蛇王二 (已結業)

北風起，同細佬晚飯去咗蛇王二。我要蛇羹餐(蛇羹+鴨膶腸+油菜)，細佬要燉湯餐，佢要咗燉豬肺(燉湯+蛇汁雞鴨膶腸飯)。個蛇羹好大，好足料，有見得到嘅蛇肉，冬筍絲，木耳絲.....唔太杰，唔太水汪汪，好好味。面頭d檸檬葉，菊花同卜脆好齊好足。飯係用公雞碗，好得意。最開心係條鴨膶腸，皮係脆嘅! 又唔太肥，好香好好味。細佬個燉湯都好好，有幾塊白雪雪嘅豬肺，湯好清，試咗一啖，好甜，又冇味精味wor，又幾好。又有奇事一舂:如果你去過，你一定見到佢水bar果樽白菊。食食吓，見亞師傅去咗水bar度，若無其事咁拿了一支，卟一聲採咗個花頭下來又去返廚房....原來果樽花唔係一般擺設咁簡單......

本來想來這裡食蛇羹，但感覺有點喉嚨痛，最後還是選擇了叉燒乳豬飯。叉燒- 叫時已經說了要肥叉，但來到時，還是來了瘦叉，味道都算幾好，可惜因太瘦感覺都幾韌，有點失望。乳豬- 係唔係乳豬差不多賣完，來到的是竟然係燒肉加乳豬，有點奇怪；外皮燒得好脆，肥膏偏多，肉質偏少，普普通通。飯- 水多、飯變得一舊舊、又腍，再多一點水，可能就要變粥了。看來來這裡食，還是食蛇羹比較好一點。

蛇餐。。。$72 加义燒變$78蛇同膶腸就不嬲good唔駛多講, 有條菜食吓。。。蛇多Ｄ脆脆就更GOOD !义燒鬆化入味肥瘦適中仲有Ｄ燶位同蜜汁味。。。正呀！！！

雖然鋪頭其貌不揚，但總算乾淨企理如果唔係聽人介紹，見到個名－－蛇王二．．．一定唔會入去．．．嘩！！朋友真係冇介紹錯～等左唔洗好耐，熱燙燙既鴨腿湯飯就送到面前。ｏｋ大碗，本身仲唸住會食唔晒！但係真係好好味，減肥都唔理得咁多！鴨腿好大隻，不太肥．．．個湯又濃又香，唔覺有味精（因為食完唔覺ｔｈｉｒｓｔｙ）．．．總之好好味，食過返尋味！最緊要價錢非常公道，＄２８碗喳．．．係我近期食過最正既地方～～～～ｈｉｇｈｌｙ　ｒｅｃｏｍｍｅｎｄ！！！！！

又一個人食飯本來諗住求求其其食個米線就算點知選擇恐懼症又發作揀極都唔知食咩好驀然回首之間突然發現可以試下呢間從來都無諗過會食既舖頭本來只係諗住食個燒味飯加個燉湯但係入到去諗起只從沙士後阿媽就再唔整蛇又唔去蛇宴加上本區既民建聯區議員又唔攪就算覺得五十蚊一碗蛇羹貴貴地都豁出去喇七十六蚊有蛇羹生菜燻蹄飯主力當然係蛇羹啦唔算好大碗但係好多蛇絲同雞絲仲要係大條同爽口既而且好濃係咁凍天時當然係上品啦完全無理過其他野會唔會凍晒一於食晒蛇羹先算之後再食菜同飯雖然燻蹄飯係一碗裝(+4蚊先係一碟)但所謂既一碗竟然係一隻大雞碗已經大過平時酒樓既一碟啦我唔大食所以都幾驚不過可能因為食完蛇羹太滿足啦加上今日又無端端出左啖氣(呵..)所以又罕見地食得晒喎呢餐可算係兩個禮拜以黎食得最愜意既一餐除左出左啖氣之外仲總算係痛定思痛無咩係做唔到過唔到既就好似碗飯咁你以為食唔晒咩其實或者柳暗花明又一村呢五十蚊一碗既蛇羹好貴?夠膽付出先至會有收穫既有幾好食自己試過先至會知仲有唔好睇少呢種其貌不揚既舖頭仔人地六十年老字號真係有料架起碼我真係未見過一間蛇舖係咁企理既抵佢貴架提一句其實個蛇羹餐並無平左因為蛇羹$50+一碗飯$26 =

