薔紅

營業中

休息中

今日難得返工黎到灣仔，食晏時候唔知食乜好，就醒起灣仔都有間餐廳幾岀名，拉埋個同事一齊黎食。呢間薔紅就岀名食燒春雞既，咁我同事就嗌左燒春雞，我廢時同佢一樣就嗌左鐵板牛扒黎食。春雞真係幾吸引，好香，下次我一定自己嗌返隻黎食。但我牛扒都唔差，60幾蚊大大份，又有薯菜。不過下次我都係簡返春雞黎試下啦，哈哈😂😂

咁啱同同學傾起灣仔果頭有咩好食，佢哋成班竟然一齊推薦呢間薔紅餐廳。原來佢哋之前趁我冇返學一齊自私食過……佢哋好推薦呢間嘅燒春雞飯。咁午餐就去呢間試下啦！燒春雞飯，凍奶茶～～～另外四個朋友三個一齊食燒春雞飯，一個叫咗個咖喱三拼飯。隻雞好大隻呀！雖然得半隻，但係都好夠食。雞皮燒得脆卜卜咁，入面嘅雞肉仲係好熱，而且好嫩口。仲有椒鹽同甜酸醬比你一齊沾，個人比較鍾意沾椒鹽食！！！份量足到呢真係唔洗比飯，只食只雞都夠晒飽一個正常男性。我食埋碗飯真係由中午飽到夜晚10點幾都唔係好想食嘢，晚飯都冇食太多。所以真係好推薦，價錢都算叫做抵喎。

晏晝想食下哈同野 就黎左呢到食燒春雞啦其實呢到選擇好多既 不過都係鐘意食佢既燒雞半隻雞 都哈算細隻 拎出黎超熱 用手撕開 啖啖肉仲滴緊油真係又抵 又好食 又有風味幾廿蚊滿足左好多願望！

同行5人，知道比難搵位所以特意早少少出門拎位，大概等左十分鐘就有位了。一坐低，見到周圍都有人嗌燒雞，好吸引於是我嗌燒雞併薯條，(其實還可以選擇併飯, 意粉, 沙律都可以)飲品熱飲加要$5, 凍飲要加$7。餐廳亦很細心，附上濕紙巾及膠手套方便大家用手食雞。同事都是嗌午市SET，佢地不消五分鐘已到齊食物，可能剛剛出完一大盤燒雞，所以要等下輪大概等到同事都食完時，我的燒雞終於來了。色澤橙紅，炸子雞既顏色，賣相相當吸引，不枉等左一段時間。隨籃附上焦鹽及泰式辣醬可以沾來吃，雞很熱，皮很脆，用手一打開，雞汁不斷流。肉很滑，好滋味!下次如果想再食燒雞，要一坐低就落order了。

經朋友推介去咗一間茶餐廳食咗招牌燒春雞，自從嗰次之後就愛上左，今日lunch心思思又想去食。呢隻春雞(實際有半隻) 果然係招牌菜，周圍嘅人著咗七成都食緊，可以揀唔同嘅配菜例如薯條，飯，意粉或沙律，都係六十幾蚊，喺平日星期一至五只要中午十二點九前埋單仲有85折。燒春雞次次都冇失手，一出到嚟就係熱辣辣，外皮脆卜卜， 肉質鮮嫩，餐廳巳準備好膠手套可以盡情咁食， 除咗燒春雞仲有招牌咸豬手雜扒餐，都係五六十蚊，下次可以試下

今日一行10人出去左食lunch好小可可以咁多人一齊食飯咁同事就提議不如食燒雞一去到待應哥哥見我地咁多人就提議左比間房我地啦等我地可以坐得舒服D呀而我又未食過呢間餐廳 見到個個同事都叫雞食我都唔汁輸叫雞食先得呀真係我見佢個雞SET 有得跟飯,意粉,薯條同埋沙律咁我就跟左意粉食 佢D意粉唔錯 有蒜蓉茄汁撈過好野味呀!!!@@我地坐部人都一齊用手撕D雞食 真係爽到爆今日呢個星期一真係正呀

