薩莉亞意式餐廳 (已結業)

之前睇左咁多食評, 已經心思思想食好耐, 終於有時間去食! 好多人話要成日排隊, 於是早d去11點15分去度, 果然有人已經有坐左係度, 真係好受歡迎喎!立即睇餐牌, 價錢唔算貴, $20~$30蚊左右啦!唔~~~! 睇圖好多都好似好好味咁, 可惜只有我同媽咪, 唔可以叫太多野, 又驚食唔曬, 所以只叩左蒙利水牛奶pizza, 香辣肉腸, 地中海海鮮飯, 卡邦意粉(唔記得個名)!好快上菜, 首先評一吓!蒙利水牛奶芝士pizza: 味道算唔錯, 真係好多芝士, 好正香辣肉腸: 一咬落口, 爆左d味出嚟, 對於我食得辣既人唔係好夠辣!卡邦意粉: 雖然無咩料, 只有煙肉, 但係味道好好食, 因為用蛋黃汁整, 所以d意粉好滑, 值得一試地中海海鮮飯: 有青口, 魷魚同蝦, 唔係用碟裝, 而係用鋸排個鐡板裝, 味道麻麻地, d飯有d硬同乾服務方面, 侍應哥哥同姐姐動作好快手, 有禮, 但係好唔慣要自己攞水同調味料!

聽男朋友講話有一間又平又好味既pizza好想試!!! 哈哈即刻黎左呢度搵,, 問埋朋友先識黎特登食早d, 6點左右係門口等左幾分鐘就入得! 佈置好簡單, 幾舒服!水呀, 調味料要自己拎waiter既態度唔錯! 睇埋個menu... 嘩, 咁平既28蚊一個pizza唔... 不過有少少失望架... 無想像中咁好食, d份量同個價錢唔係好岩pizza可以平少少少個pizza好似自己係屋企整, 超薄, 但係味道食得出好俾心機整個海鮮飯都幾好味... 不過一人食兩啖就無lu最鐘意個牛油焗蜆! 好香3樣野夾埋就岩岩好, 未至於好飽...

呢間餐廳第２次黎食啦，一路都想去食多次，呢間野真係好多人排隊，唔比耐性一定等唔到最後。好彩我去到唔駛等，５分鐘已經可以入座，因為有屋企去左等位4個人去食叫左8個餸連湯，我地有３男１女，個個食到好飽，埋單都係225蚊，免加一，每人都係５６蚊！

看見開飯網好評如潮, 我和朋友來一試好壞,我們是平日下午光顧, 客人不算多朋友要了一個牛扖餐, 我要了一個沙律和湯, 還有忌廉蝦焗飯.沙律是生菜混沙律醬, 味道普通什菜湯也是一般, 忌廉蝦焗飯份量少, 男人肯定夠食, 好多白汁, 飯只有一少碗,蝦沒有味道,我吃完有點失望牛扖餐也是一般, 朋友覺得不外如是.這間餐廳坐得算舒服,服務好, 有優點也有缺點, 總的來說, 抱著大大的期望可能會有點失望

The food is really cheap, $26 for a spaghetti, $22 for a risotto. Always long queues in the weekend, so we decided to have a try on a weekday...What we ordered were simple dishes - 肉醬意大利飯 & 白汁雜菌意粉, a 芝士focaccia, and we took the sets with salad and soup.The meat tomato sauce for the risotto tasted terrible!! And the risotto was far too wet. My friend also commented the creamy source for his spaghetti was weird with some sour taste. For the soup, salad and bread, reasonable quality with the low pr

見到咁多好評,決定黎試一試! 7點黎到,等左個幾鐘先有得坐,真係好多多多多人!4個女仔,點左呢7樣野:尼哥狄索比亞墨魚汁意大利粉: 冇味,凍既... 唔會再試!! 北海道甜蝦沙律: 好多蝦,唔錯!9吋漢堡牛肉pizza: 味道同pizza hut有得輝,但係呢度只要$3x一個pizza!海鮮湯意大利飯: 唔錯!肉醬多利亞焗飯: 唔錯!蒜味佛西亞意大利包: 暖既包真好,味道唔錯~粟米湯: 都唔知自己飲咩... 下次會試下其他湯~傾下坐下到10點半,環境唔錯,而且真係好抵,每人40蚊都唔駛,好盡興!!下次會試下荃灣個間!!

