蘇媽.蘇媽馬來西亞茶餐室 (已結業)

喺銅鑼灣返工，經過起到新開咗間馬來西亞餐廳就同同事入去試吓。一入到去就有肉骨茶飲(免費的，有人負責)之後嗌咗個蝦麵，三層肉，椰香咖央多士同埋魚仔醬蘿蔔糕。三層肉超淋，多士好甜好好食，唯蘿蔔糕有啲辣。同埋都幾貴吓

一試愛上，不能自拔砂窩老鼠粉（$84)非常好食呀！砂煲上熱辣辣，上到檯仲係jar jar聲，一打開煲蓋，飄黎陣陣刺激食慾嘅香味，生雞蛋撈埋肉碎魚干豬油渣嘅銀針粉，惹味無比👍👍👍而且份量唔少 ，可以二人開心share檳城白咖哩老鼠粉($55)咖哩帶辣同清香椰奶味，味道香濃而不膩👍👍👍咖央多士（$28）喺香港食過唯一好食嘅咖央多士，多士烘得香脆，配上豐厚嘅咖央醬，係每次黎蘇媽都一定要點嘅小食！配上濃郁香滑嘅美祿恐龍，簡真係一種享受！尼個配撘係無論幾想減肥都唔可以錯過嘅美食呀！🤩🥳😍😋❣️今次黎嘅係銅鑼灣嘅蘇媽蘇媽，開左無幾耐，地方比深水埗總店大，座位亦較寬敞✌🏻

Cwb分店冇免費肉骨茶，野食又麻麻，特別係招牌老鼠粉 ，真係特別唔好食....咁都做到招牌...18座好食過佢好多咖哩面、虾面果d又唔係好食過人...真係唔洗再幫親😓

等咗好耐，萬千寵愛，之前喺旺角等咗半個世紀，依家銅鑼灣開咗新分店，暫時仲係試業中，諗都唔使諗就立刻去咗食飯，掛住食都唔記得影相呀，喺馬拉食過肉骨茶，一向都好鍾意食㗎，自己都有喺屋企整過，但就係整唔到嗰陣味，一入去舖頭光猛乾淨，綠白色階磚夠晒懷舊，好多馬拉特色嘢都有，當然一定要食肉骨茶啦，掉咗佢一字排，有少少肥肉，肉牌夠淋，嗰浸肉骨茶未，喺香港真係搵唔到，你叫嗰個大機肉骨茶，佢嘅茶係可以不停添加嘅，佢哋嘅樓面都會好主動問你需唔需要添加嘅肉骨茶，味道比較濃， 同埋夠晒熱，再食過加樣多唔係話好甜我就覺得啱啱好啦，好多嘢都食得番馬來西亞嘅口味，如果你好鍾意肉骨茶嗰陣味，又鍾意箇中懷舊嘅感覺，趁佢仲未正式開張，快啲時間。完

今日經過見到佢哋試業又唔多人就入去試吓。我們共三人但因其中一位朋友要遲少少到，所以我們安座後都有幾位工作人員再確認我們的人數。但坐低不到5分鐘帶位員就追問我哋個朋友幾時到。我哋都廢事阻人，就幫我哋未到的朋友落單叫食物。但最激氣係我哋唔係白坐無叫野食，已經叫好晒食物，仲要係食緊野，只是一個人未到。前後都未夠10分鐘個帶位已經再追我哋朋友到未，態度勁差！！

次次行過旺角都好想食但永遠門口都有無限人排隊今次 終於嚟到銅鑼灣😍😍😍😍可能仲未有好多人知所以閑日夜少少嚟都唔使排隊嘅 咁當然唔可以放過試食嘅機會嗌咗普通咖咉多士 同埋有牛油嘅咖咉多士真係有牛油邪惡啲又好食啲另外帶咗咖喱撈通 非常非常非常非常好食🥰不過唔知係咪因為食咗咖喱先太濃味 之後再食砂煲老鼠粉聞落去好香但係冇咁惹味強烈建議下次將咖喱擺到最後先食千祈唔好唔記得飲美祿恐龍大推！

