蚊蚊豬老火鍋

營業中

休息中

好耐無食過烤魚，朋友介紹呢間於是去試下。呢間有放題，我地嗌左$228任食烤魚，安格斯肥牛。川味皮蛋，夠曬辣，我鍾意。刺身, 始終呢到都係食烤魚同打邊爐，所以對刺身既期望本身都唔高，只係每款嗌左1次試下。有三文魚，甜蝦，墨魚，馬刀貝，仿鮑片，八爪魚。主角上場: 烤魚！條魚烤過係好味好多既！大大條，好多肉同嫩，但同時都多骨。我地揀左小辣，但略嫌唔多辣，下次可以試中辣。安格斯肥牛，個紋好靚，同埋都厚切架，以為厚食落會韌，但完全唔會！牛味重。呢到好搞笑，對筷子🥢超長😂整體黎講係好味抵食既，食完烤魚又有得加湯打邊爐，但唯一可改善就係個盤係方形，個爐係圓形，所以角位煲極都唔滾，只係中間個位可以烚到野食。如果可以連左個圓形盤打就好啦。

經開呢邊，見幾平選擇都算多就入左去試下，一開始見店面唔大，以為有位，原來仲有二樓，樓上有大電視，可能播緊跑馬嘅關係，食客都比較激動，好熱鬧。$228烤魚/雞煲/火鍋任食選擇都算多，仲有刺身添，即刻點黎試下正常放題質素，冇咩驚喜呢個皮蛋都幾好，辣辣地幾惹味。唔知係咪食材問題，啲雲耳有怪味，同埋口感好奇怪，好淋冇咬口，青瓜就一般我地點左烤魚，都幾大條呀，叫左小辣，因為怕太辣，因為都第一次食，點知辣味唔夠食完可加湯打邊爐醬料齊試左佢地嘅安格斯牛肉切得幾厚，油花都幾靚，食落一啲都唔韌其他配料都ok, 係牛胸爽我一般，因為本身冇食過，一食個口感就唔太接受到😅

其實食咗依家蚊蚊豬超過10幾次，真係唔記得幾多次，食放題次數比較多，散叫都試過唔少次，不過今次隔咗好耐再食，所以寫一寫😆疫情持續一年多，每間舖頭都唔容易，第四波之後就食好少少啦🥰食放題安格斯實在太多次，今次散叫交俾同事發板🀄️我專一嘅程度真係去到自己都難接受，無論食放題或者散叫，都係叫五指毛桃雞湯底🤣因為我覺得咁多隻湯底之中，五指毛桃同雞係最夾🥰兩位同事不停飲湯，搞到我都飲埋一份象拔蚌刺身，鮮甜爽口，新鮮👍🏻食海鮮就係咁簡單，新鮮兩個字平常食安格斯放題就會大啖大啖食，今次散叫，就好好品嚐每一片🥩好有牛味！手打丸，彈牙爽口，新鮮😋鴨血應該係盒裝，可以叫半份，過一過口引🤓鮮雞子真係不得了，新鮮冇雪味，每一粒都彈牙爆漿😆自帶白酒，冇收開瓶費🥂飲杯其實仲叫咗好多其他嘢食，有萵筍、響鈴，不過掛住食無影相🤣

🥢太子爆菊麻辣牛油紅湯麻辣火鍋#食好西太子美食#食好西良心推介#食好西火鍋指南#食好西任食自助餐放題 🥢好想食麻辣火鍋，難得找到一間良心店，這間老火鍋位於太子區，提供火鍋,雞煲，除左可以散叫仲有2小時任食套餐🥢茶芥$15/每位每檯都有提供醬料，生蒜炸蒜蔥指天椒鼓油，仲有麻辣火鍋必有的蠔油，但係最重要麻油同乾碟就無提供🥢招牌紅油湯鍋（小辣）拼鮮菌清湯$98紅湯跟兩條白色魚，魚型的東西是牛油，令湯底味道更香更滑，用多種藥材熬製，香味十足，注意小辣都好夠辣兼且有點搶喉，麻度辣勁強，果然有料到，菌湯湯底清甜味美，菇菌份量都幾多🥢手切牛頸脊（例）$198今次唔想食到咁趕，所以就散叫，可以食返碟靚牛，牛肉油花均勻，配麻辣辣湯味道，麻麻辣辣的味道更正🥢即炸響鈴$58必食呢間的響鈴，因為是熱辣辣即叫即炸，入口腕卜卜，浸湯三秒鐘就食得🥢鮮蝦滑$68蝦滑彈性十足，蟹子及蝦味鮮夠曬爽彈🥢鮮蝦雲吞$78雲吞一夾起佢就知道係好新鮮，入口雲吞皮好滑又夠薄身，入面蝦肉大大隻又爽，唔錯以下價錢可以作參考🥢炸魚皮$38🥢娃娃菜$28🥢午餐肉$38🥢芝士腸$38

