蜀府川鍋 (已結業)

又是一家人出動的時候了！在家食海鮮，又要冼，又要煮，又貴😔！所以決定外出食吧！記得好耐之前食過一間位於油塘的(蜀府川鍋)地方好大，而且正正在大本營商場對面，都幾容易搵到！有蒸氣鍋，海鮮套餐，粥底火鍋，燒物和小食都有．．．．我哋選擇咗(六人海鮮鮑魚雙層蒸氣塔)$769上層是蒸鍋，下層是瑤柱排骨粥底！見到呢一盤海鮮已經覺得物超所值鮑魚超新鮮，爽口又鮮甜！👍🏻👍🏻貝類一啲沙都冇，食得放心！扇貝，加上粉絲和熟蒜頭，蒸一蒸已經好香！好好味😋！沙巴龍魚🐟，因為太肚餓的關係，已經等唔切每種海鮮慢慢蒸煮，所以直接把魚放入粥底，魚肉好甜好滑溜，亦令粥底更加鮮甜👍🏻最後特別點了黃金糕，煎得好脆口，唔太甜，食唔停口，所以都點了三碟😅😅

今日食哩餐海鮮大餐真係好正！位於鯉魚門同油塘之間既蜀府川鍋，油塘地鐵站行過黎約5分鐘路程，夜晚渣車附近都多位泊一入門口就見到好多生猛海鮮台內有卡位有圓桌坐底之後睇睇餐牌，主打蒸氣火鍋，附加粥底火鍋或湯底火鍋，因應唔同嘅人數而定份量同價錢，亦都有好多唔同既優惠套餐、火鍋配料同小食小菜。最後我選擇左個蒸氣海鮮套餐加粥底，另外叫咗啲燒海鮮一大盤海鮮黎到真係好震撼，鮑魚仲喺度郁下郁下，好似就嚟爬出嚟咁中間主要用嚟蒸海鮮，圍住周圍嘅就係粥底/湯底，海鮮既精華就會喺中間流落啲粥水到，令到啲粥超鮮甜，建議心急既朋友可以將d魚頭魚尾雞骨雞腳，難熟既直接放落個粥度，一黎令粥甜d，二黎唔洗等咁耐之後到燒海鮮，佢地既蒜蓉會燒埋上面，令部份嘅蒜蓉更加香脆，特別係燒龍蝦，點埋d蝦糕，真係好正！好正！好正！另外甜品小食都ok，真係要一試！

最近油塘多左唔少好野食，打邊爐之類性價比都幾高，今次同朋友揀左間就腳嘅黎試，叫蜀府川鍋。蜀府川鍋食粥食火鍋，十點後宵夜時段有折，可以揀原隻大蜆蟹粥，細蟹6兩中蟹9兩，明碼實價。本地手切牛頸脊，打邊爐必備，薄薄一片，肥肉均勻分佈，口感唔錯。除左肉類，另外叫左鮮甜海膽，口感細膩，落到粥底即刻提鮮，令成個粥當堂甜左。蔬菜有油麥菜。既然有龍蝦有海膽，當然唔少得其他海鮮啦！自家手打蟹子墨魚滑，大大份，可以隨喜好煮，剛剛好熟就夾上黎，又陣牙又飽肚！重頭戲——大蜆龍蝦，非常巨型，成個鍋咁大，龍蝦肉拆出黎好多，鬆軟鮮甜，粥底吸收左大蜆貼同龍蝦的精華，完全冇浪費。今次蜀府川鍋感想唔錯，坐得舒適，食物質素唔錯，下次會再試！

今日去左油塘開工，收工冇嘢做，就在油塘搵嘢食，經過這間食店，見到個海鮮蒸氣鍋套餐幾抵食，好，試下先。這食店都幾方便，地鐵站落車行幾分鐘就到，方便快捷。入到去，地方都幾大，坐位闊落、舒適。我們當然是叫了海鮮雙層蒸氣塔套餐啦！初初驚唔夠食，但原來份量好豐富。先來蟲草花蒸雞，原來用蒸氣蒸雞，特別嫩滑，濃厚雞味。海鮮來了，龍蝦、鮑魚大隻又新鮮，蒜蓉粉絲元貝，香味濃郁。沙巴龍躉，試下一半蒸，一半火鍋，原來各有特色，蒸的嫩滑鲜甜，火鍋的爽口，一樣好味。最後仲有甜品芝麻綠茶芋茸餅，好飽，好豐富。