My Top List 入面 #黄店💛.一想食馬拉菜 就會諗起蘇媽蘇媽呢間人氣馬來西亞菜餐廳 食物質素高之餘 價錢又實惠所以長期都好多人排隊 ≪次次都會避開食飯時間≫.🌀 椰香咖央多 $26份量唔少 有成四件多士 當時控達數除唔會硬中間夾住一片切片牛油 同咖央醬重點係咖央醬多到好誇張🙈 仲要唔會好甜作為麵包控制我大愛!🙈 次次都會叫.🌀 檳城福建蝦油麵 $52對於唔太食得辣既我黎講 湯底既辣度可接受如果想再辣d 可加店員提供嘅既秘製辣椒醬湯底 一路食滲出淡淡蝦既鮮味 但略嫌相對油膩麵量唔多但配料唔少 有肉片 蝦 魚片 半隻蛋肉片夠軟淋 幾唔錯!🙋🏻‍♀️🙋🏻‍♀️🙋🏻‍♀️..

本身係馬來西亞華僑，所以一見到有關馬拉菜，東南亞或者星馬既食店都會走去試下，諗住可解鄉愁。好多時都礙於表面得個名。不過自從幾年前深水埗開左，之後帶屋企人去食，佢地都覺得味道算好正宗。而且食到津津有味舐舐脷。當然對比細個住馬拉時食唔夠辣，可能就返香港大眾口味。尼幾年開左九龍新界幾間分店後，今次開左港島區第1間。所以都要走去食，解下鄉愁! 環境方面古色古香，感覺好似返左去馬拉咁。樓面服務都好貼心，可能試業中啲伙記都比較有衝勁。

喺深水埗食過一次之後, 就成日都好想再食。奈何過海係好需要動力 LoL某日突然見到朋友話蘇媽喺銅鑼灣開, 雖然未知喺邊, 但已經好興奮。隔左幾日後由,灣仔行去銅鑼灣, 突然見到差唔多嘅裝修,但招牌貼住紅紙, 原來soft opening!!!第2日即刻叫老公陪我去, 叫返我地上次食過好食嘅野😂檳城阿參叻沙– 好重酸辣味, 蝦醬撈埋落去又另一種味道, 好食😙招牌砂煲老鼠粉 – 要盡快將所有野MIX晒佢, 算幾好食。玻璃魷魚配通菜梛香咖央多士 – 超好味。多士勁脆配梛香咖央醬超正🤤怡保白咖啡😍呢日之後經過親都見到好多人等位~ 遲D有時間我會再黎食~💛

蘇媽·蘇媽位於銅鑼灣嘅新分店開幕啦！對於港島人來講真係一個大福音😍原本喺香港都比較少見馬來西亞菜館，但強勢嘅蘇媽就越開越多分店，勢要將馬來西亞菜散播港九新界！😋甚少吃馬拉菜，估唔到菜式大部份都好適合香港人嘅口味，最為人熟悉嘅莫過於肉骨茶同埋咖央多士🤤《湯咖喱麵（米通粉）》 4 / 5好濃郁嘅咖喱湯底，微微嘅辛辣，椰香同辣度嘅比例啱啱好一半一半，馬拉嘅咖喱就好似將印尼咖喱嘅重椰奶，同印度咖喱嘅重香料混和一齊，好喜歡💕👍🏻另外亦特別鍾意佢嘅米通粉，超Q同有回彈力😍，另外通粉中間嘅洞會裝起啲咖喱湯， 啖啖惹味🤤《椰香咖央多士》 4 / 5必吃咖央多士🌟超脆嘅多士，剛上檯仲係熱烘烘🤤咖央醬嘅份量適中，太多就會甜到膩，但哩款就無，而且充滿椰香，口感順滑，正🤤見另一款鴛鴦多士都好特別，下次會想試埋！《肉骨茶 一字骨》 3.5 / 5肉骨茶系列可以配搭唔同嘅肉類，今次叫嘅一字骨啖啖肉，而且好大舊🍖第一步先要調配好醬料，鍾意甜嘅就可以點黑豉油咸嘅就老抽，就咁食肉其實會無咩味，點醬就達到提鮮嘅效果👍🏻😋食左少少店員就再往我地嘅肉骨茶加熱湯，湯嘅藥材味唔算濃，係大眾都比較容易接受到嘅程度，感覺好滋補☺️

行完Sogo thankful week, 知道蘇媽係銅鑼灣開左，於是去碰下運氣，好在唔算好多人，等左一陣就有位，大概10分鐘左右。。坐低叫左檳城亞蔘米線，好野味，酸酸辣辣，有d沙甸魚既肉碎，幾開胃，同埋有好多配菜，有洋蔥，青瓜菜絲，生菜絲，好清爽。。另外，再加點左個咖央多士，好脆。。朋友唔食得辣，叫左個怡保雞湯絲河粉，聽佢講都話唔錯，有雞的味道。。整體上上菜速度好快，服務都唔錯，應該會再encore!下次要試老鼠粉

