159
56
25
食評 (253)
等級4 2018-01-16
265 瀏覽
超高質甜品😍😋平時好少去薩莉亞食飯,好耐之前有個fd話佢地洗碟洗得唔乾淨所以唔想去,不過平價西餐黎講食物都叫ok。通常糧尾想慳錢先食,所以從來都未試過甜品😂點知一試有大驚喜😍好好食,對我黎講有d太甜,個底有唔知係焦糖完拖肥既野🍰等我下次試埋其他款先😉 繼續閱讀
(以上食評乃用戶個人意見 , 並不代表OpenRice之觀點。)
等級4 2017-12-05
235 瀏覽
又係一條毒L去食下午茶嘅時間,咁啱見薩莉亞冇乜人,一於就入去食啦!蒜蓉焗田螺上枱嘅時候仲係新鮮滾熱辣,都睇到落咗唔少蒜頭嘅,幾香,但係食完之後會覺得有啲口渴,同埋見到個碟有好多油,比人嘅感覺好油膩野菌肉醬意粉意粉相對地就比較清新,份量好足夠,而且每條意粉都非常彈牙;但略嫌實物同餐牌上嘅圖片有少少距離,配料實際上並無餐牌上面咁豐富,食到嘅野菌同埋肉醬粒都比較少,但仍然喺可以接受嘅範圍,始終價錢方面屬於實惠,所以自己都唔會有太多奢求。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-10-26
343 瀏覽
去親薩莉亞,可以一人勁食,唔洗睇價錢,做個大豪客。最鍾意佢既周打海鮮湯,材料多,味道好。湯嘅杰度適中,唯一要彈係個湯唔夠熱。雞翼幾嫩滑,雖然我一向唔食得辣,但係呢個辣度我接受到,的確係幾惹味。加錢可以任飲汽水,閒閒地至少ko,兩三杯。甜蝦沙律都係必叫項目,廿幾蚊有超多甜蝦,起碼都食得到甜味,汁醬又夠多,唔錯!蒜香燒魷魚,質地淋得黎彈口,食到魷魚鮮味同蒜香,唔錯!地中海海鮮pizza, 呢度d pizza 雖然似麵包,但幾抵食。d 煙三文超大塊!不過略嫌有d 咸,啱我!就算一個人食都唔覺得dry, 因為平平地就可以食個薩莉亞buffet 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-19
791 瀏覽
「薩莉亞意式餐廳」雖然是一間意大利菜餐廳,但是上門光顧的人,如果不看開飯網或其他有關的網上資料的話,又有幾多人真正知道,「薩莉亞意式餐廳」其實是間創始於日本,有濃厚亞洲餐飲色彩的西餐廳?兩年前,我們一家跟妹夫六人,在四月曾經去過日本東京旅行。我們曾經遊覽過東京的著名景點,包括東京鐵塔、東京晴空塔、淺草觀音寺、明治神宮、台場,還有「日本女人街」之稱的原宿竹下通商店街。其中有一晚,我們就曾經在東京新宿酒店附近的地方,吃過「薩莉亞」其中一間分店的意大利菜當晚餐。當時「薩莉亞」給我最大的印象,是略帶日本色彩的意大利菜,和可以一個價錢在飲品區自斟任飲汽水飲品。之後我回到香港,因為不知道「薩莉亞」原來在香港也有開分店,所以我一真沒有再幫襯。直到後來,我在紅磡光顧另一間日本菜餐廳「餃餃X子」的時候,才發現「薩莉亞」也有在香港開分店。到現在,我趁「薩莉亞」在將軍澳坑口「南豐廣場」的分店,還在營業的時候,我親自上門拜訪坑口分店的「薩莉亞」,重溫我兩年前在「薩莉亞」食意大利菜的滋味。另一方面,「薩莉亞」最為吸引食客注意,令餐廳長期高朋滿座的原因,是「薩莉亞」的餐飲價錢十分便宜,吸引不少為三餐打算,而要節衣縮食的升斗小民。就像今次我在「薩莉亞」點了的午飯主菜「意式洋蔥蒜蓉燒雞」,純粹單點的價錢只需要港幣三十二元,再另外點一碟白飯亦只需要六元而已,如果不要飲品的話,總共價錢只要三十八元就順利完成,付款兩張廿元紙幣,還有兩元硬幣可以取回。然後再點一位「飲品吧無限添飲套餐」,亦只需要港幣十二元。總計一客鐵板蒜蓉雞扒、一碟白飯,再加十二元一位,在飲品吧自由添飲的套餐,不收加一服務費,吃完後只需要付款一張五十元紙幣,連找續也可以省回。吃個比較昂貴,比較重洋食風格的「照燒汁肉眼牛扒」,也只不過是五十七元價錢。當然還有「一分錢一分貨」,只需五十七元就可以吃到的「肉眼牛扒」,以我在西貢長期食「蘇X娜」扒房牛扒的經驗,很難想像「薩莉亞」的肉眼牛扒,會如何造得比「蘇X娜」更出色。將軍澳南豐「薩莉亞」不止價錢比較便宜,甚至兩樣食品的上菜速度,亦是很快捷。