2年前係日本試過 不忘佢的墨汁意大利粉係遠浮番黎再去回味下去到2點都要等枱 同日本一樣 主打學生市場我同我個fd都中意食cheese 所以坐低2話不說就叫蒙特利亞芝士pizza同墨汁意大利粉+飲品吧因為coffee機壞左 每人減左$5pizza先上 睇落同切落都唔係傳說中咁多cheese食到有芝士ge 但唔多唔重 同pizzahut差唔多不過pizza唔會話好dry接住的spaghetti就色香味都有黑漆漆的 gaclic and onion令成碟spaghetti美味道提升魷魚都好彈牙 而且一咬會斷開但係食完2樣野後好口乾 唔知係味精or太鹹啦

一行四個女仔, 入去之前已在OPENRICE做哂RESEARCH, 懷著唔使錢的心態入去雖然得了一個鐘頭有多, 但因為不斷傾計所以完全不難捱入去看見餐牌的圖片及價錢下巴跌得更落, 點了以下DISH尼哥狄索比亞墨魚汁意大利粉 - 凍得快, SO SO蒜味佛西亞意大利包 - 味王要求要點, 果然好味, 還點了湯來送包粟米湯 - NOT GOOD, 原來周打蜆湯才是好味的北海道甜蝦沙律 - VERY GOOD, 甜蝦又多又甜漢堡牛肉pizza - VERY GOOD, 有拉起的芝士海鮮湯意大利飯 - GOOD肉醬多利亞焗飯 - 有牛奶味, GOOD ALSO7樣野, 埋單只是$152, SO CRAZY.

可以講真係久仰大名，每次晚餐時段都係人頭湧湧，總於搵到機會試一試，是晚7點拎飛，差40幾個號碼，等咗成個鐘咁濟先有得入。價錢計，佢的確係好正，$3x一個9吋pizza、$2x一碟焗飯，咁好當然係質素同價格成正比…叫咗1. 人氣no.1 牛奶白汁肉醬焗飯個碟就有8吋，但係d飯嘅厚度只有2分半，真係少得可憐，一般正常人係一定唔飽。可幸係味道居然可以，因為真係牛奶做嘅白汁，比一般茶記嘅漿糊白汁好好多，至於個肉醬，味道亦都係可以，但係因為成碟飯太少，所以唔夠份量去評論。2. 菠蘿煙肉pizza十分安全，味道同批底都同pizza hut如出一轍。3. 芝士focaccia呢個勁唔底！個包係同個pizza底一模一樣，十幾蚊一個無黎味道嘅包，加芝士仲要收多2蚊，早知叫咗pizza就唔叫呢個包，就算係要叫個包，都要乜都無嘅淨包，之後加佢個d免費嘅芝士粉就得！4. 辣味雞翼單薄嘅味道同pizza hut十分相似。食完個晚，一直眼光光到2點，應該係太多味精。場入9成都係中學男生，我唸大家可以想像到佢嘅目標顧客係邊一類。我應該唔會再去。

近期在開飯網和友人口中pop up了不少Saizeriya Italian Restaurant的comment在七月已去過.....等位試過一次七點，應該在叫60-70張飛才到我們試過一次六半去，一樣甘多人試過一次差不多十點去，要關門了試過看看有無得訂位，無的其實從經濟角度（學生程度），這些等位跟本事non-price competition對店主是沒有monetary的利益，也在這個角度看有大量租值流失但是多人排隊，又的確是一個不錯的宣傳手法吧這次五點二十多分去到無走雞啦呱.....蒜蓉田螺五，六粒，好香口的但油了一點海鮮意大利飯海鮮分量不算很多，但可接受的意大利飯水準不是很高吧太濕了，有點像茄汁湯泡飯beef pizza是全‘晚’的代表等得最久，差不多20分鐘但是很新鮮pizza底厚度適中，十分脆口上面的牛肉粒，青椒好多，十分香口芝士更是多到，學個fd講，好似唔洗錢甘加上個pizza度另到瓜分pizza時芝士藕斷絲連飲品bar十三元一位汽水咖啡等等樣樣有雖然唔特別，但口渴絕對可以加的食物賣相當然不是很好但quality的卻是有的更重要是價錢很平飯啊pizza啊都是三十左右一份小食

來到將軍澳,這間似乎是不二之選..關於這間,經常看到「好抵食,超抵食...」就o黎試一試啦~ 等左個幾鐘,有位了..茄汁蜆肉意粉($2x) - 意粉軟硬度適中..都幾多蜆~白汁焗雞肉飯($2x) - 很重牛奶味,可以的,不過有d油..跟輕盈餐 (周打海鮮湯,細沙律) - 加$18個湯好足料,唔錯~~~辣肉腸 ($2x) - 幾好味,真係唔係hea,有辣味...兩個人唔洗$100,偶然搭車入o黎試下都幾好ya.

