蘇哥清湯腩

營業中

休息中

最近不知道啥原因 瘋狂愛上了牛筋腩 上癮了一樣 每星期也一定要吃的程度 今次來到了沙田科學園這邊 （還是第一次來科學園 原來真的有很多餐廳呢）在巨多餐廳選擇的科學園選擇嘗試一家清湯腩的餐廳 下午時間過去 人不算太多 但還是接近滿座香港茶餐廳特色：上菜巨快 點菜後 不用5分鐘就能夠享用 yeahhh~🤍這次選擇了清湯牛三寶(牛筋、金錢肚、牛腩)米粉 上菜時 已經被嚇得我瞳孔地震 怎麼可以擺放得跟菜單上的一模一樣 去茶餐廳20多年來 還是第一次看到這個景象 大發！份量是滿滿一碗👍🏻👍🏻味道也是無懈可擊👍🏻🤤牛筋軟滑 接近入口即溶 但又有微微Q彈口感（很難形容 就是把滿滿的骨膠原放進口中的感覺 太絕了）難以抗拒牛腩 略帶嚼勁 個人真的特別喜歡這種耐嚼口感 對於正在努力減肥的我來說 這絕對是恩物🙏🏻真的太好了🥹金錢肚 肉質鮮嫩而且切得蠻厚 所以食用時口感更脆不會出現嚼不爛 特別好食👍🏻米粉 都是絕了 口感滑順 把湯汁全吸收了 真的巨好吃🥹清湯湯底都是特別清爽可口 加上蔥花 更香了💚

經過科學園，見到一間清湯牛腩粉麵店，入去試下食下午茶餐：招牌清湯腩麵 & 凍檸茶，只可說不過不失! 可能偏遠及有固定客群，味道水平實在不及其他名店! 湯底太清淡，不夠牛骨味，牛腩亦煮得不夠腍.有待進步！

星期六新城市人頭湧湧， 晚飯一定好多人要等位，決定去科學園搵吓有咩好食，去到四圍睇吓，原來都好多餐廳，有唔同國家菜式，最後決定食蘇哥清湯腩，我也很喜歡清湯腩呀！這裡餐廳座位很多，寬敞舒適，仲有靠窗卡位坐，舒服叫了一碗清湯崩沙腩河，不用額外加錢，出面有些餐廳需要加費的，這裡不用，湯底清甜，崩沙腩炆得腍和有牛味，河粉順滑另外叫了清湯牛三寶河，有牛筋，牛腩，金錢肚，牛筋又係炆得好腍，金錢肚爽口，牛腩都一樣腍，不過都係喜歡崩沙腩多啲飲品叫了凍檸檬茶和凍菜蜜，就普普通通

由去年朋友邀約後 開始踏進科學園搵食。現在科學園是我週末hea 和搵食的熱點。科學園最吸引我是餐後能在白石角海濱長廊優先走走，看風景和嘆下海風。 我喜歡蘇哥的牛腩，坑腩更加好食。除了肉（淋），肥瘦參半，一個字 《正》配上擔擔麵的花生味足和辣味適中，是必食之選。而紫菜四寶麵，墨魚丸夠彈牙，其他味道一般。最後是茶餐室必飲的凍檸茶，有茶味OK 不過不失。最緊要係他們的潮州辣椒油，非常惹味。蘇哥的座位比較寬闊和環境乾淨，如果你想坐得舒服和慢活地食午餐，這大排檔feel 的蘇哥是個不二之選。

今朝同朋友黎到呢間係科學園既餐廳食早餐，叫左一份雞扒配火腿奄列及迷你牛角包。雞扒忍約仲有一股雪味，食落唔太好食。火腿奄列炒得太熟，牛角包正常。環境好坐，但早餐可能唔係主打，味道欠奉。

上星期去咗科學園行下，lunch 去咗「蘇哥清湯腩」試下，果然唔錯👍🏻 咖喱豬扒拼腸仔意粉，豬扒係好嫩滑，唔會太腍身，再配上啲香口嘅腸仔，同埋香辣嘅咖喱汁，真係唔錯～ 意粉煮得啱啱好，仲有微微嘅彈牙口感，又唔會太硬或者太軟🍝🤤清湯牛腩河，有一個好香滑嘅湯底，牛腩都煮得好腍身，啲河粉都好入味，老闆話每日早上6點就開始煮牛腩，果然好味！🍜👍京都炸醬粗麵，好濃郁嘅醬汁夾埋啲麵條同埋肉末，好香好夠味。😋👌總括而言，我覺得「蘇哥清湯腩」係一間值得一試嘅餐廳，特別係佢哋嘅招牌菜牛腩真係好好食，下次有機會一定會再嚟！👍👍

今日中午一家三口去到蘇哥，見坐滿客，喺門口㩒咗張飛等位，期間有員工問搭唔搭檯，我地唔想搭就話等多陣。等候期間，見到有大約8個類似裝修工人浩浩盪盪入咗去，剛啱有2檯四坐位客人走，有個問我地搭唔搭檯嘅員工就好殷勤咁招呼佢地坐，佢地就坐晒2張檯，我地一家三口就呆咗！我走去收銀問佢點解唔係我地先？佢話個洗碗呀姐唔知我地等緊，叫咗佢地入去坐！咁我問佢咁我地點？佢話有張卡位就走！即係我地仲要繼續等！因為我太斯文？唔發爛渣或是唔夠老粗就恰我要我繼續等？我嬲過頭，喺佢門口揸爛張飛，掉咗去佢櫃位走人！

估唔到喺科學園都搵到牛腩麵食！湯底清甜，牛腩牛筋都夠軟，食最大路野就唔會錯！餐廳環境舒適，乾淨服務到位，價錢唔貴，好過淨係食麥記或者捱貴餐！就係麥記隔離好易搵唔錯

