蜀府川鍋 (已結業)

今晚收工後，本來想去食米線！但同事突然話佢請食飯，約我去食海鮮，我當然唔好意思拒絕，所以去左油塘食晚餐同事話佢同屋企人食過呢間，想再食多次，所以搵我同另一個做腳，有蒸氣海鮮食好吸引吖！我地有3個人，所以叫左個4人海鮮蒸氣塔，份量感覺好多我突然好想食牛，所以再叫多個大澳洲黑毛安格斯上肩肉因為我地最主要係食蒸海鮮，湯底就叫左個最簡單嘅莞茜皮蛋湯首先來左個牛肩肉，好大碟吖！而且一d都唔肥，好正！嘩，4人海鮮來啦，好大碟又新鮮，鮑魚好大隻，仲好生猛，不停郁來郁去，我覺得我地好殘忍吖！龍蝦好大，啖啖肉又鮮甜，好食！鮑魚蒸左幾分鐘就熟左啦，可能因為新鮮，輕輕一按就離左個殼啦，好好好食，好軟身！甜栗米好爽口！粉絲我覺得有點硬身，但大元貝新鮮！大蜆皇都係好新鮮，蒸左好多汁岀來！貝殼真係好大粒肉！沙巴龍魚，好大條呢條魚蒸左5分鐘左右就全熟啦，食落去好滑，一d腥味都無！好味芝麻綠菜芋茸餅，整岀來個時係好熱，應該係即整！呢個餅食落去好香芝麻，而且只有微甜好食！好多謝同事帶我去呢間咁好食咁餐廳，下次我都要我屋企人來試下

每逢天氣一轉涼，都會去想出街食飯，飯乜？當然就係打邊爐，而呢一間打邊爐係令我覺得想去再試，即係我上隱了，雖然呢間屬於中價價錢，同唔係屬於任食嗰一類，但佢個食材新鮮，而個粥底湯底就冇得彈，今次就叫咗大蜆瑤柱黃鱔粥，蜆肉堅大，好肥美，瑤柱味十足，所以個湯底好甜。配料十足啦。魚標，我必叫，鮮味十足！好爽口脆魚玩，堅脆！珊瑚x好爽口，堅新鮮，而洗得都好乾淨！生蠔好肥，同堅新鮮！海膽翅身，唔差。肥肉就超水準了！花膠都算爽口魚皮必叫！總結係，我想食多次😂😂

新年既時候買左呢間既團購卷外賣盆菜好正，決定試下佢出名既麻辣雞煲Order左之後，等15分鐘就有得食啦，成個雞煲淨係聞都覺得好惹味啦，半隻雞份量都中規中矩啦，兩個人食岩岩好。成個雞煲比較乾身，小小唔同既係無咩醬汁浸住既。D雞食落好嫩口又入味，抵讚食完雞煲，我地叫加湯，侍應姐姐就幫我地加左麻辣湯底，唔係清湯黎架。滾起之後，陣陣濃烈既麻辣味開始包圍住我地。我地叫左內蒙肥羊、鮮冬菇、響玲、自家制韭菜餃同油麥菜肥羊好好食，好「蘇」好有羊味，加上厚切，啖啖肉好正鮮冬菇足秤呀，$28大大件，夠吸味，同D麻辣味好襯響玲就一般啦，$36有五條，唔夠脆有小小「臨」，所以浸完麻辣湯會韌，質素麻麻地，所以呢個價錢唔係好抵自家制韭菜餃好好食，大大粒，夠實淨，唔會一煲就散曬，同埋都係好入味油麥菜好食既，尤其係加左辣之後，勁吸味，食得辣既朋友就岩曬啦，我地有小小嫌太辣啦額外追加：韓國灰活蜆，$58超抵食，有十隻，煲完之後入面既蜆肉同個五蚊銀差唔多大，第一次落海鮮落個雞煲到，感覺幾新鮮，同埋好惹味，推薦俾大家

冬天咁凍最啱就係打邊爐！之前聽朋友講話呢間唔錯，所以去一試，的確出色！我地total 8個人都算多人，叫咗四川麻辣雞煲 ，四川麻辣烤魚 ，同其他配菜咁。小食highligh 有尖椒皮蛋！初頭睇落去好似好辣，但食落還好的，味道很特別！四川麻辣烤魚好新鮮條魚！但真係對於唔太食得辣的人來講有點辣。麻辣雞煲就普通小小比起烤魚，鐘意食烤魚多點