疫情前已經嚟過一次，都係有相同問題，隔咗太耐唔記得，我同個朋友㨂錯左食呢間。地下果層4-5張枱，我哋入座果刻有2枱都停晒手，樓面唔忙。點咗安格斯2小時任食，order 45分鐘後，先上第一碟安格斯，仲要完全冇牛味，美國肥牛都仲有味啲。點咗丸類刺身（甜蝦墨魚）完全冇嚟過。唔係等得太耐冇嘢食再叫甜蝦，都唔講話冇。張order紙裏面都唔知有幾多其實係有。同食日式放題點乜都唔嚟一模一樣。加埋茶芥加一，270蚊一位，上左菜嘅份量，散叫都食到。而家好多地方都好抵，食服務又好，真係唔會再揀呢度。無色無味，刀功都唔好

呢間已光顧數次，當然覺得湯底及食物及刺身質素唔錯，不過今日幫襯過後，唔會再嚟！！因為2樓嗰位4眼女侍應，態度超差，我哋係選任食放題，食2小時，1.5小時last order......然後我哋另外加$28/位任飲汽水，當我哋準備拎第二轉汽水時，呢位4眼女侍應，就用差語氣同我哋講："你哋已經食超過個半鐘，唔可以攞嘢飲㗎喇！我當刻冇為意，以為佢純粹係話， OK你今次既然攞咗下轉唔可以再嚟，我諗住照返埋位，點知佢繼續用差嘅語氣同兇狠嘅眼神啤住我然後話："係呀你唔可以再攞嘢飲㗎喇呢兩支嘢飲你放低佢啦！"跟住我見佢咁差態度就同佢講，我話咁個半鐘嗰陣你唔提一提我，跟住佢係完全冇應我，之後咁佢拎張單過嚟講話仲有15分鐘要埋單，我再同佢講：你應該個半鐘嗰陣就提一提我地啦，感覺上好似我出去攞個兩支嘢飲好似乞佢咁樣！落樓下俾錢嗰陣，我同嗰個（我估計）佢係老闆嘅男仔講，我話嘩你樓上嗰個女侍應真係唔係好掂喎，跟住佢仲笑笑口同我講話，佢係咪好串呢，我嗰刻真係呆咗，我心諗："吓點解你好似講到佢嘅串係你地間鋪嘅賣點同特色咁嘅，跟住我話，佢唔係串，佢係冇禮貌，我話佢用凶狠眼神望住我叫我放低兩支嘢飲嗰陣，我真係感覺我好

突然想食火鍋！見到呢間唔駛等位又選擇多，就同朋友嚟咗☺️店內有兩層，位置好多。服務員反應好快，又會推介食物👍🏻👍🏻《醉雞拼紅湯》感受到誠意！雞件新鮮另外有額外嘅醉酒汁～而紅湯有配上牛油中和麻辣～味道方面個人認為醉雞湯偏淡，如果可以濃味啲會更好😌《火鍋料》選擇好多！牛肉抵食有牛味，而其他火鍋配料就正正常常。《象拔蚌刺身》抵食新鮮但係有微微腥味建議唔好叫魚腐，味道唔太新鮮總括而言，呢間火鍋店抵食～選擇多～味道唔錯😌滿足但唔會話好高質

間野開到凌晨３點，可以同朋友慢慢食，叫左醉雞煲，紅湯同雞煲，３個入面最鐘意食佢個雞煲，好濃味Ｄ雞又嫩，除左打邊爐重叫左好多海鮮同大閘蟹，地方都闊落好坐，整體唔錯！

這家店之前就想去了，昨日放工和同事去了，點佐鴛鴦鍋底，辣鍋聞起來很香，怎料越食越鹹，不喜歡，蝦餃味道還可以，響鈴很讚，直接吃都是卜卜脆，但是別的就沒有印象深刻的，不會再去了，打完7折，兩個人消費480左右

同朋友四人行完街響太子搵食，咁岩想打邊爐就響砵蘭街附近搵火鍋鋪。經過蚊蚊豬見到佢有9點後4送1優惠，fit晒我地即刻入去。我地叫左最平果隻普通肥牛，如果對牛冇特別要求，叫呢個都幾抵食，因為唔同價錢除左牛有分別，其他配料都係一樣任叫。餐牌亦包涼菜任食，等個湯滾果時可以叫D涼菜食下先。湯底我地叫左五子毛桃雞湯，未落料前飲左啖湯，幾香而且d雞都幾滑。其他火鍋料都喜出望外，賣相同味道都好吸引。我地叫左四寶丸，叫多份雞，同響玲魚皮呢D必食野。飲品方面可樂啤酒雀檸任飲，以呢個酒樓任打既價錢黎講絕對超值。

