蚊蚊豬老火鍋

營業中

休息中

極高質烤魚火鍋放題🐟🥘 - 蚊蚊豬老火鍋好耐無食過烤魚啦，今日收工同朋友去咗食呢間烤魚火鍋放題，上網見到佢餐牌嘅野食好豐富😋，連魚生都有，真係一次過滿足三個願望，未食已經好期待☺️我哋揀咗$228嘅安格斯牛肉烤魚放題，另加$28野飲任飲🔥🐟 萬州烤鯇魚 🔥🐟(8.5/10)烤魚嘅精髓一定係喺層魚皮到，而餐廳喺呢方面真係拿捏得恰到好處，魚皮烤得十分之焦香脆口。而鯇魚本身肉亦比較多同厚實，啖啖肉，好滿足☺️🥩🥘 安格斯牛肉火鍋放題 🥩 🥘 (9.5/10)今日原本係為烤魚而黎，但令我最驚喜嘅反而係餐廳嘅火鍋，火鍋配料種類好多，而且係極度高質，係估唔到$228會食到咁高質素嘅火鍋配料🤩 特別推薦安格斯牛肉，好重牛味，絕非一般廉價火鍋牛肉👍🏻另外毛肚同鴨血都好出色，毛肚勁大塊，又爽口☺️鴨血腍滑，無血腥味😋總括而然，呢餐飯食得好滿足，而且仲好抵，一定會再黎幫襯過☺️—————————😋味道：9/10🤵🏻服務：9/10💰抵食：9.5/10⏳排隊時間：0分鐘

平時經過都會睇到呢間餐廳有放題食，平日都心思思想試下，就係呢個晚上試一試😆2小時任食$228放題仲有埋刺身任食首先一嚟就叫左個豬骨湯底，諗住清清地但冇諗過真係咗清淡😅 味道好啖跟住揀選嘅安格斯牛肉就上啦 牛肉嘅花紋睇落唔錯，食落都幾有牛肉味而其他火鍋配料都不過不失好意外地諗住刺身任食，啲刺身會麻麻地啦，點知都幾新鮮又好食😋睇得出好多熟客仔返嚟食，如果下次再去食，我會選擇試吓食烤魚，睇落好似幾好味🤣味道：3/5環境：4/5服務：3.5/5衛生：4/5抵食：3.5/5

雞煲，我所欲也；烤魚，亦我所欲也，二者不可得兼，捨雞煲而取烤魚者也。這間名字趣怪，外觀古色古香的「蚊蚊豬老火鍋」，最近推出了期間限定的「任食二小時放題」（$228/位），光顧的客人可在「萬州烤魚」和「麻辣雞煲」中二擇其一，在吃完烤魚或雞煲之後，就可繼續吃火鍋放題，雖然雞煲和火鍋我都喜歡，不過兩樣只能吃一樣的話，作為一隻饞嘴貓，我就一定義無反顧揀烤魚了。因為烤魚份量絕對不少，而且這套餐又有大大碟的「安格斯肥牛」奉送，所以在數十款火鍋料中，我只點了「牛胸爽」、「牛黃喉」、「草鯇魚片」、「炸魚皮」、「鴨血」、「陳皮魚蛋」、「蜂巢豆腐」、「粟米」、「娃娃菜」、「唐生菜」和各款同樣任點任吃的刺身佐餐。這天點的火鍋料，「安格斯肥牛」雖然只得一碟，不能任點任吃，但份量奇多，肉質又夠嫩滑，而且相當有肉味，絕對稱得上是質量俱佳。至於其他可以任點任吃的材料，「牛胸爽」滑膩如脂、「牛黃喉」口感爽脆、吃得出是即炸的「炸魚皮」香脆可口、「陳皮魚蛋」雖是小小一粒，但份量極多，而且滿有陳皮的味道。不過「草鯇魚片」十分多細碎的魚骨，「鴨血」也只是一般。同樣任點任吃的刺身就有六款，分別是三文魚、八爪魚、甜蝦、馬刀貝、墨

