蘇山雞飯

營業中

休息中

蘇山雞飯位於太子地鐵站附近，地點方便之餘，環境亦舒服，好適合同朋友行完街後食晚飯💕▫️豐盛海南雞飯（半隻） $138大讚雞肉超級滑！雞肉足料之餘肥瘦均勻，啖啖肉超滿足😋 配搭雞雜冬瓜湯亦十分有特色，湯料有雞心、雞腎等等好好味👍🏻▫️火焰醬香椰子雞鍋 🐓 $168寒冷嘅天氣下叫一個暖笠笠嘅椰子雞鍋，加入大量料酒調味，清甜又滋補養生☺️▫️星洲喇沙雜錦湯飯 $88平時的確比較少見喇沙配飯，但一試果然有驚喜，食落有點白咖喱的感覺，好味到食唔停口🤭▫️ 夜市沙嗲（6枝） $54串燒絕對有驚喜！居然能吃出微微炭火燒烤嘅香味💕▫️麻辣玻璃魷魚通菜 $25比較少見以麻辣味道炒菜，十分惹味！▫️鮮油咖央多士 $15極力推薦大家一試！香滑嘅牛油配搭咖央醬邪惡又好食👍🏻💬 餐廳環境舒服，食物質素亦好味又有驚喜，值得推薦！Susan Chicken Rice is located near Prince Edward MTR station, offering both convenience and a comfortable environment—perfect for a post-shopping d

呢排天氣咁凍，要試下新出嘅呢個養顏又滋補嘅火焰醬香椰子雞窩！火焰醬香椰子雞窩（$168）如果想打卡就要趁上枱之前預備定手機，砂鍋一上枱店員就會點火燒煲蓋，然後等漏斗嘅時間過去～夠鐘之後職員就會攞碗仔、油飯、醬汁過嚟，就可以開始享用！湯汁非常鮮甜，椰香特濃，怪不得幾乎每枱都點！建議可以加辣椒、青檸汁，鮮味更加提升！加配鮮油咖央多士（$15）好邪惡但勁好味，麵包香脆，牛油入口即溶！檳城黑豉油叉燒（$85）配油飯及魚丸湯，叉燒唔肥，夠入味，送油飯一流！魚丸湯亦好濃～⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8.5/10服務： 9/10環境： 8/10打卡： 8/10CP值： 9/10推介值：9/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯

喺太子有間平日收工時間都排晒隊等位嘅餐廳，立下眼好似普通茶餐廳，原來內有乾坤，係主打新加坡+馬來西亞菜嘅«蘇山雞飯»🇸🇬🇲🇾🌟新菜式〖火焰醬香椰子雞窩套餐跟油飯〗一定要試！上檯嘅時候店員會點火再倒花雕酒喺個煲蓋上面，做出火焰效果🤩 未食先打卡📸跟住我哋就望住個沙漏⏳ 計時煲多5分鐘後就可以開蓋～ 一打開已經聞到好香嘅椰子味同埋酒味，雞肉嫩滑滲滿椰子香，最正係個湯超級清甜😍 而且啲椰子肉仲好淋好好味😋 未試過食椰子雞大家係會飲晒個湯同埋食晒啲椰子🤣跟餐個油飯勁好食！🌟肉骨茶就食得多，〖新加坡白胡椒排骨茶〗係第一次食！呢度用砂煲連埋火爐上枱，一路煲住食，胡椒味好重，有少少輕微嘅藥膳味，排骨炆到好淋😋 我哋6個人食一煲唔夠喉要encore叫多一煲！🌟〖檳城黑豉油叉燒〗非常入味，半肥瘦肉質軟嫩，就算無肥膏嘅位都好淋易咬，燒得好好！略嫌切得厚咗少少🤣如果切薄返少少就直接俾💯分🤩🌟食星馬菜又點可以唔食〖鮮油咖吔多士〗呢？呢度嘅鮮油切得好厚🤩一啲都唔孤寒！加埋咖吔醬同埋烘得香脆嘅多士，勁正😋👍🏻🌟佢哋嘅主菜全部都可以跟餐加一個小食，會有半價優惠☺️ 例如咖吔多士跟餐就可以$15食倒！夜市串燒半打本身$

