蚊蚊豬老火鍋

營業中

休息中

聽朋友介紹呢間蚊蚊豬又有烤魚又有得打邊爐，於是就黎試一試佢！我地揀左烤魚，原本隻魚已經熟左再擺係個盤度加d汁同辣椒慢慢烤，d魚肉好入味又好惹味，同埋邊邊位仲有d脆脆地好正。d烤魚越烤越有味，再加埋d湯打邊爐正👍牛都真係無得頂，2xx有咁既質素既牛任食真係唔話得！食多幾碟就已經回曬本啦。牛再加埋d湯汁好好食😋有埋刺身又真係誇張左😂仲要都幾新鮮，如果加埋冰係底就更正😍d火鍋配料好多選擇，仲有牛胸爽同牛黃喉真心要讚👍好少任食火鍋可以有齊咁多樣嘢！可以再食系列🥰

咁多間火鍋店，點解揀呢間？係因為我太耐冇食烤魚，好想食烤魚，見到佢又有烤魚又有火鍋咁抵食，咁梗係試吓啦！第一眼就嚇親你啦，佢條烤魚超級大條，我同我朋友都嚇親！簡直有兩個手張打席咁長！鍾意食芫荽嘅朋友又會好高興啦！超多芫荽喺面！烤魚可以揀少少辣，我覺得OK ！魚係好嫩滑，不過魚骨有啲多大家食嘅時候要小心啲！另外入面配菜我鍾意佢嘅蓮藕！打邊爐黎黎去去都係嗰啲嘢，我覺得最特別係佢有黑柏葉，牛胸爽同牛黃喉，都好好食！刺身就咩點試，叫咗少少！脆魚鯇魚就麻麻地！

睇openrice見到呢度又可以揀食雞煲/烤魚+任食打邊爐，仲有埋刺身食，就決定同朋友一齊黎食～呢度d食材處理得好乾淨、職員都好nice👍食得非常開心～一落左單，嘢食好快就送到，叫三文魚刺身同甜蝦刺身～酸姜皮蛋，夾埋一齊食幾好食～我地揀左食烤魚，烤魚表面炸到好脆，叫左小辣，辣度適中，等d湯滾起左之後就可以食～魚幾嫩，有吸左湯底嘅味，唔錯幾好食～安格斯牛肉可以任食真係好抵，肉擺盤擺得唔錯，肉質幾嫩，食完再encore左一碟👍豬黃喉同牛黃喉係我第一次食，估唔到幾好食，質地係幾爽脆，未食過嘅人要叫黎試下～

聽講太子有間火鍋放題性價比高又好食，特登卜位試一試。我同屋企人揀左228蚊放題任食兩小時，要加一同加28蚊啤酒飲品任飲。個餐包一碟安格斯肥牛。另外可揀烤魚或者雞煲。我地唔想咁快塞飽個肚就揀左烤魚，點知個烤魚都好勁😂，好大條！雖然只有半條，但我地拆肉去骨都食左好耐，仲幾飽下😛。烤魚浸麻辣湯底，加上本身用豆豉𩸆製再炸香，表皮炸到好似豆豉鯪魚咁惹味！食完條魚已飽左一半，之後就食火鍋🍲。我地點左五指毛桃雞湯。我特登響放野入去前不一口湯試吓，味道鮮甜濃郁！碟安格斯肥牛，唔太肥，而且都幾鮮味。令唔太食肉嘅我都食左四分一。食物選擇多，屋企人發現呢度有好多出面冇得點嘅動物部位，如鴨血、牛黃喉、牛胸爽。。基本上都係屋企人食，見佢食得咁滋味就應該唔錯嘅！🤣🤣我就主打海鮮同菜類同刺身。海鮮魚類刺身新鮮，冇腥味，鮮甜彈牙。菜有萵筍條，因為唔係成日見到所以都點多點黎食，好鮮甜😊。以呢個價錢食左兩粒鐘真係唔錯，淨係條烤魚都值回票價。

