蘇山雞飯

營業中

休息中

黎到太子係有唔少餐廳選擇可以揀，呢間係彌敦道新加坡菜真係唔錯而且都唔駛排隊就有位所以入左去食。點了，海南雞飯，醬油雞腳，雞牛串燒。海南雞飯 (good)呢個海南雞飯唔錯又幾好味，雞夠滑，份量唔少而且個飯都夠熱，油飯味道ok。而個湯入邊有好多雞腎，雖然唔係好大舊但有好多，不斷食不斷有，如果一早知有咁多就影埋相分享啦。。醬油雞腳（ok) 算入味,唔錯。雞牛串燒（ok) 味道ok 牛口感可以，入口肉質唔會老既感覺。雞就正常味道。總結黎講。。質素唔錯，有機會可以再食既一間餐廳。

食過好幾次的馬來西亞野馳名又keep 到水準茶餐抵食,快靚正-鮮油咖央多士 $30烘底好香脆，麵包搽上咖央醬，極厚身牛油個種香滑感覺好難忘，不過真係太多牛油我食唔曬有把遮仔做設計，又幾得意既套餐加配即磨炭燒厚椰乳咖啡（熱） +$5好香的椰奶味，淡化左咖啡嗰種苦味- 地道白咖喱魚餅扎肉老鼠粉 $58 配料好足：豆卜，魚餅，扎肉，大量芽菜老鼠粉即銀針粉，煮得幾稔湯底食得出有花生香味，唔會好咸餐飲+$12桔仔菠蘿梳打水飲品裡面有青檸，飲完係清新解渴的感覺，菠蘿味幾出⭐️火焰醬香椰子雞窩 （期間限定，天氣轉冷先有）$168 配油飯足料大大煲，湯底用上新鮮椰青水整一上枱時，職員會用火槍燃點，倒上燒酒，成個煲蓋就起火喇🔥，睇到我同朋友都曄曄聲先飲椰青雞水先，如果嫌肥，可以隔走d 油，不過真係好好飲再慢慢享用雞件送飯食，雞都多到食唔曬加配價 🐮夜市沙嗲 (4枝）2件牛肉，2件雞肉 +$39 雞肉軟身多肉，牛肉烤完都唔會韌，好香的牛肉味，係juicy的

最近天氣凍凍地，去左東南亞美食餐廳 🍴 蘇山蘇飯 食左個《火焰醬香椰子🥥雞鍋》，依個雞鍋除左用上新鮮雞肉，仲要用埋新鮮椰子🥥，湯底都只係用上椰子水，絕對無添加任何雞湯，味精或溝水！飲落口啖啖都清甜可口，雞肉非常嫩滑，勁勁勁足料，仲可以配埋油飯！仲有一樣要介紹嘅係，佢哋龍蝦🦞叻沙摻摻！勁勁勁大隻龍蝦🦞，蝦肉彈牙，新鮮好味！當然不小得要叫埋參巴辣蝦醬通菜，仲有必叫嘅鮮油咖吔多士，我就叫埋小炸饅頭當做甜品🍮

最近新公司，對面有間book mark咗咗好耐嘅餐廳諗住試吓，入嚟叫咗個牛車水醬油雞飯午餐首先講咗個主角隻雞，隻雞係冇味嘅，不過煮得係滑，嗰兩隻雞腳實在太過有𡁻頭😆😆😆差啲阿婆敷假牙都嘔埋出嚟個雞雜冬瓜湯，唔知用幾多水溝稀咗最後講埋個飯，連個油飯都係硬掘掘總括嚟講呢餐飯$75極之失望，食街邊燒臘油雞飯好食過佢多多聲

其實過咗條大馬路 呢邊已經無咁旺 我夜晚7點到要排隊條龍都幾長下 等嘅時候已經隔住玻璃見到👀Wa!碟海南雞飯咁大份嘅!食到差唔多9點走都仲有人排緊隊 食飽之後我暗暗講咗句：嗯 呢間餐廳係有實力嘅 用質素說服人🤝🏻因為我本身已經病病哋 個人佔寒佔凍 好想食D暖粒粒嘅嘢🍽️火焰醬香椰子雞窩 ($168)一上台已經好有睇頭 職員用茅台酒淋瓦煲蓋然後點火 待後再打開個蓋 好香阿👀成個煲都滿滿嘅份量十足 第一眼就見到大大塊又軟又嫩嘅椰子肉 走地雞仲有成半隻咁多 襯住熱辣辣試下個湯先 湯底係好清甜嘅椰子水 真係一滴水都無溝落去 仲帶有淡淡嘅酒香 好適合病病哋嘅我飲 滋潤又驅寒走地雞嘅肉質係唔同D嘅 實好多好有口感 我成煲清咗 好滿足個身都即時暖返曬😋🍽️檳城黑豉油叉燒油飯配魚丸湯 ($85)叉燒份量都好大份 男士都絕對夠食 味道岩岩好🤪好食配魚丸湯 呢個湯都好好飲 我都係清咗!最鐘意呢D做好每樣小細節嘅餐廳 唔係主菜都一樣咁用心去做❤️🍽️+馬拉盞椰菜苗 ($29)另外我哋仲加配咗呢個馬拉盞椰菜苗炒得好夠火候 油、汁、味都係調教得岩岩好好大份 正價係要$58 加配價好抵食！🍽️+桔仔菠蘿梳打水 ($18)

