蜀府川鍋 (已結業)

之前都帶過母親大人黎食過海鮮鮑魚雙層蒸氣塔,今次就趁慶祝母親節再帶佢黎食個原隻大蜆龍蝦粥底火鍋,超級足料有大量大蜆同兩隻龍蝦,仲要大隻過我手掌同有膏㖭。兩樣海鮮都好新鮮,好鮮甜。打邊爐嘅食物我就叫左珊瑚蚝,滋補花膠同手切牛頸脊,每樣食物嘅份量都幾多。我仲用左優惠價換左一板海膽,食到最後再落埋海膽,之後熄火就變左煲鮮甜嘅海鮮粥。不得不提嘅仲有即燒大連活鮑魚同紐西蘭蟶子皇面頭鋪滿蒜蓉,經過燒烤後蒜蓉帶出香氣同微脆口感,令海鮮鮮味更上一層樓。

真係好滿足！可能第一次出油塘站😂原來地鐵旁的海景非常迷人！食完可以睇下！出站不遠就見到招牌😍好多野食啊，諗左好耐，名不虛傳，川菜火鍋海鮮，樣樣齊！！泡椒尖荀！泡椒真係冇得輸！酸辣充斥我整個腦袋，好刺激啊主角大蜆龍蝦粥底火鍋！建議快食蜆，我有點慢左！龍蝦好新鮮，彈牙的加左海膽煮，味道不明顯，還是喜歡刺身海膽，太好其他野可試，可不必加😝牛肉偏瘦，入口較um,還是海鮮好!食食下，又想涼一涼！黃金皮蛋是最好的緩衝，口感味道好好，不會膩！海鮮海鮮好新鮮！鮑魚一定要試，會郁，有d唔忍心，反轉放落鍋，真係好爽口乾淨👍🏻最後燒蝦收結！即叫即燒，好香口，但喜歡自己火鍋多d

朋友介紹可以粥底火鍋，又可以川菜。裝修簡單，但寬敞舒適，是朋友聚會好地方。另一方面，侍應服務超細心可能近鯉魚間關係，所以主力是海鮮粥底火煱，選擇多.火鍋配料有二頁之多。價錢實惠仲有小炒和川菜，花多眼亂。我們選了原隻大蜆蟹粥底鍋，大蜆鮮甜，而且有很多，蟹足一隻，肥美鮮甜。二者要來造粥底，成個湯都得鮮味48蚊加了一份海膽放到粥底，味道濃郁。一份炸魚片三十多元，剛炸起，還熱的，要立即食。叫了一份大的本地牛肉牛頸脊。份量大。超新鮮，不會過肥，只有少許肥肉香。肉質軟滑忍不了再叫川菜，水煮魽魚配薯粉。薯粉滑滑彈彈牙。魚肉沒太多骨，麻辣度剛好，不失平衡，正呀！椒鹽鮮魷，香口，野味送酒一流下次再來，試其他食物

放工約左好友去佢屋企附近食飯，上網睇到有一間蜀府川鍋好似幾好味，兩人走去打個邊爐先，見到其他川菜都好吸引，但最後都係揀打邊爐，揀左個湯底大蜆蝦粥底。湯底來之前先來個泡椒香筍，夠辣度，同埋筍爽口無渣，不錯。大蜆蝦粥湯底好足料，大大隻蜆而且無沙，蝦都有十隻左右，質地都好爽口，但建議可以先給米水，米飯就後期先加會更好。手切牛脊肉（大）份量好多，肉質唔硬有牛味👍🏻響鈴、蟹子丸、鵝腸、竹笙、准山片、油麥菜、最有驚喜係即燒大連鮑😋香蒜舖面，鮑魚鮮味而且質地彈牙👍🏻$48 有海膽可以放粥，價錢來說好抵～最後食到撐飽個肚走人。

