蛇王二 (已結業)

要準備馬拉松，就算是十來度的冷雨夜，也一樣要操練。冒著寒風冷雨，跑了一整晚，加上一天工作的辛勞，是又累又餓。我提議來這裡吃蛇，大家連應也懶，很有默契的一起跟著來。十時多，還人山人海的，環境迫澀。我們化整為零，十多人很快也全入座。要了蛇羹餐，要了潤腸飯，還有油菜一碟。先來蛇羹，薄脆、檸檬葉及菊花瓣也是店方代下的。蛇湯底很甜美，不算杰。蛇肉不少，也明顯的見有至少三款不同的蛇肉的，加上雞肉、木耳及冬菇絲等等，全部都撕得及切得碎碎的，還有陳皮香，亦下了薑絲的，很對辦；這裡的潤腸也很不錯，滿有油光的。吃起來脆皮，內裡肥肉及鴨潤對開，豐美甘香，相當滋味。這碗潤腸飯，十分簡單，只蒸了兩條潤腸，再灑點醬油已美味無窮，值得推薦。埋單72蚊，仍然相當有水準，本來寒冷的身軀此時也變得暖洋洋的。濕濕冷冷的夜晚，吃碗蛇羹，實在是最好不過。

天氣無端端凍起來, 著唔夠衫仲要3:00pm 都未食lunch, 凍到鼻都甩, 0拿0拿臨0黎食個蛇羹暖暖身.叫了個蛇羹餐($74), 有蛇羹一碗, 潤腸飯及油菜一碟... 先食蛇羹, 蛇肉/冬菇/薑絲/檸檬葉/菊花/薄脆乜都有d, 食落有陣陣菊花香, 整體味道比想像中淡, 口感就一流, 幾好食. 不過我對蛇零研究, 都唔敢講太多.潤腸飯就100 個掂-- 一孖潤腸切成4 件, 腸衣好薄又脆口, 中間的潤同肥肉比例剛好, 咬落甘香, 非常好食! 推介! d 飯乾身, 粒粒分明, 汁落得唔多, 食落都幾香, 不過當然如果有多幾樣臘味就更好啦.油菜係生菜, 要求了走蠔油... 油水夠, 食落爽甜, 唔錯.鋪位唔細, 不過d 檯檯櫈櫈排得好密, 環境都幾迫夾; 招呼ok, 阿叔有求必應亦好人.埋單$74, 抵唔抵見仁見智, 不過好日都唔食一次蛇, 無所謂啦. 會再0黎的-- 為0左佢0既潤腸飯!

一早已聽聞銅鑼灣有一間食蛇有名的叫蛇王二,早兩日真的路過了並見人太多在等位以為他真的十分美味,誰不知不如不去~ 在腦內留一點幻想可能更加有味道!!!不想等位進去鋪內, 所以買了客蛇羹外帶,但其實在鋪外就已經馬上打開進食,簡單的說兩碗細細的蛇羹開價HK$100 大元,因在銅鑼灣區的原故, 我也只好接受,但我真的覺得貴了一點點,$80 啦! HK$80 會合理多!再看送上的一個小紙袋內附了菊花, 檸檬葉絲及炸物, 再加一小包胡椒粉,又好像十分有誠意招待!!!回看主角蛇羹, 一打開膠碗蓋已馬上看見大量的冬菇絲, 火腿絲, 肉絲, 木耳絲…等等,好像十分華麗呢!!但你沒有看灟, 我也沒有寫灟……是真的!! 真的沒有幾多蛇肉,真的聊聊可數的蛇肉!! 蛇羹中只有聊聊可數的蛇肉!!!是我比其他滿載蛇肉的蛇羹寵壞了, 還是我“食米唔知價”呢!!

01月06日，15:30不下十次，想試這人龍店，但奈何天生性急，不願等位。這天路經往內望，竟然有位，馬上進店來碗蛇羹。蛇羹份量不大。菊花、薄脆和檸檬葉竟不是助，通通預先加入，羹的溫度馬上急降，食味大打折扣。唉！更重要的是，我吃羹不喜歡加薄脆的>m<蛇羹的材料足：蛇絲鮮美不在話下，厚肉冬菇薄切，冬菇獨有香味豐厚，還有些花膠。但蛇羹價錢實屬偏貴。我肯定會其他燉湯+燒味飯套餐(HK$4x.-)。因見才料和賣相幾吸引。題外話：據說在蛇宴中吃蛇羹，第一碗會加菊花和檸檬葉，因羹湯的溫度夠熱，可把這香料的香味迫出來；第二轉才加薄脆。

今晚自己煑飯。興之所至，從冰箱攞咗一孖臘膶腸出嚟...自己不太好食蛇羹，就算去到蛇舖，都只係會叫糯米飯及臘膶腸加油鴨。再加上太座不太喜歡食臘味，所以今年冬天食臘味嘅次數確實少之又少...今晚臘味癮起，決定一個人攪掂晒佢...膶腸油潤之外，味亦甘香。用嚟送飯，無敵組合...臘腸偏瘦，雖亦不俗，但都係膶腸啱我D...可惜就缺少咗一碗熱辣辣嘅糯米飯....