今年第1年訂蜀府川鍋盤菜，醬茶鴨，豬手，人人吃到個個讚！盤菜擺盤美，將醬茶鴨……肉質鮮味，醬茶味道恰當，焗後香噴噴，令人口水流豬手……肉質鮮味，豬手夠林所以下年1定再encore

今日高高興興到鯉魚門食海鮮，蜀府川鍋是我們的不二之選4人海鮮鮑魚雙層蒸氣塔 $559，每人百令蚊已經食到好多款海鮮幾款海鮮款款生猛，又大隻先上份前菜醒醒胃先，筍有少少辣，夠爽口蒜蓉蒸開邊龍蝦，每人有半邊好大隻，又多肉原味蒸鮮活大蜆皇，蜆肉無沙游水沙巴龍，已切件方便蒸，魚肉嫩滑九頭活鮑魚，肉質厚身有咬口蟲草花蒸鮮雞，有蟲草花香，仲有雲耳雞肉嫩滑大大隻蒜蓉粉絲蒸大元貝，蒸煮時間掌握得好大啖啖肉最後食埋手工芝麻綠茶芋餅，完滿的一餐店舖地方闊落，又近地鐵站，好就腳

今晚和家人與男朋友一起吃飯，在OpenRice見到餐廳有烤魚，就來到這裡，位置在地鐵站附近。多數食客來打邊爐，亦有些是吃海鮮。全條麻辣烤桂花魚，選了小辣和小麻，魚肉幾結實，鮮味十足，愈烤得耐就愈辣，如果加入花椒和八角應該會更惹味。整體的魚肉和配料都好味，夠四個人分享。小籠包即叫即正，湯汁都幾多，而且豬肉夠鮮味，不過價錢較貴。干煸四季豆是炒得很有鑊氣，肉汁和肉碎炒香了非常的惹味，這道菜送飯一流！即燒茄子分開了一少舊一少舊扎好，再加上大量的蒜蓉粒，非常香口，但又不油膩。豬油砵仔飯很肥膩，吃不慣，試一次就夠了。芥蜆鯪魚球炸得金黃香脆，魚肉亦夠彈牙，不沾醬已經很好味。綠茶芋泥餠外脆內軟，中間的糯米芋泥容很腍軟。食物幾出色但價錢有點貴，下次有機會可以試打邊爐。

在油塘學完車已經八時多，男朋友接我時經過這間蜀府川鍋心郁郁想試吓，有很多海鮮和主打打邊爐，不過今晚我們選擇了小菜。乾撈擔擔麵細細碗，有肉碎和蔥花，醬汁香口惹味，麵條又彈牙，很出色。濃香醬茶鴨事醃了很久的烤鴨，肉質已經變得結實，又未去到臘鴨咁硬，鹹香味十足，配飯一流。家鄉煎藕餅煎得金黃香口，蓮藕加彈牙的肉有口感，想食完再食。土匪雞中翼和我想像中的不同，就是普通的炸雞翼，沒有太多調味，這個普通了點。這裏竟然有椰青可點，解渴解油膩。食物水準很好喎，下次學車後可以和朋友來打邊爐。

老豆生日諗住黎食餐好 點知就加料 海鮮蒸氣火鍋中有加料 仲要唔係得一隻 起碼有兩隻 服務員態度一般 快快手換左就算 已經冇晒胃口食 四個人食 野食有加料道歉都冇 我就冇再食過 老豆話算啦 所以佢換左之後老豆仲有繼續食 但係火鍋冇水到就先黎加湯 我見佢加人地枱都唔加埋我個枱 佢個枱邊爐啲湯仲多過我地仲要收每位醬油費同茶芥咁就百幾二百 加料大餐咁就一千幾 真係多謝晒啵 真心唔服 如果唔係比面老豆 一定投訴同即走 仲洗比成千蚊走黎食加左料既餐？！

