蘇媽.蘇媽馬來西亞茶餐室 (已結業)

香港美食天堂是世界之譽，雲集全球多國菜，但還未覓到一間平民價而又有水準的馬來西亞地道菜。今日在荃灣尋找午餐落腳地時路過正在試業中的馬來西亞菜餐廳，決定先睹為快試一試，嚐後發覺，這正是我要尋找的高性價比馬來西亞菜！試業中的蘇媽蘇媽牌匾還未完全露面已經多人在門外等待座位，古舊的門面感覺老字號，試業中仍人山人海相信有水準，便吸引我取個號碼牌等候了等候大約5分鐘便可內進，內在裝潢走懷舊路線，而綠色、深木色及白色為主，鋪頭左個牆身掛滿菜式名字，右面掛著菜式圖片，整個裝潢令我回想起在馬來西亞旅遊嚐肉骨茶的老鋪模樣。我們安排至四人圓枱與兩位食客共坐，由於人流較多當然坐位相對較擠迫，而且夏天光顧也相對較熱餐廳售賣之食物主要分為肉骨茶、乾濕麵、飯及小吃，看到周遭食客各自點了不同款式的食物，全部賣相都相當吸引，寵我的男友提議每款點一品嚐等待食物之時看到牆上貼著肉骨茶4步曲，我們馬上照著辦！首先放上蒜蓉和辣椒，其後加較多的黑豉油和頭抽攪拌，醬汁的味道屬甜帶老抽澀，蒜蓉與辣椒顯得更惹味第二步嚐熱湯，黑漆漆的熱湯早在就坐後已經呈上，原來熱湯為肉骨茶，有香濃中藥當歸味帶甜，其後嚐到豬肉鮮，茶並非單一味，而是百味交

😋 荃灣最新排隊店，位於荃灣廣場側的蘇媽蘇媽還未正式營業已經吸引到一大班粉絲日日夜夜排隊。今日下雨天算少人，我哋即試。推介這個肉骨茶，喜愛濃郁藥材味的你一定要試。最特別最吸引是任飲，冇錯，是任飲，待應會應你要求不停refill.

魚子醬+魚旦， 正。鮮魷通菜， 好似 辣 了一點。拉茶都要飲， 凍拉茶也是不錯的選擇。食物熱度夠， 老鼠粉，豬腸粉十分正。但環境。。。十分熱， 好像置身於馬拉一樣，可能 有助 提升食物的味道。

荃灣向來冇乜馬來西亞菜嘅選擇，難得蘇馬開到嚟，一定要去試下啦。開喺荃灣廣場對面，地點幾方便，七點幾左右去到等二十分鐘左右就入得，環境幾新淨，但坐位就比較迫，同隔離痴埋一齊坐。叫左幾樣野食：咖央多士全部野之中最好味，唔會太過甜，又香又脆。沙嗲有少少乾，味道冇乜特別，唔太推薦。蝦麵湯底夠濃，又好足料，好味。蘿白膏有少少淡，煎得唔夠香，冇預期中咁正。整體都算唔錯，每人唔使一百蚊，下次會再去試下其他野食。

蘇媽蘇媽的肉骨茶是我吃過最好吃的，就連星加波的出名小店也被比下去。肉骨茶的靈魂在於湯底和肉質，蘇媽蘇媽的湯底很濃郁夠味，無限添加，美味到喝上3、4 碗也不夠！我每次來都是吃皇帝骨，貪其軟林有肉味又不痴牙。一碗有4、5件左右，二人分享剛剛好，加上一碗大蝦喇沙湯麵和咖央多士，已經非常飽。喇沙湯麵不過不失，咖央多士就不是太夠脆。看到鄰桌點了肉骨茶加一碟白飯，也是不錯的配搭。長期有人龍在門外，要搭枱，較迫和嘈雜，尤其是星期六日，建議不要正午時間去等～～

見人頭湧湧本著一試，點了辣砂面湯底入口油膩無咖哩香味，沙煲老鼠粉，大雜錦燙底太鹹豬肉偏鞋，大腸好吃。整體一般與馬拉西亞當地的啦砂和肉骨茶有頗大差異。環境不錯。桌面的辣椒絲和蒜蓉顆粒撈醬油非常好吃，一讚也。