🙋🏻‍♂️餓底探員今晚去咗太子調查呢間人氣星馬菜館，除咗地道嘅海南雞，肉骨茶，喇沙湯麵，原來仲有好多特別嘅菜式，價錢親民仲好好味，難怪晚市時間座無虛席，要排隊輪候入座🔥🥥火焰醬香椰子雞窩 $168📸表示店員沿住個蓋倒入茅台酒再點火，等火熄咗就可以享用，打開個蓋聞到濃郁嘅酒香，雞肉鋪滿成個窩，配上油飯，非常豐富，店員仲細心建議盡快食用，避免雞肉煮太耐影響口感🙋🏻‍♂️表示個雞窩用上椰子水同茅台酒製成，滴水不加，確保個窩原汁原味，椰子水飲落清甜，加上茅台嘅醇香，味道濃郁，雞肉嫩滑吸引咗湯汁嘅精華，食落香濃入味🍖新加坡白胡椒排骨茶 $88📸表示個排骨茶可選飯或米粉，餓底㨂咗米粉，配上油炸鬼，醬油同椒絲蒜蓉，胡椒湯味香濃撲鼻🙋🏻‍♂️表示個白胡椒湯味道濃郁辛香，飲落暖胃，米粉吸收咗湯汁，食落非常入味，排骨食落好軟腍，加上香脆嘅油炸鬼，食落好惹味🍗特色小食拼盤 $98 (跟餐加配 $49)📸表示個小食拼盤有雞翼，泰式魚餅，脆炸鳳尾蝦春卷，豬肉串，全部炸到金黃色，睇見都流口水🙋🏻‍♂️表示個豬肉串入面加咗黑椒，食落脂香惹味，鳳尾蝦春卷用咗絲網皮包住，食落好酥脆，泰式魚餅鮮甜香脆，雞翼係全翼，食落嫩滑香口🧈

超抵食午餐！70幾蚊起😍大大碗份量又多～我叫咗個海南雞喇沙慘慘，湯底超級好飲，非常濃郁！而且係好微辣味，啱晒我唔食得辣又鍾意食喇沙嘅人！材料好足，有魚蛋、豆腐卜、通菜、魚片、芽菜⋯油面加米粉，跟餐嘅半隻海南雞！真係非常足料，肉質又爽又滑～啖啖肉！非常唔錯！點埋佢個酸辣汁食非常之開胃！跟餐加$5飲呢杯蜜糖吉仔茶！從未試過喺餐廳都飲到咁好飲嘅蜜糖！唔係淡茂茂嘅蜜糖水！加足份量，蜜糖味好重！好香甜，加埋酸酸地嘅吉仔同埋話梅～真係好好飲！而家天氣凍凍地飲完非常舒服！叫午餐仲可以半價加小食⋯忍唔住叫咗個沙嗲串燒！有牛有雞，燒到外脆內軟，加埋個沙嗲醬真係無敵！呢個唔辣㗎～小朋友都啱食！大大份午餐性價比高！會再嚟幫襯～

蘇山雞飯 • 太子呢間餐廳當晚光顧嘅時候非常多客人，不過都唔算等左好耐。入到去侍應都好好禮貌提我地QR Code落單，落單速度都好快，值得一讚。今次見天氣涼左就試一試新推出嘅火焰醬香椰子雞窩!!😋😋..✅ 火焰醬香椰子雞窩 🐔 $168椰子雞窩份量其實都適合2-3人食，份量算幾有誠意。雞肉選用髀位比較滑身，而湯底好清，基本上全以椰青水作材料，再加入醬香型茅台增加厹特香味，整體湯底非常鮮甜。另配油飯一個，油飯粒粒分明，香氣十足，同樣出色😙..✅ 怡保扎肉手撕雞湯粿條 🍜 $60粿條質感其實就類似寬身厚身嘅河粉，湯底比較清，入面配料有扎肉，雞絲，芽菜等材料，雞絲有誠意用左雞腿肉，無雞胸肉咁鞋；扎肉大大片，整體都唔錯幾好食😙..✅ 順化豬肉串 (3枝) 🐷 $38豬肉串質感似香腸，但肉質再少少軟稔。肉串好香好惹味，非常好食嘅小食推介👍🏼

