子，總算等到可以歇息一下的假期，想起來，真是開心又爽快。朋友約在港鐵站上等，他早到，他亦忙裏偷閒，站在港鐵外的圍欄上，欣賞著日落西下的景色，十分迷人，我也被那黃昏景色，深深吸引著，有點不捨而去，但又時間到了，總要離開，美食美景又怎可錯過呢！走進餐館裏，見到人客坐得滿座，雖然是在不起眼的工廠區，但一樣吸引了不少人流。除左是食四川火鍋出名外，食海鮮亦是不錯之選，在大熱天時下，都是食海鮮比較合胃口。餐前小食，麻辣海哲，涼拌又爽口，麻香又開胃。新煮法，避風塘龍蝦，龍蝦肉酥炸、再加上大量的椒鹽及香濃的蒜溶，十分香濃又脆口，龍蝦肉質結實又啖啖肉，鮮甜美味可口。豉汁果皮蒸鮑魚，平時都是清蒸的，今晚加左豉汁果皮，又另一種香味，清香的果皮、濃濃的豉汁，兩者都發揮作用，使鮑魚吸收了精華，鮑魚蒸得稔滑，鮮甜又厚肉，一口咬落，鮮味彈出，口感十足。清炒時蔬，清甜又爽口。抺茶芋溶餅，未開餐前，我已選定了這個餅，做甜品，即叫即做，炸得香、脆卜卜，又不甜不膩、陣陣抺茶、芋溶芝麻香味散發，必食之選。

男生聊天，總不是離不開吃喝玩樂的。今天，早放工，又想約朋友去開餐，食得太多，都唔知食咩野好，真是難有決定。想起，早前，聽到媽媽常講起，有一間食海鮮粥、四川火鍋、味道都唔錯，價錢都好平宜，交通也算是很方便，大家相約在油塘港鐵站上面等，一邊看日落，欣賞維港的日落景色，那綺麗晚霞儘入眼簾，好美麗的一幅美景，此情此刻，不願離開。雖然在油塘工廠區，離民居不遠，難怪晚市時候，都坐滿客人。眼看有新套餐出品，我地都來一個四人套餐。小食我地點左椒麻海哲，麻椒中好爽口，餐前的開胃涼拌，一流。再來是清炒白菜仔，清甜翠綠，可惜是少左些。食完清炒白菜仔，再來避風塘炒龍蝦，平時食龍蝦都是上湯芝士龍蝦，好少食到用避風塘煮法，又另有一種口味，龍蝦炸得脆脆、不乾身、陣陣香濃麻辣香味撲鼻，蝦肉夠大大件，肉質鮮美可口。都很耐沒食個荷葉雞了，好似乞兒雞一樣，用泥及荷葉包封著隻雞，再烤焗面成，雞隻吸收了荷葉的荷香味，肉質保持嫩滑多汁液，香味撲鼻。蒜香粉絲煎扇貝，大大隻、又夠新鮮、粉絲吸收了蒜香及海鮮的精華，回味十足。

點了個超抵食套餐，足夠4人份量既海鮮餐，前菜、主菜以至甜品都一樣出色美味！唔怪得坐滿晒咁濟，眼見都好多人選擇火鍋，海鮮都好新鮮，下次黎食下火鍋先！前菜有好常見既拍青瓜同涼拌皮蛋，有驚喜喎，拍青瓜夠凍好開胃，涼拌皮蛋似係冰花皮蛋，食落好清無平時皮蛋果陣重味，拌埋個麻辣汁好正喎，我地4條友係咁食唔停好快KO左😆龍蝦大大隻仲要勁多蝦膏，睇到都食指大動呀。一啖咬落去，肉好鮮好彈牙，再食一啖蝦膏，食得出好新鮮，呢個size一人半隻已經好滿足👍🏻👍🏻蒸豉汁鮑魚、蒜茸扇貝勁爽口彈牙，蒸既時間控制都好重要，廚師完全做到了！清蒸沙巴龍躉口感非常好，加埋炒菜好有家的味道，頓時覺得好溫馨！之後呢個新奇既恐龍蛋，入面原來就係荷葉雞，熱辣辣又夠嫩滑，拎隻雞腿慢慢齒都幾滋味！最後一定要大讚抹茶芋蓉餅，咬落去外皮好鬆軟，入面既芋蓉好細滑好香，又唔會太甜，超好味！

