薔紅

營業中

休息中

書展之後，咁啱去開港島頭就梗係要搵啲好嘢食啦！家姐就介紹我去呢間西餐廳到食好西，其實我嗰日就食咗個雜扒餐嘅，不過我得，最值得介紹嘅就係。 麥精紅豆冰。 一上到枱原來係獨立成支玻璃樽嘅麥精再加一杯碎冰加紅豆，見到充滿驚喜啦！兩隻溝埋一齊之後，超級開心，紅豆粒粒大粒又彈牙，麥精甜度適宜，恰如其分呀

幾位同事一齊lunch,就一齊行左黎呢間到食午餐都有好多選擇，而我就揀左呢個美式雜扒$65 入面有雞扒/豬扒/火腿/腸仔，可以揀飯/意粉/薯菜仲有黑椒汁/蒜蓉汁（雞扒食到有腌制過好食豬扒有香茅味都算好食）平價餐廳黎講都好食既只是態度有點差

係灣仔做野嘅，相信都一定食過薔紅。每逢下午繁忙時段，基本上都要係門口排15-20分鐘先入到去食。（入面空間好大，好多位，粗略估計至少坐到200人，連埋房）今次我同朋友夜晚去到食。薔紅晚市小菜價格合理，味道不錯。不過我地今次得3個人黎，所以散叫餐。佢嘅晚市扒餐真係好抵食，雜扒飯48蚊，仲有其他扒類、燒排骨都係介乎$4x-$6x之間。我叫左個燒春雞配薯菜，燒春雞皮超香超脆，雞肉好嫩，又保留到肉汁，再點埋佢嘅甜酸醬或者椒鹽，味道一流。不過食完個餐會好口渴，同feel到超級熱氣，間唔中食一次半次就真係好滋味！

年初五第一日返工，梗係想食餐好。自從部門年輕左，都多左出去食。今日當係同事開年飯，有人建議去食雞，一講起雞，除左KFC，在灣仔梗係薔紅。午飯時段勁多人，好在等左15分鐘已有位。一坐低諗都唔使諗，即叫5個炸雞餐，4個跟薯條，1個跟飯(最young個同事食)。剩食雞已覺飽，所以都係跟薯條好d。又等左5分鐘，5雞全到，好大堆頭。食雞，梗係要用手拎住食先開心盡興。雖然話有手套唔怕油，不過當你要撕開隻雞時，佢係熱到辣手囉。不過咁先好，香口野，夠熱先好味。見鄰桌係切埋上枱，即刻咁諗：「雞，笨唔係咁食既」。兩個醬都好味，一個酸甜、一個鹽，令燒雞更好味道。話咁快雞食完，墊底的薯條都未食，俾雞壓住有些薯條變腍，唔夠香口囉，美中不足。食完，大家帶住滿足離開，買六合彩去，可惜唔中。其實同事都話新年食太多太heavy，不過呢餐咁好味，食左先算。明年農歷年，試埋佢個豬手，橫財就手嘛。

中餐蒸魚小菜 、西餐焗飯鐵板，乜都有。價錢方面有平有超平，任君選擇。年近歲晚，今日仲見到有一枱SET哂枱布，似乎食一席菜。今日點個特價雜扒，四十文都唔洗，仲有鐵扒上，係非常抵。味道非常平凡，質數未及花園餐廳，太油，但勝在大件夾抵食！試過佢嘅蒸魚小菜，價錢正常返少少，條魚夠新鮮，小菜夠大份，味道好。試過佢嘅煲仔飯，又係一大煲，但味道一般般。又見過好多人食燒春雞，似乎好食又抵食，但我怕麻煩就無試過。借用地產舖一句，窮人恩物！