太子區內有唔少烤魚，火鍋，價格都比較貴一啲，通常都要3百以上，今日V仔見到228火鍋加烤魚仲有刺身同安格斯牛，咁就值得一試。228真係抵，食完之後唔會後悔。食材是新鮮，烤魚嫩滑，火鍋係任食仲有任飲青島同六款刺身。其實先食個烤魚都已經飽飽地，半條大魚，炸左得外脆內嫩，要用烤汁煮一煮，更入味。麻麻香香同魚肉鮮嫩都幾夾。食完再上火鍋，其實火鍋料都唔輸蝕。新鮮食材，有一啲食材第二間無，例如黃喉，爽爽地，牛胸爽，係少有食材。另外佢有六款刺身任食，雖然唔多款但都算新鮮。真係一次過試唔晒咁多食材。下次可試吓醉雞鍋，佢哋用上新鮮雞完件上，因為好多是啲包裝雞唔係新鮮，值得贊一贊。最後主角，係安格斯牛，雖然只有一碟但好嫩好有牛味十分滿意！

餐廳地點方便，好近地鐵站，行一陣就到！ 之所以選呢間餐廳，係因為朋友話佢性價比好高，有得任食四川烤魚、安格斯牛、刺身，仲有多款火鍋配料及小食！ 超級豐富！ 首先上場嘅係萬州烤魚，真係已經好耐無食烤魚啦， 一上場，賣相已經令我食指大動，魚烤得好香， 魚肉嫩滑，好好食。安格斯牛肥牛好高質，部位靚， 肉質嫩，肥瘦均勻！ 刺身好鮮美！ 我地仲點咗牛栢葉、豬肚、鯇魚片、蔬菜等等，份量好足，食到好飽呀。 個套餐仲有飲品選， 啤酒好飲， 配合烤魚真係好夾！ 食完再嚟罐可樂， 爽！ 餐廳雖然唔大， 但都坐得舒服。 服務態度又好。期待下次再同朋友嚟食！

依間餐廳有得先揀食雞煲或者烤魚，平時食得雞煲多 今次緊係食少有嘅烤魚啦！之後再打邊爐，番工咁攰 食餐好嘅慰勞吓自己❤️烤魚份量巨大份🤣 半條大魚炸到好靚咁樣放喺鍋上，下面配合唔同嘅配菜同埋淋上秘製辣汁，醬汁同埋魚慢慢滲透哂落烤魚度魚皮炸得好脆，魚肉鮮嫩，仲富有魚味。鴛鴦鍋，蕃茄薯仔湯加麻辣紅油湯特別推薦個麻辣紅油（好似正宗麻辣煱嘅味道）聞落去已經好刺激，食落又麻又辣鍾意食辣野嘅人一定啱晒。一落單其實餐廳已經會送一碟好靚嘅安格斯肥牛，油花分布好平均，食落牛肉味濃郁。依度連牛黃喉同黑柏葉都有！唔係度度都食到 好新鮮好爽脆。另外仲叫咗薯粉，正！除左火鍋配料 依度仲帶小食、日式刺身比你選擇最後特別要推介呢度嘅炸饅頭，新鮮即叫即炸超好食！就算係已經非常飽都必須要叫！黎依度最好預訂先 我見平日都有好多人黎食 如果walk in未必有位

反左一日工，收工之後緊係要盡情咁食啦，餐廳有得先揀食雞煲或者烤魚，之後再打邊爐，實行食到飽一飽，忘記晒所有工作嘅煩惱。由於之前成日食雞煲今日想試吓新野，我哋揀咗烤魚，烤魚一嚟到份量令人驚人，半條大魚炸到好靚咁樣放喺鍋上，下面配合唔同嘅配菜同埋淋上秘製辣汁，用慢火慢慢煮出佢香味，亦令醬汁同埋魚混和一體。其實本身我唔係太鍾意食魚，好怕魚上高嗰浸腥味，但係今次食呢一條烤魚，一啲腥味都冇，魚皮仲炸得好脆，而魚肉鮮嫩，冇腥味之餘仲有魚味。揀魚嘅另外一個原因就係，食魚冇咁飽之後仲可以打邊爐食好多嘢添。邊爐湯底我哋揀咗鴛鴦鍋，一邊係蕃茄薯仔湯，一邊係麻辣紅油湯，特別推薦個麻辣紅油，聞落去已經好刺激，食落又麻又辣鍾意食辣野嘅人一定啱晒。一落單其實餐廳已經會送一碟好靚嘅安格斯肥牛，油花分布好平均，食落牛肉味濃郁。之後都叫咗好多唔同嘅配料，特別推介唔係好多地方有得食到嘅牛黃喉同黑柏葉，好新鮮好爽脆。另外仲叫咗薯粉，放落麻辣控油上高食非常之好食。與此同時，你都可以叫刺身，餐廳提供左幾款比人任食，食落都係新鮮。最後特別要推介呢度嘅炸饅頭，新鮮即叫即炸超好食！就算係已經非常飽都必須要叫！

