蛇王二 (已結業)

大半年不見的舊同事，有機會再次合作，間場的時候，也要找點吃的。想吃燒味，就來這裡，這間地道蛇舖出名蛇羹外，做的燒味不比灣仔區的名牌燒味差。甫坐下老伙計已介紹了蛇羹套餐，見同事仍在考慮，就順手端上茶來，期間想好了例牌蛇浸汁雞($55)、叉燒．燒腩雙併($34)，老伙計寫單後跟手就送來兩碟菜，動作極為流利。大碟的叉腩飯，叉燒看似乾身，入口卻滿有彈性，是梅頭的位置，燒腩皮連肉，冰清肉潔，非即燒出來但仍帶點卜脆口感，肉醃得夠味，米飯分明亦見軟熟，比起一般燒味飯好好多了！以碟頭飯的質素來計，收貨有餘。例牌的蛇汁浸雞，蛇舖的特色做法，做得好的話，亦是海南浸雞外的另一番風味，是日的浸雞色澤經湯汁漂染，雞皮如泰式海南雞般帶金黃色，肥了一點，否則呈者喱狀的雞皮更彈牙可口，吃了件雞胸肉，纖維組織已斷裂，口感極為鬆散，浸得久了，連髀位亦稱不上滑，薄薄的蛇汁，還是得點些薑蓉提味。吃過飯，談了幾句，他人還是個大好人，但技術是進步了不少，自己亦要更努力的，不然那有機會吃到更精彩的佳餚？

真係好唔開心~以前日日都係銅鑼灣食飯~依家一個月都唔知黎唔黎到一次....食親飯都好頭痕...因為太多野想食落住超大雨~拎住超多''濕平''戰利品~仲要星期六~點好避開大商場大食店來到蛇王二~~客人不多不少分佈四周..多為附近工作的一人sales~咁熱就唔食蛇羹~飲燉湯~~~叫住一個餐先~~~揀左西洋菜燉陳腎~再來鴛鴦腸拼叉燒(一碟)~另外點了生菜全走~~~個湯先到~~都真係好多好多料~小比一向有鋪老火湯癮~佢真係原盅燉而非大煲大煲的好出味好清甜~飲下飲下都無留返給大比喝~~hehe一碟飯的份量都幾多~~加上鴛鴦腸同叉燒~堆頭豐富臘腸肥瘦肉比均稱~~必吃的潤腸~繼續水準之上~反之叉燒是薄切~又沒有焦焦的部份~感覺反而一般下次要求要頭尾燶d ge部份先得!好彩無叫2個餐~~就咁都已經夠晒數了小比清了個湯和生菜~~~~$50食飽飽2個人~~呢個價係銅鑼灣食得咁豐富~咁有水準~夠滿意了~

2008年6月1日下午12:15 上次同同事食過, 好好味, 今次帶沙牛男友去試下. 男友有咳, 怕燒鵝太毒, 無叫到. 兩個雙拼飯, 燻蹄, 油雞, 义燒, 燒肉燻蹄 – 唔錯, 好香油雞 – 鮮雞, 有雞味, 必食 义燒 – 太瘦, 再興出色好多燒肉 – 普通送果個例湯好正, 好香, 不是垃圾煮水果種.

星期二晚到銅鑼灣買d 野, 搭多個站黎到呢到開飯 今晚鬼死咁大雨, 對鞋都濕晒….. 真係狼狽 一個單身女子入到去, 即刻引黎眾多男人既目光 …好彩我見慣大場面嗜, 不過條領都拉返上d 先, 嘻 ~ 言歸正傳, 叫左個西羊菜陳腎焞湯 + 瘦乂燒飯 ($44)瘦乂燒正常無咩特別, 飯比較硬身, 要加碟薑蓉先隊得晒碗飯焞湯幾清甜, 無乜油飲完條氣順晒, 不過小細碗小小唔夠喉呢