其實以前黎開油塘的蜀府川幫襯主要都係打邊爐多, 但今次特登黎係要試下他地嘅四川菜. 希望有不一樣的驚喜啦! 先黎兩碟前菜食下先: 泡椒尖筍 + 尖椒重慶皮蛋 泡椒尖筍的 小竹笋好嫩, 口感爽脆, 味道又辣又刺激;  尖椒重慶皮蛋 香辣味十足，金黃色的皮蛋同我地平時食的一般皮蛋有啲唔同, 味道冇咁濃, 口感亦較Q彈有點咬口, 而中間的蛋黃呈流心狀態. 配上惹味的麻辣汁, 好好味~  口水雞 (半隻) 冰冰涼涼的口感, 雞肉好厚肉, 肉質幾嫩滑, 而雞皮好爽口冇肥膩感. 配上麻辣的醬汁, 非常惹味, 令人停不了口~  蒜蓉燒元貝 厚厚的蒜蓉燒得焦香惹味, 而藏在底下的大粒新鮮元貝, 依然保持充足水份唔會話燒到乾哂, 口感彈牙味道鮮甜~  火鍋酸菜桂花魚 大大煲份量非常多, 鍋內的酸菜越煮越酸越出味, 令人流口水. 一片片的桂花魚肉肉色雪白新鮮, 口感嫩滑鮮味. 而除左必有的酸菜和魚之外, 原來底層係鋪满粗身的紅薯粉, 口感Q彈彈牙, 吸哂湯底的酸味湯底.  水煮牛肉 水煮湯底用左大量的花椒和乾辣椒煮出麻和辣的風味, 由於叫左小辣, 所以湯底不太辣容易入口. 而牛肉的口感滑嫩適中

喜歡吃辣的我, 今天跟朋友來到蜀府這家川菜店! 在門口已經聞到很香的辣椒味, 是熟識的四川味道啊~~~進店後看到很多客人都在吃火鍋, 但同行朋友想試小菜，那就點小菜吧前菜 - 尖椒重慶皮蛋這皮蛋跟我們平常吃到的, 不論在顏色及口感都有不同. 這裡的皮蛋的顏色較淺, 質感有點咬口, 有點麻, 但不算很辣, 味道剛好, 很讚!前菜 – 椒麻爽脆魚皮這道前菜真有驚喜!! 本來我個人是不太喜歡魚皮, 因很怕那陣魚腥味, 不過這道魚皮不單沒有那陣魚腥味, 而且口感真的十分爽脆, 名副其實「爽脆」, 好吃! 口水雞 (半隻)雖然只有半隻, 但份量好多, 很足料! 雞肉非常之嫩. 我們選了小辣, 辣度剛好, 麻辣味香濃, 令我一口接一口! 水煮牛肉起初見到這麼多辣椒有點怕怕, 但吃了一口, 那辣度是可以接受的~ 同樣地很足料, 鍋內有很多辣椒外, 還有很多片牛肉及紅薯粉, 絕無欺場! 牛肉非常鮮嫩, 雖然被很多辣椒包圍著, 但仍吃到濃濃的牛味! 還有紅薯粉口感有點咬口, 吸收了辣椒油的精華, 味道十分可口! 這麼多小菜, 有點單調, 還是需配上飯/粥比較好! 所以我們點了這裡很有名的 “原隻大蜆龍蝦

到鯉魚門探望朋友，順道吃過晚飯聚舊，時光流逝，之前相聚已是年多前的事了，想吃川菜，朋友選擇了蜀府川鍋，是間帶點懷舊裝璜的川菜海鮮館地方大卡座位多，坐下來吃吃喝喝也很舒適。泡椒尖筍先上入口脆嫩，微辣帶酸非常醒胃朋友推薦她的辣子雞也是我的至愛色香味俱全，雖是滿佈紅椒，卻辣不嗆口，雞粒焦香入味，不膩不嚡囗，而且份量足夠再來一客避風塘炒龍蝦香氣撲鼻而來，炸蒜粒粒甘香，龍蝦乾身不油不膩，二百元有找，相當超值點了兩客濃味菜色，來鍋大蜆蝦粥兩者皆鮮，稍稍煮開粥底，加四十八元有碟海膽，放入粥鍋，微鹹帶鮮的海膽把鮮味提升，既可中和川菜的濃郁，又不覺乏味。

上次朋友帶我黎食過一次，一直念念不忘，難得今日去開呢頭，今次到我帶另一個朋友黎試下喇選擇真係好多，雞煲、烤魚、蒸海鮮、粥底火鍋上次就係試左呢個，食材超新鮮今次決定試另一樣今次試大峴龍蝦粥底火鍋$238說起來真係慚愧，蒸海鮮火鍋食過好多次，但粥底火鍋竟然係第一次🙊🙊龍蝦有兩大隻、大峴目測約廿隻龍蝦同峴都好新鮮，呢道既海鮮真係不容置疑🤷🏻‍♀️另外加$48有海膽，雖然係急凍海膽，但放埋落煲係有助提味，值得加埋！椰青$38，呢個真係一定要飲，我係泰國、越南飲過無數個但都飲唔到呢種清甜味☹️（真係無誇張）手打四寶丸$98夠實又彈牙綠茶芋泥餅$48熱辣辣，外脆內軟，超香芝麻味，就算放到最後凍曬食都一樣脆口！不過因為芝麻味太搶，芋味如果再加強會更好鮮滑牛肉$52加埋落粥底變生滾牛肉粥🤤黃沙豬潤$48豬潤牛肉粥😂食到尾唔記得影相☹️我地加左次湯，個粥最後吸曬湯汁，牛肉同豬潤味，個粥變得非常鮮甜又夠綿，真係勁正比之前食蒸海鮮最底層既粥更有味呢道蒸海鮮掂之餘，粥底火鍋都不能錯過