同事問今日食咩好 我第一時間就諗到呢度既炸春雞😍對上一次食已經係2個月前喇 所以又係時後要食啦一黎到門口已經人山人海不過唔洗驚 因為唔洗等好耐就會有位而且午餐時間 無人會坐好耐所以我地等左5分鐘倒就有位喇坐低唔洗5秒鐘 諗都唔洗諗 4個人都一齊叫炸春雞今日隻春雞黎到果陣熱辣辣個皮脆到好似薯片咁撕開雞脾果陣D肉汁慢慢流落黎依家諗番起又好想再去食過同埋一定要拼薯條因為同事話以前食話沙律唔太吸引最後食得呢隻雞 當然唔少得要飲可樂啦

今晚食乜餸呀？我想吃炸子雞。當一間茶餐廳有幾頁menu，但所有客人都食緊同一樣野，跟機啦。燒雞即叫即炸、皮薄肉嫩有咸香。每次都會冒住熱到爛手既風險、迫不及待撕開雞脾，肉汁流淌既風景真係好治療。脆皮春雞籃配炸薯條($62)雞皮就係炸子雞既酥脆級數，連雞翼尖都好鬆化，除左雞胸大致上都好嫩滑彈牙，點埋淮鹽/泰式辣醬一流。戴住手套大杯酒大塊肉既麻甩感覺真係好爽皮。係好多油浸住呀，薯條係有時會淋哂呀，但我可以為佢去跑返個步囉。份量睇落唔多，但男仔食都會捧住個肚走架。

近期出街比風吹兩下，突然間又令我想起煲仔飯既味道。平時你地食開果D咩四季、坤記、永合成，當然唔駛我介紹啦。反而今次介紹既係一間係灣仔既茶餐廳，佢既煲仔飯勝在性價比高同埋味道都唔錯。出面平時一煲煲仔飯獨孤神劍一味都閒閒地收你50幾蚊，重要有咁細煲得咁細煲。但呢到雙拼都係收你40-50蚊，份量重要等於出面兩煲既份量，而且家5-7蚊重有野飲。另外作為煲仔飯既重點 - 飯焦，呢到絕對滿足到你，簡直係成煲都係，鍾意食飯焦既你絕對滿足到你，而且呢到唔會好似出面咁為左趕時間，D餸凍冰冰、個飯底一pat pat 都照拎比你食，家陣我唔係食糊仔呀！至於味道方面好好食就唔敢講，但一定係合乎水準。btw呢間餐廳重有其他特式野，例如燒春雞、燒豬手、鐵板等等。唔食煲仔飯既都重有大把正野可以揀，記得去試！臘腸排骨煲仔飯 價錢：$48 + $5 熱飲

雖然係兩個月前食 但都想推介比係灣仔附近返工既人呢間餐廳都係同事帶去食 第一次食豬手飯 第二次就食呢個燒春雞 呢個餐可揀沙律 薯菜或飯 唔算太貴 $70到基本上個個都食燒春雞 皮脆同埋雞肉好滑 帶埋手套用手食都幾正 不過都heavy 我建議跟沙律好啲總括來講 都唔錯既

我一去親灣仔都實會去呢間食飯，不論午餐及晚餐🤤🤤聽講呢度最出名係個燒春雞，但係我次次都食唔到，因為佢隻雞係半隻咁上枱，同同事食飯咁大隻雞又唔好意思用手食，所以真係一次都未食過😫😫😫呢個係冬蔭公米線，好濃味，非常好吃，不過食到最後係有啲喊咁～ 推介呢杯係熱情果特飲，有點過甜，er...... 一般推介..... 不過佢杯凍檸茶真係好好飲咖！！記得要叫少甜！！呢個其實係第二日食過嘅油雞米線，啲油雞好多，啲瀨粉就分量比較少，男仔真係唔夠食，女仔就ok!午餐時段12:45前離座有八五折，記得早啲去啦！