食雞煲一定黎連鎖雞煲店？No No No!有時小店嘅雞煲分分鐘更加係平靚正😈好似呢間位於太子嘅「蚊蚊豬老火鍋」本身係做緊單點火鍋雞煲最近推出2小時任食放題，每位都只係$228，相當抵食.【Step 1 】一開波，可以揀食麻辣雞煲定萬川烤魚當然，作為雞煲控，雞煲是必需的😎雞煲嘅份量好充足肉多骨少，雞肉吸收哂麻辣惹味醬汁嘅精華啖啖都好Juicy，而且嫩滑吾會嚡口添！.【Step 2】滿足完雞煲癮，跟住就係打邊爐等緊店員落高湯期間可以落定火鍋配料先～2人份量嘅安格斯牛肉，鮮紅嘅牛肉加上雪花紋路係火鍋涮一陣就食得牛味香濃，入口軟腍富肉汁不過吾係任食的😢任食嘅有肥牛，牛胸爽，牛柳粒等等.【Step 3】超過80款嘅任食火鍋配料，小編係食吾哂嘅😂所以推薦款如下：刺身，三文魚同甜蝦，新鮮又鮮甜，最緊要隨時可encore!陳皮魚蛋，陳皮味突出，而且夠哂煙韌彈牙😘黃金饅頭，即叫即炸，熱辣辣咁，外層薄脆，蘸埋煉奶，正到不得了！

- 𝗢𝘃𝗲𝗿𝗮𝗹𝗹 𝗖𝗼𝗺𝗺𝗲𝗻𝘁 -環境 : 8/10服務： 9/10味道： 9/10影相： 8.9/10性價比 : 9.3/10回頭率 : 9.2/10➖➖➖➖➖➖➖➖➖➖➖➖➖➖➖開完OT，諗住附近行下搵D野食醫個肚行到去太子就被呢間「蚊蚊豬老火鍋」嘅$228雞煲放題吸引住啦.火鍋放題有兩款分別係$228嘅安格斯牛肉同$288嘅嚴選牛小排我地揀左前者，貪佢夠抵食.©重慶麻辣雞煲識食一定係先雞煲後邊爐等左一陣間，熱辣辣雞煲就上枱啦雞煲醬汁濃稠度較高雞塊可以更容易吸收精華啖啖雞肉都係嫩滑而多汁，既辛辣又惹味另外，鍋中仲有好多材料，如紅椒，洋蔥，芹菜等當然，食到咁上下可以叫店員落高湯開始打邊爐.©安格斯牛肉 擺盤好靚，中間仲卷成玫瑰花樣添牛肉肥瘦適中，油香豐盈落鍋涮幾下，就食到啖啖牛肉濃香.©刺身估吾到$228既放題仲有刺身食三文魚入口軟綿，魚油味香濃甜蝦甘甜鮮美，八爪魚彈牙爽口.©火鍋配菜除左刺身，仲有豬，牛，雞，鵝，海鮮類丸類同蔬菜類選擇性吾算好多，但勝在大部分人氣款都有小編建議，吾洗一次過嗌太多款因為每碟嘅份量都頗大架另加$28/位，仲可以任飲汽水同啤酒架

整天都吃吃吃！繼續分享食後感！😉今次係「蚊蚊豬老火鍋」「$228安格斯牛肉+ 烤魚+ 刺身 放題任食」麻辣烤魚～一大條新鮮魚😋吃完魚魚然後打邊爐🍲我點了雞腸、黑柏葉、墨魚刺身、還有安格斯肥牛！推介安格斯肥牛！！！非常有牛味，連平日不喜歡吃牛的我也吃了半盤份量👍🏻然後他們的黑柏葉也是弄得非常乾淨一大片薄切而且非常爽口！愛了愛了重點是他們食材的質素高，唔似一般200蚊左右號任食放題質素，食材選擇都算多又夠新鮮！這食店值得推薦！ ❤️