好耐冇食雞煲，朋友介紹左呢間係太子既蚊蚊豬，有雞煲任食仲有安格斯牛肉同刺身任食，收工即刻衝去試！餐廳細細間唔算多位，但坐得都幾舒服，一坐低職員就擺低左d 醬俾我地混。呢間提供任食2小時放題，我鐘意食辣就緊係叫重慶麻辣雞煲食返夠先！我地叫左少辣，但發覺唔太辣，所以建議大家叫中辣！雞件份量都幾多，雞肉唔會overcoocked 唔錯唔錯！值得一提係安格斯牛肉都係任食！一望D紋理已經知勁靚，濃濃牛香，薄片入口即溶感覺好正！無限encore誓要食到嘔！食完雞煲就加湯任食火鍋喇，d料都幾新鮮，因為食得太多雞同牛，我地都冇乜胃口叫火鍋配料，但係鴨血毛肚呢d真係好出色。仲有任食刺身，三文魚，甜蝦呢d真係必食！最後埋單每人約$250，大滿足！

今晚同friend子一聚，就近收工的地方近近地來到太子的「蚊蚊豬老火鍋」。鋪頭不算很大，有適量的座位，但都坐得舒服，不會太逼。見到任食二小時放題，可以選烤魚或麻辣雞煲，之後再打邊爐。喜歡吃麻辣和雞的我們，想都不想，一定是選麻辣雞煲呢！先來雞煲，半隻雞，份量都幾多，雞件都幾大件。吸收了麻辣醬汁，非常惹味，我們點了小辣，覺得可以再辣一點，喜歡吃辣的朋友不妨點中辣呢！套餐還送安格斯肥牛，本來以為得幾塊，結果來了一大碟！雪花紋路很美，也很新鮮，吃下去有牛味，也吸了麻辣醬汁，味道香濃，很有驚喜。店內都有些冷盤前菜和刺身可以點，芝麻八爪魚大大粒，螺肉又夠爽，很棒！刺身選擇雖然不算太多，但基本款都夠，也很新鮮。火鍋配料點了牛胸爽，跟名一樣，好夠爽，涮一會兒就吃得，喜歡那個口感，推薦一試。豬腩肉肥瘦分明，大大塊，啖啖肉呢！吃麻辣火鍋一定要叫鴨血，這個鴨血也很Q彈好吃。鵝腸牛柏葉等洗得很乾淨，爽口彈牙，跟牛胸爽一樣，很快就吃得。最後想說的是，雖然點粉絲有點普通，但吸了湯汁很好吃。今天吃了很多，很飽呢！滿足。

難得疫情放緩，終於可以同朋友聚舊。今次就揀左平靚正既火鍋。只須228就可以食齊四川烤魚、安格斯牛肉、刺身，仲有小食、火鍋配料任食，岩晒我地尼班大食既男士。原本望到四川烤魚既外表，放滿辣椒，以為會辣到食唔到，但食落唔會太辣，仲好過癮，魚不會太腥，也不會太冧，有興趣可以一戰。個人認為火鍋配料最驚艷既係鵝腸、芥末貢丸。鵝腸洗得非常乾淨，亦非常新鮮，咬落很爽口，食到唔停口。芥末貢丸食落好清新，食左好多油膩野後，食番粒可以中和油膩，雖然唔小心太大啖比佢搶到喉，但都非常推介！