灣仔高質茶餐廳👍最出名就係燒春雞💞,一場嚟到點可以唔點招牌美食呢😋半隻燒春雞($64)+ 白飯/薯仔沙律😛一落order, 唔洗等10分鐘,半隻燒春雞就出現係我面前😆, 睇嚟細細隻,但食落真係好飽😂燒春雞嘅皮最正,幾飽都要食曬d皮👍皮脆肉嫩，再配埋點甜酸醬 同 華鹽 就更加惹味😆 好開胃💞 另外,個薯仔沙律都好大碗😋 味道一流👍真係食過番尋味😋下次再去😍 (如果唔夠飽可以轉飯😊 )餐廳有手套提供, 可以用手撕住食雞😊咁先係最正, 最滋味❤

灣仔隱世高質茶記!!! 黎呢度我同老公一定會必嗌一個LUNCH燒春雞($62)，脆皮, 嫩滑! 有雞味!佢仲比埋淮鹽你, 夠哂味架啦!餐廳好細心, 提供膠手套比客人手撕, 又唔會整到手油淋淋!! 好細心呀~~~ 2個人一係就豬扒包餐($44)😘豬扒包配肉醬意粉 , 意粉入哂味又唔會太淋, 咖哩汁牛腩都唔錯, 有根有肉, LUNCH 12:45 前結帳有85折,1:30後食都係有85折!!抵食之選!

朋友話之前lunch食過一次薔紅，就對佢既燒春雞念念不忘，叫我一定要試下所以就約今日去會一會呢隻雞一黎到大廈門口，已經好多人等梗，連樓梯都佈滿人群拎左籌之後，發現仲有十幾個籌先到自己，仲以為要等好耐之制，點知一個字都唔駛就叫我個Number原來呢度係跟人頭排籌，人越少就排得越快，兩個人既籌係排得最快Lunch menu有好多選擇，除左精選午餐之外，仲有臘味飯、燒味飯、常餐、鐵板餐、包餐等，不過全部都唔包飲品，熱飲加$5，凍飲加$7，我覺得唔抵所以無加呢度最多人叫就係燒春雞，朋友話好食，就梗係點佢啦!!脆皮春雞籃配炸薯條 ($62)小店好有心思咁放紅蕃茄片同綠色既伴碟，紅紅綠綠，顏色好豐富，賣相唔錯識食就梗係食炸薯條先啦，滿心歡喜既情況下咬左啖薯條…..萬萬都估唔到，炸薯條咁基本既野，係一間咁多人排隊既茶餐廳，可以整到咁難食!!! 薯條外層又硬又韌，未完全炸好就拎上枱….好彩重點既燒春雞有驚喜，雖然雞皮唔係脆，但燒得夠香，而雞肉滑得黎又有雞味，連雞胸肉都唔韌算嫩，燒得岩岩好!!芝士葡汁梅扒腸片焗飯 ($48)我好中意食焗野，加上同朋友share食雞，所以就叫個焗飯，一飯一餸居然連個焗飯都

去灣仔一般我都會去酒吧街個邊食， 今次朋友介紹話有一間好抵食香港風味又扒食ge餐廳。打開menu， 燒味， 牛腩粉麵， 碟頭飯， 扒餐， 香港野食除左點心麥都有， 假如大家黎試， 建議你地食扒， 因為真係好抵食， 大大份，價錢又親民貼地， 我叫做一個西冷扒， 塊扒大仲要厚， 再加杯凍檸水先total$75， 牛扒依到無得揀幾成熟， 全部一個standard， 同fine steak house無得比架啦， 賣點係大件然後抵食， 質素都ok， 過口癮適合不過來得依間餐廳食， 大部分臺都係叫扒， 最出名同好食應該係隻燒春雞， 差唔多臺臺食扒都叫， 假如大家去開灣仔又想食平價大份， 推薦你地去試下。

Having lunch here for few times and I really like the pork burger & spaghetti 🍝 Pork burger size is big like your hand and the pork is well cooked as it quite juicy. If it can have more tomatoes and veggies would be better. The spaghetti is kind of sour and sweet but really delicious! They also add some corns in the sauce which made it more churchy 🍝