蘇媽.蘇媽馬來西亞茶餐室 (已結業)

今次就同朋友嚟咗深水埗嘅馬來西亞餐廳蘇媽蘇媽，一入到去感覺同附近嗰間好相似，都係好正宗嘅馬來西亞餐廳感覺。黎得就梗係唔少得叫番個招牌喇沙，一個玻璃魷魚通菜，一個咖央多士，朋友就鍾意食蜆叫多咗個蜆。個喇沙湯感覺好正宗，但係有啲重口味，我自己就普普通通啦。個玻璃魷魚通菜就整得好好，啲魷魚燒得好靚，通菜都好新鮮。😋😋😋咖央多就係重點，好可惜冇叫到有椰汁嘅應該都係好好食。個蜆就過得去啦，始終都唔係主打海鮮。總括嚟講呢間野都幾值得推介，大家可以去一試。👍🏻👍🏻

睇完OpenRice comment, 見到好多good feedback 所以一去試吓。剛去到，店舖裝修好似馬來西亞本地餐廳，心中以為今次食到好嘢，誰不知又係一問掛羊頭賣狗肉的店。完全中伏。本人係華僑，亦去過多次馬來西亞和星加坡，對東南亞食物頗了解。當日叫了椰漿飯和串燒豬肉。以下係本人的真實評語以作參考。1）椰漿飯：飯味道冇椰漿味，參巴辣椒醬完全太甜，一啲都唔似椰槳飯，只可以話染咗色的白飯。2）串燒：太難食，豬肉肉質差和好似變壞。我向服務員反映，佢試都唔試，就話係香料嘅味道。我叫佢試但拒絕。我只咬一口，便放棄。

一直都聽人講蘇媽蘇媽係出色嘅馬來西亞餐廳，正宗之餘價錢都好平民化。今晚同男朋友一齊去食，排左大概30分鐘。蘇媽蘇媽餐牌花多眼亂，超多選擇，乜都想食真係好難揀！😸不過肉骨茶就已經好多肉款都賣晒，無晒皇帝骨、一字骨，得返三層肉。最後叫左：🔸肉骨茶（三層肉）🔸椰漿飯🔸一隻溫泉蛋🔸檳城福建蝦麵🔸凍白咖啡🔸凍拉茶🐷肉骨茶🔹好濃味，感覺真材實料，藥材味十足！🔹三層肉其實係腩仔，上面有層肥膏，最好係無骨！👍👍🔹可以任添湯！食完都仲可以再飲碗熱辣辣嘅湯，正！🔹醬料方面餐廳都有教學：少量頭抽，多啲黑豉油（偏甜），再跟隨自己喜好加入蒜蓉及辣椒🌶️🦐檳城福建蝦麵🔹蝦湯濃郁！！配上油麵啲湯掛晒喺上面！🔹配菜有：一隻蝦、通菜、芽菜、魚片、半隻蛋、肥豬肉，全部都好夾，出色！😻我同男朋友都覺得拉茶好飲過白咖啡，唔同港式奶茶，佢係比較多奶，不過偏甜，怕肥嘅記住少甜啊！蘇媽蘇媽，我一定會再黎！！下次想食咖央多士！🔥🔥

聽過好多朋友介紹過呢間馬來西亞菜，但今日竟然唔洗排隊，即刻衝入去坐底🤣入面位唔多，僅僅夠十幾人不過呢度有個噱頭就係仼飲肉骨茶🤣一d都唔馬虎，藥材味好濃好足料，我都飲左3碗🥰之後就緊係叫翻d地道馬來西亞菜式例如辣死你呀媽班蘭味既飯底加埋咖哩雞味道好夾😌正仲有呢個玻璃魷魚炒通菜都好惹味👍🏻💕福建蝦麵，有d似喇沙都ok🤣點少得介央🤣不過就唔係元祖既豉油加蛋汁，入面係椰子餡主角最後先上菜，就係肉骨茶雜燴，有豬肚，腩肉，金菇，豆卜，棒棒骨。。加埋落碗肉骨茶湯底食好好味🙈味道真係好正宗👍🏻👍🏻飲品方面叫左拉茶，味道有d似台式奶茶味🤣而呢杯就係咸柑桔，都幾fresh🤣如果經開深水埗又想馬來西亞菜就要試下啦😌