要係科學園搵間抵食既餐廳係一D都唔易，未夠12點已經開始見到好多人放飯，一路上都搵唔到有幾多間食麵既餐廳，好彩想食快餐之前聞到好大陣牛腩味，就見到呢間餐廳!!! 睇餐廳名都知佢地主打賣清湯腩，但我就想試下佢地個豬手麵!先黎個烚菜心，幾新鮮，一個人食岩岩好再黎就有我最愛既豬手麵，呢到係有得叫紅薯粉!! 另外再+份紫菜。個豬手豬皮爽彈滑，咬落去又好有口感，唔會好淋成pat野，仲好入味~ 食哂面既皮同肉，仲會睇到D骨都"葉"到入哂色，呢個豬手真係好夠味，配埋個紫菜，成碗麵個味道即刻豐富左，食起上黎仲覺得好健康。而且佢地既紅薯粉煮得岩岩好。出面食既好多都會好硬 / 好淋成pat野，呢到就岩岩! 雖然湯底係清湯，但個豬手味道都已經好夠食!

之前係科學園呢頭已經食過嘢，貪呢度方便泊車🚗，環境又好。今次輕食一下先。店鋪名叫得清湯腩，當然要食清湯腩喇。影張全家幅先📸秘製清湯牛腩飯🐮🍚（$59）呢個清湯真係強！！！牛腩🐮都只係少少肥，食到好多肉。啲肉仲可以一絲絲咁食到，又淋又入味🥰。秘製清湯牛三寶🐮🐮🐮（$75）牛筋、牛肚、牛腩，唔同嘅部位都好出色。最欣賞就洗得夠哂乾淨。食得好安心👍。即磨咖啡☕（+$9）凍檸茶🧊🍋🫖（+$7）-----------蘇哥清湯腩 沙田白石角香港科學園第二期科技大道西8號尚湖樓8W地下S036號舖

食牛腩麵食上癮~經過呢頭見到蘇哥，又入去試下~🔹清湯牛三寶河🔹 三寶有牛筋、金錢肚、牛腩~個湯底超清！連油都無乜！正！但味道都好足，唔會淡~啲餸超多，擺得好靚添~牛腩開正我嗰範，瘦腩得黎好淋，好入味~牛筋夠淋但都好有咬口,好夠味！金錢肚好有咬口~ 唔靭~🔹醇香醉雞飯🔹 淡淡酒香嘅雞髀，都算入味~雞肉又keep到彈牙嘅咬口~個湯以為係同麵底一樣，原來唔係，再濃郁啲，碗飯咁大碗，整埋湯飯食~食去嗰陣係lunch time, 所以都等左陣位~ 入到去發現原來咁多位，都人人要搭枱~都真係有原因啲~ P.S. 好彩等位有得坐，haha~

中午跟同事實在不知道吃什麼就會想到這家清湯腩午飯吃的不好也會很影響下午搬磚的對於打工人來說 唯有美食才能治愈 （特別是平正靚美食）工作疲憊和空虛的胃 想要吃的好 又想吃的划算 一定是午市套餐啦-♡ 叉燒滑蛋大碗飯這個飯真的好絕啊家人們 蛋真的嫩滑入味 叉燒肥瘦均勻滑蛋叉燒分分量足夠 鋪滿整個碗 😋😋-♡ 鮮蝦雲吞擔擔麵雲吞真的超大顆 裡面的鮮蝦也很大粒 搭配上他們家的辣椒醬 味道很絕 辣味很香不辣對於不會吃辣的人來說絕對友好

今日同同事食team lunch, 趁着時間仲早唔係好多人，去食平時好多人排隊嘅蘇哥清湯腩！我就叫咗招牌清湯腩河，加一碟腩汁菜心。上菜速度都幾快，不過估唔到而家仲有餐廳係唔用QR code落單，仲要人手落，我哋個個都唔同要求，有啲要牛腩，有啲要坑腩，有啲要河粉，有啲要米粉，有啲要飯😂辛苦曬落單姐姐。碗面好普通，湯底好似得個咸字，啲牛腩太韌太肥。有啲難咬！唔係出邊食開煮到好淋嗰啲…食完之後好多人都話好鹹，我就唔覺得特別鹹嘅，不過都好想飲水

今日同朋友去左大學附近既天后站清湯腩新品牌既分店，位置近大學站，系白石角科學園😊😊有車一搭到去就到😗午飯Peak hour時間最多人香港人果然價錢適中 👍餐牌多選擇📌清湯崩沙腩麵+雲吞崩沙腩比牛腩林👏👍📌清湯牛三寶河粉（牛肚、牛腩、牛筋）+菜心好林😆清湯👏原汁原味📍沙田白石角香港科學園第二期科技大道西8號尚湖樓8W地下S036號舖 🏷️蘇哥清湯腩 (沙田)#科學園 #湯麵

位於香港的科學園蘇哥清湯腩，顧名思義 就係煮清湯腩出晒名，除了清湯腩之外，咖哩原來都好出色！我地踩單車途經科學園，就決定試下佢地既清湯腩，湯清而不膩，牛腩煮得剛好軟嫩，十分好食我食左清湯牛筋麵和咖喱牛坑腩飯！這碗清湯牛筋麵的牛筋煮得十分入味，口感嚼勁十足，配上爽滑的麵條和清淡的高湯，讓人吃得十分過癮咖喱牛坑腩飯則是香氣四溢，牛肉煮得軟嫩，配上濃郁的咖喱醬汁和飯的香氣，口感十分豐富。想要更多咖哩撈飯食！停唔到口！食埋油菜都係加$13，加腩汁，正！