蛇王二 (已結業)

响中環出完手機, 時間都唔早, 趕返落銅鑼灣揾嘢醫肚先, 途中在想想吃什麼好? 天氣雖不太冷, 整番碗蛇羹補補身也不錯啊! 橫掂今年都未吃過. 行到門外, 竟然出現小小嘅人籠, 等了約十分鐘方可入座, 店內的座位頗逼硤, 入座時偶有碰到其他食客, 但他們都客氣地明白這裏的環境, 又實在逼逼硤硤咁先食得有風味吧! 老練的店員招乎亦頗客氣有禮.蛇羹餐可配搭燒味飯, 送油菜一碟, 叫咗個肥义鵝飯, 份量不算大, 义燒和燒鵝每款得四五舊而已. 义燒看落不太肥美, 但入口卻很腍, 唔錯唔錯! 燒鵝味道ok, 有鵝肉味. 還自動自覺跟埋碟酸梅醬, 絕冇馬虎! 飯未吃完, 主角來了, 菊花燴太史五蛇羹, 好足料! 甘甜味美, 食完真係成身暖哂! 以這個價錢吃個普通晚餐就不算便宜, 但以蛇羹來說, 尚算ok. 一年最少都要食一次補補身吧!

今年不是第一次食蛇，之前食過蛇王芬，今次食蛇王二。蛇羹餐X2蛇羹比蛇王芬"杰"，材料都好多，但我就喜歡食蛇王芬個湯底多D。但因為放了菊花就多了份清香。配上潤腸飯和油菜，潤腸好食，與蛇王芬相似。但我另一個餐就食糯米飯，雖然糯米飯材料不多，但糯米飯的飯質適中，不會太硬，糯米飯中又帶點臘味的甘香，好食川貝海底椰燉瘦肉材料多，不是用假的海底椰，湯底無油，味道不錯，就算是用川貝燉都不會難入口。叉燒 非常普通，雖然賣相不錯，但肉質比較硬，不夠軟腍Summary:這個晚餐後極之口喝，不知是蛇羹、燉湯還是糯米飯，總之就一定有落味精環境就非常迫，坐得不太自在。

放工買2碗蛇羹返屋企try try...都唔平, 成$52一碗...點知我諗住比張100蚊, 加1個1蚊, 1個2蚊, 2個5亳佢個阿姐同我講話"唔收5亳! 我地唔找錢架!"下, 喂, 我比2個你者, 又唔多, 而且唔係1亳2亳, gum你都唔收... 真係唔係好順氣囉!真係, 有時候d野好食都飛都好啦, 個客幫親得唔happy, 點都會扣分囉!不過講反碗蛇羹, 我又真係唔覺得值$52雖然有蛇肉, 同有好多唔知豬肉定雞肉既肉絲不過味道太咸, 同埋好多豆粉, 仲要比我食到一大餅豆粉....

氣溫降至十度左右蛇店當然排長龍, 隔了大半年今日的蛇羹仍然多料和好味; 糯米飯不是太"淋"和乾身剛剛好加上臘味味, 好味但不太熱; 反而臘味飯較差, 淡味和涷。

好好味呀~~~ 足料蛇羹!!!估唔到成日經過o既鋪頭原來差d錯過左tim位處於銅鑼灣當眼處, 平日熙來攘往.....大家真係要抽時間一試, 特別係依家o岩時候食蛇ma $80set--->一碗足料蛇羹 + 一碟生菜 + 一碗燒味飯~~~ 我覺得lee個價錢好抵啊~ 因為order一碗蛇羹已經係 $52, 加多少少就完全滿足哂五臟廟, 好好好啊~ 另外燒味飯o個度係可以加$$要大碟d啦~加$$加好出名o既臘腸/膶腸..........因為的確好味, 好新鮮!!!另外, 我發現lee度 d燉湯set亦都好抵食 我相信好快我又會再o黎幫襯......冬天進補下都冇壞呀!!!