馬來亞春色綠野景緻耀眼，由大丁和艾力引路下，勢估唔到响深水埗試到「白淨馬拉」的風情。我地三個胃食跑兵團乘著九巴33A穿過大街小巷，很快就深入北河街，趕緊按下紅色鐘仔。落車步行數十步轉入基隆街，很快就看到蘇媽的金漆招牌，心情不禁興奮起來！由於裡面已經爆滿，賓客塞滿了門口，我們不斷對著餐牌評頭品足，尋找心怡的號碼，一入坐就能瘋狂點菜。我地一人叫了一碗麵再試不同小食。豬轉彎（$48）呢度嘅老闆娘十分慷慨，每枱只要叫一份肉骨茶，就人人有得免費任飲。我地叫左份豬轉彎，其實即係元蹄，好味到真係食完曉轉彎！肉骨茶正宗重藥材味，艾力話加入生蒜、黑豉油、幾滴頭抽，味道立即提升至另一高度，飲完之後渾身是勁！檳城福建蝦麵（$55）湯底真係好正，有蝦膏的鮮甜，唔咪福建幫都要試試。可惜油麵口感太淋，但$55蚊真係冇得輸。玻璃魷魚配通菜（$48）呢味魷魚非常爽口，辣味相當刺激，辣到頭皮發麻，真係想叫全碟淨魷魚就正囉！桔仔話梅水（$12）食咁多辣野，緊係要飲返冰凍桔仔話梅水救救火！味道酸酸甜甜生津止渴，爽呀！椰香咖央多士（$26）正宗特式馬來風味咖央多，出面唔咪咁易食到，緊係要試試！沙爹牛肉串燒（$45）賣相麻麻地

Kaya Toast // HKD$26Bak Kut Teh (Herbal Pork Rib Soup) // HKD$45隔離間蕃茄師兄大排長龍轉戰蘇媽蘇媽食個tea先老老實實 個咖央多就普普通通咖央醬好濃 不過多士就乾啲硬啲但我平時唔飲中草藥都覺得佢個肉骨茶幾正最正係個”豬腳彎” 藥材味唔會太重 煮得又腍又惹味

今日難得約左一位舊同事聚聚，我地兩個都係請左半日假出黎，所以時間好充裕。深水埗呢頭都幾多唔同野食揀，本身都無乜idea要食乜，但醒起之前經過蘇媽蘇媽呢間馬來西亞野都好多人排隊，試唔到，難得唔係假日過到黎呢邊，就去左試。個門面都好舊式，好有親切感。因為我地去到個陣都差唔多2點，所以都唔多人，唔需要等位。坐低都商量左一陣食咩好，因為我地兩個都係乜都食既人，拍埋一齊就變左大家都唔知食乜好最後見格離枱既砂煲老鼠粉幾吸引咁，所以叫左一個，再加豬肚肉骨茶同咖央多。野食到左之後就有啲後悔啦，因為老鼠粉好大份呀。。。老鼠粉其實姐係銀針粉，配料唔算多，但佢整得夠香，而且熱辣辣，所以都唔錯。肉骨茶我覺得好香，有藥材味，又唔會好咸，都飲左幾碗。而且豬肚好好食，平時我好怕食豬內臟，因為好大陣味。。。但呢個煮到好入味，完全唔會有我討厭個陣味，而且唔會煮到好硬，有咬口，如果下次再泥既話一定會再叫！但係奶茶呢，就無特別啦，同港式凍奶茶無分別。咖央多有烘底，而且佢既醬都好食。

好友約了我去深水埗，只為了要食呢間佢大推的餐廳，去到在小販林立的舊街，門面有特色，有舊木門玻璃門，入內舊式木桌椅，非常光猛，牆上掛滿了毛筆字食品名稱，幾有特式，而我們要在門外等5分鐘才有位，要在大枱搭枱食，座位略迫，食物選擇好多，我倆各自揀了自己喜歡的菜色！百吉爹棒棒骨肉骨茶（$76）店員在我們未落單已斟好肉骨茶（應該每位都包一碗無材料的肉骨茶）喜歡舊式茶碗，再叫一煲肉骨茶，有一兩款已售馨，選了呢款，棒棒骨肉質已炆淋，好入味，骨肉分離，金菇索晒肉骨茶，豆卜也索湯，茶底濃又不會有藥材的苦澀味，好味！砂煲老鼠粉（$78）砂煲上，要先撈勻，喜歡內放的碎碎材料（榨菜、肉碎、蝦米碎、小銀魚碎）加上生雞蛋撈勻，（老鼠粉=銀針粉？）睇落好濃的豉油色水，但⋯食落完全無豉油鹹味，味道是材料碎的味道，一點都不平衡，結果要加枱面放的黑醬油才平衡到（是一定要加醬油，不然只有淡茂茂無味的銀針粉）明明顏色咁深，但又無味，好難理解🤔檳城亞參叻沙米線（$52）也是老碗，叻沙湯非常濃香，是酸酸鹹鹹非常開胃的味道，夾雜了菠蘿肉🍍（爽脆的新鮮菠蘿）米線好滑彈牙，加上應該是蝦米油炸鬼碎，好香濃好味！夏天的味道椰香咖央多士（$

星期五老婆話想一齊出街行下，問我去邊好。於是我提議去深水埗行下睇電腦野（明玩野）落得深水埗，梗要帶老婆去食下好野滿足返佢個胃，就諗起蘇媽了我先行去攞飛，去到門口已經唔少人，等左半個鐘到老婆到左就入得了。入到去睇緊menu嘅時間，店員已經每人即上肉骨茶湯，有藥材味，夠熱夠甜仲無限添飲。老婆點左個辣死你媽，飯係班蘭飯（但只係染左色，無乜味）串燒牛個汁係幾辣，整體配埋蝦片同咸魚乾好野味。好彩我叫左個凍奶茶，一甜一透中fit晒我就叫左個肉骨茶，肉夠淋有肉味仲有豆pop唔叫飯其實都夠飽，我地share食就再另外叫左個油炸鬼，超好味整體值得一去再去，抵食足料

