蘇媽.蘇媽馬來西亞茶餐室 (已結業)

今次係我第二次幫襯呢間蘇媽.蘇媽 馬來西亞茶餐室～已經2點過去仍然都要等十五張飛，等左半個鐘就入到去。今次我地叫左檳城福建蝦麵，檳城白咖喱麵另外當然唔少得點無限添飲嘅肉骨茶，不過今次又無唒黃帝骨，所以叫豬腳彎。失望><。無限添飲肉骨茶係我來食重點，骨茶藥材味好香，一試難忘。另外用蒜蓉，辣椒，豉油，頭油做一個調味醬食豬腳彎，好野味架。檳城福建蝦麵，個湯底好香蝦米同蔥油味，少少辣，越食越想食👍🏻檳城白咖喱麵，呢個失望，個湯重椰汁味又淡，可能蝦麵太濃再食呢個就覺得淡而無味。另外加$18叫杯凍拉茶～無咩特別返而令肚飽左飲少了碗肉骨茶🤪總結：一定有下次。

檳城福建蝦麵 $55  8.3/10湯底🍲係成碗蝦麵既靈魂👏🏻湯底蝦味🦐濃郁、鹹淡適中，一啖米線一啖湯，超滿足🥰 米線蝦麵原本配既係油麵，因為我麻麻地油麵，就轉左米線🍜米線烹煮時間掌握得啱啱好⏰唔會因為煮過龍變得太淋質地爽滑👍🏻口感彈牙、有嚼頭掛湯力ok好食😋 配料有蝦🦐、腩肉🐷、魚片🐠、水煮蛋🥚半隻、芽菜同青菜🥬蝦🍤唔算好新鮮，蝦肉口感唔爽彈但又未至於霉🧐 其他配料均屬正常發揮、不過不失 椰香咖央多士 $26  8.2/10多士薄身🥪烤到超級香脆😻好似食緊無咁熱氣既餅乾咁咖央醬份量大方，咬完會吱曬出黎🙀咖央甜度適中、椰香突出👍🏻 香脆薄多士配上軟糯香甜既咖央醬🤤口感層次豐富、十分邪惡~ 雖然無第一次食果陣咁熱辣辣，但依然香甜脆口，收貨！  辣死你嗎配仁噹牛肉 $55 7.5/10馬來西亞傳統食物Nasi Lemak 椰漿飯🍚飯粒長身，綠色既飯食落有淡淡椰香🥥可惜既係口感偏硬、質地較乾身🤭 參巴醬Encore辣死你嗎完全係為左參巴醬🤎甜辣甜辣既味道好醒胃撈飯食一流🍚👍🏻 仁噹牛肉味道唔辣🙅🏻‍♀️🌶燜既時間足夠牛肉質地軟淋、唔韌👏🏻食肉獸私心認為牛肉切得大塊啲，會更令人滿足🤣 配料仲有青

一心就係為左佢嘅綠色飯而黎食嘅 😎 全部菜式都幾特別 好多都好想試 價錢親民 一定會再試下佢其他野食🥰-🔸玻璃魷魚配通菜 $44🔸不嬲都好鍾意食玻璃魷魚 但係覺得略嫌未夠入味 雖然係咁但係唔知點解一食就停唔到口-🔸辣死你嗎配咖喱雞肉 $50🔸綠色嘅飯其實係椰醬飯 但係個人覺得個飯其實唔算重椰汁味 只係純粹食佢嘅gimmick 如果唔係打卡嘅話我都係會食返面類-🔸檳城白咖喱麵 $48🔸呢個麵唔算好辣 但食到後尾都辣辣地 白咖喱味幾香 同埋配菜都係我鍾意食嘅 🤣-🔸馬來西亞拉茶(凍) 加配$15🔸黎食馬來西亞野必點嘅拉茶 但聽人講熱飲個味更加濃郁 下次可能會試😎

今日嚟到呢間蘇媽，一去到已經超級多人等緊！我哋起碼等左半個鐘先入去。三個人來食要搭枱係必然。檳城亞參喇沙米線 $52 試一啖就覺得幾好味，之後就覺得超級辣，係慢慢沁出嚟嗰隻辣！配料主要有青瓜絲洋蔥椰菜香葉菠蘿，非常清新醒神健康！食食下習慣左呢隻辣味，就慢慢唔覺好辣了。百吉爹肉骨茶 $76呢個肉骨茶超足料，有藥材味，好香好好飲！仲可以無限添飲！要趁熱飲先最好味！啲骨肉好容易分得開，肉質好嫩滑👍🏻👍🏻👍🏻椰香咖央多士 $26多士烘得乾身脆脆的，唔會太窿。椰香味重過咖央味，都好甜，好好味😋