每次經過都比尼間餐廳既裝修吸引住，餐廳既牌匾、裝修、設計都係以中式風格為主。餐廳在燈光上花了不少心思，不會太光，也不會太暗，營造了令人非常舒適的感覺。今次和朋友點了安格斯牛肉火鍋，一異火鍋放題店舖比我既印象，材料都不太新鮮。但這餐廳的肉類、火鍋配料非常新鮮，特別是安格斯牛肉，他肉及脂肪分布非常均勻，即使不小心烹調時間過長，仍非常有嚼勁。另外，湯底非常真材實料，我今次叫了蟲草花雞湯底，每一淡也有雞、蟲草花。可以飲得出湯底熬制了很久，很有媽媽煲的老火湯味道。除了一般火鍋配料，仲有刺身、前菜、飲品任食！

烤魚超大條，魚頭都大過我隻手，絕對足料，魚皮炸到金黃酥脆，湯料夠辣夠入味，雖然２人只食到單邊魚，都已經就飽，何況呢度係$２２８一位任食火鍋料，仲可以叫刺身同肥牛。甜蝦墨魚都好鮮甜，唔會話高級，但勝在可以任叫！餐包既一碟安格斯肥牛，肥瘦適中，又厚切，好香濃既牛味，厚得黎淥完都唔會過老，一咬就斷，唔洗點咀嚼，２個女仔差D食唔晒，好努力先可以食得完。配菜覺得切叫窩筍，因為唔怕吸油，好清爽消膩，牛筋同金錢肚都預先滷過處理，仲食到少許花椒八角既香味，淥完Ｄ牛筋變到好軟林，好易入口！

太子行街發現超級抵食！$228 放題勁豐富！先要選擇萬州烤魚或麻辣雞煲兩樣都好想食 心大心細啊經店員熱情推薦下今次就先試吓雞煲先雞煲勁多芫荽 正！中麻辣香味勁度十足 夠惹味半隻雞肉份量都好多隨後店員就拎嚟一板安格斯牛肉牛肉紋路好靚 超高質兩個人食呢個份量嘅牛肉已經好夠飽！任食食物仲好多選擇！刺身類就有6款提供 質素都好好牛肉類有8款 試咗牛胸爽👍🏻 牛黃喉👍🏻蔬菜類都有成24款 啱晒我哋鍾意食多啲菜嘅人 全部都切得好整齊好靚仲有黑豚腩片、脆肉鯇、鵝腸、鴨血同薯粉所有火鍋配料都夠高質！小食類有8款試咗拍蒜青瓜、川汁皮蛋都唔錯最正係黃金饅頭 我竟然不知不覺間獨食晒一碟🤣任食我真係食得多 蚊蚊豬絕對性價比極高！包埋任飲啤酒青島純生睇相係咪唔覺得似只有兩個人食呢😂因配料份量都實在俾得有點多 （店家很大方😂）可以提提店員減少份量 以免造成浪費啊店員服務態度都好慇懃 絕對值得再嚟！

好久沒吃過烤魚了 朋友找到這家有烤魚又可以火鍋的店超划算 才228已經可以任吃烤魚/雞煲 再加多款小食刺身火鍋料我們選了烤魚 可以選擇辣度 小辣對我們來說剛好二人份量的烤魚也比盤子還要大魚皮本身已經烤得香脆上桌再煮個三分鐘已經很入味這款魚骨不多 魚肉都鮮嫩小食也有幾款 青瓜雲耳配上蒜蓉辣汁很惹味刺身都是普通貨色 甜蝦尚算鮮甜但實在太小重點來了 228任吃的安格斯牛肉看看油花多美 沒想到這個價錢也可以吃到這種質素的牛肉店員說吃完可以再加點 簡單的再點了牛根和一些蔬菜食物質素好 唯一問題是烤魚太大條吃完烤魚和一盤牛肉已經飽了好多想吃的火鍋料都吃不下