蘇哥清湯腩

營業中

休息中

Lunchtime係科學園食飯真心慘😅間間餐廳都逼爆人，今日又黎飯堂食lunch，平均5/6十蚊個餐，已經係科學園差唔多最平。。🥢叉燒炒滑蛋飯$54上菜極快，方便我呢啲快快手食完既上班族，滑蛋夠滑，唔會加太多水炒蛋，有蛋香味，配埋大大舊叉燒，叉燒都燒得幾香口，同埋重點係多蔥。。🥢咖哩坑腩飯$63咖哩牛腩加幾蚊就升級坑腩飯，坑腩最正係一條條坑，牛味夠晒濃，又帶少少牛骨軟膏，咖哩好唔錯，香而不太辣，似港式咖哩煮法。。跟餐加$13有腩汁菜心，合理價錢，份量適中。

之前每星期一家三口都來幫襯2-3次，由於昨天買左一個外賣清湯坑腩河，殊不知回家發覺係普通的瘦牛腩，今日再去探個究竟，叫左一個咖喱坑腩飯，一食又係昨天那種全瘦牛腩，應該叫牛肉先啱，但由於咖喱汁漿住比較難分辨，於是我又叫左一個坑腩河外賣，一看又係全瘦牛肉，我就問啲夥計呢啲係咪坑腩，佢地冇解釋靜雞雞同我換過一份真正的坑腩，埋單時我同收銀（唔知係咪老闆娘）講，我話你哋咁樣做生意好有問題，佢仲死撐話果啲係瘦坑腩，我話咁你地啲夥計唔知我要肥定瘦就即刻又幫我換，擺明係心虛啦！再者，坑腩無論肥瘦都唔會同係普通牛肉個樣，真係當我傻仔！以後唔會再幫襯，我估佢地如果繼續以這樣的手法經營，相信不久的將來定必門可羅雀！

叉燒炒滑蛋大碗飯BBQ pork with fried eggslunch人氣都幾高，🍚仲有多款sets可以選擇，想飽肚啲，😍就選擇叉燒滑蛋吧，誘人嘅叉燒，🐷啖啖肉之餘更加嫩滑，配上香嫩炒滑蛋，🔥特別吸引！仲有秘製醬油同🥬蔥花，口感香濃豐富。濃香咖喱牛筋飯rice with curry beef tender 🥘牛筋燜得夠淋，加上薯仔，🥔配飯咖喱入味。#shatin #chineserestaurant

“So Gor Beef Brisket 蘇哥清湯腩” is a local noodle spot that just opened in Science Park, the interior is nice and clean with plenty of seating. As its name suggests, beef brisket is their signature, but they also have other delicious offerings, such as rice set, Dan Dan noodles, etc. If you’re looking for something quick and casual in the area, here is the place!清湯爽腩麵（$53）The 清湯爽腩 was tender, flavourful, and came with more meat than I was expected! Chunks of beef briskets in an aromatic clear sou

住喺沙田大埔嘅人有福了 ，去沙田新城市有太多人，而家可以揸車去科學園搵嘢食 ，又可以食到靚湯底牛坑腩河。我哋兩個人去撐枱腳，泊車又方便 。而且泊車優惠好抵 。咖哩牛坑腩湯河咖哩煮得好惹味，成碟食晒，牛坑腩炆得適中。真係撈飯會更加正。叫咗四寶丸雙拼雲吞 ，清湯底都非常唔錯 ，雲吞非常之大粒，而且蝦好彈牙新鮮。食河粉梗係必備炸魚皮，炸魚皮好大碟。凍檸茶夠濃。而且上菜速度都好快。餐廳整體都好乾淨整齊闊落，而且門口有等候位置可以坐，安排細心 。

今日放假同朋友踩單車🚲到大埔海濱長廊，經過沙田休息! 偶遇呢間#蘇哥清湯腩 店內面裝修寬敞明亮👍有卡位，用餐環境非常舒適♦️坑腩酸辣粉 $57牛腩非常軟糯👍牛腩味濃郁，紅薯粉晶瑩剔透，滑溜溜🤩➕上醋，酸酸辣辣好滋味🤤超過癮，跟餐檸檬水➕$2♦️秘制回鍋肉湯面 $33呢个下午茶性價比既高👏 跟餐 餐包/煎蛋/飲品，好抵食♦️淨鮮蝦雲吞$40皮薄餡大🤤有7粒，每一顆都非常飽滿！蝦🦐大大只👍味道鮮美😋♦️腩汁蘿蔔 $17冬吃蘿蔔夏吃姜🤭 所以叫佐份蘿蔔，腩汁被蘿蔔吸收非常入味又清甜

[ 蘇哥清湯腩 ]踩單車經過，見科學園有唔少餐廳選擇，食碗麵醫下肚再出發🚲🚲✿ 秘製清湯牛腩飯（爽腩+$6）$57爽腩是牛的橫膈膜及連着的肉位，肉質比坑腩更幼嫩，橫膈膜煲得軟滑，但又保持彈性，腩肉香腍，少脂肪，不黐牙，湯底好鮮甜👍🏻👍🏻✿ 牛腩擔擔面（崩沙腩+6）$51崩沙腩爽口彈牙而又充滿油香，配擔擔面香濃美味，食落特別開胃！總結🫦踩開單車不妨過嚟試試，呢間牛腩絕對食過返尋味🐮👅👅✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿蘇哥清湯腩地址：沙田白石角香港科學園第二期科技大道西8號尚湖樓8W地下S036號舖電話：26633902✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