昨晚天氣忽然轉凍了，想起食返碗蛇羹暖暖身都好喎，所以又再來這裏食；之前因為感冒，都沒有試過蛇羹，今次就無問題了。我叫了一個蛇羹餐，包括有蛇羹一碗、叉燒飯一碗和蠔油生菜一碟。蛇羹- 很足料，蛇肉又多，加上檸檬葉絲和薄脆，味道很好，真係食完一碗都已經很飽了；但唔知點解，檸檬葉絲和薄脆是一早已經加上蛇羹面，如想要多點，就只好叫侍應拿來，比較上麻煩了點。叉燒飯- 今次叉燒比較上太瘦，所以感覺有點韌，好在味道還算可以。蠔油生菜- 生菜都算新鮮，但味道普通。

原本打算去另一間的，但原來那間已經關門了；之後轉到來這裏食。可能因為天氣轉熱，當晚沒有想象中多人。我們各自叫了一個燉湯套餐，包括冬瓜燉老鴨、川貝燉鵪鶉、蜜汁叉燒飯和油雞燒肉飯。冬瓜燉老鴨- 冬瓜煲出來的湯都幾清甜，但味道比較上淡了點；老鴨可能燉得太久了，已經沒有什麼味道了。川貝燉鵪鶉- 因為最近有點咳，所以選擇了有川貝的這個湯；侍應還說，這有化痰止咳的作用；這湯又幾好飲喎，味道香濃；鵪鶉燉了這樣久，也不是太韌，真係幾唔錯。蜜汁叉燒飯- 叉燒外皮燒得幾脆，肉質都幾有口感，也不會太韌，都算幾好味；飯煮得軟硬度剛好，有口感但又唔會太腍，唔錯。油雞燒肉飯- 油雞外皮都幾薄，幾有雞味，辣椒女話幾好味；燒肉就比較上差了，肉質比較韌又唔脆。還未試過這裏的蛇羹，遲好返再來食過。

每次來呢到都係食佢地既燒味飯，不過佢地當然有蛇羮而且仲有好多老火湯。燒味來講覺得佢地既义燒好正，肥瘦啱啱好，而且好"林"，唔會落得太多蜜芽糖燒。其他燒味亦都好有水準，不防一試。

晚七時要去看Harry Potter﹐因片長﹐所以要先打底否則怕變成Hungry Potter.記起自己從未幫襯過蛇王二﹐既已寒冬﹐不如就來一碗蛇羹暖一暖吧。還差五分鐘才到六時﹐已接近滿座﹐生意相當不錯。是真材實料﹐還是寒流的影響﹖看餐牌﹐這裡主要賣四種食物﹕蛇羹﹑燉湯﹑燒味飯及生炒臘味糯米飯。而看情況﹐最好賣的是套餐﹐分別有蛇羹或燉湯配一碗臘味糯米飯或燒味飯。要了一個蛇羹套餐配叉燒飯﹐另送油生菜一碟﹐共銀七十六元。上菜速度很快﹐相信就算趕時間亦無投訴。叉燒飯份量普通﹐不過叉燒是略帶點肥的瘦叉﹐味道不錯﹐合格。不過淨叫此味要二十六元﹐又似乎貴了一點。油菜只是敷衍貨色﹐不提也罷!蛇羹則比想像中大碗一點﹐材料十足﹐蛇肉份量絕無欺場﹐味也算濃鮮﹐比起桃花源﹐個人而言並不差多少﹐只是口感略薄﹐說是羹倒像湯多一點﹔而如果薄脆及菊花可另上就更好了。以這價錢﹐也算是值得一試的。天寒地凍﹐身在銅鑼灣﹐要吃數十元又可飽暖的一餐﹐選擇並不多。若果你不抗拒蛇宴﹐這裡的蛇羹套餐可算是一個選擇。

上兩個星期一準時放工，肚子有點餓，想朗下個口，經過路口時見到有間有蛇羹的茶餐廳，突然在腦海中又想食，雖說不是時令食品，食下又有何干呢？當然喜歡食野的我二話不說入去幫襯，立即點了一碗，薄脆及菊花葉不是分開上，有點兒失望及杰左少少，,不過主角亦係百分百真貨。四十八蚊的價錢真係見人見智。