馬拉野必先试麵，我試白咖喱laksa。 湯有椰漿糸白色不过唔香又唔spicy，大堆油麵但冇料，只有五條1吋長急凍㷛熟餵狗都唔食嘅豆角，4粒無味急凍去殼蝦，2-3粒魚旦，芽菜呢细心揾都会見到。檳城冇咁難食嘅laksa!拉茶，普通啦。 最愛馬拉野食嘅我試完laksa 都唔想再試其他。

「蘇媽」之前在深水埗食過，門口幾時都排滿人，現在疫情下在銅鑼灣試業都幾方便，裝修風格跟深水埗一樣，馬來西亞懷舊味，乾淨明亮一點完菜侍應哥哥馬上斟兩碗肉骨茶俾我哋，我仲口多問佢係咪跟深水埗店一樣可以無限添飲，佢話放心飲到你唔飲。肉骨茶藥材味依然重，而且熱辣辣好香，好適合現在秋涼飲，蒜頭味唔重但我鍾意「棒棒骨肉骨茶」骨肉好容易分離，一咬就甩，都幾嫩滑；豆卜吸盡肉骨茶，惹味「椰漿飯」老實講冇乜椰漿味，唔推介「檳城亞參叻沙米線」就咁睇以為係齋米線，其實有啲好細嘅魚蓉，好食嘅不過下次試第二樣😅，朋友話太齋佢要食肉喎「魚仔醬蘿蔔糕」魚仔醬好有咸香味，蘿蔔糕外面煎到香脆，裏面軟糯，好食😋「馬來西亞拉茶」茶味唔夠，奶太多好甜總括來講食物唔錯，價錢合理，每樣細細碟可以試多幾樣，人少都可以嚟食，下次可以試其他餸

終於試到蘇媽喇💛💛💛之前喺IG 成日都見人介紹蘇媽 呢排冇得去旅行 我又鍾意食馬來西亞菜 早兩日決定約朋友去食 因為我都幾懷念馬來西亞嘅味道唔知點解樣樣都好想食 就嗌咗好多嘢食兩個人食 😅 同朋友慢慢商討之下 決定嗌左呢五樣嘢 飽到痴咗線 行左勁耐先消化到😅😅1️⃣肉骨茶（豬腳彎） $48藥材味都重 但冇咩胡椒味 但飲落個喉嚨好舒服 而且佢係任添 但我只係飲咗一碗因為好飽@豬腳彎都夠腍 食落口會有啲爽脆2️⃣椰香珈央多士 $28多士烤得好脆 我之前食過馬來西亞有牛油好食啲 呢個冇🥺但係就會冇咁油膩 3️⃣砂煲老鼠粉 $84老鼠粉 其實就係銀針粉 因為放喺紗布上面所以好香 再配上啲乾魚仔食落幾夾 但係呢一樣野係無肉 想食肉嘅記得叫其他嘢食4️⃣玻璃魷魚配通菜 $52呢個醬汁勁辣 我唔小心撈得太多落去 辣到要狂飲水😂😂 如果大家嗌呢個 記得唔好攪拌啲醬汁唔係嘅話辣死🙈5️⃣辣死你嗎配仁噹牛肉 $58呢個反而唔係好辣 椰香飯綠色 因為用咗斑蘭同椰漿嚟煮 但我覺得冇乜嘢椰漿味 但係牛肉整得幾好食 夠腍 另外亦有乾魚仔 花生 醬汁等等 配起都幾夾🥰食物整體來講都OK嘅而且價錢都好平 食咗咁多都係$270埋單

weekends morning 11:45a.m., already queue over 40 customers outside the restaurant. 入座後見到咁多人即刻落單，費事有排等。過左十分鐘，食物送上。不過兩樣都係凍架咖哋多多士全凍，我們是第一批入座，應該係整定，唔係即叫即整，有點失望。一字骨湯底salty, free flow 肉骨茶就很真材實料，藥材味甚濃。多數人叫棒棒骨，可能平廿幾蚊又啖啖肉，我都係鐘意傳統排骨囉，肉骨茶也是凍的。到加第二次就係熱的。下次可以一點先來到，食新鮮野。