中午時段都幾多人等位，要先推門入去攞飛，再等一陣。門口有大大個menu，可以一邊睇一邊等😂我地叫左：辣死你媽仁噹牛肉（$55）椰漿飯都幾有椰味，飯幾乾身，唔會好淋，有少少咬口，佢配料都幾多，魚仔同花生好香脆，蝦片有少少淋左，但仲脆身。參巴醬幾野味，牛肉好軟，入口就散開，又入味，牛筋就爽爽地，都唔算好入味。檳城香炸滷肉卷（$45）兩條再剪開，食落有啲似腐皮卷，但裡面包住芋頭糕同少少肉。個辣醬唔夠辣，個人覺得加參巴醬食會好食啲😆檳城亞參叻沙（$52）湯底辣辣地，有啲酸酸地，啲配料主要係菜，有青瓜，紅洋蔥（勁多），生菜，菠蘿... 仲有魚蓉... 加埋蝦膏，味道幾特別嘅。啲小食都幾貴，份量唔多但都要$4x。肉骨茶有好多款配料㨂，價錢由$4x-$14x。深水埗區黎講，價錢唔算好平但還可以，食物味道都👌🏼，想食馬拉菜，黎試下都無妨！

去完馬來西亞旅行，一直都想係香港搵返間有馬拉風味嘅餐廳回味下。今次朋友介紹左深水埗間蘇媽蘇媽。店面比較細，Dinner時間等左超過1個鐘😓而且等位安排比較混亂。我哋一行五人，最後安排左張圓枱搭枱😑大家都要攬住個袋食。因為我哋一團人都無辣不歡，就叫左“辣死你嗎咖哩雞肉”椰漿飯好香好夠椰香味，而且將配料撈埋一齊食口感更好，最愛佢嘅乾魚仔脆卜卜😂仲叫左檳城福建蝦麵、檳城亞參叻沙，每碗D餸都好足料，味道好正宗必食咖央多士，每次去馬來西亞都會日日食😂終於可以係香港搵到個種味道。

雖然疫情未過，但係係屋企太多日都要出去行下，決定去旺角試蘇媽蘇媽，星期六中午一點去到竟然都算多人排隊，好彩等左陣就入得去坐。入到去覺得啲職員態度幾好，唔會黑面唔耐煩。叫左個椰漿飯，咖哩薄餅(唔記得影相)同三層肉肉骨茶同杯拉茶。椰漿飯好食，咖哩薄餅要一讚! 鬆軟又完全唔會食完隻手油笠笠，點咖哩好好味😋拉茶好一般，唔夠茶味淡左啲，茶餐廳啲奶茶仲好飲啲。因為叫左肉骨茶，所以除左叫左果碗，待應都會過嚟針每人一碗肉骨茶（仲無限添飲，我都飲左兩碗🤤) 個肉骨茶好正，有藥材味得泥又唔會苦，必點！個湯底好正，不過三層肉略嫌太肥，個人喜好，中意食肥膏嘅就一定唔會失望。食完好飽好滿足🥰一定會再番去試其他款嘅肉骨茶！

由於晏晝出去做嘢，所以同同事去咗深水埗區食飯，去到已經係2:00 ，所以少咗好多人排隊，大概等左10分鐘就入得。餐廳唔算大間，但係食物選擇都唔少。檳城亞參叻沙蘇媽蘇媽嘅招牌菜，一想已經聞到好香，配左一碟蝦醬。喺未放蝦醬之前，試咗一啖湯都幾鮮味，落咗蝦醬之後變得更鮮味，。（P.S. 呢啲係馬來西亞蝦醬唔同香港嘅蝦醬㗎）麵底都好好味，有啲咬口，配料包括有生菜菠蘿洋蔥，夾埋一齊食都幾新鮮，如果配有豬肉嘅應該都好好味。檳城白咖喱油麵第一次食白咖喱嘅湯麵，白咖喱味冇想像中咁濃郁，亦都唔算太辣，相比其他屬於較清淡嘅湯底。豬紅都新鮮，冇怪味;魚蛋都彈牙嘅。整體不過不失。檳城福建蝦麵我認為呢一個係最好味嘅，因為湯底鮮甜，蝦同埋豬肉都好好味，夠入味。而且個麵會落去都好夾，難怪係招牌菜。咖央多士多士烘得啱啱好，脆卜卜，入面嘅餡適中，唔會太甜，推介大家去試吓呢一個多士。白咖啡同奶茶都係第一次試飲馬來西亞嘅白咖啡，咖啡味唔算好香，係偏甜嘅咖啡。奶茶都唔錯，茶味香濃。整體都唔錯，下次可以試吓肉骨茶先！