在商務印買完書，走兩步路過去食蛇羹和糯米飯。微寒季節，是食蛇的時候，晚飯時段開始要排隊等位。套餐$74包了蛇羹和糯米飯各一碗（或脆皮潤腸飯），還有蠔油生菜一碟。沒有其他老饕那樣厲害，一吃便知用了那些材料，但見湯羹確實不馬虎，蛇肉多料，果皮、薑絲、菊花、檸檬草和薄脆，樣樣齊全，還有湯羹的芡輕輕的包裹着溫度，吃得窩心。糯米飯也不錯，花生、臘肉片、臘腸片、蔥花都有，唯獨沒有香芹，有點失望。生菜鮮甜，也好中和糯米飯的油膩。餐廳細小而人多，坐得逼‘硤’，吃得要快，不能慢慢享受，是唯一美中不足的地方。

吃了三個餐(三晚),蛇羹套餐74元,雞燉翅餐84元,鳯瓜燉螺頭餐54元,正正正,看照片吧!還有其他燉湯套餐42元;這裏很多人來吃,顆記全是阿伯,態度不要要求太高,這裏不是半島,但有晚我坐在一對老人家的枱,他們吃得很慢,顆記不單沒有趕他們,還叫他們“慢慢吃唔好急,我幫你地拾些唔要的”,啊!久遺了的人情味呀!那晚-我感到那餐更好味!!

今日吃了個蛇羹套餐, 有菜、蛇羹及潤腸飯食物幾好, 但潤腸飯真的勁正!!!皮脆, 膶香, 充滿肉汁, 令人感覺很滿足!!!下一次, 一定只叫潤腸飯, 加兩條潤腸!!!

十點幾去到人唔多, 坐係四人檯唔使同人搭都幾好蛇羮餐($74)蛇羮 - 無論色水同味道都比食開既北角蛇王良淡, 雖然只得數片菊花葉但都令到成碗羮幾新香, 不過檸檬葉絲就唔係成盅放係檯任落就差咁D潤腸飯- 潤腸唔乾身咬開仲好多油, 可能係多肥豬膏既關係, 所以對我來講就肥左D生菜- 普通

搬了過來銅鑼灣後，就常常幫襯蛇王二，每次來差不多全店都係男人，不過來來下就慣，而家D阿叔都認得我．超水準燒臘飯＋老火燉湯=$40，有時過來淨係飲碗湯($20)都好方便，平過自己煲～

去完AIA嘉年華，天氣又凍凍地，銅鑼灣蛇王二最「就腳」。食物方面，蛇羮可以叫set，會有個菜同燒味飯/臘味飯。我地要左一個set，跟臘味飯，另外加多一個湯(湯都可以加$變set)……食物的份量都算大，女生們應該食唔曬一個set……d湯好正宗，冇味精，同埋好足料。蛇羹唔錯，起碼冇呃人，幾夠料。最重要的係間份的果種人情味。其實晚飯時間都好多人，果日我又拎住左一個人咁大的公仔，d叔叔們都冇「睇唔順眼」，仲勁好service，問埋我隻公仔食咩tim~Overall黎講，食物的質素、service、抵食的程度都唔錯，地點又方便，最後我都再去多左一次……(呢個$係1.5個人的份量……)

男友拉我去食四十大元有燉湯+燒味飯...初初有點不願意..不過最後都係一試~見個個都係度食碗仔翅...覺得好奇怪, 睇返menu, 原來呢個係蛇~唔係翅~~嘩~~個湯真材實料..超好飲~冇味精~~燒味都好靚, 加左2蚊要雙拼~~~~睇個門面~本來諗住係茶記質素, 所以冇乜期望...估唔到咁正~~~樓面個個著唐裝衫...好有中國功夫feel~不過d位都幾迫, 因為超多人~

同男友行街行到肚餓,就入黎醫下肚先!好彩行快兩步,所以唔駛等位!我地叫左個套餐再加多碗蛇羮,先黎蛇羮!以我的記憶,蛇膽就食過,蛇羮.......真係冇印象,所以係冇得比較下覺得佢幾好味!臘味飯好好味! 總括黎講,72蚊個餐有蛇羮有菜有飯真係好抵!埋單122,下次會再黎

同傻鬼二人見天氣凍凍地就去此店食蛇羹; 2個人每人叫左個蛇羹套餐$72(生菜+蛇羹+潤腸飯)...眼闊肚窄就係我地2人...基本上我地2個人食一個套餐都好足夠....我好開心地食我既潤腸真係好脆皮唯一要彈就係佢地既飯好淋一patpat唔岩我口味....個蛇羹傻鬼就話好好味好足料..不過我地2人都要打包走足足打包成碗有多...下次我地決定試下佢地既燉湯套餐.

每個社區皆有其屹立燒臘飯店．菜式或繁或簡．所求無非水準口味恆常．風味．不過心中所幻矣．蛇王二常年售賣臘腸味貨．品質如何心照不宣可也．一斤臘腸．一斤腸．盛惠２１６大元．我常說．口味如人生無常．每人的家源背景．成長經歷有異．生活亂時無定．問人生為何．偶爾就會掛念那霑滿糖香．外酥帶焦．肥瘦有致．入口卻五味雜陳的燒肉芬芳．元朗金記賣１８蚊一碗叉燒飯．５蚊例湯．滿福樓例牌也不過３星價錢．其實要比要評．都可以．凡事太過．就會離開其本了．眼見某食肆好些食評．劣批漫罵連連．還會有接二連三證實．苦笑沒有喜．樂淚何來悲？蛇王二絕對是鬧市沙漠中的綠洲．頸渴路過時．來一盅無師燉湯尤勝隔壁許留山．午飯時段的盅飯也能為老顧換換口味．全日燒味臘腸飯蛇羹供應．雖然我也喜歡米飯硬點．人不轉心轉！吃過有更好的．為何不繼續去？味道差的吃店絕不會像蛇王二般．一開６０年．一窩百人飯．從來就不是為一人烹．服務顧客．也並不是所有人懂得珍惜這種緣份．人予你惡果．施與人善因．能記起你的德．萍水相逢鮮有不樂意服務你？希望越大．失望越大．知足不辱，知止不殆．