同事介紹灣仔呢間茶餐廳，話最出名係佢嘅燒春雞，行過帶埋女朋友一齊試吓係咪真係咁正！嗰日撞正午飯時間，好多附近嘅公司都嚟呢度食午餐，都等左差唔多15分鐘。餐廳入面好大，仲有啲房可以俾人打麻雀🀄️，中午會開放埋俾人食野。人流真係超多，午飯時間坐大枱食嘢當然要搭枱啦。‼️留意1:30pm之後落單有85折架‼️‼️咁就超抵食‼️呢度有三個主打，分別係燒春雞、脆皮豬手飯同埋蛋白炒飯。我同女朋友就一人半隻燒春雞，可以選擇配飯、意粉、薯仔沙律定薯菜。我哋揀咗飯同埋薯菜。最近仲推出左冬日暖飲，每日有兩杯選擇。女朋友叫咗淮山黑三寶。燒到金黃色又脆脆地嘅皮，見到賣相已經覺得好吸引，側邊配有泰式甜辣醬同淮鹽，我自己鍾意點甜辣醬，女朋友鍾意點淮鹽，真係各有喜好。撕開隻雞入面仲係好多汁，超好味！Good！💯💯我叫飯就有d太飽，食完半隻雞都食唔晒啲飯，再講多一次燒雞真係好正啊！👍🏼👍🏼淮山黑三寶，女人養顏保暖之物。味道有啲似芝麻，入面有啲米粒，口感都幾特別，真係好適合冬天飲！總括來講，我覺得呢度嘅燒春雞性價比好高，味道真係非常唔錯！除咗可能午飯時間比較多人，茶餐廳黎講我都覺得好滿意！👏🏻

灣仔係全港最富有區域，但唔好以為喺灣仔食嘢一定好貴，灣仔有好多餐廳平到你唔信！例如莊士敦道一帶有好多好嘢食，而且仲好抵食！Rose kitchen嘅燒春雞配薯條連一杯嘢飲$62。原來12:00-13:30(大約，忘記確實時間）午餐仲有85折！➡️半隻雞又熱又脆，薯條炸定就麻麻哋。➡️個分量連男仔都覺得超飽！有埋手套、濕紙巾，幾細心！➡️仲有其他扒餐、煲仔飯、燒味等，24小時營業，有埋免費wifi！呢間餐廳冇得輸！➡️食完熱氣嘢，行去隔離買杯野葛菜水下火，呢餐lunch 大滿足！

如果唔係朋友介紹或者係住喺灣仔嘅地頭蟲，真係唔會知道樓上有一間咁好食而價錢又咁抵嘅餐廳。不過第一件事要克服嘅就係要排隊，因為真係好多人，我果次去到正正就係下午2點左右，估唔到都好多人，不過好彩係我同老公兩個人，所，以都好快入到去。呢度最出名嘅就係燒春雞咁當然要試一試啦。而老公就叫咗個鐵板西冷。燒春雞嚟到嘅時候真係好熱，佢會比對手套你去揸住嚟食，真係食得好過癮架！而且隻雞真係外脆內軟，絕對唔係返炸嗰啲，十分滿意！而老公就唒伏，個鐵板西冷勁難食所以都唔建議大家食燒春雞以外嘅食物啦

尼間樓上茶記，估吾到有咁好味既炸雞。尼種係酒樓炸子雞個種炸雞，60幾蚊有半只炸雞，有薯條/飯/意粉跟。隻炸雞熱辣辣咁上，個皮脆到薯片咁，皮下脂肪又少，肉又滑，又夠味，不知不覺就食哂，完全吾夠喉🤤