去完一田掃貨，經過見到諗住醫下個肚連紅色招紙都味拆，但又有好多人排隊，一於拎張飛試下一路等，一路唔好浪費時間，當然同屋企人睇下有咩食啦睇睇下，成間舖跳掣，黑哂，唔少人都嚇到，當然包括我不過，我地都係好想試，唯有繼續等，等左一段時間⋯⋯終於入得，個人認為派飛程度混亂⋯⋯內在環境都幾有特色，但奈何有機會因跳掣關係，佢唔夠膽開咁多燈，搞到有點暗⋯⋯

食過深水埗個間 今次食荃灣食間既時候 佢地仲係試業中 但其實晚飯時間 門口已經排左好長龍我地試左肉骨茶既三層肉款式 福建蝦面（滲滲）、咖央多士同咖哩薄餅我最鍾意係咖央多士 個多士烘得好脆 個咖央醬好香椰香味又好中足料 每一啖多士都食到有醬既味好滿足肉骨茶就唔駛講 一貫高水準 三層肉加埋黑鼓油同頭抽食真係一流可惜係個蝦面唔太impressive 佢有少少辣味 但佢都好多餸係碗麵度 正十快有咁大碗算好好 但味道係冇乜特別而已 整體好ok

亞娘問我食咩好,諗起li間(之前見到圍板裝修) 諗住佢開就去試,地點就腳過深水埗我怕人多，專登收早少少過去,未夠6:00無咩人，不過咩骨都無，佢推介一個菜單上無既（$68係豬仔脾，正確叫咩名唔就得）落完單就一人一碗肉骨茶，仲可限添飲，藥材味都濃。姐姐服務都好好，好詳細解釋再叫個辣死亞嗎牛肉飯，真係辣但仲ok食到.飯有陣淡淡香味，牛肉好淋，汁夠野味，無咁辛辣就好了。肉骨茶，比起一黎就有個碗多左陣肉味，肉就一般了，鞋同乾，68蚊有三飯脾，如果有白飯/油炸鬼送就更合理仲有見網上有人讚杯拉茶，叫左杯凍既 好失望，珍珠奶茶走珍珠既野黎，無馬拉一半既水準

星期一至五開三点星期六、日開十二点今次星期日12：04pm到，已經一大堆人在門外．天氣太熱，不等，所以改外賣．外賣比錢後都等左5個字才有.....耐！！！吾知係咪試業中関係，外賣冇收外賣盒$．沙嗲牛串燒:沙嗲汁有D碎花生，本人不太喜歡，沙嗲汁ok,不算太yummy到可以撈飯食．牛肉夠林．左：牛肉椰香飯綠色飯好特別，幾靚，但完全冇味的．同普通白飯冇分別．牛肉只係牛腩粒甘．夠林．有D炸魚仔，蝦片和青瓜各2片，有花生粒．有一匙辣source.**建議外賣請給客人另裝起辣source.因為拎到回家全部source又撈埋晒．（炸鹵肉卷也是同一問題）**中：炸鹵肉卷可能外賣関係，到家皮已經林，不是炸的香脆．內似係肉加（胡）頭蓉．右上:腸粉上面係青瓜絲．腸粉偏淡．有D豬肉碎粒．右下：招牌沙煲老鼠粉其實只係炒銀針粉．一樣偏淡冇味．唯一讚係拉茶．吾太甜，好味結論：多人，只因人喜歡新野．其實...冇野好味全部合共$262

環境: 呢間新開既馬來西亞茶餐廳, 蘇媽蘇媽, 位於荃灣大壩街, 亦即係荃灣廣場對面, 係繼深水埗後香港第二間分店. 由於算係新開, 假期基本上好多時間都要等位. 除左因爲香港少類似既茶餐廳, 亦都係因為餐廳唔算大. 不過整體設計感觀都好好, 除左有傳統道地馬拉風格, 餐廳抬凳亦都有時尚味道, 係幾精緻既馬來西亞茶餐廳.食物: 今次試左好幾個餐廳招牌菜, 辣死你媽配仁噹牛肉飯, 雞肉沙嗲串燒, 五花腩肉骨茶, 咖央多士等等.首先, 作為招牌菜, 辣死你媽當然要試試. 佢可以選擇配牛肉, 雞肉或參巴魷魚, 今次試左仁噹牛肉. 牛肉香濃入味, 再配埋辣死你媽, 充滿東南亞香料風味. 不過除左肉, 個飯都值得推介, 佢係用椰漿煮, 所以食起黎都好香. 而且配料都好豐富, 佢有d 似印尼傳統菜, 飯會配上蝦片, 炸花生同炸魚仔.另外試左其他小食, 沙嗲雞肉串燒, 五花腩肉骨茶, 咖央多士. 要推介佢個五花腩, 雖然煮法簡單, 但好好食, 清清地但食得出肉既鮮甜味.其實佢仲有好多小食同肉骨茶菜式今次未試到, 要等下次再試多d. 另外, 佢飲品都唔錯, 有馬拉名物白咖啡同班蘭椰汁特飲.價錢:辣死阿