早兩天前訂了油塘的一間餐廳食晚飯，這個四人餐睇到都覺得抵食，去到開始上菜一路食一路只識得講好味道好鮮味好正同埋真係超抵囉！第二日返工我仲係咁叫人去食，真心正！首先選了兩個前菜好味，尖椒重慶皮蛋個辣味真係好剌激，仲要加上重慶的冰花皮蛋食落口感一流。蒜泥青瓜夠凍，辣味一流又清甜！來條清蒸沙巴大龍躉，蒸得剛剛好味道夠鮮味夠滑正！之後上了兩道菜豉汁果皮蒸鮑魚及蒜蓉粉絲蒸元貝，都係蒸得好岩時間，剛剛熟又入味，口感都係好正啊，真係連汁都舔埋！再來個青炒時蔬，炒得好香，好甜的菜！蒜蓉蒸開邊龍蝦，蒸既時間掌握得非常好，啖啖肉好多膏，夠鮮甜仲要唔細隻！最後來隻泥封富貴荷葉雞，上枱時好似一隻恐龍蛋哈哈哈，真係整得好香，用雞肉再點下入面既汁再食真係Good！食到飽飽來個甜品抺茶芋蓉餅，我的朋友話太飽唔食了，我食第一口即時覺得好正，底面都整得脆脆的再用芝麻包邊，入面有芋蓉，還暖暖的！真係覺得好好食！

之前已經嚟過，蜀府川鍋食海鮮粥火鍋，覺得蜀府川鍋D食物味道、新鮮度都非常唔錯，只係它位於工廠區，晚上人流較少，加上容易泊車，約朋友聚舊傾計一流。今日嚟見到有新套餐-秘製醬茶鴨就試下新菜式。首先，前菜點了椒麻海哲，分量都足夠二人享用，海哲唔會係切到好幼身，所以食落彈牙有咬囗，而配搭嘅辣麻加上芫茜，味道少許辣，少許麻，剛剛好，有刺激食慾嘅效果，越食越惹味！接着，已經上清炒時蔬，原本覺得咁快上炒菜好似怪怪地，但一碟以為普通嘅白菜仔，又炒得好出色喎！非常夠鑊氣!其實食菜先都好，成日食肉食飽晒，相對食少菜，反而今晚覺得碟白菜仔好好食！跟住食蒜蓉粉絲蒸扇貝，配料非常足，大量蒜蓉我最鍾意，加上扇貝汁嘅鮮味，濕透晒落啲粉絲度，連埋蒸得啱啱好嘅扇貝肉一齊食，真係非常美味！到食豉汁果皮蒸鮑魚，其實好少食鮑魚配豉汁蒸，這樣配搭食落又好新鮮，但略嫌果皮味不足，豉汁味重咗，不過鮑魚本身蒸得好，入口淰滑。再來就是這碟避風塘波士頓龍蝦，第一次食避風塘式龍蝦，蒜蓉炸得非常乾身唔油膩，龍蝦亦是，還能食到佢嘅鮮味、龍蝦肉質結實，啖啖肉，鮮甜、蒜香混為一體、入口濃郁、非常香口美味、值得一食。最後就係這碟醬茶鴨，呢啲咁有特色