今日同友人經過灣仔, 見到個易拉架上既燒春雞同豬手, 賣相非常吸引, 咁就揀左呢間作為午餐了。餐廳係樓上要行一層樓梯, 入面都幾大, 閒日12:30黎到都仲有少量位, 可能係未到尖峰時段。望望周圍食乜, 見台台都有叫脆皮春雞, 實物個樣都好掂。咁朋友就叫左脆皮春雞, 我廢事重複就叫左豬手食。等左10分鐘左右, 野食就到喇! 影完相就分開一半, 咁就可以兩樣都食晒。春雞 $64已經唔係春雞咁簡單, 同平時燒味果d雞係一樣大細, 賣相似半隻炸子雞, 有附上手套, 抵讚。食落去脆口, 有香味又滑, 點埋個准鹽食仲正。沙律我無食不過聽朋友講就普通下午菜果種沙律, 不過不失咁啦。豬手 $62豬手個樣同易拉架上面既就有唔同, 好似得返半隻咁, 味道都麻麻地, 完全唔係脆皮, 似白灼豬手加d汁咁, 不過佢入口都幾淋, 唔係好硬果種。反而薯條炸得幾脆, 件碟既配菜都有d味道唔係白灼。加埋杯凍飲$7, 春雞就認真抵食夾大份, 同區呢個價錢相信係無對手, 值得再去。

琴晚同朋友一共五人去灣仔聚餐，有人極力推薦呢一間餐廳，聽聞燒春雞同黑椒豬手係招牌菜，我地當然要試一試！無諗過最後竟然好味到再叫多隻燒雞，五人一共食左三個燒春雞套餐，兩個黑椒豬手飯，加上豬肋骨鐵板餐和美式雜扒鐵板，真係好大食。。重點係我地叫左咁多野，最後每人只需要約90元，認真抵食暫時係香港食過最令人滿意既燒春雞，新鮮燒好，非常熱辣辣，皮脆肉嫩，非常好食黑椒豬手飯都無令人失望，豬手炆得好林，份量十足，加埋黑椒汁，十分惹味至於兩個扒餐，係有水準的鐵扒餐，不用擔心中伏！整體而言，呢間餐廳非常不錯

難得有一日可以同男朋友拍拖今日佢就帶左我去佢以前既地頭灣仔區一問男朋友去邊食好佢就話去返以前食雞脾個間可惜....我完全無印象直至去到門口呢間餐廳可以話係男朋友既飯堂一星期總有幾日黎食Tea諶牌都就黎識背佢今次就叫左個扒餐係咁話好抵架鐵板雞扒配薯條woo 燒汁都唔少架倒落去個一刻出好多煙呀雖然係下午茶餐但係一d都唔少而且雞肉仲好滑正呀男朋友食開果然識點!而我就叫左出前一丁配沙嗲牛肉餐肉d牛肉都幾好味唔難咬不過就冇咩沙嗲味道用返出前一丁既湯底相比之下好似食扒抵食d

灣仔區有間人氣餐廳，其招牌菜是燒春雞，是日平日中午在附近工作完，又剛好是下午茶時間，為食的我當然要去試試 餐廳位於二樓，上幾級樓梯就到，很大間，而且座位很寬敞，部分卡位更可以望到樓下街景；下午茶餐選擇很多，價錢在港島區來說也算公道，點了以下：脆皮春雞籃配薯仔沙律 ($64)燒春雞有半邊，熱辣辣的，同時會附上手套及濕紙巾，用手搣開後，看到不停出煙，超熱啊～肉質很嫩，不會醃過頭，正薯仔沙律中規中矩五香肉丁腸仔煎蛋米粉 ($26)米粉份量很多，而且不會過碎，很好，本身是配出前一丁，$26真心是良心價，性價比很高呢～水準很不錯的地道茶餐廳～

招牌燒雞（$68）烤雞經過長嘅醃製時間, 令到蜜糖醃料的味道才能滲入雞肉, 雞皮上的蜜糖味令雞皮非常香脆加上有少少甜味, 再點上泰式辣醬同椒鹽, 十分惹味！加上即叫即制, 雞肉極熱, 戴住手套都唔可以即刻撕開。讚！羅宋湯 （+$5）大量使用番茄, 令湯充滿濃濃茄味，搭配各色蔬菜，加上大量牛肉, 確實唔應只加5蚊！環境，服務都不應有太高要求，始終只係茶餐廳