「薩莉亞」先上白飯,後上鐵板盛載的主菜「意式洋蔥蒜蓉燒雞」,總共大概都只是十幾分鐘左右。最後我自己一個人,從放着鐵板蒜蓉雞扒的餐檯,走到「自助飲品區」,拿起一個膠杯,開始考慮一下,應該飲什麼飲品才對。「薩莉亞」的自助飲品區,主要有部用來斟汽水的自助汽水機、兩部用來沖調即磨咖啡的咖啡機,和一部煲熱水的爐臺,和用來沖調紅茶、綠茶和水果茶的茶包,旁邊放滿大量裝飲品的膠杯。自從我在西貢藥房飲藥菜之後,我就對於含咖啡因的飲品十分顧忌,擔心飲了藥茶前後,又喝含咖啡因的飲品十分擔心,擔心咖啡因會影響藥茶的效果。幸好「薩莉亞」自助飲品區的汽水機,賣的汽水都是「百事可樂」、「七喜汽水」、「美年達」橙味汽水,還有「雀巢」檸檬茶等品牌。「百事可樂」汽水相對於「可口可樂」相若的碳酸有氣汽水,最大的分別就是,「百事可樂」的汽水不含咖啡因,「可口可樂」汽水則含有咖啡因。坊間有人說含咖啡因的汽水容易讓人上癮,「百事可樂」就是因為不含咖啡因,相比「可口可樂」才因此遜色,被比了下去。但對我來說,咖啡因不是我隨便隨時能吸收的營養成分。如果不是香港少有發售健怡版本「百事可樂」的話,否則我可能已經捨棄「可口可樂」,投向「百事可樂」的懷抱了。至於「七喜」的白檸味汽水,味道跟另一邊的「雪碧」白檸味汽水亦十分相似。「七喜」、「雪碧」汽水在香港,已經幾乎沒有健怡無糖版本發售,所以選擇「百事」、「七喜」汽水,已經沒有逃避糖分的可能。我惟有告訴自己,「百事」、「七喜」甚至是「美年達」汽水,飲用都是點到即止,每款飲品小酙一杯就算數好了。我在「薩莉亞」一邊享用鐵板蒜蓉雞扒跟白飯,一邊飲用加冰的「百事」、「七喜」汽水,整餐豐富的鐵板雞扒加汽水,都只需要五十元。雖然「薩莉亞」雞扒只有一大塊,跟坊間茶餐廳比較,已經算是很抵食了。雖然「鐵板洋蔥蒜蓉燒雞」只有一塊雞扒,但雞扒份量不算細小,不大食的話都已經夠吃飽肚子。燒雞扒沒有淋着任何醬汁,只算一撮濃味的蒜蓉和洋蔥,燒雞出來的味道總算多了一股蒜蓉和洋蔥的香濃味道。「薩莉亞」燒雞出來的肉質,跟它便宜的售價有點不太相襯,燒雞扒的肉味被洋蔥蒜蓉的濃味蓋過,再也吃不到明顯的雪藏味道,口感中等,不太難嚼。把被切片的洋蔥蒜蓉燒雞、粟米和白飯三款食物,一併放在鐵匙羹之上,然後一起放入口中,濃郁的蒜蓉香氣立刻傳到口腔內,蒜蓉的濃郁味道再經舌頭味蕾,傳達至大腦裡面。「薩莉亞」的「鐵板洋蔥蒜蓉燒雞」加白飯,最為人挑剔的地方,恐怕只有那比較伶仃寒酸的單塊雞扒而已。現在拿着同樣的五十大元,在西貢的茶餐廳,散叫可以吃到更大碟的雞扒飯,只是飲品要另外計算了。吃完「鐵板洋蔥蒜蓉燒雞」、白飯,再反覆三次,走到自助飲品區自斟汽水。喝完三杯汽水後,我那十二元自助飲品區套餐價錢,也總算賺回了。最後我走到收銀處結賬付款,五十元鈔票一張,不多不少,無拖無欠。兩年前我在東京新宿「薩莉亞」晚餐的記憶,現在一下子重拾回來了。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-05-16
823 瀏覽
話說…我真係好鐘意去薩利亞食飯每次去到我都忍唔住叫超級邪惡既多利亞, 多利亞點解叫多利亞我無研究過, 簡單黎講佢其實係一個芝士汁肉醬飯, 佢既芝士汁多到飯都索唔晒, 配上肉醬真係一流, 芝士迷絕對唔可以錯過!唯一不可取係佢價照加份量照減…宜家個份量只係碟既一半, 唔係咁好睇…老公就鐘情佢既黃薑雜菌飯, 呢個又係好好食, 黃薑味香得黎唔會太搶, 個白汁好creamy但無芝士咁滯, 配上蘑菇真係一絕!素食(有奶) 可以整得咁好味真係唔容易㗎!蕃茄海鮮飯又係一絕, 呢個組合無得輸, 而且,好多海鮮啊, 係個湯多左d, 當湯飯食都唔錯㗎。雞肉波菜真係真心推介, 個忌廉汁勁香勁滑, 雞肉同波菜伴好忌廉汁食真係食上癮…好戲在後頭, 呢度既燒魷魚真係無得彈。 大隻, 厚肉, 彈牙, 鮮美, 加埋佢特制既超惹味蒜蓉汁, 唔食就笨啦!晚市時段,lunch 價錢,仲要無加一, 無得輸! 繼續閱讀
(以上食評乃用戶個人意見 , 並不代表OpenRice之觀點。)