蘇媽.蘇媽馬來西亞茶餐室 (已結業)

《 初嚐馬拉野 》「蘇媽蘇媽」出名多人食，但其實我最近先第一次食。🔹 檳城亞參喇沙米線 $55米線一上枱嚇親，配菜唔手軟。喇沙湯好香，再配埋蝦醬啲鹹香味仲好食。落左蝦醬嘅喇沙湯配豆卜好夾，米線有少少偏腍，我諗如果可以轉做油麵就更好。💯🔹 馬來西亞拉茶 $19拉茶夠特別喎，奶茶香滑，茶香十足，$19 又幾抵飲 ～食完蘇媽後打開左我對馬拉野嘅好奇心，下次黎我一定會試埋肉骨茶～👍🏻👍🏻

喜歡馬來西亞食物，咁岩路過銅鑼灣分店，終於可以回味一下馬來西亞食物。睇過Menu後，Order了一個豬腳肉骨茶，海南鴛鴦燒麵包，古早豬腸粉，飲品叫了馬來西拉奶茶及怡保白咖啡。肉骨茶（豬腳灣）味香濃，配上豬腳肉非常美味！肉骨茶還可以添飲海南鴛鴦燒麵包賣相一流，包面烘得很鬆脆，可惜麵包溫度唔夠熱，有點美中不足⋯⋯古早豬腸粉肉燥加青瓜絲嘅配搭很開胃，整體配合很好！拉茶，味道偏淡，口感順滑白咖啡，偏甜的感覺，還可以吧

成日見旺角間鋪排長龍今次見到銅鑼灣分店試業中又唔使點排隊終於有機會試吓個老鼠粉—————————————————試完有啲小失望😔煲粉好淡冇乜味啲黑醬油入唔到配料啲肉碎同銀魚仔仲濃味過啲粉至於個白咖喱面湯底帶甜要撈勻啲辣醬先好食如果唔係就會變咗甜嘅車仔麵😂杯冬瓜龍眼冰好解渴 好飲都可以有下次嘅試吓肉骨茶或者叻沙—————————————————✱ 招牌砂煲老鼠粉 $84✱ 檳城白咖喱麵 $55✱ 淨通菜 $45✱ 冬瓜龍眼冰 $22

香港馬來西亞菜既餐廳唔多，每次見到都大排長龍，一於試下肉骨茶有幾款既唔同豬肉雞肉部位比你選擇，今次試左豬腳彎 肉骨茶湯會按人頭一碗碗上，湯餸再分開上，非常方便客人飲用湯係無限添飲，保留住馬拉風情 湯可以閒到一陣陣既藥材味，湯既藥材味偏重，趁熱飲味道唔錯！ 豬腳彎煮得好入味，而且豬皮部分保持到Q嫩口感絕不肥膩，豬肉好淋，可以點埋自己撈既醬汁，又有另一番風味檳城亞參叻沙米線叻沙同新加坡既完全唔同！面頭有生既紫洋蔥，青瓜絲，生菜連埋湯米線一齊食口感唔錯，都幾fresh 不過呢碗叻沙係好辣，米線吸曬湯底既味道，愈食愈辣 唔食得辣既朋友請三思 檳城福建蝦麵：餸菜豐富，每樣餸味道都正常，冇一樣係比較突出湯底比較濃味，可以飲到有蝦味道！

原來蘇媽蘇媽係銅鑼灣開咗分店，之前試過幫襯深水埗同埋荃灣既分店，一直覺得佢地既馬來菜好好食，所以今晚我地又再食啦！今次我地去到唔洗排就入得，鋪頭都幾大，而且光猛整潔。今次叫左咖喱雞撈油面，三層肉肉骨茶，咖央多士，玻璃魷魚配通菜。三層肉好入味，配埋黑豉油醬料更加好食，充滿藥材味既肉骨茶仲可以refill，好暖胃滋補，我哋都飲咗兩大碗呢！咖喱雞撈油面有少少辣，但配埋油面食落好好食！咖央多士係一定會叫，多士食落好脆口，夾埋牛油咖央醬食真係冇得頂！總括來講食物性價比都好高，店員服務態度好好，特別推介肉骨茶同咖央多士，充滿馬來西亞風味呢！