打邊爐現今已經是無分季節的活動，一大班人唔知食咩好，通常就係去打邊爐。但我自己最仲意就係冬天凍冰冰時候圍在爐邊，同一大班人一起傾下計，慢慢恰下恰下，趁住呢幾日十度唔夠，約了朋友去了他屋企附近的蜀府川鍋。兩個人被安排坐了個四人卡位，坐得幾舒服。我們點了個大蜆蝦粥底，再另外點了其他海鮮及配菜。尖椒皮蛋：皮蛋有點麻但不算太辣，皮蛋有點糖心感覺，味道濃郁。大蜆蝦粥底：蝦肉新鮮爽彈，蜆肉鮮甜但有幾隻有沙。鮑魚：9頭鮑又真係幾大隻，而且很新鮮，上枱時仲好生猛，肉質爽彈且腍。蜆皇：大隻又乾淨，完全無沙，鮮甜肉厚。手切韓牛：色澤鮮紅，每片都有均勻的雪花紋，而且每塊厚薄一樣，排列整齊，肉味濃郁且腍滑。韮菜餃拼雲吞：兩者其實分別不太，韮菜餃香味較濃，雲吞內的蝦少肉多。墨魚滑拼蝦滑：兩者新鮮爽彈，非常鮮味。炸魚皮：超級鬆脆，一點也不硬，而且不會過咸。响玲：不夠脆，點湯食會有點腍。生菜：色澤翠綠，外層去掉只剩菜心，非常爽脆。總括：海鮮質素高，韓牛更是必食之一，其他配菜都很新鮮，而且服務良心，價錢合理。

今日同幾個朋友約左去油塘蜀府川鍋打邊爐都算幾方便既落左地鐵就去到入到去,每人點幾樣想食既今日點左以下食物大蜆瑤柱黃鱔粥,澳洲黑毛安格斯上肩肉,豬血,午餐肉,珊瑚蚌,鯇魚骨腩,炸魚皮,本地手切牛頸脊,滋補花膠,魚片頭,海生蝦,桶蠔,鮮魚鰾大蜆瑤柱黃鱔粥--個粥超甜超香,海鮮粥係唔同D既澳洲黑毛安格斯,本地手切牛頸脊--好香肉味,又唔係肥,咬落去有口感珊瑚蚌--有咬口,唔腥味豬血,午餐肉,鮮魚鰾--打邊爐午餐肉豬血真係好夾,正呀,鮮魚鰾唔腥都OK鯇魚骨腩---新鮮既味道桶蠔--鮮味,連埋個粥底真係好正炸魚皮--唔錯,冇油膩感,滋補花膠,魚片頭---都係新鮮材料

天寒地凍唔去打邊爐都唔得，今晚帶了屋企人去油塘的蜀府川鍋，地點鄰近油塘站，非常方便，而且價錢比旺區平至少1/3，絕對超值。我們點了4人海鮮鮑魚雙層蒸氣塔，只需$499，另需加醬油每位$20及茶介每位$8。有多款海鮮可以蒸，又有個粥底打邊爐，一次過滿足兩個食法。尖椒皮蛋望落去好似好辣，但食落一點也不辣，皮蛋入口甘香即溶，帶點麻味，青椒仔雖有辣椒杍，但唔辣之餘還有點甜味，是必食之一。蒜蓉蒸龍蝦龍蝦一開二，每人有半隻，但略嫌不夠新鮮，肉質不算彈牙。蒸蜆皇有蒜蓉舖面，蜆肉大隻又新鮮，而且完全無沙，鮮甜無比。沙巴龍魚肉雪白，外皮爽彈，肉質鮮甜嫩滑。活鮑魚有名你叫活鮑，真係好生猛，而且很大隻，蒸熟後肉質爽彈且腍。蟲草花蒸雞本身是醃過，蒸出來已經有咸味，不需要加任何醬汁，雞件嫩滑。蒜蓉粉絲元貝蒜香味十足，元貝鮮甜腍滑，粉絲爽口。貝殼-蜆肉新鮮無沙，鮮甜無比。粟米超甜粟米，粒粒爽口。手切韓牛色澤鮮紅，油脂均勻，有濃郁的牛肉味，而且腍滑。墨魚滑又爽又彈牙，而且非常新鮮。芝麻綠茶芋茸餅太飽了，最後打包返屋企食，叮返都唔錯，芋茸都唔會太甜。