一年四季都可以打邊爐，只要每次轉唔同嘅湯底，真係食極都唔厭！今次我地就揀咗每位$228特級火鍋放題，另收茶芥及加一服務費，加$28仲可以任飲汽水同啤酒，價錢都幾親民。湯底我地就揀咗「招牌牛油紅湯窩」，真係需要溫提大家，小辣已經好勁，越食越惹味！黎得呢度火鍋，最特別係佢有幾多牛同豬嘅內臟款式可以選擇，內臟類唔係人人都啱食，放題嘅好處就係可以叫自己鐘意食嘅款，我encore咗好多碟，牛胸爽有獨特嘅油香味同口感、牛黃喉估唔到咬落去幾嫩滑、鵝腸好新鮮唔會過肥、鴨血浸麻辣湯真係一流。另外仲可以叫刺身、小食、一般火鍋料，安格斯牛肉同陳皮魚蛋一定要試試。

今晚食咗超級飽的一餐， $228套餐包左一條烤魚、火鍋配料任食、刺身任食，我同老公都食到捧住個肚走。性價比真係非常高，雖然係任食套餐，不過條烤魚比起我喺出邊所謂烤魚專門店有過之而無不及。全部火鍋、雞煲、烤魚都係即叫即整，所以要比少少耐性。等咗大約15分鐘終於上枱啦，烤魚雖然得半條，不過非常大條！鯇魚外皮煎得好香脆，配上孜然粉等等嘅配料，非常脆口惹味。裏面嘅魚肉就依然好嫩滑，雖然味道唔及外皮咁香脆，不過有淡淡的淡水魚味，沾上烤魚汁食都好惹味。呢個烤魚真係好大添，我同老公兩個人淨係食條魚都食咗超過20分鐘，老實講如果比228淨係食條烤魚，我都覺得好值！呢個價錢跟左一碟安格斯牛肉，比起平時食嘅美國肥牛肉味會香少少，整體偏瘦。火鍋配料整體唔錯，不過食完條烤魚已經好飽，所以嗌左少少菜類就已經投降了。😂

朋友知我鐘意食麻辣火鍋，就介紹我黎呢度食火鍋放題，佢話呢度可以任食兩小時，價錢只需$228一位，抵得黎又幾高質，雖然有啲擔心放題質素比較參差，但佢誠意推介，我都決定去試試。呢度有得揀「烤魚」、「雞煲」或揀普通火鍋底，為咗盡用時間，我地就決定食普通火鍋湯底。食物選擇雖然唔算特別多，但基本想食嘅野都有齊，仲有得揀刺身同小食，食材真係新鮮，每款數量都幾多，最後都食得好滿意。湯底：「招牌牛油紅湯窩」小辣！愛辣人必試！店主精心熬製嘅麻辣湯底，撈起已經見到勁多辣椒同麻子，聞落已經幾攻鼻！開頭食都唔覺得好辣，但越煲真係越辣，所有野食我都無用過碟混醬，就咁食已經夠晒入味。安格斯肥牛～雪花分布平均，入口有肉味，索埋辣湯一流。美國肥牛～肉感比較重同飽肚。牛柳粒～初頭以為會靭，點知幾嫩滑。黑柏葉～必試，新鮮爽脆！脆肉鯇魚片～水滾落去數分鐘已經變全白色，口感結實！炸魚皮～食得出係新鮮即炸，稍為過一過湯已經好好味！紅薯粉～係屬於扁身嘅麵條、不過如果唔係真係食到好辣，建議大家唔好咁快食粉麵，我地食完碗麵即刻辣到食唔到其他野😆！

