蘇哥清湯腩

營業中

休息中

Lunchtime係科學園食飯真心慘😅間間餐廳都逼爆人，今日又黎飯堂食lunch，平均5/6十蚊個餐，已經係科學園差唔多最平。。🥢叉燒炒滑蛋飯$54上菜極快，方便我呢啲快快手食完既上班族，滑蛋夠滑，唔會加太多水炒蛋，有蛋香味，配埋大大舊叉燒，叉燒都燒得幾香口，同埋重點係多蔥。。🥢咖哩坑腩飯$63咖哩牛腩加幾蚊就升級坑腩飯，坑腩最正係一條條坑，牛味夠晒濃，又帶少少牛骨軟膏，咖哩好唔錯，香而不太辣，似港式咖哩煮法。。跟餐加$13有腩汁菜心，合理價錢，份量適中。