見到團購 [$499／$699 享 蜀府川鍋 4位／6位 海鮮鮑魚雙層蒸氣塔！豪歎龍躉、鮑魚、龍蝦、帶子、大蜆王！瑤柱排骨粥底火煱、 四川麻辣鍋等多種鍋底選擇] 覺得很抵~知道飲食類的團購通常要附加費, 所以看清楚細節, 果然 :醬油費：選項1：每張兌換券另收$40；選項2：每張兌換券另收$60加一服務費：選項1：每張兌換券另收$49.9；選項2：每張兌換券另收$69.9茶位費：選項1：每張兌換券另收$32；選項2：每張兌換券另收$48星期五、六、日及公眾假期，每張兌換券需另加$100因通常星期六才易夾到朋友, 所以4人的雜費也要約 $222, 接近團購價的一半。埋單後的收費是 $239, 初想不明自己怎會計錯數, 原來上列的加一費用未計  醬油費. 茶位費. 星期五、六、日及公眾假期附加費 合共的加一, 真的要好心水清才計到 !用 whatsapp 預訂, 回覆也快 搞笑的是 walk in 與團購的餐價一樣, 只是 雜費收取的價錢不用 (醬油費：每人$20, 星期五、六、日及公眾假期附加費$180) , 4人共有 $120的差別。海鮮鮑魚等都好新鮮, 鮑魚好大隻, 放鍋前還會動呢

唔熟呢頭，有啲難搵。嚟到門口見到有好大個海鮮缸，入面有好多游水海鮮喎！係呢度啦！最鍾意呢架車，狂加料狂加料！尖椒重慶皮蛋睇個樣好似好辣，但原來係麻喎！皮蛋有啲溏心，食落又估唔到幾好食，平時唔食嘅我都忍唔住食咗好多舊原隻大蜆蟹粥 ($198)蟹好大隻，蜆都算多，肉質彈牙鮮甜，啖啖肉；食完之後啲粥盡吸鮮味，其實份量都好多，真係唔可以叫太多食物，否則會好飽野生花竹蝦 ($36/隻)超大隻，有成隻筷子咁大，肉質好彈牙，而且非常新鮮！新鮮大連活鮑魚 ($36/隻)肉厚，就算淥多咗一陣都依然好軟綿！鮮魚鰾 ($58)可遇不可求嘅美食！好新鮮，口感外軟內爽魚片頭 (半份$24)冇乜特別自家手打蟹子墨魚滑 ($78)估唔到份量都算多！墨魚滑彈牙爽滑，蟹籽好脆，係絕配！

記得許多年前曾在內地試過粥底火煱，當時的煱底是無米粥，粥水滾出的火煱料格外香滑，自帶淡淡的米香，卻又去了平日湯底的油膩，是更健康的火煱食法。早聞某報介紹過蜀府川鍋的粥底火鍋，日前下班捉了老爺子去嘗一下，結果發現和印象中的不同，又發掘了另一種新風味。以下讓我詳解一下滾出終極海鮮粥的過程。首先，粥底有四種選擇，每每和海鮮邊，主料可選龍蝦、黃鱔、田雞、海膽，大硯是標配。我倆選了個大硯瑤柱田雞鍋底，接下來就選選鍋料。按照店家給提供的指引，火煱料的滾放次序大有學問，先放海鮮，再放肉。而他首推粥滾起後就放$48一客的海膽，份量相當多，及後不急著吃，先放海鮮。我地要了鯇魚腩片和黃膳，生生把田雞粥熬出魚香。鯇魚腩片是我的首推配料，要知粥水本滋潤，煮出的魚肉格外嫩滑，粥底易滾，魚肉方放便可起鍋食用。及後放肉，前是蒙古羊肉，羊肉有膻味，對喜歡的人來說是至香，雖然老爺子一直在旁叨叨說沒人用羊肉熬肉，但終究抵不過我膽大包天一意孤行。蒙羊沒令我失望，果真是肉香格外濃烈。再來的這份韓國手切牛可謂是重中之重，火煱非有牛肉不可，鍋底是什麼都不能改變這方定律。這份肥瘦相夾，不油膩不韌口。雖未做到真的入口即溶，卻也真是鬆

已經唔知第幾次黎食了唔知有冇人同我一樣 隔一排就唔知點解好想食辣 男朋友知我鐘意食辣 專登搵黎帶我去係香港食川菜既鋪頭唔多 唔係區區都有 而且唔知點解我好鐘意夜晚食辣 而呢間鋪就開到好夜 好似1-2點食過甘多次..我覺得散叫既野食好食過火爐而水煮牛係最好食👍🏻👍🏻👍🏻必點 入面仲有少許紅薯粉😽另外佢個海哲都幾好食 好似$40-50 但好大份 性價比高👍🏻👍🏻👍🏻最後佢個豬油撈飯係幾好味 但好貴..整體3.5/5

