蘇媽.蘇媽馬來西亞茶餐室 (已結業)

我係一位大肚媽媽，本身無乜胃口諗𠣕去飲個肉骨茶，當我一入到店個老闆就貼心提我唔好叫肉骨茶話大肚不宜飲用，如此貼心，雖然無得食，但感覺好温暖，好貼心的服務，不會為了做生意而乜都唔理，讚👍

一家人食飯，家姐推薦食蘇媽，夜晚黎到要等位，等左大概半個鐘到就有得入。坐低落左單之後，因為點左豬手仔肉骨茶，所以佢會先上左個肉骨茶比你，肉骨茶係可以無限添飲既，飲得出好濃烈既藥材味，感覺好補身。喇沙湯米線湯底好香，但係配料唔多，而且對於一個食開10小辣既人黎講，真係辣到食唔到，所以想點既人要根據自己食辣既程度決定點唔點里個。里個係辣死你媽系列既咖哩雞肉飯，雖然里個改得甘得意，但相比之下，其實佢一啲都唔辣，啲飯雖然係綠色，不過食唔出咩特別既味，而啲雞就好鞋...招牌老鼠粉好大兜，要先撈左先，食落好香。

午餐叫左個檳城亞參叻沙米線（餐牌201）同埋馬來西亞拉茶，叻沙米線唔似平時食個隻咁椰奶味重，而係有檸檬酸味，配上新鮮既蔬菜配料，幾refreshing，但食落都幾辣🥵唔好睇佢好少咁，女仔食完都好飽🤭有時叻沙麵或辣麵食完好口渴，味精重，但今次食完冇呢個感覺！拉茶唔太甜，奶味重，亦都唔錯。肉骨茶可以refill，唔油膩，藥材味夠，感覺好健康🥰呢間餐廳可以再試試🤗見間黎台叫既串燒同多士等小食貌似不錯！午餐既話，約1245前去，就唔洗排咁耐隊～

香港地可以食肉骨茶既地方真係唔多，仲要好食既就更加難搵.. 呢間咁出名又多人排心諗應該都唔錯既，成日都想試，但次次去親呢間都成堆人排係門口，閒閒地等十幾枱，有時3、40張都有...難得今次落雨又遲左，兩點半左右去到得少少人排隊，拿拿臨拎飛，唔洗10分鐘就入得黎得梗係要食佢最出名既肉骨茶啦～皇帝骨、大骨、小骨都無哂喇... 叫左個捧捧骨肉骨茶！首先一人一碗湯先，係肉骨茶既湯底呀！只要你叫肉骨茶就有，免費而且有得無限添加湯熱騰騰的，落雨天飲真係特別暖笠笠，未飲已經聞到好濃既藥材味，飲落更加係好足料，真係好想一添再添！棒棒骨（$76）裡面有3條棒棒骨，豆卜，同埋少少金菇，睇唔到有咩藥材，但感覺湯底比起小碗更濃，叫左碗白飯黎送湯捧捧骨都算滑，肉質嫩好味辣死你嗎椰漿飯配咖喱雞肉（$55）呢個飯賣相唔錯，不過食落飯既椰漿味太少，蝦片脆不過唔鬆，雞蛋都係淡，而且雞份量都唔多仲有點鞋口，對這個飯有點失望 反而花生同埋魚仔就好好味！下次黎再試其他野！性價比都算高，百幾蚊食到飽哂

今次一行6人去食，可多嘗幾款美食。真正係肉骨茶真的可以添飲，每人飲兩碗。欣賞<話知你啦薄餅配咖哩>，咖哩有薯蓉，唔太辣，好味。至於檳城亞參叻沙米線，夠重口味，只是超級辣呀！仁噹牛肉撈油麵就幾好，有筋有腩，夠腍。不過肉骨茶雞腳嘅雞腳唔夠腍。最想食一字骨，希望下次食到。

想喝碗香濃的肉骨茶，便來到蘇媽蘇媽。這次仍然還是沒有皇帝骨和一字骨供應，於是點了棒棒骨（$76），棒棒骨其實是 baby pork leg的部位，不重脂肪，比較像瘦肉，所以沒有皇帝骨那麼軟腍，我還是喜歡皇帝骨多點。另外還點了魚仔醬蘿蔔糕（ $42），魚仔醬是有點辣的，加上魚香，挺惹味的。蘿蔔糕口感挺結實，不會鬆散，不錯。加了碟椰香咖央多（$26），咖央醬入口香甜，多士也夠脆，有2 大片之多，很飽呢！飲品方面，點了的檸檬薏米水 （$29）是比較像美式lemonade, 偏酸的。而馬來西亞拉茶（$25），有著馬拉的香草味，不過味道被溶了的冰沖淡了。

今日放工就好餓了，想搵d野食，但又唔知食咩好wo,行行下經過一間好像不錯的餐飲～就打算試下了入到去裝修也不錯～幾有中式、馬來西亞式的感覺～而且店員都很友善很主動～咁我一直以來都好鐘意食叻沙麵～呢到就有個檳城亞參叻沙麵，見好似幾有趣，就叫個來試試！登登！來了來了，佢聞落就好似唔太好味🤣但係食落ok wo佢係由魚容、蝦醬做到個口味出來～加上好多配菜的味道同埋口感，例如：青瓜、生菜、波蘿、紅洋蔥、等等～wow 多重口感我幾喜歡～成個湯底係酸酸辣辣的（不過最後食到超級辣⋯⋯有少少頂唔順🤣）不過味道係特別的！幾喜歡！但唯一有少少失望係份量⋯因都$52蚊都感覺上是希望夠飽的，size就好似一般雲吞麵店的咁少⋯有點不夠呢～～～