叫左4樣野，$197左右。等左差不多30-45分鐘。星期日晚上七時半左右等。食完差不多9點見到門口都仲有好多人等梗。米通粉好煙銀好特別嘅口感，仲可以吸埋啲湯汁。碗麵有好重嘅酸味同薄荷味。如果食完辣野再食碗麵會好提辣。正要嗰陣可惜冇晒蝦醬個飯好香嘅椰香味，本身以為佢係牛肉點知原來係牛腩，一啲都唔辣。有好多配料好豐富。豬腳彎，好林好好食。啲湯有得任飲。一嚟佢會俾人頭碗。一人一碗，慢慢飲，飲完叫佢加。雖然有好多肥膏但係都好好食。一定要再加自製辣醬。雖然個樣好似炸左嘅腐皮卷，入面好足料，唔係一般嘅腐皮卷。滷肉卷好厚實。可以一試，不過唔會NG見人地話要混醬，自己又試下。都幾好食。配方係，小小辣椒，蒜蓉，頭抽。多dd甜豉油。唔食得辣嘅朋友就落兩片辣椒就好了。食得辣都會覺得呢個配方好正好好食。

都有好一段時間冇去過馬來西亞今次經過深水埗見到有間馬來西亞餐廳一於入去過吓心癮先一坐低梗係叫個肉骨茶雖然佢唔似馬來西亞咁正宗但係味道都可以接受豬手大大件茶湯好有藥材味性價比高可以一是價錢合理

一齊念咒語：kedai kopi semua semua 🧙‍♂️無論食品同裝潢都有盡馬來西亞風味差啲以為重臨舊地🤣阿媽食辣死你媽話唔算好辣我覺得材料豐富幾有味道拉茶拉得又香又滑鐘意呢種香味多過港式奶茶肉骨茶濃得黎藥味唔算重原來要先落配料不過我齋飲都好有味肉卷都幾脆排左好耐等左廿幾個位都值嘅👨‍🦳菜色包括：百吉爹肉骨茶（三層肉）辣死你媽配仁噹牛肉馬來西亞拉茶（熱）檳城香炸滷肉卷唔洗加一，總共 182 都算抵食

久聞深水埗有一間馬拉餐廳好食得嚟又非常正宗, 作為一個熱愛馬拉嘅港人(其實只係仲意馬拉妹), 點都要嚟試下, 佢係深水埗基隆街即珠片珠仔街到, 好易搵, 因為離遠就會已經見到有一大班人係到等緊位, 當日我12:30到, 但都要等到12:50先有得入座。一間小店難得門面及店鋪裝飾都係咁乾淨企理, 抵讚, 一嚟佢就上咗一人一碗肉骨茶。肉骨茶 - 唔洗錢嘅, 一煲好就放入茶煲到, 飲晒可以叫佢refill, 無遷就香港人口味, 中藥味好重好濃, 當歸, 八角, 蒜香味濃, 好味得嚟又唔會太熱, 又暖身, 正。百吉爹肉骨茶 (豬腳彎) - 將豬拆骨起肉, 肉質好淋, 有少少咬口, 皮少膠質帶爽口, 好入肉骨茶味, 浸得剛好, 豬腳切得幾好, 唔太薄, 一口一片, 好貼心。玻璃魷魚配通菜 - 魷魚馺得剛好, 令到魷魚到玻璃狀態, 但炸蒜先同辣油至係令到佢提味嘅關鍵, 加強脆爽口感及辣油令其唔會太掛, 通菜馺得翠綠剛好, 與炸蒜及辣油同吃, 不錯吃。馬拉沙嗲串燒 - 牛、雞、豬三隻味, 馬拉人少吃豬, 但肉不是重點, 沙嗲才是主菜, 濃烈椰香味, 令燒得乾身的串燒加添嫩滑及汁醬, 加添美味。檳城香

經過附近試下呢間馬拉野，排左30mins到，好彩都有d風，唔係真係熱死人啦。叫左唔係好多，仲要唔記得影相...分別叫左肉⻣茶、白咖哩麵、加央多士同拉茶。咁大個人都係第一次食肉骨茶，都唔知叫唔叫正宗。不過食到有藥材味，味道都幾好。老公就話白咖喱麵話冇乜特別，可以叫第二樣。咖央多士都整多幾好味，但食唔出同出面有咩分別。總括黎味道都係so so...

一入舖頭已味有啖啖藥材味，我地兩個人叫左一個棒棒骨肉骨茶、一個檳城亞參叻沙同兩杯凍飲。肉骨茶不太難入口（應該改良過），覺得很好飲，棒棒骨建議食法係加蒜、豉油、黑豉油，但我們沒有點任何調味品已經覺到很好味。亞參叻沙 ，我不太食辣，就覺得辣。