同朋友嚟試咗呢度嘅烤魚家任食火鍋，朋友對條烤魚讚不絕口，我覺得係唔錯嘅，不過更加欣賞火鍋配料，以任食來講質素絕對可以媲美單點火鍋店。抵讚嘅係店員好好服務，一坐低就喺我哋介紹$228套餐，本來以為任食質素會將貨就價，但出奇地火鍋配料真心唔錯，而且份量都唔細，唔會因為任食就被細細碟要你係咁落單。黑柏葉：刀工好好切得好薄，非常爽口脆口，完全唔軔。淥一淥已經可以食，爽脆度可以媲比爽魚皮豬黃喉：唔係好多地方可以食到呢種特別的內臟，呢度嘅豬黃喉就好有驚喜，首先完全冇腥味，唔會覺得食緊豬嘅內臟，其次口感一流，非常爽脆，類似薄切雞肋骨咁嘅口感，好特別。鵝腸：勁肥美，油脂味香濃，鍾意食肥腸嘅人千祈唔好錯過安格斯牛肉：同平時食開嘅美國肥牛相比，安格斯牛肉肉味龍少少，不過油脂會比較少，比較有趙口。萵筍、蓮藕：蔬菜類都幾新鮮，萵筍冇乜渣，味道淋甜；蓮藕冇泥臭未，好脆口

好味的烤魚真的不是咁容易搵，今日去開太子試咗呢間蚊蚊豬老火鍋， 見到佢有個任食烤魚雞煲價錢亦都好吸引即刻嚟試吓，先講内陪裝修，地方唔太大但係都好骨子，服務都好貼心好有家庭feel，應該都係小店經營值得支持。講返食物，雖然任食用了一啲都唔差，佢個烤魚味道啱啱好食完冇口乾，配菜都好足了料，安格斯牛非常有牛味又軟值得推介，黑柏葉及墨魚刺身非常新鮮，雞腸就仲有進步空間，仲有好多唔同飲品任飲，呢個價錢性價比非常高。

好朋友見面相約晚飯，食火鍋就最啱，唔使左唸右唸，任食之際⋯⋯$228就可以任食安格斯牛肉、烤魚、火鍋、刺身及其他多款火鍋材料👍超級抵食餐具主要用瓷既設計，有幾分懷舊感覺，可以食凍盤外，仲有得打埋邊爐兩種享受，一次過盡享刺身有多款類型，包括甜蝦、三文魚、八爪魚、馬刀貝、仿鲍片、墨魚。食物新鮮爽滑，而且更吃到刺身的鮮味萬州烤魚，我朋友最愛吃魚，當然我也不例外，小辣的烤魚特別好吃，熱辣辣辣又滑又甜，原條又大的魚，吃得特別滿足安格斯牛肉出場，我愛吃的佈滿雪花的牛肉、肉質鮮嫩又有肉汁，咬落有口感又有牛肉的鮮味黑豚豬腩片，肉夠厚，嫩滑鮮甜，鴨血：以前唔明白點解D人會鍾意食鴨血，而家食完就知道點解陳皮魚蛋、彈牙爽口龍蝦沙律丸，入面好多蟹籽，食落卜卜脆好有口感墨魚丸、又大粒又彈，裏面仲有一粒粒的墨魚豬肉丸，又大係大大粒夠哂睇頭爽口彈牙雞什，唔係人人都識得食雞什，有雞賢，雞腸、雞子之類油麥菜，食咗咁多肉，食番D蔬菜整體來說，成餐感覺非常良好，食物質素唔錯，對得起價錢，值得返轉頭