早排喺太子上堂，一到lunch落樓下冇啖好食咁，點知最近先開咗間星馬餐廳，大胃喺長沙灣食過總店好正㗎太子新店比起總店裝修更是正，仲有新品𠻹除咗廣東人，星馬人食雞都有好多方法，啱啱起涼意食椰子雞鍋啱晒，首先樓面會點到煲蓋都會著火之後打開，椰香撐煲蓋，湯底全椰水，清香極致，雞肉奇嫩無比，點沙薑食或點豉油或清食一樣正，飲幾啖椰水再唧啲檸汁，更顯清新海南雞飯係台柱就梗啦，冇諗過會有星馬叉燒醬油上色入味，肉質頗滑，夠晒南洋風味海南雞一樣超級滑，滑到筷子都夾唔到，點吓三種經典醬料，一款一滋味油飯色香味俱全，有得揀多飯太幸福喇跟餐可以半價加小食，牛油咖央多士係大胃每次食星馬嘢無法抗拒嘅，呢間鮮油厚切，同時能夠同咖央醬融為一體，綿綿嘅香氣太令人陶醉雖然係夜晚，但跟餐可以半價加特飲加上厚椰乳呢個賣點太吸引，就嗌杯嚟飲，咖啡味由於係即磨炭燒，勁濃味呀

蘇山雞飯喺太子同長沙灣都有分店🐣 唔單止價錢親民⚖️而且的確係街坊人氣之選💪🏻 即使我係就嚟8點去到, 都有一段小人龍🕺 餐廳長期都係滿座嘅格局~ 餐廳主打新加坡菜🇸🇬 除咗有一半新加坡菜油嘅菜式 (例如海南雞🐤肉骨茶🍵咖哋多士🍞) 之外, 仲有最有人氣嘅椰子雞窩🥥 真係幾有特色!! 而且飲品仲有具新加坡特色嘅! 恐龍美祿🍫 斑斕奶茶等等🧋 🤍火焰醬香椰子雞窩 $168呢款上菜嘅時候已經好有氣勢🤣 用瓦煲上同有蠟燭喺下面加熱🕯上菜嘅時候, 店員會先到一杯烈酒喺瓦煲蓋面🍶 之後要焗一陣先食~ 一打開已經有超香嘅酒香同椰子雞香🥥 店員會建議先飲一啖湯🍲 完全充滿酒香!! 雞肉亦都完全吸收左酒香☺️ 真係好高質!! 而且真係保持到温度, 食咗好耐都仲係好熱🔥🤍檳城黑豉油叉燒飯配魚丸湯 $85黑豉油叉燒飯真係好入味!! 而且黑豉油帶有甜味唔會只係死鹹~ 份量超大⚖️ 女仔基本上都未必食得晒! 仲要晚餐都只係$85🥹 真係超抵食👍🏻🤍夜市沙嗲 (晚市跟餐加配) 晚餐跟餐加配嘅話都係ard $40⚖️ 總共有4串串燒🍡 本身調味都有香茅香味~ 另外再有沙嗲汁可以點🫶🏻 🤍雪糕斑蘭奶茶 斑蘭

天氣涼涼地，係時候要食吓啲滋陰食物. 最近食咗依間人氣新加坡菜餐廳，平日黃昏六點幾已經要排隊🙈，好彩啲食客好多食完就走，所以唔係等咗好耐就入得. 叫咗暖笠笠嘅火焰醬香椰子🥥雞🐔鍋套餐配油飯$168，個鍋裝咗好多雞肉，份量半隻，個湯好香椰子🥥味. 個鍋一上枱好有視覺效果，因為會在鍋蓋點火燒下個鍋，好特別，果然真係火焰🔥雞鍋👍🏻. 另外叫咗星洲叻沙海南雞摻摻$80，雞滑肉質鮮嫩，叻沙湯底唔會過重味，偏椰香唔會辣. 加配馬拉盞椰菜苗，份量兩個人剛好，菜有光澤，爽口唔會煮到過淋，熱檸檬🍋薏米水，會好似cocktail咁插舊檸檬🍋俾客人自己調味，杯底好多薏米，味道不會過甜，服務方面也不錯，卡位座位舒適，整體來講不錯.