自小就很怕蛇，所以有關蛇一類嘅食物一向都係避之則吉。是次來蛇王二，主要都係為咗碗燉湯而來的...燉湯加燒味飯套餐，五十多大洋就有交易，嗱嗱聲食完就較腳，夠晒快手，無怪乎睇見好多單身寡佬去光顧...跟太座一人一盅燉湯，小弟嘅菜乾豬肺湯，夠火路之餘，豬肺洗得乾淨又無異味，一盅入面有成六七嚿，真吃得過癮。平時不太好湯水嘅我，都一飲而盡，更何况最愛喝湯嘅太座呢 ?呢度嘅膶腸聽講好得手，但是夜就冇叫到，反而叫咗個义鵝飯。义燒蜜味足，用上脢頭，肉質鬆軟，邊位仲有少許肥肉，最合小弟口味，水準絕對比一般普通嘅燒臘店出色；鵝反而平平無奇，肉太削無鵝味之餘且有一大層肥膏，皮又不脆口，水準以下...下次有機再來，只叫燉湯及义膶腸飯，已足夠....

8-5-08 (四)蛇王二也是Ｔ決戰前後常獨自來解決午餐晚餐的勝地。從不愛吃臘味燒味的他，也被蛇王二俘虜了。是日路過，再來午餐，一碟鴛鴦腸併燒鴨飯，一碟鴛鴦腸併叉燒飯，臘腸潤腸仍然美味，叉燒也不錯，這裏的例湯也比茶餐廳勝一籌。

天氣回暖，不想吃蛇，但仍會去蛇王二，因為最愛其湯水和燒味，點了一個老鴨和一個陳腎，再來個叉燒加雞飯。叉燒仍然好食，淋身得來皮又脆。蛇汁雞亦有香味，可惜有多條毛，有點倒胃，但瑕不掩瑜。湯如常足料，真材實料，當然是笑臉。

10-3-08 (一)T 近日的午餐需要一個字, 就是快。蛇王二一定做得到。一份燉湯套餐是沙參玉竹生魚湯加鴛鴦腸飯，另一份是牛蹍湯加雞飯。燉湯真材實料，脆皮潤腸名不虛傳，皮非常脆，內裏熱得燙口，甘香味美，一試難忘。油雞切雞雖然頗滑，但當日湊巧骨多肉少，Ｔ想快速午餐也有些難度。馳名老店並不一定恃老賣老，感覺這裏服務良好，態度親切。天氣回暖了，否則就會試這裏的蛇羹。

3月21日，20:50 南下又累又餓，到這店補充補充。門外又有人在等位，心想一位應無問題，便進店，被安排在出菜位旁。要了沙參玉竹生魚湯和切雞飯。沙參玉竹生魚湯：清鮮不覺有味精，生魚夠甜味，但骨細而多- 小心小心。切雞飯：切雞皮滑，雞味薄，白飯粒粒向東，有咬口掂。日後再試其他炖湯。================================================題外話：是耶穌日受難日，據早年天主教傳統，滿十八歲的成年人，需守大齋：全天衹吃一餐和不能吃肉。可是我這蝙蝠教友，已沒有遵守多年。

之前最常光顧這間蛇店, 因為在銅鑼灣的地利。蛇羮：菊花瓣的配搭幾好，美觀，又有芳香，但不喜歡薄脆一同放入，以致薄脆不脆，菊花的芳香也未能完全散發, 此乃敗筆。盅頭湯：湯料充足，火喉夠，味道很不錯，賣完便沒有了，確保新鮮。套餐價錢合理，在地段來說這個價錢算是不錯，加上配臘味飯或糯米飯，即使是食量較大的男士都可以很足夠。最特出的是其效率，上菜極快，基本上點菜後半分鐘內必定上蛇羮，一分內飯也到了，不用呆等。綜觀來說, 因灣仔的蛇王燊並非長開, 雖然我較欣賞灣仔的, 但銅鑼灣的便利, 加上年終無休, 所以也會繼續光顧。

2008年3月7日下午12:30 見到禁多好評, 間野禁近梗係要試下啦! 12點幾去到已經七八成滿, 好勁喎! 我當然要試下大家推介既雞啦! 三個人要左:1) 切雞比- 雞係用鮮雞, 好滑, 好香, 好正啊! 2) 油雞比- 好似好過切雞添啊!3) 燒- 燒又瘦又薄, 唔掂! 套餐送例湯, 個例湯好得! 絶對唔係味精湯. 湯加飯大約$36一個, 偏貴少少, 但都可以接受, 佢d料靚麻!一定有下次!