是晚過咗食飯時間，百無聊賴慢慢行咗去太子。醒起呢檔新加坡菜未試過，見唔駛等位於是乎就槓入去。叫咗半隻海南雞外加一份阿參醬魷魚通菜。好快就上到菜，嚟呢度當然試雞海南雞要讚嘅係（一）切功好，切得靚，雞件雖大嚿啖啖肉唔會食到骨碎，（二）雞皮都夠脆唔油膩，（三）雞肉都滑有青檸汁唧落去清爽之餘保持有肉味隻雞可以做得更好嘅地方係（一）雞件偏大，但點醬嘅碟仔就真係袖珍得滯好難沾；（二）其中有兩嚿最厚嘅雞胸實咗少少，但平情而論唔係柴口；$130（連加一$143）唔算平但都出品合理反而碗阿參魷魚通菜比想像做得好，唔會太濃味，通菜又焯得剛剛好唔老，貴少少都ok如果同朋友去開太子要純粹醫肚食嘢呢度都可以一試

一向鍾意食東南亞嘢😋，今次黎到呢間蘇山雞飯，喺遠處已經見到條隊😮，真係令人非常期待🤭等咗大概10分鐘就有位，行過見到幾乎每一枱都有嗌雞煲，原來係新推出嘅菜食，梗係要會一會🤩火焰醬香椰子雞窩套餐跟油飯 $168上枱時員工將花雕酒瀉喺煲面再點火，然後擺低個沙漏計時，大概焗5分鐘就食得，一打開個蓋已經聞到好香嘅雞酒味😍，先飲一啖湯，喺酒香之中帶有椰子嘅清甜，雞肉亦非常嫩滑，連埋椰子肉食一d都唔膩👍🏻砂煲新加坡白胡椒排骨茶 $120不得不試嘅排骨茶，最啱天氣凍時候食，胡椒味濃好暖胃，排骨入味兼離晒骨，入口即溶🫶🏻星洲叻沙摻摻 (可轉老鼠粉/米粉) $73星馬菜當然要食最愛嘅叻沙❤️，有蝦、青口、魚片等配料，非常豐富，口味亦非常正中🤩檳城黑豉油叉燒 $108極度入味😍，口感非常柔軟，選用嘅檳城黑豉油甜甜地又夠惹味，必叫之選🙌🏻其他嘢食包括:鮮油咖央多士 $30 (跟餐$15)馬拉盞椰菜苗 $58夜市沙嗲（6枝）$54恐龍美綠 $18海南清補涼 $18桔仔菠蘿梳打水 $18咁高水準嘅星馬菜，食到捧住個肚每人都係$160，唔怪得咁多人排隊來食，下次都要再嚟👍🏻

去太子食個lunch，趕住返工😅見OpenRice 呢間最多好評，又順路，試吓。。。裝修係介乎餐廳與茶餐廳之間不過啲座位都係寛闊嘅，數碼落單，一個店長一個侍應，可以處理到成個樓面👏🏻👏🏻👏🏻👏🏻午餐1️⃣🔸#叉燒香辣蝦麵 ▶️ 我揀俾老公食，其實我好想試蝦面🦐味到正宗，同星加坡食嘅一模一樣湯有好豐富嘅蝦味，豆腐卜同粗麵吸咗好多湯汁啖啖都好鮮味🔸#鮮油咖央多士 ▶️ 我喺星加坡日日都會食呢個做早餐但係我係唔食牛油🧈，要走牛油我問店長，可唔可以幫我分開上，佢話可以太好啦。。。我老公想食牛油就自己夾返上去多士香脆，咖央唔太甜，啱啱好👍🔸#熱香滑奶茶 ☕️ ▶️ 我叫咗少奶嚟到都係唔少奶，待應幫我加返啲茶佢係淡奶茶，稀身，不過都ok有茶味好抵，三樣嘢加埋對$85～午餐2️⃣🔸#香蔥海南豬扒飯 ▶️ 我女好鍾意食豬扒一嚿接一嚿，我反而鍾意去啲飯，有啲炸咗嘅蔥油在旁邊好香好好味🔸#夜市沙嗲（6枝）▶️ 呢個一定要推介唔使$10一串，牛肉串燒喎，超抵👏🏻肉有牛肉味又林，唔係一般用梳打粉醃肉嗰種味好快就已經清碟🔸#凍檸檬茶 ▶️ 檸檬茶係比較有茶味嘅比較苦d#抵食好食#我冇利益關係純粹真係覺得好食

