蛇王如蛇店 (已結業)

近日天氣乍暖還寒，到處濕濕漉漉，濕氣重，整個人極不舒服，於是跟E先生在大埔區內找了間較出名的蛇店去食蛇羹，打算祛風祛寒、行氣活血，滋補一下。太史五蛇羹(大) $36蛇羹算是稠身，味道夠，不會淡而無味，材料夠多，有雞肉絲、冬菇、木耳等，還散發著淡淡的藥材味，加上薄脆，好吃。蛇肉份量很多，每口都有大大塊蛇肉，但我反而喜歡切成細絲，起碼入口較容易接受。臘味糯米飯 $30香噴噴的臘味糯米飯有臘腸、臘肉粒等，再加入花生、蔥花，令油香滿溢的糯米飯更加香口美味，而且糯米飯粒粒分明、黏口彈牙，好吃。

十月份已過一半,在這個時候就是開始吃蛇羹,在大埔墟只有二間專吃蛇的店鋪,當然一年四季都有供應蛇羹,但習慣了入秋才開始吃,吃到入春前,賣蛇的同樣老店鋪,蛇王如蛇店大約在十多年前第一次光顧,和家人一起在某一個晚吃蛇羹,那時候的我其實不喜歡吃蛇羹,總是怪怪的感覺,還有一個原因自己把蛇羹和碗仔翅有點混為一談,走過來數分鐘,也是剛開鋪,坐下隨即叫一客蛇汁雞飯配蛇羹,這個配搭六十元正.蛇羹一碗淨賣要三十多元,配雞飯不過六十元,感覺抵吃得多,當然要肚子容納才行,蛇肉還不少,當然會有雞肉混在蛇羹內,佔的比例不高,吃落好頗為身,還是落點胡椒粉較為好,沒有吃早餐的自己吃完這一碗東西也飽了一半,雞飯的份量實屬不少,雞肉來得嫩滑,帶有少許甜味,雞骨也充著味道,論雞飯是不俗,我不介意給什麼部份,最怕是雞皮厚到嚇壞人,比起暢和更好吃,雖然暢和是咸雞,但要多加留意才吃得出味道,原來會送一碗蛇湯,飲落較為淡口,沒有另一間的偏重藥材味,但差一點喝不完,實在很飽.這裏多年來沒有怎樣改變,變的就是自己,由小童年代到現在投身社會,不過還是一事無成!

見各介好友極力吹棒，終於有機會一探佢既虛實，除格局外，食物全比我想像中好百倍 ﹗未見過一間蛇舖既菜式有咁多選擇 ~ 出品還比我年年幫襯既蛇王海更好 ~ 佢地仲係開足 365 日架，當然大節日除外啦 ~轉頭要出席飛鏢比賽，見今日天氣非常寒冷，忽發奇想食吓蛇補補去先，就同兩位隊友趕到此店進補 ﹗食完暖笠笠，正 ~太史五蛇湯，比我飲開既蛇湯更濃郁，真係超濃、又香，落足料又夠晒火喉。係啲湯度仲可以睇到餚到已經變成粉既材料，真係好好飲。太史五蛇羹，起初好奇怪，點解全間舖都無浙醋供應呢？如來佢地唔會落粉打芡，只會利用原有材料自然煲出既膠質，此舉真係值得一讚，夠天然。這樣啖啖都食到真材實料，每口既味道都實實在在，好特別既感覺。食落每羹都啖啖肉，勁多蛇肉，絕無欺場，配料又多，味道香甜美味，太好味喇。蛇汁滑雞飯，套餐一碗湯、一碗羹、一碟飯，真係好豐富，份量多，一定飽，HKD65。最初睇到個賣相一般，不過食落隻雞都幾滑，完來蛇油無咩特別既味道架喎，有啲咸咸地，但又好香既味道囉，白飯撈埋啲蛇油雞汁勁好食架。