來到川菜館，不一定要食川菜先得，蜀府川鍋就是一個好例子。除了有川菜供應，還有海鮮粥鍋。有著不同的海鮮配搭的粥鍋，還可以優惠價享用海膽，再配上其他火鍋食材，都足以讓人吃得飽肚又滿足。******************************蜀府川鍋位於油塘工廠區之內，從地鐵站經過商場而來到工廠大廈，便很容易來到蜀府川鍋的門前。蜀府川鍋地方也很大，座位數量絶對充足。海鮮粥鍋選擇不止龍蝦蜆粥鍋，或大蝦蜆粥鍋，還有其他例如蟹蜆粥鍋，每一款鍋的收費也有所不同，這夜選上了原隻大龍蝦粥 HKD238，粥鍋之內還加入蜆，還可以HKD48享用海膽一份，但我們便沒有加錢享用，就只選粥鍋，再配一點火鍋食材。除了海鮮粥鍋，還有多款不同的雞煲鍋，此外，還有水煮牛、或水煮魚、酸菜魚和烤魚等等。多款海鮮、小食、牛肉還有燒物供應，確實不錯。火鍋配料，包括肉類、自家製食物、肉丸餃子、蔬菜、拼盤、粉麵和飲品，選擇一點都不少。有簡單的醬料供應，蒜粒、辣椒粒、蔥粒和芫茜、醋或醬油。海鮮食材新鮮，其實不用什麼醬料而吃，才可以吃出原汁原味的享受，所以簡單醬料也是沒問題。蜀府川鍋以川菜為名，當然要試試川菜的小吃，泡椒尖筍。泡椒尖

之前有朋友介紹過間係油塘既四川火鍋店比我, 見係附近做野, 一於去試試佢! 係油塘A出口穿過大本營再過條馬路就到, 大約五分鐘路程, 紅色燈招牌幾搶眼, 門口就係一目了然既魚缸, 相信呢到既海鮮都係賣點之一。餐廳以簡約中國風做設計, 雖然裝修幾簡單, 不過勝在空位多, 座位唔會密麻麻令人覺得唔舒服, 尤其是食鍋呢啲都係想一路食一路吹水, 聽住格離食野都幾慘!餐牌主打就是粥底火鍋同埋海鮮塔, 如果中意食烤魚水煮魚都有好多選擇, 睇返原來餐牌仲有一大堆小菜揀, 或者小食甚至燒海鮮等都有得order, 心裏不禁好奇究竟廚房有幾強大haha!我揀左大蜆田雞粥, 好多年無食過田雞, 唔知加落粥會唔會入味呢? 為數不少既大蜆同埋田雞件比飯粒更多, 幾足料, 蜆本身已經開左殼, 唔洗怕唔新鮮, 好快就滾起既粥底, 雖然剛開始會飯粒依然偏硬, 但個湯底本身都幾入味, 一開始已經飲左唔少湯~田雞兩隻切件, 當然比較有用一件係田雞脾, 田雞唔算細隻, 肉質滑身爽口。蜆肉煮熟後無咩縮水喎!! 一咬就感受到鮮甜爽彈, 唯獨有少少沙~淨係食個粥同田雞蜆已經幾飽Haha, 但因為朋友講過呢到既雞好滑身, 我就再叫