是日天陰陰有驟雨，最適合約番三幾知己 Happy Friday 。久不久辣引起……近近哋，食幾味 川辣魚皮……輕微麻辣，爽脆好味。只是偶爾吃到一點點魚鱗 水煮魚(魽魚)…… 麻味突出， 辣味剛好 還有大豆芽及薯粉做配菜，大豆芽非常入味、薯粉煙韌，味覺刺激！魽魚不算滑也不多刺……相信桂花魚會更好吃！ 炭燒北海道大扇貝……這個一般般吧！蒜蓉太多，鮮味被奪…帶子肉較細 水煮牛肉……跟水煮魚一樣，麻味突出，不會太鹹。牛肉切得大大塊又軟冧。當然有大豆芽和薯粉作伴脆皮炸大腸……炸得脆卜卜但不夠熱！下次想試川辣爆大腸豉椒炒活蜆……蜆是新鮮，每隻都口擘擘。但上枱時不是熱辣辣，鑊氣也欠奉香煎墨魚餅……應叫"香炸墨魚餅"，餅身太薄，墨魚膠不彈牙，也吃不到墨魚鮮味西蘭花炒鮮魷……這味餸夠鑊氣，鮮魷非常新鮮但略鹹，西蘭花及三色椒炒得剛好不會帶草青味蒜蓉炒萵筍……萵筍入口爽脆配蒜蓉炒…不油膩20:00前餐廳已客似雲來…服務員人手不多，但勤快有禮 下次想試下每位$148海鮮蒸鍋

滂沱大雨的時候，我們從大本營商場往油塘工業中心嗰邊開餐， 因為個friend喺嗰邊做完交收。 我們走到近油塘中心那邊， 有間食四川菜食肆， 門口有大紅招牌， 因為太大雨我哋都衝左咗入去。 店鋪簡單裝修， 以黑色和紅色為裝修主調。 餐牌有很多小菜選擇和地道風味四川小炒，小食，火鍋，水煮菜式。 因為有點趕時間所以還是吃套餐比較快手。雖然揀咗呢個餐， 但今日中午已經食咗雞飯， 所以我選了醬茶鴨。 個套餐其實唔錯，海鮮比例充足。先來麻辣海蜇， 海蜇好粗好爽， 沾滿四川醬汁，麻度辣度輕微， 唔嗜辣的人都可以handle到!再來是， 清甜爽嫩鑊氣幾夠。清蒸龍蝦(每位半隻) 相信是本地龍蝦， 我們選了蒜蓉清蒸( 另外亦有避風塘做法)。 龍蝦肉鮮甜彈牙， 配上蒜蓉蒸確實是不二之選。 龍蝦膏亦叫人欣喜， 鮮橙色的龍蝦膏甘甜芳香。 接著是 ( 每位一隻)粉絲盡吸蒸扇貝的精華， 扇貝肉身很厚，蒸得剛剛好， 頗新鮮的貝類!來到豉汁果皮蒸鮑魚。 以為用豉汁蒸濃味会蓋個鮑魚鮮味， 原來豉汁都可提升鮑魚鮮味，個汁調教到鹹鹹地有少少甜豉油， 加上甘香的果皮， 鮑魚鮮味軟腍， size唔算細， 吃得出的鮮味! 主

這天放工後，我約了家人去吃晚飯，經網上推薦，來到，我們經過這間，看見店內的顧客很多，糖水的種類很多很特別，店內環境舒適和清潔衛生，給我一種舒服的感覺，便決定入去試一試清炒時蔬菜心菜心非常清甜和新鮮，份量延多尖椒重慶皮蛋軟綿綿的皮蛋，配上味道微酸和富有水份的酸瓜，令人非常開胃，非常適合在這炎炎的夏日食用避風糖波士頓龍蝦大量細碎的辣椒粒和炸蒜頭作配料，龍蝦非常清鮮甜美和軟彈煙韌，份量非常非常多，非常抵食豉汁果皮蒸鮑魚廷身的豆豉，大小均勻的蔥粒，十分軟彈煙韌的鮑魚，非常大隻蒜蓉粉絲蒸元貝細碎的蒜蓉碎，軟彈煙韌的粉絲，蔥粒，清鮮甜美的元貝，十分大隻泥封富貴荷葉雞($388)用泥和荷葉將原隻雞封住，能夠鎖住雞的温度，將雞的温度保持在一個很熱的温度，雞非常嫩滑細密，份量非常多，非常抵食抹茶芋泥餅軟心的抹茶味道很濃郁，餅的側旁兩邊佈滿很香的芝麻，十分特別整體來說，食物的選擇非常多，食物的質素非常高，食物的用料非常新鮮，價錢相對非常非常合理，店員有良好的服務態度和有禮貌，所以我認為這間餐廳值得再去惠顧