同班老友行到太子見到有間裝修幾靚既火鍋店，即管入去試吓得唔得先睇裝修係行中國風，而且好細心每位有一條圍裙俾我哋用，防止菜汁和油彈到衣服身上還有每人一罐花生油俾大家自己調校醬汁。我地點左雞煲同鴛鴦煲兩款，雞煲要左少辣, 其實都冇辣味, 連我呢滴唔食得辣既人都覺得冇辣味, 不過調味係夠的, 雞肉都好食。盤滿砵滿都是雞，份量都幾多，又大件，好足料，而花鵰酒的味岩好入哂雞入邊。個湯底眼見有紅棗，紀子令到成個湯的味道吾同哂。下次都繼續來。

水煮唔係水煮魚果種！簡直清水煮！味道淡到我哋用紅油鍋煮蜂窩豆腐都照食無感覺！第一個有味道嘅係墨魚滑，只得有鹹味，冇話墨魚味。第二個有味嘅係海鮮拼盤嘅蝦，ok有蝦味第三個係娃娃菜，有清甜嘅蔬菜味此外包括288嘅牛肉，都係冇曬任何肉味！得個口感！！！！！！依家未食完已經忍唔住上來吐槽評分冇辦法，除咗難食以外係ok嘅

今晚約埋朋友行街順便食埋晚飯，行到太子見到有間裝修幾靚既火鍋店，即管入去試吓得唔得先睇裝修係行中國風，而且好細心每位有一條圍裙俾食客用，防止醬汁和油彈到衣服身上還有每人一罐麻油俾大家自己調校醬汁。我哋選左個雙拼湯底（重慶雞煲拼酸菜豬什窩），火鍋配料就選左：泡椒金菇肥牛卷、窩筍玻璃腩卷、手切牛頸脊＜大＞、毛肚、豬大腸、鮮鵝腸、墨魚滑、鮮蝦雲吞、脆鯇魚片、蜂巢豆腐、即炸響鈴、皇帝菜和萵筍條。係未有得食之前，我哋叫左個青芥拍青瓜小食，來止吓肚餓先青芥拍青瓜：青瓜好爽囗青甜，加上少少辣味刺激，另到更加開胃重慶雞煲拼酸菜豬什窩：雞煲香辣惹味，酸菜豬什，酸酸味味，豬腸和豬肚彈牙爽囗泡椒金菇肥牛卷：賣相好靚，入囗金菇爽囗，肥牛肥美可囗，泡椒嗰辣味慢慢慘出來，幾刺激窩筍玻璃腩卷：賣相一樣給引，窩筍和腩片配搭得天衣無鏠，味道鮮甜嫩滑手切牛頸脊＜大＞：味道香濃，好有咬囗毛肚：爽口彈牙豬大腸：肥美甘香鮮鵝腸：肥美可口，鮮嫩甘甜墨魚滑：爽甜彈牙鮮蝦雲吞：大細適中，蝦肉新鮮彈牙，入囗唔梅脆鯇魚片：厚簿得宜，鮮甜爽囗蜂巢豆腐：好香豆味，索埋湯汁，入囗更加美味即炸響鈴：新鮮熱辣，厚薄適中，入囗冇油膉味萵筍條：鮮甜嫩

琴晚同朋友一行4人去食, 結果4個都肚疴同肚痛…要blacklist呢間餐廳食物環境衞生署(食環署)負責監管市面出售食物，以確保食物安全、衛生、並適宜供人食用。 如市民在食肆用膳時發現食物不潔、有異物、或不宜食用，可向食環署作出投訴。若市民在進食後感到身體不適，應盡快求醫；如經醫護人員確定為食物中毒個案，診所或醫院會通知食環署及衞生防護中心安排跟進調查。 如市民欲向食環署作出食物投訴，可致電食環署24小時熱線2868 0000 (此熱線由1823接聽)，投訴會交由食環署當值的衞生督察處理。衞生督察會聯絡投訴人，並會同時告知投訴人應如何處理証物。如市民希望在食肆等候衛生督察到現場處理事件，請留意等候時間需視乎衞生督察當時的工作情況而定，詳細情況請向衞生督察查詢。 作出初步調查後，食環署食物監察及管制科會在需要時聯絡投訴人。 如食肆觸犯衛生法例，會遭受檢控，甚至被吊銷牌照

同朋友係旺角睇完戲，6點半就行左過黎蚊蚊鍋打邊爐。朋友話上次食過好味，就同我試下。叫左個野菌併麻辣火鍋（小辣），牛油整得好靚象拔蚌拼牛肉$438，象拔蚌都算係鮮甜，但牛肉無乜牛味，依個價錢都算係抵食既。最尾叫左d菜同薯粉都飽飽啦，埋單600幾，都算唔貴，不過唔係話好好食，普通。菜類叫左萵筍同皇帝菜，其實食咁多菜都好快飽，都好新鮮，下次試下d丸。值得一提係原本我哋坐二人枱，侍應俾咗張四人枱我哋，鬆動左好多，服務都好好。