早而風聞大埔有一間出色的蛇店蛇王如，現在在大埔工作，公司正就近蛇王如，當然要來試食，看看蛇羹做水準可否媲美印像深刻的蛇王燊。 秋風起三蛇肥，近日更加上北風起，正是食蛇的最佳時侯，前後已吃過數次蛇羹，都能保持穩定水準。 環境方面老店的店面頗為老舊，但舖面相當整潔，樓面擺放了幾張食桌，在蛇店來說已算不錯。 今天中午跟兩位同事來食蛇餐暖身，蛇餐有A-D四款，分為蛇羹、蛇湯、龜湯及臘味糯米飯跟蛇汁雞飯的不同配搭，價錢由五十八蚊到七十八蚊不等，我們今次都揀選了六十五蚊包括蛇羹、蛇湯和蛇汁滑鷄飯的 A 餐。太史五蛇羹落單後伙記先送上太史五蛇羹一碗，檯面放了胡椒粉、檸檬葉及炸薄脆，客人可任意加多少入蛇羹，檸檬葉的香味能辟去蛇肉本身的腥味，很多坊閰酒樓及蛇舖都混合不少廋肉在蛇羹內以減輕成本，但蛇王如的蛇羹用的都是真材實料的蛇肉，蛇肉份量跟蛇王燊一樣極多，湯汁有很重的中藥材味，特別是土伏苓的味道，吃完大半天都呼吸都聞到中藥的香味，過了一會氣血運行，身體還開始發暖，吃過後腸胃感覺暖和及舒服，最合冬日時進補。 多年來吃過那麼多蛇羹，蛇王如是印像中最好的一閒，味道可媲美灣仔蛇王燊的出品。蛇汁滑鷄飯

標題滿瀉意思是碗蛇羹，足料到滿瀉，阿姐舀的每一碗蛇羹都從不手軟，每一碗也是滿瀉，滿到連盛碟也有幾塊大片的蛇肉。近來天氣轉冷，心思思想着吃碗蛇羹，而大埔人首選的，一定是蛇王如。店子內十年如一日的舊裝修，摺枱摺櫈是它的標誌，還有門口的兩個爐頭，由開門到關門也煲着的兩大鍋蛇羹和龜湯。這裏的蛇羹也如店子一樣並不花巧，淡淡的藥材味，湯羹不糊口，比作為蛇湯較為貼切。湯鮮甜味美，蛇肉分量多而粗大，每一口也吃到蛇肉，吃過這碗蛇湯實是滿足。

對上一次食蛇羹，已經係好多年前既事囉! 趁住秋風起，三蛇肥既季節，重拾一下兒時食蛇羹既滋味...尋日一大早去0左<蛇王海>>搵蛇羹食，今日再去<<蛇王如>>，試試邊間好味D。對比之下，覺得呢間比<<蛇王海>>好味好多，下次要買比媽咪試!

自從帶左亞B去鴨寮街食蛇王協之後可愛的亞B成日扭食蛇LA!難得亞B黎大埔搵食,咁就要帶佢媽媽介紹既蛇王如食上次食過佢既糯米飯餐,今次就心思思食佢既雞飯餐食開蛇既食家都知GA LA好少有蛇舖有雞飯食真係要試下佢既蛇汁雞飯叫左一個蛇餐A包括一個蛇羹,蛇湯同雞飯由於我地兩個去食,所以加大左蛇羹蛇羹既蛇雞比蛇王協大條,甚有咬口,不過好易痴牙,不過味道好濃薑味亦都好重不過真係要讚佢十分足料食到啖啖都痴牙就知佢多蛇LA蛇湯亞B唔鍾意,差唔多成碗都係我飲曬,藥材味都幾重飲完個喉嚨好舒服,亦都好暖胃我期待已久既雞飯黎la份量都ok夠我地兩個食不過唔知點解要加勁多薑,食落去都ok,不過應該係冰鮮雞,同埋師傅斬得唔多好,好多碎骨食時要小心不過佢個飯唔錯,煮得岩岩好,仲有d汁好正為呢個飯加左唔少分數個餐加左大都只係72,夠兩個人食,都叫ok la

看過食評, 尋晚大約7點幾去蛇王如希望一試佢地出名足料既蛇羹, 不過去到阿姐已經拉左半閘準備收工, 原因係大部份野已經賣晒, 全店就只剩低一碗蛇羹。 阿姐將店內最後一碗蛇羹奉上, 原本係大碗既SIZE, 可能阿姐見我專登開車過來食野, 一場來到又無野招呼我覺得唔好意思, 就主動同我話只收我細SIZE既價錢。 唔計較, 值得一讚。蛇羹送到, 果然名不虛傳, 成碗都係蛇肉, 同外邊既蛇羹既分別就仲有蛇王如加入既藥材, 令蛇羹有一種獨有既香味。 食左一兩淡, 阿姐就突然醒起話佢仲有一碗龜湯要免費請我飲, , 平時我就唔會飲既, 因為我唔覺得龜係用來食既, 不過, 試左一口之後, OK喎, 不, 係比OK仲要好, 再問阿姐呢D湯有咩功效, 用來清熱的, OH. PERFECT! 男女都岩, 味道又一流。俾錢時一碗細SIZE蛇羹賣廿八蚊, 我俾三十並同阿姐講唔駛找, 點知阿姐就係都唔肯收, 真係太好客了, 攪到我都有D唔好意思。 由於車泊在店前一些, 怕坐得久了會被人抄牌, 唔再傾下去, 不過下次一定再返來食埋果D雞飯。

這間蛇羹店是 ex gf 介紹的, 已很多年沒來了, 最近再來一次, 果然是老店, 依然足料。跟朋友一起來, 每人叫了個 細蛇羹, 呢碗細蛇羹一d 都唔細, 相當足了, 啖啖蛇肉!味道我就唔知咩叫好咩叫唔好喇, 總之我就覺得呢間好足好足料!! 味道我又鍾意!抵食!!