馬來風味的老鼠粉，到蘇媽 一定要吃他們的招牌砂煲老鼠粉，老鼠粉亦即我們的銀針粉，用料非常多好香口。砂煲端上桌時香味十足，因為老鼠粉已用黑醬油炒得香噴噴，上面的食材相當豐富 有肉碎、蝦米、炸蒜、蔥、小魚乾等，還有一隻生雞蛋，趁熱將它拌均勻，香味四溢，口感豐富，老鼠粉是QQ的，大人小朋友也喜愛。

蘇媽·蘇媽 是自助下單的，可以想清楚你想吃什麼東西才下單。叫了一客百吉爹肉骨茶配棒棒骨，配外加了一個油炸鬼、椰漿飯(浄飯) 。下單後服務員先給我們兩個碗子，之後替我們倒入肉骨茶，陣陣的藥材味如當歸、玉竹、蒜頭、香菇及香料等湧出，我好懷念在馬來西亞飲的肉骨茶，既好味 又可健身。一口喝了兩大啖，好滋味，飲完還可再添湯水，棒棒骨也很入味，好吃，還有豆腐卜吸收了湯的味道，好吃，飲肉骨茶怎可以少了油條，小小的一段一段放於湯中，吸收湯的精華，脆脆的。椰漿飯是綠色的反而我不太喜愛，我喜歡白色的。

難得有一日可以早放工見唔多人排隊，終於可以試一試！ 之前第一次見到已經被門口嘅裝修風格吸引住， 後來先知係食馬拉菜。鋪嘅面積吾算大，但裝修風格卻真係好有馬拉feel~我哋兩個人先叫咗「招牌砂鍋老鼠粉」($78)， 都幾大煲，兩個人太多了，多一兩個人一齊食會比較好。 材料方面好足料， 蝦乾、肉碎、銀魚仔鋪滿成個砂煲。 上菜時會有隻生雞蛋喺上面，要親熱拌勻。 味道方面我就覺得有少少偏鹹。另外又叫咗「三層肉肉骨茶」（$45）。 肉嘅份量都幾多，肥瘦分明，不過就唔係太大碗。但係鍾意飲肉骨茶特別係藥材味重嘅朋友，呢間餐廳絕對係有驚喜！因為一落完單，就會有免費 一人一碗肉骨茶送上，仲係免費添飲！

為咗個咖央多十士而黎，之前喺深水埗豬潤麵食過唔得，今次無失望，熱辣辣脆卜卜咖央香甜，真係大力推介，同窗唔少得嘅梗係肉骨茶啦，藥味濃，仲可以添飲，肉骨就一般般，全靠自溝醬料帶出味道，另外個魷魚通菜都好辣味濃，個喇沙就偏酸，比較地道味🤣

由佢試業果陣就好想試，終於有時間下午過去試一試。入到去都已經坐滿人！座位較逼，餐牌都有好多選擇。環境好有馬來西亞既感覺！我就點左檳城白咖哩麵$48，我覺得一般朋友點左檳城褔建蝦麵$50，都係一般最後點了椰香咖央多士，包皮烤得好脆，咖央味好濃！唯一覺得係比較出色的！我認為價格相對較貴，有啲物不所值

之前係少爺18食過一次肉骨茶雖然唔夠熱, 但覺得個湯陣陣藥材味加上甜既醬油, 真係一個特別既體會所以當呢間蘇媽係我果區開左之後, 好期待想試下正宗係點!一等等左幾個月, 終於比我等到人潮冇咁多既一日, ha!岩岩點完野, 佢就先比左碗湯我地 (肉骨茶應該)跟住叫我地自己混醬,  第一次混, 都係跟自己口味加d蒜, 落多d甜醬油! 然後就先飲下碗野哇...超勁藥材味..我個頭即刻赤赤痛, 可能我一時受唔住我地叫左三層肉都幾彈牙的, 不過我覺得d肉本身係淡淡地味係靠d醬汁同碗茶, 3樣加埋先好味另外叫左個馬來西亞拉茶...咪即係奶茶囉.我地仲叫左豬腳彎, 肉質都幾軟滑沙嗲串燒雞好食呀, 有dd炭火味沙嗲醬又多, 又好味呢下次會食下架央多士同其他小食肉骨茶就不了, 我頂唔順太濃既藥味~

一個人大熱天時都唔知食咩好，醒起呢間野新開張不妨走去試一試咁啱一個人喺人群中可以特圍而出，天助我也即刻入去試一試，裝修環境都幾好，牆上掛有很多裝飾字句，但座位不算太闊落，不過收費沒有+1都OK的⋯⋯叫了一個拉奶茶丶肥肉丶白飯等⋯份量都算多，不過肥肉不夠淋也不多入味！反而杯拉奶茶就非常出色！一下單即送上熱肉骨茶！喜歡藥材的相信會喜歡飲！

黎呢度食野，第一時間想到肉骨茶，可惜今晚冇一字骨，只得棒棒骨(冇乜興趣)，唯有叫豬腳彎。點完菜後，侍應奉上3個碗，3個小碟，跟住一個大水煲斟肉骨茶湯俾我哋。等到湯涼了，豬腳彎才上檯，老實講，完全失去了肉骨茶有湯有骨熱辣辣的風味。