老婆大人話荃灣廣場近來開咗間馬來西亞菜想去一試，趁着假期得閒就去試一試龍與鳳啦！食完啦！成間野整體上都係不過不失，因為肉骨茶佢太濃唔似響馬拉飲嘢肉骨茶，馬拉既比較清藥材味不會太重呢！(肉骨茶可以無限添飲㗎）

啱啱去到荃灣，見到呢間新開張嘅馬來西亞店，以為有啲咩好嘢諗住去試吓，結果失望而回。兩個人點了肉骨茶小骨，雞腳，豬肚，白飯，狗仔粉各一份。一開頭俾咗兩碗肉骨茶湯俾我哋飲，之後就上白飯一碗，上左成5分鐘之後先至想啲餸，結果啲餸嚟到嘅時候白飯已經凍哂。小骨的肉好”鞋“, 難食過平時煲湯的湯渣。雞腳一d 都唔淋身，有d 難咬，唔入味，有d 失望。豬肚正常，無咩特別。狗仔粉好似豉油王銀針炒，味道還好，不過食完成餐口好乾。店內的姐姐服務都唔錯，但經理的態度和服務有待改善。

荃灣大壩街一街都係食，但人流其實唔多，一般都係假日先爆吓場，而依間仍在試業，試到招牌紅紙爛咗再沾過，晚市都照爆哂場。為咗唔排隊，六點鐘就到，都淨返得幾個位，好在人少，餐牌同點餐紙，落單直接用提供嘅紅筆畫係過膠點餐紙上，落完一抹再用幾環保。落好單即上一人一碗肉骨茶，以茶代水，頭一啖好重當歸味，之後開始飲到肉味，味偏苦我還可接受，可無限添加，受到可飲多碗，但始終有藥材，飲完會開始發熱，好似飲酒梗，量力而為。皇帝骨百吉爹肉骨茶，明明有送肉骨茶，但總會俾錢食湯料，煲仔細細收我五十幾，仲係限量！依舊皇帝骨唔似骨，似清湯腩，雖然係豬肉，肉質軟滑，完全唔肥，一D都唔似湯渣，係好食。沙煲老鼠粉，煲幾大，一般夠兩個人食，好似食煲仔飯，熱到有聲嘅煲竟然俾隻大膠匙我撈撈撈，即做都有小小燶，粉早已炒得深啡，主要係將上面D料撈勻，料有咬口，結構出色，好在食唔到燶味，香氣十足！檳城香炸滷肉卷，熟識嘅味道，似粉果？炸得熱辣辣腐皮夠脆，但存在感過重，煎可能更好，肉碎間沙葛帶來清爽口感，淡淡調味，點醬反而味道過重。傳統感覺嘅門口、用具，同裝修，伙記在密麻麻座位間穿梭，側身而行，縮緊雙肩，感覺身型壯碩那位幾月後都要適應變

今日山長水遠有野做入荃灣,當然唔可以放過搵好野食機會,之前巳經好想食蘇媽,依加荃灣開左分店試業中,即刻帶埋朋友仔去食,下午一點半排大半個鐘齊人先入得,好彩4個人可以試多d野食,必試斑蘭多士同肉骨茶果然無失望, 肉骨茶無限飲仲飲左兩碗,同埋依加先知油炸鬼係浸肉骨茶食嫁，可惜當日叫左太多未有機會試，老鼠粉(唔知其實係咪即係銀針粉)都幾香口,但係個棋檳城叻沙好一般,完成唔係叻沙味,得個辣字,但總體都唔錯,朋友都喜歡會再食,下次想試多D小食多過D麵