餐廳隱身於油塘一工廈地下，雖以川菜掛帥，但亦有好多無辣的菜式可供選擇。其中更有不少功夫菜，坊間罕見，甚有私房菜館的味道。由於不嗜辣，所以點了泥封富貴荷葉雞海鮮二人餐（$388)。除了有主角荷葉雞，更有一眾海鮮，相當豐富及划算。椒麻海蜇海蜇用紅油，花椒等材料來浸，令海蜇相當入味。辣度中等，且有少少"麻"的感覺，好惹味。令人欲罷不能。蒜蓉粉絲蒸元貝可能鄰近鯉魚門避風塘，連海鮮都特別多選擇及新鮮。元貝個子不大，但味道鮮甜，肉質爽口，加入蒜蓉及粉絲同蒸，相當惹味。豉汁果皮蒸鮑魚蒸鮑魚挺大隻，口感彈牙，上面撒上豆豉果皮特同蒸，很夠味。蒜蓉開邊蒸波士頓龍蝦二人餐連龍蝦都有得食！龍蝦新鮮，而且也很大隻。龍蝦肉質爽口，蝦肉鮮甜。龍蝦肉旁有一整條蝦膏，柔軟鮮甜。泥封富貴荷葉雞是一道傳統功夫巧手菜。類似乞兒雞的做法，用泥巴緊緊包住荷葉雞再煨熟。食之前要大費周章，用剪刀把硬如石頭的泥巴剪開。有點費力但非常好玩！打開泥巴及荷葉後就可以食用。雞肉輕力夾一下就能夠夾開，雞肉完全離骨。雞肉好滑好軟腍，即使是雞胸位置也不會粗嚡。雞皮好薄，燜到雞皮下的雞油都近乎完全"蒸發"掉了, 所以完全沒有油膩感。味道像滷水，糯米雞

爸爸平時喜歡食海鮮，之前聽朋友介紹油塘有間食海鮮都幾好味和抵食，所以我便book了一試。入到餐廳，爸爸可能看到餐牌很多都辣，就驚驚地，我就說我們今天是食粥底火鍋加海鮮，他才好像鬆一口氣我們點了兩個一人餐， 海鮮飽魚雙層蒸氣塔，每個餐連醬油加一大概二百元，抵食瑤柱排骨粥底凸出的部份是蒸鍋，而下層便是粥底火鍋。沙巴龍躉游水魚，肉質嫩滑白雪雪，爸爸不斷話正🤭蟲草花蒸雞肉質不嚡口，我們拿了來滾粥調味蒜蓉開邊龍蝦，貝殼，粉絲大元貝，大蜆皇，九頭活飽魚飽魚上枱還是活的，蒸後肉質軟腍不帶韌，啖啖鮮味蒜蓉粉絲蒸元貝，元貝大大隻，粉絲吸收了元貝的鮮味和蒜味，正😬貝殼有幾粒在粥底內滾熟，一開殻就食得，爽滑鮮甜，這樣滾亦可增加粥的鮮甜味。龍蝦很鮮甜，肉質非常彈牙，加上蒜蓉味，味道真係無得輸海鮮新鮮，真係怎樣整都好食。綠茶芋蓉餅熱辣辣整起，味道亦算不錯。火鍋配料選擇頗多，我們還額外加了珊瑚蚌,皇帝菜和烏冬。珊瑚蚌我的最愛，打邊爐一流，食起上來很爽脆。爸爸最後真的連粥全部吃清是日消費每人大概三百元，食到超飽。

今晚約左朋友去油塘食晚飯，呢間係朋友約的，佢話食過唔差，而且好近地鐵站我地先叫左 “火鍋酸菜魚(鱸魚)”，好大煲！而且放上台已經聞到好香，侍應仲提我地滾左一陣就熄火焗一陣就食得，如果長開住火魚肉會好快散開鱸肉好新鮮同滑，好好食！而酸菜都十分岀色，好味，最緊要係魚肉夠多口水雞(半隻)，上到台嚇親，以為佢地搞錯俾左成隻雞我地，但原來呢碟真係半隻雞，好多！唔算太辣，不過個汁好香，雞肉唔硬，有驚喜蒜子濃湯娃娃菜，呢個湯好好飲，好夠熱，娃娃菜多到我地2個食唔晒！尖椒重慶皮蛋，呢個小食好開胃，因為尖椒辣得非常過癮，皮蛋好香，係我中意食個種，唔係黑色個種皮蛋，好味綠茶芋泥餅，食呢個真係要小心熱，因為即叫即炸，芝麻味勁香，幾好食呢間真係好抵食，食到好滿足，份量多到4個人食都得，下次要試下蒸海鮮