早幾日出太子接謙謙補習時見原來呢頭都有間蘇山雞飯， 謙謙話掛住呢到個叻沙湯底就同佢來了。✡️ 海南豬扒叻沙摻摻轉老鼠粉 ～ 小朋友最喜歡炸野，呢到個豬扒炸過咬落鬆化唔會乾柴， 豆卜魚蛋已經好掛湯，用湯匙連湯連老鼠粉一同食夠美味，如叻沙湯底椰香重d 會再正d 。✡️ 鮮油咖央多士 ～ 多士焗得香脆，厚厚的鮮油伴隨咖央味道豐厚立體。☕ 熱蜂蜜桔仔水 ～ 轉天氣返杯熱蜂蜜桔仔水滋潤一下喉嚨。✡️ 火焰醬香椰子雞窩 ～ 見到呢款新菜式， 忍唔住叫返窩， 送到來後侍應當面點火， 滅火後打開好香， 先飲湯好清甜帶椰子香， 再來食雞件， 佢唔係滑雞那種，係結實那種，點沙薑辣椒豉油別有番風味。🍹 凍鮮檸檬薏米 ~ 最喜歡飲呢杯又健康又可美白。

這間人氣旺盛的馬來西亞餐廳，今日特登去試吓，今晚8:30去就有2 個位，小小窄，都可以坐，轉頭見外面已經排隊用QR code自己點菜，點雞，但係冇地方揀雞髀或者雞胸，問外地工作（會半鹹淡廣東話的侍應），溝通唔到，是但啦，因為我那個是併豬手的，冇所謂上菜好快醬油三寶飯（醬油雞＋豬手＋蛋）：有幾片雞髀，味道都OK，豬手反而覺得小小亁，油飯和雞蛋都可以輕怡排骨茶：胡椒味過重，排骨可能煮得一個小時，唔夠林順化豬肉串：冇豬肉口感，好似麵粉的感覺凍鮮檸檬薏米：冇檸檬味$134.00檳城黑豉油叉燒油飯：叉燒凍的，冇層次配魚丸湯：應該適合阿婆食，好林鮮油咖央多士：今晚最好味，但係啲飯開始食已經送到枱面，搞到要馬上食咗佢涷檸檬茶：ok $112可能有機會再食多次

📍 蘇山雞飯 Susan Chicken Rice🌍太子彌敦道759-761號藍馬之城地下2-3號舖Shop 2-3, G/F, The Lamma City, 759-761 Nathan Road, Prince Edward📝整體評分：８／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝▸ 火焰醬香椰子雞窩◂＄１８７✿ 半隻雞跟油飯✿ 澆上茅台，燃點～睇頭絕對有✿ 椰子清甜同埋茅台▸ 娘惹咖哩牛筋腩◂＄８５✿ 咖哩汁重椰漿，味道柔和，✿ 牛筋Q彈，保留骨膠感；牛腩好似燉肉咁，勁軟綿✿ 但份量唔係好多轉薄餅＋＄５▸ 順代豬肉串◂＋＄１９✿ 豬肉微辣多汁，次次黎都會點呢個~✿ 除左枝籤粗外，全部都好滿意！

【滴水不加。椰子雞煲】這家人氣新加坡餐廳的分店位於太子， 地點比長沙灣總店還要方便。建議早一點點到現場拿位，當晚吃完大約8點時還有一條長長的人龍。❈ 火焰醬香椰子雞窩 HK$168一上桌已經是十分吸睛又打卡的菜式。首先會聞到濃濃的茅台酒香、待火焰揮發了酒精後打開蓋子， 鮮甜的椰子清香會滲入嗅覺。椰子雞湯香醇濃郁有淡淡的酒香味， 口感卻很清爽。 這口味的衝突感卻很意外的融洽。走地雞肉嫩滑富肉香。再配上一個油飯、份量真的蠻多。❈ 夜市沙嗲（4枝）HK$39 （跟餐加配半價）串燒配上沙嗲醬，正宗的南洋風味，很惹味。❈ 娘惹咖哩牛筋腩飯轉烤餅 HK$90充滿濃郁的咖喱香氣，軟嫩的牛筋腩都沾滿了香辣的咖喱醬，辣度剛好、配以烤餅一起吃會很香口。不能吃辣的也可以嘗試哦。