補返之前既食評~咁岩要去將軍澳, search下openrice見咁多笑樣又試試先~~5pm去到都好多人wo, waiter好有禮, 我地兩個人佢比左4人枱我叫左:牛肉pizza: 雖然只係$30, 但好足料, 切開pizza可以拉起d cheese!!!, 個餅底就厚左d, 但熱辣辣好味ar!! 加d pepper同cheese powder仲正咩肉醬焗飯(人氣no.1個款): 有一堆肉醬(仲有d洋蔥)+白汁舖係面,底下d飯好似用左日本珍珠米, 一粒粒既, 睇落好似好溜, 但又唔係喎~ 好味不過份量少左d田螺: $20有6隻, 冇殼既, 上面有蒜蓉一齊焗, 不過好油, 要隔下油先食得兩個drink bar: 每人$13任飲, 有幾款lipton荼包, 汽水(pepsi light, lemon tea, 橙汁...), 咖啡機(可以整cuppuchinno, expresso..) 抵飲我地坐左個半鐘(走個陣好多人排隊...), 用左$98, 冇加一, 值得encore!!!!!

這家日式意大利餐廳相信很多人已來過, 而且已連開三家分店, 也不用多介紹了。來過數次, 各類食物都試過一點, 以下是我覺得比較好吃的:阿拉比提吞拿魚辣汁意大利粉 ($26) - 蒜蓉加辣椒醬汁, 配上吞拿魚碎, 雖簡單但惹味尼哥狄索比亞墨魚汁意大利粉 ($26) - 人人也叫她烏卒卒, 好似好似一隻黑蟋蟀...特別, 不過極之多油地中海海鮮焗飯 ($28) - 配料有青口、魷魚、甜蝦、橄欖, 飯底是黃色的炒飯, 好像是鐵板版的西班牙炒飯?雞肉多利亞焗飯 ($24) - 牛奶白汁為底, 飯也是前者的黃色, 白汁的油多到像油浸健康海藻沙律 ($23) - 常常都想吃的甜蝦沙律是次次都沒有得供應 , 可要求類似千島醬的沙律醬另上, 海藻索索聲很爽脆田園雜菌披薩 ($28) - 直徑足有 9 吋長, 有各式菌類、青紅椒和橄欖, 厚身批底, 也很抵食香蒜佛西亞意大利包 ($12) - 倒有點蒜頭味, 奇! 熱辣辣很好吃 最緊要識揀非繁忙時間來, 就不用等位等到傻啦。

住係將軍澳~要寫食評當然由呢度開始~:呢間日式意大利餐廳進註tko南豐唔係好耐~但已經係呢區掀起左唔少話題同人客~我同班為食友當然唔放過試新野~最唔好既地方係入座要登記水蛇春咁長既登記紙~不過而家有改變~環境乾淨, 燈光適當, 氣氛幾溫馨自在~本人特別like呢種少少自己屋企feel既餐廳~坐低即刻有人上前遞menu, 不過人手不足, 佢地都好忙, 但落單效率好高~叫左pizza, 焗青口, 墨汁意粉, 吞拿魚茄汁意粉, 焗田螺, 蒜蓉烤包…太多啦~每樣廿幾蚊, 所以勁叫~差不多嗌哂成張menu~同埋每人加$13蚊自助任飲吧~推介必食: 蒜蓉烤包, 焗青口, 吞拿魚茄汁意粉, 海鮮焗飯, 菠蘿辣肉腸pizza, 薯角唔太好味: (1) 烤腸仔, 好乾好幼, 咬落好油 (2) 焗螺, 廿幾蚊

其實在坑口市中心也沒太多選擇了，雖然努力在找未吃過的餐館，也決定今天和同事來一間未吃過的京菜，怎知道去到門口才發覺已經是關門大吉了，換成了一間喝茶的地方，見到店內食客的點心不大吸引，所以唯有另覓地方，但又不想走太遠了，所以最後重回上次來過，覺得是很抵吃的日式意大利餐。今回來到不是食客先己做登記了，改為由店員派籌，但也未拿籌，已經是有座位了，坐下後，也看看吃什麼，今次點的跟上回沒有一樣重覆，最多也只是雷同，但一定不會點所謂的扒類，雖然便宜，但上回吃過，認為真的不大吃得過，所以今次也沒有點。先來個小吃辣味雞翼，店家在餐牌上劃有兩隻辣椒在旁，還以為會是很辣的，怎知道只不過是紙老虎而已，雖然不太辣，但也有點辛香，雞翼也是正正常常的嫩滑但無肉香，而且油份偏高，看碟底有層油可見一二。之後來一個人氣的蒜味佛西亞意大利包，說穿了就是在烤餅上撒了丁點炸蒜蓉，而在內也加了點蒜鹽了事，烤餅也如上回一樣鬆軟好吃，雖然炸蒜蓉真的是少得好像可有可無，但吃起都有點蒜味的，以十一元的貨色就是這樣的了。另外也點了Pizza，蒙特利拿芝士比薩足有九寸，以二十八元來說，真的是超值，餅底是港式的Pizza Hut形厚批底，但