之前已經喺旺角同深水埗食過幾次，但每次都排曬長龍，懶得排隊所以都少咗幫襯😭。今次難得過海去銅鑼灣行街，見到佢開咗分店又難得唔洗排即刻去食🤤呢度啲裝飾靚過旺角好多😍，尤其係門口嘅壁畫✨坐低冇耐就已經叫嘢食😗，想講店員都好好禮貌😄。尤其係白頭髮嗰個，肉骨茶上枱嘅時候，有講到應該點食，亦都好主動添茶，呢一點好抵讚！👍🏻叫咗個豬肚肉骨茶🐖，肉質正常，藥材味幾濃，唯獨係添嘅茶唔係幾夠熱。🫖🥶椰香咖央多！🌴極力推介！入面有超多咖央醬，真係超級邪惡！😈馬來西亞奶茶☕️，其實都幾好飲嘅☺️，不過下次我會叫少甜。整體來講都唔錯😊，一定有下次！

難得過海 下午時間想搵少少野食等晚飯發現呢度都開左間蘇媽之前已經食過旺角分店見到新開又去試吓先因為得一個人所以唔要太多喇叫咗一個咖央多士同埋叫咗一份燒豬頸肉多士烘得啱啱好 好脆口入面有一片牛油同厚厚嘅咖央醬燒豬頸肉都幾好味個邊有少少脆口同港式窿邊叉燒有異曲同工之妙肉就肥瘦相間 一個人食晒都唔覺滯 又唔口渴銅鑼灣分店嘅侍應態度比旺角好勁多最起碼我唔會覺得自己係隱形人先

肉骨茶無限refill肉骨茶 - 得咖央多 - 得喇沙 - 不是食開有椰香的，微酸少辣，都ok餐廳裝潢新服務可以，落單有甩漏兩個人叫咗:一份咖央多士一份三層肉 肉骨茶一碗喇沙(油麵+米粉，要叫滲滲)一杯拉茶埋單$157，價錢合理

見佢未正式開張可能要擇日？裝修同旺角差唔多，招呼態度比Mk shop好太多，戴眼鏡個阿伯非常funny 👍大家員工態度好好！你呢條街win態度no1!因為呢條街食嘢通常都麻麻哋態度🤣如果鍾意食榴槤嘅人一定要食榴槤多士～香～開飯OK啦嗰啲椰汁味，我揀咗牛肉食覺得佢個汁都好香你鍾意食加吔多士，覺得新啡色嗰個好食過白色嗰個～因為牛油厚一點～叫咗杯嘢飲冬瓜龍眼茶可惜我應該做熱飲因為呢度啲冷氣凍到爆炸！我即刻諗起周星馳嗰套戲，有咁大冷氣開咁大冷氣，真係吹到啲嘢食都凍哂我其他朋友都話未去過咁凍嘅地方（呢條街）。希望佢睇到呢度會改善下啦⋯

蘇媽一直大受歡迎，雖然開多咗兩間分店但仍然人氣旺盛，每間分店都人龍不斷，今次終於嚟到銅鑼灣開分店，港島人士可以大飽口福啦！海南鴛鴦燒麵包 ($38)麵包烘得香脆，入口有朱古力味，但咖央搽得唔係好均勻，份量亦唔算多，但有椰香。檳城亞參叻沙(米線) ($55)米線索晒啲湯好入味，唔會好辣，入口仲有少少酸酸地，幾惹味。保怡白咖啡(凍) ($19)(只要點咗飯/麵類，飲品都享有優惠價。)每次嚟都必點！口感滑順，咖啡味道香醇濃郁，完全無苦澀味，令人回味。

可能我自己鍾意食重口味嘅嘢，所以一向好喜歡東南亞菜式。既然附近開咗間馬來西亞茶室，今日屋企冇飯開就過去試吓啦。姐姐好熱情咁響門口做招徠，餐廳未真係正式開業，連招牌上面嘅紅紙都未拆。餐廳入邊嘅裝修都好似去咗馬來西亞咁湯咖喱麵，有人叫佢做馬來西亞喇沙，但我會傾向叫番佢做湯咖喱麵，始終佢嘅味道同星加坡喇沙有好大分別。咖喱湯汁做得好香但又唔會覺得過鹹或者過辣，最特別嘅係佢嘅粉係用咪造成嘅通粉，通粉嘅通心吸晒啲咖喱汁，味道特別好。上面嘅豆粕都吸晒啲湯汁，感覺特別好食。配料唔係好多，都係唔係太有性格嘅魚腐豆卜之類嘅嘢，配料唔算非常豐富但好合適。太大杯嘅恐龍美祿，落咁多美祿粉，杯野係唔會唔好飲嘅最後我叫咗三串沙嗲，佢係俾一串豬一串牛同一串雞。再加上好大碟嘅沙嗲汁。如果一個人來食呢一碟就好啱，因為冇人分享都可以食到唔同嘅嘢。佢嘅調味好香濃，而且肉質好滑，不過都食得好飽，如果唔係我會再叫多一碟。