🌟昨晚，我和朋友在太子看到了這家餐廳，外面排隊的人很多，這意味著它一定很好吃，所以我們就選了這間餐廳吃晚飯！我們點了下面的菜式：1️⃣ 火焰醬香椰子🥥雞窩套餐（半隻雞🐓）跟油飯 （我們轉了白飯，因為要減肥😅） $168這道椰子雞鍋結合了濃郁的椰子湯加杞子和半隻嫩雞，鮮甜又好味，這是必叫之選。2️⃣ 馬拉盞椰菜苗 $29菜苗很新鮮，差點吃到泥土的味道！🌱3️⃣ 蘇山雞翼 $44外面煎到恰恰好，份量又多，裏面還很Juicy，一定要點！4️⃣ 馬六甲椰子雪糕 $28上面點綴著橙色的紙傘，灑上了Milo恐龍粉，雪糕下面還有一些紅豆，好食又可以打卡🦖5️⃣ 凍檸檬茶 $12 🍋 港式凍檸檬茶少甜，一定要叫。💰 總共消費了$309，包括服務費。

今天想分享的是一家位於香港太子站附近的美食寶地。這家餐廳的名字叫做「蘇山雞飯」，喜歡吃雞的我被它的名字吸引走進餐廳，餐廳的裝修簡潔而溫馨，座位舒適。當我們進入餐廳後，得到了熱情友好的接待。服務人員笑容可掬，態度親切，讓我們感覺宾至如歸。他們耐心地解答了我們的問題，並提供了一些建議，幫助我們做出選擇。我們點了他們的招牌菜，期間限定「火焰醬香椰子雞窩」和「招牌海南雞飯」。不久後，美味的食物就上桌了。椰子雞煲的湯汁底清甜香濃，椰子的香氣和雞肉的鮮嫩完美融合在一起，簡直是絕配。先喝湯後吃雞，每一口都帶來了滿滿的滿足感。海南雞飯則是另一道令人垂涎的佳餚。雞肉肥美多汁，米飯香氣四溢，搭配上特製的醬汁，口感絕佳！這兩道菜的份量剛好適合兩個人分享，不用再另外點飲品。而且他們還有一個特別優惠，如果你點了椰子雞煲或海南雞飯，小吃還能享受半價優惠！鮮油咖央多士雖然很邪惡，但是值得一試。整體而言，我對這家餐廳的用餐體驗非常滿意。舒適的環境、親切的服務和美味的食物讓我們度過了愉快的時光。如果你對椰子雞煲和海南雞飯感興趣，我推薦你來這家餐廳一試。相信你也會愛上這兩道菜的絕妙組合！

最近考完試，終於可以同朋友食下晚飯！呢間主打親民性價比高嘅新加坡菜🇸🇬，足以滿足我嘅願望。➰火焰醬香椰子雞窩 $168呢個火焰🔥椰子雞窩勁有睇頭！店員會先在煲蓋附近上淋上茅台，然後再點火。過左一陣，香噴噴嘅酒香配上椰子味嘅雞窩就已經食得！雞湯飲落有啖啖酒香同清甜嘅椰子味，真係好滋補。👍➰ 鮮油咖吔多士 $30大大塊嘅牛油🧈配上咖吔醬，咬落去滿口牛油，真係好滿足！ 建議可以趁熱食會更好味🤤➰ 小食拼盤 （套餐加配價$49）一個小食拼盤有齊順化豬肉串、泰式魚餅、脆炸鳳尾蝦春卷同埋蘇山雞翼雞鎚🍗，同朋友分享岩岩好！➰ 雪糕薄荷朱古力咖啡 （套餐加配價$18）薄荷朱古力雪糕食落好滑，再配上咖啡，味道更佳！咖啡飲落好香濃，唔會太甜，恰到好處。