睇到openrice咁多好評，就叫哂啲同事去試，去到等左無幾耐就入得去坐，餐廳入邊都幾細，坐得都幾迫。我地幾個人share咗份咖央多士，另外每個人都叫咗個麵(叻沙, 白咖喱— 伏, 咖喱雞撈麵，蝦湯），同馬拉拉茶。咖央多士 ($26)甜，少少椰香，都唔孤寒查得幾多咖央醬，塊麵包toast得幾脆。喇沙米線($55)賣相好色彩繽紛好吸引，不過真係冇咪肉嘅，全部都係伴菜。嗰湯有濃濃嘅蝦味，加埋啲洋蔥青瓜同埋菠蘿等等，個味道嘅層次不錯，不過湯係偏油。都係果句啦，冇肉食，總係爭啲嘢咁。同事叫咗嗰白咖哩(冇影相)，食咗一半都冇就停哂手。我試咗一啖湯...哇！冇味嘅！都幾難食！仲衰過檳城白咖喱公仔麵。伏咗！馬拉拉茶(跟餐加$5)好掛住之前去馬來西亞飲嘅拉茶，仲要係裝落個膠袋度飲果隻。見跟餐加$5咁抵，點都要叫一杯。杯拉茶上到枱好得意，賣相好OK。一飲落都滑嘅，不過我哋覺得過甜，唔知係咪要就翻香港人嘅口味，我有啲覺得自己飲緊港式奶茶。

星期日下午路過黃店💛見到冇人排隊滿心喜歡，終於可以試到熱門食店，試過後真係非常失望，決定不盲撐黃店！食物：1)檳城福建蝦麵 (油麵）賣相唔錯，湯底望落好濃但食落係好淡味😳😳有蝦味但非常單調🦐❓而油麵帶有很重油益味😩海鮮配料不新鮮☹️☹️☹️2)湯咖哩麵 (米通粉）湯底很油膩🙅🏻‍♀️🙅🏻‍♀️有辣味有椰汁味有薄荷味🌶🥥🌱味道算豐富但同樣偏淡🙉🙉🙉最大敗筆係米通粉似塑膠又不吸味😐而煮米通粉時不肯定有冇調味食落口湯還湯🤯🤯米通粉還米通粉🤯🤯兩樣野好似搭枱甘🤪🤪🤪用番吸味既米粉可能會好d😏3)椰香咖央多士 可能我見識少，個多士一上個咖央醬係鴨屎綠色🟢😰😰已經覺得好伏😣😣好彩個邊都算脆攞番少少分食落味道都算正常但個醬個質感真係好化學feel👩🏻‍🔬平時都算食愛甜食，我係第一次要挑開咖央醬唔想食😒臨走我地見到佢落好大pat 牛油係個多士到，但我地一d 牛油味都食唔出，到底係我地有問題定用料唔得，就自行判斷😏😏態度：坐低碌左兩碌openrice 見到上年9月，有個post有句"一坐低就有肉骨茶"，甘我地諗有得送就唔另外叫，因為講真係唔平，之後我地疑惑緊食緊麵都未上既，就問"係咪有肉骨茶送？"，呀姐一句"你都

心癢癢好想好想食肉骨茶，近期天氣凍冷冰冰嘅感覺，好朋友提議食呢一間人氣馬來西亞🇲🇾茶餐室，沒想到比起平時食開嘅更加之高質😲，真係可以用「回味無窮♾」嚟形容，絕對係相當美味😋，除左食物外，門面裝修極盡馬來西亞🇲🇾嘅設計風格，實在係太有誠意😌———————————————————————————🥢肉骨茶湯🍵（免費🆓）💬只要一坐低，點完餐，就會即刻奉上熱騰騰嘅肉骨茶湯俾你暖身，相當體貼😊湯充滿好濃郁嘅藥材味，火侯強勁（食飽記得可以添飲㗎🤫）.🥢百吉爹肉骨茶-棒棒骨🐽🍵💬棒棒骨肉身已經炆煮到好腍，一撕就開，加上醬油、蒜蓉辣椒🌶️，完美配合，仲有金菇同豆卜，索哂湯入哂味，掂😋.🥢椰香咖央多士🍞💬都係必叫嘅食物，香脆即叫即製，甜甜嘅咖央醬無論早午晚飯都係咁啱胃口😋.🥢魚仔醬撈啦啦💬蜆仔好鮮味，魚仔醬又夠惹味，唔會太辣，正😌.🥢話知你啦薄餅配咖哩🍕💬馬來咖哩薄餅，夠飽肚又滋味好過吃白米飯🍚.🍹冬瓜龍眼茶💬甜得嚟又可以解下辣，夠哂大杯😊