早兩日朋友同我講油塘有間高質海鮮火鍋店，搞到我心思思想試下，今晚終於的起心肝黎試下。火鍋店門面好搶眼，黎遠已經見到紅當當招牌同埋古色古香既大門。一坐低，見到佢menu 推薦海鮮粥底火鍋，就試下佢啦！大蜆龍蝦粥味道鮮甜，因為用黎煲粥關係，龍蝦唔係話好大隻果啲，而係中size 但肉厚既龍蝦，咁樣煲落先夠鮮味。估唔到佢連大蜆都落得好梳爽，入面估計有8-10隻大蜆，每隻都有肉唔係得個殻架！由於我係蜆王，見到佢啲蜆咁肥美，我就叫多咗碟豉椒炒蜆，同樣地不負所望好好食，一上枱已經傳來陣陣咸香味，真係少啲鑊氣都炒唔出。桂花蚌爽口彈牙，一滾就熟，新鮮～新鮮大連活鮑魚（9頭）好大隻，肉質鮮美，食完好滿足！自家手打蝦滑墨魚滑手打的確唔同啲，彈牙不在話，食落仲好香蝦味同墨魚味椰青好甜，感覺店員應該有揀過熟同靚既先開比我地，因為我地嗌咗兩個都好甜，依家仲回味緊入面啲椰果肉總括黎講，大家都好滿意呢餐。

見到呢間火鍋店咁多人讚，一於就同埋屋企人黎試啦。門口養住一缸缸海鮮，見到都流晒口水。我地試咗呢間店主打的粥底火鍋，原來係食晒啲粥就可以用個鍋底黎打邊爐。係火鍋未黎之前，我地叫咗啲熟食填下肚先。泡椒尖旬：鍾意食勁辣既人岩晒喇，呢份小食真係辣得好過癮，啲旬爽口脆卜卜。椒鹽鮮魷：魷魚新鮮，炸得金黃色好香！豉椒炒蜆：蜆肉好肥美，炒得有鑊氣，讚👍大蜆龍蝦粥：原隻大龍蝦放入去滾，加埋大隻多肉既大蜆，$238真係超值。龍蝦肉啖啖肉，加埋綿綿粥底，好快比我地4人清晒！新鮮海蝦：好甜！encore 咗一轉，因為真係好鮮！西班牙黑毛豬豚肉：肥瘦分明，好甜鮑魚：又係好鮮，火鍋一流！好快就熟，肉質爽口彈牙

我身邊朋友的公司都非常多年假，幾個月冇見，已經去了不知多少次旅行，今晚就特登約出來晚飯和派手信，你絕不能想像一晚我竟然可以收到印度台灣泰國的手信。食飯其次，聚舊和派手信是重點，所以求其選了朋友公司附近的食店，地點就由朋友發辦。＊＊＊＊＊＊＊＊＊＊＊＊＊＊蜀府川鍋店名雖然有個川字，但不像其他以川菜作招倈的火鍋店般每一道菜都浸在滿滿的紅油和辣椒內，除了帶有四川風情的酸菜魚和麻辣鍋外，它也有提供其他港式湯底，火鍋配料選擇亦非常豐富。泡椒尖筍($38)泡椒尖筍在餐牌上有兩隻辣椒圖案，辣度沒有想像中厲害，大約只有小辣水平，份量都幾多，空口吃可能會覺得有點偏鹹，建議人多一點才點，幾個人分吃剛剛好。原隻大蜆龍蝦粥($238)蜀府除了雞煲、蟹鍋和魚鍋等，也有幾款粥底火鍋。這個原隻大蜆龍蝦粥有大大隻龍蝦和很多蜆在內，食客可以先食海鮮，之後再下火鍋料，食到最後粥底也煮得夠綿可以食用。龍蝦都幾有睇頭，所以食落啖啖肉，要食到海鮮應有原味，當然是在下火鍋料前就先把它們吃了。蜆都幾大隻，有肉地之餘也沒有沙。另外值得一提是，粥底火鍋都不用另收醬料費，雖然醬料選擇不算特別多，但出面單是醬料費少則$10/人，多則二十多

之前去油塘都係因為去魔鬼山/鯉魚門，今次就同屋企人去食好西!1)麻辣烤桂花魚 $328平時翻大陸食烤魚都偏向濃味 有時會蓋過埋魚味 呢度嘅烤魚反而調味岩岩好 仲食到魚香 叫左小辣唔算好辣 連唔食得辣嘅媽咪都話ok 個底本身有蓮藕 薯粉 金菇 菇 豆卜 吸哂d味 勁正2)椒麻海哲 45呢個反而夠辣 正 滑嘟嘟 3)蒜子濃湯娃娃菜 58好大碗菜 要嚟解下辣又得~4)北海道大扇貝$ 38 /隻呢隻即燒 唔係淨係得一大堆蒜蓉 粒肉都好大 好鮮甜5)大蜆黃鱔粥 $198粥底可以要嚟打邊爐 淥完野煲到綿綿地就食得 黃鱔一啲都唔腥 肉質亦都唔梅 大蜆真係勁大粒肉 食到我地lam lam 利