星期三收工後，豬仔同朋友係油塘行街係大本型外面見到一間餐廳叫蜀府川鍋本身就比佢門口既水缸吸引住，裏面好似酒樓甘，養住不同新鮮海產加上仲見到有二人海鮮餐幾抵食點左個二人套餐，老闆娘好人同見到豬仔太可愛送左碟椒尖皮蛋俾我地碟椒尖皮蛋流心蛋配上川辣 彈牙而內面就流心川北薯粉薯粉煙刃有咬口辣度岩岩好，真係好正開胃前菜蒜蓉粉絲蒸扇貝蒜容加埋粉絲蒸扇貝是最佳組合粉絲吸哂扇貝海鮮味豉汁果皮鮑魚果皮既香配上小小豉汁鮑魚好新鮮，加上蒸時間岩岩好味道當然相得益彰蒜蓉蒸開邊波士頓龍蝦本身龍蝦肥美多肉，加上㕑師調味得宜令龍蝦肉質爽口，加埋蒜蓉，胃口大開泥封富貴荷葉雞拆開泥土後已見熱騰騰的香氣荷葉香配上雞肉的嫩滑簡直食指大動雞皮滲出的油脂令肉質帶油脂香，簡直停唔到口抹茶芋泥餅上餅時，餅仲係暖身，一開始有淡淡抺茶味中間芋泥更加係加分位香芋味好濃，又好滑，甜度適中整體來說，有辣野食仲有新鮮海鮮，同特別既荷葉雞，價錢合理

今日去油塘果邊接老媽子收工食飯，見到大本營對面有依間蜀府川鍋，身為川菜愛好者既我當然唔會放過依個機會門口裝修充滿中國特色一坐底店員已放底小食叫我地試下，泡椒尖筍，辣得好過癮打開餐牌嚇左嚇，因為選擇真係十分十分之外，由海鮮到小菜，由前菜到甜品，仲有各式各樣嘅套餐: 例如蒸氣鍋海鮮餐，火鍋海鮮餐，仲要有得打邊爐，真係可以話你想食咩都有👍但最可惜既係，老媽子竟然唔食我想食既套餐，要散嗌。甘做仔既就無辦法啦先叫一個椒麻海哲$45做前菜，海哲爽口彈牙，配上微辣十分之開胃，唔會辣到食唔到叫個豉椒鵝腸$88一上菜大大碟成座山甘，出面好少甘重料豉椒炒蜆$88，同樣份量十足，蜆肉大大粒十分入味生楂咕嚕肉$68，咕嚕肉煮得外脆內軟，酸酸甜甜食落都唔會濟叫多兩隻果皮蒸鮑魚$38/1，蒸得夠入味，鮑魚大粒得黎屬半軟身，口感剛剛好👍美中不足係我見到人食套餐真係好想試下，不過就下老媽子都無令我失望。兩個人埋單450蚊食到依個種類，份量，味道已屬大滿足，下次要黎試埋個蒸氣鍋👍

天氣開始轉涼，又係吃火鍋季節，當然對我來說一年四季也是火鍋季節！今次選來的是 “蜀府川煱” ，在入夜後人流逐漸增多，好彩我們 7點前到已到達😝。先送上尖椒重慶皮蛋金黃色透明的皮蛋，甘香清甜！尖椒切片，帶點微辣，醒胃之選😋。家鄉濃湯花膠雞煲（半份）火鍋清湯鍋底放入了玉米、冬菇、香蔥、蕃茄、紅蘿蔔 ...，鮮香又不肥。火煱配料：娃娃菜、韭菜餃+雲呑、牛頸脊手打丸類、響鈴、枝竹...飽滿的餃子和原隻鲜蝦雲呑，口感不一，各有特色，好味得不想停口。 😁牛頸脊 ~ 肉質鮮味，牛味濃郁，油脂均勻，個人覺得吃火鍋（牛頸脊）必點之物！雞件也是今晚的重點之一，滑溜雞批，香嫩雞件，食到口水流流😁😁。脆皮彈牙炸魚皮，在放入火鍋湯上約3-4秒，點了辣辣的調味豉油，更帶出魚皮鮮味，更帶點微香脆口感。全晚一直有火鍋伴侶（啤酒），人生何求！值得推介的餐廳🍴丨