蚊蚊豬老火鍋太子汝州街11號地下好耐無同女友去食火鍋，收工附近有間好本土嘅火鍋店，難得可以同女友一齊咁就去食餐好啦。個火鍋好多款式揀，花多眼亂，款款都好想食，最正係有萬州烤魚，重慶麻辣雞煲，另外重有8款湯底，而且重點係任食火鍋，但價錢唔算貴，而且食物質素唔太差！我太耐無食雞煲，所以見到就即叫個雞煲食下先。重慶麻辣雞鍋裏面勁多雞，極足料，而且啲雞煲醬超惹味，齋食佢已經半飽！安格斯肥牛就咁睇啲紋脂肪已經知係靚野啦，果然食落真係超好味，而且勁足料，起碼有廿幾塊，味道同普通牛完全無得比即炸魚皮炸到bobo脆，而且入口好甜超好味，但估唔到個量咁多，最後食唔哂。芥茉貢丸，陳皮魚蛋呢個貢丸食落真係有芥茉，而且相當攻鼻好刺激，而魚蛋食落就有種甘甘地味，併埋一齊食可謂百感交集，大家一定要試！蕃茄，超甜粟米，雞脾菇火鍋必備三寶，食火鍋唔可以無左佢！粟米質素唔差，甜得黎唔難咬，而雞脾菇好彈牙紅薯粉平時要係三百蚊一餐火鍋店先會有，估唔到有得食，食得麵，烏冬多，係時候要轉食下其他野。水魷一個字爽！草鯇魚片就睇相已經知道好好食，而且無骨，我最鐘意就係食無骨嘅魚。佢除左火鍋任食之外，重有刺身比你任叫，而且質素唔差，

星期日晚約咗寶寶打邊爐，去咗位於太子呢間餐廳有任飲任食火鍋套餐。我哋嗌咗安格斯牛肉餐，$228/位，每位加$28仲可以任飲啤酒同汽水，真係好抵食。可以先揀烤魚或者雞煲，我哋就揀咗食重慶麻辣雞煲。因為寶寶唔食辣，所以嗌咗小辣，好惹味得嚟又唔會太辣非常好。雞煲嘅份量好多，而雞肉都好入味同嫩滑。食完雞煲之後加湯就可以打邊爐㗎喇。不過用雞煲嘅醬汁再加湯就令個火鍋變得油膩，所以建議拎個碗“不”開曬表面上嘅辣油先開始打邊爐。份安格斯和牛肥瘦均勻，脂肪啱啱，好唔會太肥，而味道都好有牛脂味。蔬菜、肉類和其他火鍋配料應有盡有，質素都好高。其中鯇魚片、芥末貢丸和陳皮魚蛋岀奇地好味。有魚生嗌，有三文魚、八爪魚、馬刀貝、甜蝦、墨魚同埋仿鮑片。全部都好新鮮。仲有多款小食可以揀，我哋就嗌咗子薑皮蛋。估唔到我哋得兩個人佢比咁大份我哋，不過皮蛋配上薑片真係好好食。

約咗好朋友見面，收工一齊去打邊爐，一個鍾意食魚🐟，一個鍾意食🐂牛，啱啱好😉，仲有就係任食刺身👏👏228任食安格斯牛肉➕火鍋/烤魚/刺身😋真係幾抵食👍———————🟧刺身拼盤：三文魚🍣：大部份人都喜歡吃八爪魚🐙：爽口又彈牙馬刀貝：吃落像象拔丰的質感，又甜又爽仿鲍片：吃落鮑汁味道的質感墨魚🦑：又爽又帶煙靭的口感———————-🟫萬州烤魚：又香又滑又熱辣辣的烤魚，帶點小辣的滋味更是特別好吃😋，烤魚肉滑又鮮甜，原條的足料，吃了一條魚🐟已惑到有飽意，但面對著其他美食，又怎能停下來昵？😂😂😂😂😂為食貓的我......Continue......食食食eat eat eat...hahaha————————-🟥安格斯牛肉：雪花滿佈的肉質，吃落鮮嫩的口感，又滑又軟熟、無法抗拒的安格斯—————————🟨黑豚豬腩片：又係我最愛嘅豬🐷腩肉😋最愛吃豬腩......唔要有肚腩無厘頭一餐......滾熱辣豬腩腩肉爽又滑......食完皮膚滑九唔搭八無厘道食嘢就係最醒神😉😂😜——————-🟫豬軟骨：軟骨卜卜脆放湯加熱食——————-—————————-🟩鴨血：潮流時興食鴨血鴨血又爽又滑溜食火鍋最佳配搭淥下淥下又一