上個星期lunch 食完蛇王二, 食過翻尋味, 加上星期四既呢晚都幾凍,同埋好想比老公試下, 所以收工買咗個外賣既「菊花燴蛇羹」!! 正!! 不過老實真係好貴, $50 一碗呀! 堂食外賣同價, 但感覺好似堂食大碗啲...

1/18,其實係呢度返工返咗咁耐, 一直都好想試下,但之前真係好少好少落街食, 同埋「蛇王二」一到冬天,Lunch 時間實有十幾個人係門口等位, 夏天都坐滿....所以一直未有機會嚟試呀~~ 但其實我本身好鍾意食蛇架!好采行快一步, 因為我哋坐底果兩個位已經係最後架喇!行係我哋後面既人已經要企係門口等位啦!!睇下餐牌, 原來呢間係非一般既蛇店, 除咗招牌蛇羹外, 仲有各式各樣既燒臘飯食, 最出奇係呢度都有好多款老火燉湯架!睇到對面位既食客叫咗老火燉湯(跟餐Size), 都幾靚喎~ 仲勁足料, 有成半碗咁多!! 佢哋其實叫咗「午市盅頭飯套餐」, 可選擇跟老火燉湯或飲品, 個盅頭飯都幾大碗同足料, 都係$26 咋! 咁樣好抵食喎!!另外如果想主力飲老火燉湯的話, 就$20 一碗, 又可以用套餐\價$42 配多碗燒臘飯呢!! 改碟上加$4 咋!除此之外仲可以淨叫各款燒味燒臘(或拼盤), 約幾十蚊至百二蚊左右, 白飯$6 碗,至於一碗「菊花燴五蛇羹」就$50, 有五、六個人既話絕對可以考慮喎!而我哋兩個女仕, 最後決定試下佢個「蛇羹餐」($74, 全日供應), 本身係一大碗蛇羹, 一碗臘腸膶

星期日好友為我買來外賣，知道我是一名湯癡，特買了三湯一飯，我躲在家中，足足吃了一天。不過打開發泡膠碗的蓋子，發覺只得半滿，並非少了，而是份量根本如此，但堂食一點不覺，原因與環境有關吧！首先堂食要排隊，然後穿著臃腫的衣服擠入狹窄的座位，點餐時有轉數極快的叔叔為你計算最有利的套餐價錢；呼一聲，飯碗湯盅就落在你眼前，大家都低頭呼嚕呼嚕的吃，自己的速度也快起來，不會覺得燉湯份量少，熱騰騰的湯，暖哄哄的飯，如此窩心，什麼也不計較了。最愛雞脾飯配准杞燉竹絲雞，雞脾嫩滑不肥膩，你要多豉油，叔叔就會多送你一碗豉油，雞碗盛著的雞脾飯，太有兒時風味了！燉湯真材實料，有不同價錢，最普通的$20有交易，在銅鑼灣真的很經濟了。套餐千變萬化，你可以雙併三併再加潤腸都可以，適隨尊便。

老公話凍要食蛇暖o下，難得拋低兩隻化骨龍，去遠點來銅鑼灣食蛇。呢間野我都黎過唔少次，次次都其門如市，好似唔駛錢咁。佢既蛇腸飯餐好貴，要成七十幾八十蚊，改燒味飯仲貴，要八十多元，不過包埋蛇都要咁上下啦。我地結果都係轉食燒味飯，唔要糯米飯或腸飯，因為佢地d雞真係幾滑，d燒腩肉又脆口，唔會太肥。仲記得早排大家樂promote脆爆燒腩肉，點知試過勁失望，皮唔夠脆不特止，d肉仲勁肥，完全係一大既肥糕，冇肉食。呢度雖然主打係蛇，但佢地既腸飯同燒味飯絶對唔失禮，好過晒果d以燒味為賣點的食店。我仲叫左個燉湯飯餐，呢個就爭d，可能相比濃味既蛇，燉湯較淡，唔feel。另外，如果怕迫就唸唸先，因為呢度舖細人多，有d位食食o下要起身讓路俾人出入，我自己就唔太介意，因為食完就"young".