一入門口都覺得有少少中伏，諗住算啦咁遠來到入去啦，第一次來就試下叫小辣小麻雞煲(因為朋友唔太食得辣嘢)，點知真係奶嘢 ，唔辣又唔麻無乜味，仲叫左個不知所謂安格斯牛，真係好差

今晚放左工就同老公去油塘睇租盤。新落成的樓盤均沿海而建，淺藍天空滲透著橙黃色落日餘暉，閃耀在藯藍大海，景緻優美，油塘真是個好地方。睇完租盤就去搵間餐廳醫肚，上OpenRice搵食，搵到附近有間食蒸海鮮聞名的食肆「蜀府川鍋」，便步行前往。蒸氣鍋好抵食，$148/位有龍蝦、鮑魚、帶子等多種生猛海鮮。但我地最後比佢個「泥封富貴荷茶雞」二人餐吸引左。細細個睇「還珠格格」乾隆皇帝下江南，紫薇煮左隻「在天願作比翼鳥」，打開用泥土包住的雞，香氣撲鼻，肉質嫩滑多汁。終於今晚試到了！前菜是蒜泥青瓜。青瓜清甜爽口，麻辣地道香濃，配上蒜蓉及莞茜，開胃惹味。套餐配上一道有鍋氣的炒菜心苗。波士頓龍蝦可清蒸或避風塘炒，我揀了前者，龍蝦大隻厚肉多膏，肉脆味鮮。龍蝦肉呈珍珠白色，肉質彈牙，味道鮮甜而帶點天然海水鹹味，非常新鮮。蒜蓉粉絲蒸元貝，蒜味濃郁，香氣撲鼻，帶子鮮甜，粉絲入味。豉汁果皮蒸鮑魚，鮑魚嫩滑，冇筋，一咬即斷，調味過的豉汁蔥花果皮令鮑魚生色不少。我期待的「在天願作比翼鳥」來了！侍應扑開舊泥，剪開荷葉，一整隻雞便展現出來。雞肉十分滑，多汁。雞亦腌得岩岩好，不會太咸。難怪「乞衣雞」煮法聞名於天下。甜品是抺茶餅

依家係差不多每月個都有藉口約班老友gathering 食飯，一月新年，二月農歷新年，三月四月都係復活節，而五月就係我生日，一班老友當然想出嚟同我聚下慶幸下食下飯啦。一班男人當然就係打邊爐，但每次任食打邊爐都係任食，有時唔好彩會食到啲垃圾，所以今次決定揀之前食過嘅粥底火鍋。今次係龍蝦大蜆粥底火鍋，因為有龍蝦同大蜆，所以湯底特別甜，而粥底啲米好綿，好正。牛方面，每一件都好簿好有牛味。魚標超正，好好正，必叫。雞好新鮮。美國筒蠔正 。活鮑魚係必必必叫，超級新鮮！

今次朋友介紹打邊爐，竟然去到油塘咁遠，但食完覺得物有所值，去遠D都抵。湯底方面好多選擇，揀咗大蜆龍蝦湯，火鍋配料亦有好多選擇。我地揀咗好多款火鍋配料，首先手打丸類非常彈牙，如果鐘意食Wasabi 推介Wasabi墨魚丸，勁攻鼻，勁刺激。打邊爐牛一定不能少，小弟認為牛頸脊算係最好食嘅牛部分，薄切所以拖一拖都差唔幾食得。呢樣係朋友介紹先食，之前從未食過，叫做魚鰾，第一次食覺得佢口感特別而且非常新鮮。重中之重 - 鮑魚，大隻到呢，仲要上枱時睇住佢仲識郁，煮熟後食超惹味！總結：食材有質素又新鮮，款式比坊間火鍋多而特別，雖然地步較遠，但駕車人士可泊大本型商場、行路5分鐘內到，整體值得推介！