-🐣蘇山雞飯 📍太子彌敦道759-761號藍馬之城地下2-3號舖🔥火焰醬香椰子雞窩 hkd 168呢排嘅menu推介🔥🔥店員會先將酒倒落煲蓋面一圈 形成微火圈加熱之後到漏斗倒完啲沙就食得啦👏🏻店員都介紹先飲湯，後食雞肉呢個步驟～唔好以為湯底咁清 味道實好淡點知濃香味椰子味重 聞落仲好香😆雞窩都好冧身 無乜油膩 所以食落都唔會肥膩🤍仲有油飯配送 油飯整得好有口感 💛唔會太淋 同時有嚼口～🐥招牌海南雞飯 配雞雜冬瓜湯 hkd 85雞勁嫩滑！！入口即溶個隻😍有三個醬汁提供 個人最中意醬油味 令到雞肉味道更突出！而且跟餐仲送埋冬瓜湯 味道會較多味精🤨湯底亦有好多雞雜 呢個價有湯有飯有飯都算係咁🤣☕️熱即磨炭燒厚椰乳咖啡 hkd 9見佢個名幾特別就嗌左～可以另外加錢配煉奶 但我無加到就咁原汁原味配咖啡糖😌碳燒味會較重 但相對椰香又唔太飲到如果溫度熱啲會更好🔥🕰️營業時間星期一至日 11:00-22:30#太子#蘇山雞飯#砂煲肉骨茶#海南雞#醬油雞##檳城黑豉油叉雞飯#福健蝦麵#鮮油咖央多士 #班蘭咖吔椰絲軟包#馬來西亞 #馬來風味 #新加坡菜 #馬來西亞菜#香港 #香港美食 #香港茶餐廳

咁啱今日喺太子同朋友做完運動一齊食晚飯，經過門口，覺得裝修ok，同埋座位闊落，一於就入去試吓。我點咗招牌海南雞飯，加$12有杯凍奶茶，另外再以半價$15加購左份鮮油咖吔多。🌟招牌海南雞飯雞肉肉質滑嫩。搭配埋的醬料，令人覺得好開胃。不過做完運動，想健康啲，所以就由油飯改咗做白飯。另外佢碗雞湯有驚喜，平時餐廳通常淨係得啲湯水，但係呢一間佢碗湯入面有好多雞雜，好有質感同埋雞味濃厚。🌟鮮油咖吔多一大塊好厚嘅牛油配埋多士好邪惡，啱晒同朋友一齊分享。

呢一間蘇山雞飯，佢嘅套餐非常之抵食！最吸引嘅係佢全新推出嘅椰子煲雞！原汁原味嘅椰子，再加上新鮮嘅滑雞，鮮甜嘅味道令人回味無窮！佢哋嘅海南雞飯套餐入邊嘅湯加錢就可以轉為肉骨茶，或者係迷你喇沙！🥰 海南雞飯嘅肉質非常之鮮嫩同肥美，值得一讚，同埋必定要食嘅就係佢哋嘅牛車水秘製醬油雞，甘甜口味嘅醬油滲透左係雞肉入邊，非常好食！選擇食套餐嘅話呢仲可以加錢使埋佢哋嘅小食！我就揀咗佢哋嘅沙嗲串燒，咖央多士，炸饅頭，同埋参巴辣醬炒通菜！今次呢一餐飯嘅味道，等同於喺新加坡🇸🇬當地食冇分別，完全由當地嘅風味，亦都價錢相當便宜，絕對係親民價錢，品嚐新加坡風味菜！