天氣突然又凍返咁多，又係時候去打邊爐喇。聽朋友介紹油塘呢間隱世火鍋店材料新鮮又抵食，所以今次都決定放工嚟試吓。一入門口就見到好多海鮮，決定今次嚟過海鮮粥底火鍋。其實呢度除咗粥底火鍋之外都有好多唔同湯底嘅火鍋選擇，但我哋今次就要左原隻龍蝦大蜆粥。係火鍋上菜前我哋要咗兩個小食，呢碟尖椒皮蛋真係好有驚喜，蛋黃味好濃，蛋白部份有好彈牙，加埋辣既尖椒好開胃。另外一個小食係蒜泥白肉，肉嘅肥瘦比例啱啱好，唔會鞋口，而且蒜蓉好香。到主角出場啦，個火鍋都幾足料有一隻大龍蝦同十幾隻蜆。海鮮方面有兩隻北海道大元貝，新鮮大連九頭鮑魚，沙巴龍躉原條起片，花膠，全部海鮮都好新鮮呀！仲有最驚喜嘅美國桶蠔，一碟有八隻，每隻都好大好肥美，就算淥左好耐仍然都保持到個size。叫咗咁多海鮮為嘅都係最後呢碗粥，果然不出所料呀，超級超級鮮甜！而且仲好綿，冬天食到一碗暖笠笠嘅粥真係好幸福！叫咗咁多咁新鮮既海鮮都唔使$1000，仲食到好飽，真係好抵食！

秋冬時分，又係打邊爐的季節。寒冷的天氣促使我哋揀咗粥底火鍋。等待的時候，青椒皮蛋正好開開胃。粥底滾起，香氣撲鼻，內有大大隻鮮龍蝦。真係啖啖肉架！打邊爐點少得海鮮，聖子、扇貝、海蝦同珊瑚蚌總是少不免。聖子特大隻而且冇沙。海蝦肉質好爽口，味道好鮮甜。雞同肥牛亦係不可或缺的元素。肥牛唔算特別出色。但係鮮雞件就好有雞味，而且肉質滑溜。其他火鍋料的款式同選擇亦唔少。打邊爐最緊要係乜嘢？梗係個爐啦！咁粥底火鍋最好味係乜嘢？當然係個粥！經過一兩小時多款海鮮的熬製，粥底吸收晒所有食物的精華， 鮮甜無比。食完一碗，暖苙苙又滿足！

去朋友屋企附近食飯，佢揀左呢間食粥底火鍋，一開始睇個名以為係去食辣野，原來佢除左四川麻辣火鍋水煮魚個類仲有雞煲同粥底火鍋。佢一開始送左碟尖椒皮蛋比我地，尖椒唔係好辣，同皮蛋一齊食又爽又濃郁。為左令到個粥夠味道，海鮮同雞當然唔少得。叫左半隻雞，全部放落去煲粥，雞件都幾新鮮。海鮮方面有花膠，蜆，鯇魚片，蟶子，海蝦，帶子，全部都非常新鮮。花膠要煲一段時間，但係佢煲完都唔會溶晒。同埋蟶子都大隻，淥完都冇乜點縮，好有咬口。火鍋點可以冇牛肉，依家興食牛頸脊，比起肥牛冇咁多脂肪，牛肉味亦都重d，加埋落個粥度再加一d鮮味落去。最後個粥集百家之大成，鮮味同肉味混合，嚐盡所有食材既精華。

天氣冷就想食雞煲，近近哋去食油塘蜀府川鍋的雞煲，兩個人食一隻雞的份量，微辣/小辣/中辣任君選擇，食過一次下次一定會再黎食。麻辣蒜泥白肉，裡面有包住青瓜，食落好有口感，5粒星。炮炒土豆🥔絲，這碟酸酸辣辣的好開胃，成碟食晒落肚，配埋個豬油飯簡直一流，可惜肚餓掛住食無影到個飯，豬油飯一定再食。地址係度，目前只有一間，大時大節好多食肆都需要訂位子，呢間真心推薦食，包你食過返尋味。我我亦都見到好多人食海鮮蒸籠，下次一定會黎試