十月新闕，裝修新淨又干淨。和同事叫了兩煲肉骨茶，一個一字骨，一個肉排，肉夠入味，肉骨茶任飲任加。還點了碗蝦麵(轉米粉)，好夠蝦味。因為係馬拉肉骨茶，有濃濃的葯材味，喜歡與否就見人見志。咖咉超好味，中間夾有芝士，出面的麵包又脆，下次會再去食。重有記得只收現金 。

第一次幫襯，見深水埗嗰間嘅食評一致讚賞。所以一直很想是試。但奈何深水埗對我來講有啲遠，知道銅鑼灣開咗之後非常高興，就算喺金鐘返工午飯時候都搭車過來吃。食物一點都不失望，本人都很喜歡吃肉骨茶！但員工的態度真的扣了很多分，特地在分享希望他們會有所改善！點餐時只是問了個白頭員工一字骨肉骨茶的份量對一人來説是否很大，他晦氣地hea答！他說選細的豬腳灣肉骨茶，最後一啲都唔飽，極細分。其實下單後1分鐘內有跟他說過想更改，他立即話叫左就唔改得，非常強硬！唔飽之後唯有叫多個多士，點知叫極都叫唔到員工，雖然今日是午餐時分但亦不算多人不用排隊就進入。而且有個四眼肥仔員工根本見到我，但揮手拒絕過來，在扮忙，所以第一次的體驗非常差　，不會再來

平時係九龍區既蘇媽排隊排到傻, 都未有機會一試🙈難得平日經過無意中發現銅鑼灣新開左😂新店睇落都幾大間, 座位都幾多下🤨店內牆身仲充滿住啲特色既畫🥰🥪sɴᴀᴄᴋ·椰香咖央多 $28 ﹟多士烘到熱辣辣, 外層脆脆derr, 食落口感交雜…有斑蘭, 咖啡同牛油既香味, 但整體黎講都係有少少偏甜, 不過味道係幾特別🤔🤣🍴ᴍᴀɪɴ· 辣死你嗎 配咖喱雞肉 $58 ﹟中間奪目既綠色飯其實就係用椰漿加斑蘭去煮, 而飯周邊就有幾種配料, 分別有蝦片, 青瓜, 花生, 乾魚仔, 都幾豐富😍而個咖喱雞都發揮不錯, 夠入味, 雞肉難免有少少鞋, 但就勝在整得夠腍身, 成舊都係肉, 唔洗lur骨👍🍴ᴍᴀɪɴ· 招牌砂煲老鼠粉 $84﹟食落比較普通, 無預期咁惹味😂就係雜綿銀針粉煲, 主要個調味都係醬油, 有少少比較偏甜既豉油🙂🥤ᴅʀɪɴᴋ· 椰汁斑蘭冰 $33﹟飲落有淡淡既斑蘭味, 但椰汁味相對地係比較出, 杯野有小小驚喜係佢底部有d綠色斑蘭味既西米露😙🙌

怡保雞絲湯河 ＄55， 雞湯清甜，魚片非常有魚味，其他正常只要叫左肉骨茶，同坐可以任飲，但藥材味太勁，飲到一碗咋肉骨茶豬肚 ＄45炆到入晒味又夠淋，令我諗起中式酒樓既鳳爪，好味抵食海南斑斕鴛鴦燒麵包 ＄38，厚切牛油配斑斕醬，正呀，好有兒時食椰絲餅既香甜味怡保白咖啡，跟主食加 ＄19， 充滿碳燒白香，夠凍又夠甜，正呀地點就腳，好多野食選擇，有主食，有小食同甜品，冷氣又夠，約 friend 黎吹水岩晒以銅鑼灣地舖收呢個價錢有呢個水算就係好感動蘇媽試業中，之前食過旺角店，依家終於開到黎港島實在太好喇