第二次去呢間度食都覺得好幾好味！今次叫咗海南雞飯雞係雞髀，雞肉嫩滑份量都ok油飯味道都啱啱好好快食晒一碟〰️〰️〰️〰️〰️〰️〰️〰️牛油㗎央多士一大塊奶油好肥好邪惡多士烘到好脆，好好味〰️〰️〰️〰️〰️〰️另外叫咗個炸雞咖哩椰漿飯呢個就賣相好靚，但係味道一般雖然炸雞髀炸得好脆，雞肉好滑但係椰漿飯就有啲硬同埋個咖哩汁味道一般感覺好滯但係為咗海南雞飯同埋多士都值得再去食服務幾好 店員姐姐有heart

新一年開始，放工後相約了朋友見面相聚。今次我們選擇朋友推介，近近地，在她公司附近的「蘇山雞飯」品嚐一下。 餐廳食物選擇種類，包括：雞窩、飯類、湯粉、蔬菜、小食…等等。😋餐廳使用QR code點餐，是日選擇：1️⃣火焰醬香椰子雞窩🍽店員奉上雞窩後，在窩蓋上加了少少茅台，再點火，還奉上漏斗給我們計時。 時間到，店員會幫忙打開窩蓋，聞到濃郁椰子香味及陣陣茅台酒香。雞窩裡融合了椰青水、走地雞，加入茅台酒，令湯底更鮮甜，飯前喝一啖，可先暖暖胃。而且雞肉鮮嫰，配上不同的調味，更特顯雞窩的美味。 2️⃣鮮油咖央多士 🍽多士烘到剛剛好，表面香脆，內裡有甜甜的咖央醬，配上特厚、邪惡的牛油，趁熱辣辣，牛油少少融化的狀態時食，正！ 3️⃣蛋白杏仁茶🍽濃郁杏仁味，加上滑順的蛋白，令口感豐富。4️⃣超冰凍椰青🍽清甜、椰青肉嫰、又滑，食不停口。5️⃣熱蜂蜜桔仔水🍽桔仔香味及蜂蜜甜味，喝後有種舒適感。

.#foodie #hk #hkfoodie #HTB美食推介【太子椰子迷必去🥥｜冬天之選暖笠笠雞窩】🐨火焰醬香椰子雞窩 $168推薦度：⭐️⭐️⭐️⭐️⭐️一上枱已經係你面前俾你打卡，倒酒點火嗰下真係好正🩷🩷視覺率先享受～仲要未開蓋已經聞到椰子香味🥥 漏斗同店員都有教導要先飲湯後食雞，飲湯酒味淡淡地好香濃雞味，飲完即刻成身熱晒🔥好補身！而且個窩燒住可以保持溫度，本身擔心啲雞肉會好嚡，但完全無哩個問題，而且浸滿椰子清香味好入味，可以就咁食唔使刻意點醬添～仲要168已經有半隻雞咁多，絕對建議大家兩個人share食，勁抵！.🐨小食拼盤 $49推薦度：⭐️⭐️⭐️⭐️⭐️叫主食半價就已經可以追加一款小食，拼盤入邊有齊四件雞翼、兩條肉棒、兩條蝦卷同兩塊魚餅，最啱有選擇困難症嘅小編，一次過試晒咁多款😎肉棒有驚喜唔會好硬，而且調味十足👍🏻雞翼做到外脆內嫩，調味就俾肉棒輕少少，食得出廚師嘅心思～ 蝦卷外脆入面唔怕乾，入面有少少蘿蔔粒，感覺可以平衡到油膩感，加上粒粒蝦粒好彈牙！.🐨超冰涼椰青 $35推薦度：⭐️⭐️⭐️⭐️⭐摸上手唔係好冰凍，不過一飲果然有料到，凍凍地，唔會死甜，好清涼～ 同埋意外哋飲到椰子香，仲要唔算好貴，大家