科學園夜踩單車，有間新開餐廳，整碗魚旦粉唞一唞，$39包野飲，出品不過不失，目測其他食客的食物都幾吸引，裝修環境舒適，員工招呼有禮，想寧靜嘆番餐，算係一個好選擇。

清湯牛腩是很多香港老饕追求嘅熱門美食之一，😎食得有追求嘅食貨，🥳更會追求限定品，如崩沙腩、香脆爽腩、軟淋坑腩等特別部位，🥰各有風味，投其所好。清湯加入新鮮牛骨，🐮熬制牛腩，配方及加入多款新鮮蔬菜用心熬制出來。由於牛腩新鮮味濃，👍更不需落任何香料去除牛的羶味，✨保持湯頭味道清甜。濃香咖哩🥘多種香料及蔬菜熬成咖喱汁，再配上牛腩等主角，🍚同白飯或麵食用，美味非常！#蘇哥清湯腩 #shatin

今日放假走到入科學園裏搵食， 遠處見到好多人等位， 就入去試下！點了... 小食: 腩汁蘿蔔2碗清湯牛腩河(凍奶茶+凍檸檬茶) (河粉又滑， 牛腩肉嫩，腩汁蘿蔔清甜無冇渣"抵食")加上員工同經理， 都落手落腳做， 服務好值一讚

科學園又有新餐廳，今次呢間終於叫做抵食啲同平民啲，3個人叫左3碗野，價錢合理，牛腩好食，食得過。👍🏻👍🏻👍🏻👍🏻。🥢清湯崩沙腩伊面 $55最鍾意食清湯腩，軟腍而牛味香濃，肥瘦適中，啖湯都唔錯，清清地少少八角味。。🥢魚蛋粗麵 $39有啲美中不足係得魚蛋，無魚片。不過魚蛋幾彈牙爽口有魚味，粗麵爽爽地。。🥢淨鮮蝦雲吞 $41淨餸抵食，有成7粒，雲吞大大粒蝦肉比例均勻。。👍🏻👍🏻👍🏻

個人來說我都是最喜歡食湯麵，牛腩河真是我超鍾意的食物，知道有這間餐廳新開張，很開心。所以立即點了試試，我覺得價錢合理，牛腩很淋很有牛香味，很怕有些麵店是粒粒牛肉碎配很多肥肉，呢間不會，一整排牛腩，啖啖肉很爽，河粉都算幼不會一夾就斷，整體我覺得好食，會再幫襯。

清湯沙腩麵 $47+6牛腩麵本身$47, 如果要特別部位例如爽腩，坑腩或者崩沙腩就要另加$6原本心大心細坑腩定沙腩但店員話坑腩lunch time 就已經賣晒，所以今次試下沙腩.黎到個樣已經好靚仔，牛腩顏色好粉嫩食落牛腩腍滑不鬆散，牛味都幾濃郁而個湯底就傾向清香，唔係好重味講返個腩，腩肉半肥半瘦，咬落油脂豐腴，係我喜歡既質感同味道.成碗麵都好食，值得encore 唯一可惜係清湯腩麵本身無蘿蔔，要另叫, 但另叫都唔貴.好食原來因為呢間係天后馳名清湯腩既新品牌，味道有保證，希望keep到落去.腩汁蘿白 $17好清甜，大部分都無渣又夠大大舊

開左都冇一個月，搏你地喺科學園返工的人冇咩選擇，服務態度食物質量每況越下都吹佢唔脹。雙拼收費方法隨意改，唔會顯示喺menu 度，總之佢話點就點，收到張單見到收費唔同左，老細一句得埋黎，"唔啱食就轉過第二樣！" 真係吹佢唔脹開張初期覺得佢d 清湯腩真係夠清，唔多味精，粉量尚算ok (雖然女士都可能會唔夠飽）；而家直情好似油加清水咁；咖喱就得個甜味，薯仔多過牛腩；暫時係得個炸魚皮keep 到水準。真係比多少少$ 去3期樓上食意粉都冇咁嬲

未夠12點黎到，等咗5分鐘就有位坐，幫我哋落單嘅阿姐係用手寫單🥶。等嘢食期間觀察其他食客食咩，發現人人都有電腦單，但我哋就冇😰，揮左一陣手終於有人肯過嚟，即刻叫阿姐幫我哋check下有冇落到單，佢隔咗一陣終於拎咗張電腦單返黎，單上印住12:27pm…😱等多10-15分鐘，碗麵終於黎到，岩岩起筷，另一位阿姐就過嚟問我哋介唔介意搬去另一張枱坐，原文複述：「我知你哋都就快食完，唔知你哋介唔介意轉去另一張食？」😧紫菜三寶丸幼麵（$47）成碗麵只有5粒丸，魚蛋3粒，墨丸1粒，牛丸1粒，紫菜就最多，麵量極少，食完仍然空虛。幼麵冇鹼水味，但成碗麵、丸同湯都冇咩味，好彩枱上有調味料，加一匙羹辣油🌶️，味道即時提升。