一向知道深水埗多嘢食， 但係好少過嚟呢邊，所以好多餐廳都未試過 。今日難得揸車出嚟太子嗰頭買嘢， 所以就特登過去深水埗嗰邊食。我哋揀咗呢間人氣高企嘅馬來西亞餐廳， 一去到已經見到條人龍，果然好有吸引力! 等咗十五分鐘，終於入得。我哋叫咗椰香咖央多士、百吉爹肉骨茶、檳城福建蝦麵同埋檳城亞參叻沙。 首先嚟咗個肉骨茶，好濃味好香勁好飲! 而且仲可以refill， 真係好抵飲呀!0之後到椰香咖央多士，好多醬又脆脆地都幾好食，但係好邪惡， 有人share已經好啲啦。 然後到福建蝦麵， 呢個真係超級超級好食! 好濃嘅湯底再加埋好襯佢嘅油麵， 係我好掛住嘅福建蝦麵既味道! 下次我一定會再嗌! 絕對超級推介。 最後係檳城亞參叻沙，我覺得呢樣嘢食唔啱我口味，因為我本身唔係好鍾意食配菜， 偏偏佢有好多呢啲嘢喺度， 其實佢算係一碗冇咩餸嘅麵，而且佢辣得嚟又唔係我杯茶…… 只可以講唔啱我。整體嚟講，呢間餐廳價錢親民，味道又好ok， 下次 有機會我都會想再嚟呢間餐廳食。同埋我要一個人食曬成碗福建蝦麵! 哈哈!

【辣死你嗎配仁噹牛肉】 HKD55【椰香咖央多士】 HKD26【馬來西亞拉茶】 HKD18經過深水埗依頭，緊係唔少得去揾揾黃店支持下🦾。位於蕃茄師兄🍅隔離嘅依間蘇媽蘇媽，係主打肉骨茶等等馬來西亞🇲🇾美食。不過我自己本身對肉骨茶冇興趣，所以就冇試啦。主菜就叫左嗰飯🍚，叫辣死你嗎🤣，配料有椰漿飯💚、參巴醬、青瓜🥒、花生🥜、乾魚仔、蝦片🦐同蛋🍳。嗰飯嘅椰味🥥夠重，不過撈埋咖哩汁同參巴醬就蓋過曬啲味。整個飯最特別嘅就係辣🌶到出曬汗嘅參巴醬同啲魚仔，夠曬香濃。而咖央多就烘得幾脆，不過醬就少左啲啦，味道都相對弱左。另外，我地仲嗌左湯咖哩米同拉茶🥤。不過質素平平，雖然係黃店，間唔中都會去支持下，但都希望提升下食物質素😉。

#深水埗 #黃店個人覺得係間算抵食味道還可以嘅餐廳🙆🏻‍♀️/肉骨茶任飲！！！一坐低就會送上每人一碗肉骨茶 (⁎⁍̴̛ᴗ⁍̴̛⁎)檳城福建蝦麵 $55啲料都好多，個湯真係有蝦味，配埋油麵，唔錯！椰香咖央多士 $26做得算正宗，要試試棒棒骨 $76雞腳 $42唔太推介肉骨茶系列，啲肉較乾檸檬薏米水 $29好大杯又好味！/💕——————————#蘇媽蘇媽〰️蘇媽.蘇媽馬來西亞茶餐廳〰️G/F, 251 Ki Lung Street, Sham Shui Po————————————🌟蘇媽.蘇媽馬來西亞茶餐廳🌟個人覺得係間算抵食味道還可以嘅餐廳🙆🏻‍♀️/肉骨茶任飲！！！一坐低就會送上每人一碗肉骨茶 (⁎⁍̴̛ᴗ⁍̴̛⁎)檳城福建蝦麵 $55啲料都好多，個湯真係有蝦味，配埋油麵，唔錯！椰香咖央多士 $26做得算正宗，要試試棒棒骨 $76雞腳 $42唔太推介肉骨茶系列，啲肉較乾檸檬薏米水 $29好大杯又好味！/💕——————————#蘇媽蘇媽〰️蘇媽.蘇媽馬來西亞茶餐廳〰️G/F, 251 Ki Lung Street, Sham Shui Po————————————

來到美食之地深水埗，梗係要搵啲特別嘅美食！今次搵左蘇蘇蘇媽，7點幾係門口，已經見到長長的人龍，店面較細，所以人龍都比較長，我哋等左約30分鐘先入到。等左甘耐，一定要試哂佢招牌菜！最吸引我的是煲仔老鼠粉，其實我都唔知老鼠粉係咩，但好香好熱辣辣，將所有配料撈埋，好好味之後係辣死你系列，今次我地揀左牛肉，醬料真係幾辣，但好惹味，唔怕既朋友一定要試我哋叫左豬腳彎，好滑餐廳每人都會送一碗肉骨茶，藥材味唔太濃，容易入口！雖然天氣凍，都要叫埋桔仔梅子水，好飲！