同同事食過兩次lunch......一次係臘腸飯~一次係燒鵝飯~臘腸飯都 ok~燒鵝就...........皮係就係脆~但係燒鵝既靈魂 -- 鵝肉就真係唔掂~我已經勁扯無面俾~食到無殺儀態.......= ="d肉硬係唔離骨~~除o左塊皮同碗飯根本食唔到d乜~最差~最差~都莫過於d員工~是關同同事去食~一個同事俾錢就問佢找兩個5蚊找俾同事啦~得黎係一句: 我同事就話:~然後我心諗~~

八月十四日,去了美食博覽,看畢後本想到泉章居晚飯,卻人多得要命,唯有來這兒吃.第一次來,知道這兒的燒味臘味和燉湯出名,就要碗叉燒潤腸飯,燉湯要冬瓜老鴨.食物很快送上,飯雖然是碗上,份量卻不少,潤腸兩大條,叉燒也多,先咬一口腸,潤腸甘香油潤,咬下油花四踐,是質素上佳的潤腸,叉燒就不必多提,沒半點肥膏,質地硬實,咬得牙軟.燉湯也不多說了,有數件切了小塊的冬瓜和鴨,所以湯就顯得很少,湯是清,但未夠火候,不知有否藥材,有點苦味,個人覺得味道很怪,後悔叫了這個............味道不過不失,經過這兒可以試試,專程來就不會了,看見有一道什麼蛇汁浸雞,不知味道如何?

29-5-09(五)雖然天氣漸熱，偶然也想一嘗這裏的脆皮潤腸。叫了燒鴨鴛鴦腸飯(36)和叉燒潤腸飯(32) ，覺得今天的叉燒實在不俗，不是太肥但夠焾，好吃呀；潤腸也是一貫的皮脆甘香。飯香軟，也下少了醬油。出品保持水準，服務不錯，午飯時份真是客似雲來。

其實唔係好記得自己之前有無食過蛇羹 我唸就算有食過都係好耐之前o既事~前幾日去行花卉展覽, 未出街之前上嚟 Openrice睇吓有有咩好餐廳 午餐去左南記粉麵, 唔錯, 晚餐本來唔係嚟蛇王二, 只係咁啱經過, 而我又咁啱果日有響 Openrice睇過呢間嘢o既食評, 所以同老婆一齊試吓!入去唔知叫乜叫, 所以穩陣少少就叫左個蛇羹套餐 (蛇羹 + 膶腸飯 + 蠔油生菜) 誠惠$78死喇, 叫錯嘢 老婆或者食唔慣, 食完出到門口就同我講: "好難食呀" 其實我自己就覺得碗蛇羹都唔錯, 蛇肉本身由無味煮到野味都真係唔簡單! 但可惜自己就唔係太鐘意個膶腸飯....或者膶腸呢樣嘢真係唔係個個都啱 如果果日叫返普通燒味飯, 或者唔會俾老婆投訴!

呢餐係成個月前食嘅~果日都唔知點解咁豪~叉鵝飯一碗+蛇羮~盛惠$82!!!以燒味而言算不過不失~未見出色~蛇羮好足料!~ 有唔同肉質嘅蛇~再配上各類型香料~暖胃之選~不過呢個價夠係老銅食兩次lunch了~

潤腸飯好正, 皮好脆 內裹肉質非常甘香, 吃後, 潤腸肉香味久久未散. 第二度食唔番. D 世叔話呢間開左好多年 ga la, 好有江湖地位.菊花燴五蛇羮都幾好, 好在有加菊花, 當堂生色不少. 花香味. D 人多數食套餐, 不過要好餓先食得晒.