住在大埔區多年, 還是第一次來食蛇羹.星期四晚食客不多, 但我倆坐下來以後仍陸續入客, 店面是典型舊式裝潢, 白色防火板檯面已磨蝕, 一副老店模樣.二人共要了兩款套餐, 一客蛇汁雞飯, 一客糯米飯, 均配蛇湯及蛇羹各一碗. 主角的蛇羹頗多料, 幾重胡椒味, 可以不另加胡椒粉, 店內見人人都一碗果真有因, 蛇湯亦藥味濃郁, 至於雞飯及糯米飯就市場水平啦, 食完步行回家, 身體有點微微升溫的感覺, 真的咁神效? 試吓便知囉.

2月29日，20:35又到小週末，取道福田口岸，坐火車回港。天氣清涼好食蛇，便一訪OR舊友的至愛，店地方不算大，祇有四張桌子。坐下後來不及看餐單，店員已告訴我蛇汁雞飯沽清，祇餘下糯米飯，便要了C餐，蛇羹、蛇湯、糯米飯。蛇羹：杰底滿滿的，有胡椒的辣味，蛇肉份量足，有粗有幼，大片的非常鮮味，冬菇和木耳亦不少。蛇湯：藥材味濃烈，但仍蓋不住那桂圓的清香。糯米飯：粿粒分明，不會太油，臘腸粒不會過鹹，花生米香脆。店內放有大大小小的蛇酒瓶，但最震撼的是那瓶老鼠酒，瓶內有過百隻小老鼠。結賬後才看到，未有照下來，日後會找機會再拍。

搞了這麼多飯局，記憶中好像還沒有一次是只看不吃的。約了一圍食友在這裡吃全蛇，但近日咳得厲害，醫生命令不得再吃令氣管敏感的食物，蛇不行，雞也不行，什麼也不行，結果此次是破天荒的只來參與而不吃，但食評又照寫，因為多多少少都食了一點東西的。大埔這邊較舊，舖面也淺窄一點。大伙兒坐在樓面的大檯，與毒蛇箱及蛤蜊酒為鄰，絕對有風味。當然掌鑊的也是老闆吳先生，也會是信心的保證吧！菜單也是那個，二百五十大洋一位。叫得「全蛇宴」，除了蛇羹及佛跳牆，還有炒蛇衣及蛇雜、爆蛇球、炆蛇腩、炸蛇碌等等，還有走地雞及糖醋魚，絕對的豐富。蛇羹一盅打頭陣，十人份量，是比十二人份量是要少一點。眼看蛇肉橫陳，仍然足料，可是芡似乎推得鬆手了一點，這一方面在旁的包兄也讚同，不過再隔一位的T教練就甚喜歡；炒蛇衣仍然對辦，食友也大讚口感爽脆，非一味易得之菜色；炆蛇腩仍為食友秉喜，眼見是炆得夠腍又入味，蛇腩帶爽，本身亦肥美，當然有風味；當然最精彩的仍為那盅佛跳牆，是蛇+金咀龜+雞+蛤蜊及各種藥材，煲了5小時而成，連鹽也不用下，味道醇美，不可錯過。吃至此味，連老闆也粉墨登場，精彩！押尾還有雞、油菜及糯米飯，看見檯上的戰況，食友也應飽足。

天寒地凍, 食蛇羹就最好不過喇...."蛇王如"唔只食一次架喇, 間唔中都會幫襯, 因為佢足料又好味...今次外賣左一碗, 味道依然...正!!

由小到大只愛此店,有到其他的地方食蛇,但始終不及它,世上難得的蛇食, 各位請好好珍惜。環境古老蛇店,不改有不改的好taste: very very good!service: 好polite:）ｐｒｉｃｅ：抵食到暈，足料

大蛇羹勁多料,但多料不等如好味,不過...呢度D蛇羹真係足料加好味,價錢亦OK個套餐都唔錯,大家唔好嫌難找而錯過此隱世蛇店