吃完彩雲南~欲罷不能…本想吃甜品…找來找去都找不到…最後來到蛇王二的門前…由於我們都沒有試過…就決定撞進去吃一碗...叫了一碗五蛇羮…再叫了一個瑤柱冬瓜盅….大家分享…蛇羮很足料…很多蛇肉, 所以相對地我喜歡的冬菇和木耳絲就少了…蛇肉但略嫌太粗...如果可以切成幼絲…吃起上來的口感會好一點…味道就比我平常吃開的淡了一點…上檯時店方已加了菊花, 檸檬絲同薄脆…如果薄脆可以任何的話~多好呢…雖則說是瑤柱冬瓜盅…但並不是平常的冬瓜盅…沒有一整個冬瓜…(當然我也沒想過是啦~)可能在廚房確實有一個瑤柱冬瓜盅…只是上檯就給你一碗…這個冬瓜盅顏色頗深…跟平常的冬瓜湯有點不同…味道很濃...一點也不清…我不能確定加了些什麼材料…還是因為是燉湯所以比正常的要濃…伯伯在收碗的時候親切的問道: "咁夜仲唔返屋企?"...哈哈哈哈...感覺幾窩心呢~其實還有多款燉湯想試的呢…下次來可以配搭燒味飯試試呢~

位於銅鑼灣的蛇王二,是我們常經過的食肆,因為是每次做gym的必經之地就快到一年一度的馬拉松,我今年照樣參加十公里,老公仔則仍參加半馬拉松,今晚練完跑,見又凍又肚餓,決定到”就腳”的蛇王二一試來到門口,排隊的,等取外賣的多的是,幸好人流快,我們等了約十五分鐘就有位,不過是門口位入內,看到幾位上了年紀的待應叔叔(相信是老臣子),穿著整齊的啡色制服,出奇地有禮地招呼我們,並趕忙擺放碗筷,細心的待應叔叔看見我倆的筷子一頭一尾擺放著,邊嚷着邊替我們整齊放好趕忙的,不是他們,他們沒有嚷著我們點菜,不過,我們倒是很想一嘗其滋味,在門外等候時已擬定了菜單這裡設想週到,有套餐,我們各點了一款蛇羮+燒味飯+生菜$78)菊花燴五蛇羮所謂五蛇,是指飯鏟頭,金腳帶,過樹榕,三索線及白花蛇講得出五蛇,絕對做得到,用料十足,加上雞肉,木耳及冬菇絲等,全部都是切撕的,加上薑絲,蛇肉很有口感,口味奇佳;加入菊花,檸檬草,很清新美味蛇湯雖不算”杰,但湯底很甜美蛇肉頗多,而且每種都不同,促見真的有五蛇叉燒飯叉燒肉質軟熟,雖沒有再興的那麼極品,不過都是中上的級數,肉質腍嫩;有嚼勁,配上大大碗,幼長的泰國香米,一流!不過忘記了

30/12(二) 8pm攻下工展會,斬獲不如上年度的豐盛.我倆輕裝上陣,徒步到"蛇王二"作座上客.甫抵達,已見門外的短一龍;未幾,捧場客有增無減;慶幸才不過十數分鐘已獲分配座位.甘願屈就於高朋滿座的小店,小試牛刀其蛇羹餐$78:蛇羹,叉燒飯及蠔油生菜;另加冬瓜老鴨湯22.冬瓜老鴨湯--味道不如預期般濃烈,沒鴨臊,倒來得清甜的鴨湯!蛇羹--材料尚豐足;味道並不算激烈澎湃;而蛇肉肉感比味道佳;加入菊花檸檬草,另一番清新美味叉燒飯--被蛇汁浸淫過的切雞,其嫩無比;至於叉燒要了半肥瘦;燶邊脆,富蜜香,肉質腍嫩;搭配頂呱呱的煙韌泰國香米;難以釋口!蠔油生菜--份量小家的生菜!貼近民情的價格令這頓美膳更感滿足...

還未入冬時, 忽然很想念蛇王良那蛇羹, 身在銅鑼灣, 這裡是不異之選蛇羹套餐($78) - 潤腸飯雖然只簡單的放上數件潤腸再加些豉油, 但打開盒已聞到一陣久違了的香味, 潤腸咬開很是甘香, 但因肥肉不少所以吃下也有點膩. 蛇羹料像少了點, 水稀稀的, 相比蛇王良水準好像不及. 隨套餐還有盒生菜, 淥得太腍, 味道欠奉