薔紅

營業中

休息中

#中意嘅請分享請點讚🍻----------😋燒春雞 $68 燒春雞係呢度嘅特色菜，一入到餐廳已經見到好多人叫。燒春雞有半隻，可以配薯菜/意粉/飯/沙律。燒春雞外脆內嫩又夠哂熱，外皮夠薄又香，雞肉夠厚，一咬落去d雞汁同雞油洗哂出黎。如果覺得唔夠味可以點泰式辣醬/淮鹽。因為燒春雞都幾大隻，所以我今次叫左沙律，沙律有什果粒、薯仔粒、青瓜。食完真係大滿足好飽。😋涼粉咖啡冰 $10叫任何食物加特飲都只係十蚊，涼粉夠多，特飲不過不失。----------🔎薔紅🚩灣仔莊士敦道194-204號灣仔商業中心1樓

公司喺附近，所以我哋有時午餐都會嚟呢度食燒春雞因為真係平靚正！半隻燒春雞配沙律-燒春雞新鮮熱辣，肉質鮮嫩！配少少喼汁食真心推介一到食啲雞油一度滴落嚟係呢個時候唔可以顧儀容！伴隨着手套原隻撕開仲有好貼心嘅濕紙巾～另外呢度嘅扒餐都唔錯，男朋友果次叫左豬肋骨配薯菜飲品選擇都好多，叫咗雜果賓治配青蘋果🍏

男朋友係附近番工，經常食呢間，仲讚不絕口，今日終於食到喇。餐廳環境跟茶餐廳差不多。一份燒雞以一個籃載著，配上沙拉，亦可選擇要薯條🍟。醬汁為泰式辣醬和鹽。但是雞本身已醃製好了，不加任何醬料都夠味。燒雞來講，雞皮燒得香脆，肉也挺滑，比起西餐廳燒雞，這間更好味，肉質也不錯。餐廳亦提供一份手套和餐具，比客人可以用手食，但用手食要小心熱，用手撕開雞肉時，入面是噴著煙的！ 💨另外，餐廳亦有鐵板餐，希望下次來試試！

充滿平民味道既茶餐廳，簡稱佬味。午市非常旺場，坐無虛席。基本上你入到黎，見到有一半嘅枱都喺度食燒雞，你就知道絕對冇揀錯。半隻燒雞用一個籃裝起，可以配白飯或者沙律，燒雞最緊要就係脆皮，當然冇令我失望，非常之脆。仲可以點椒鹽或者甜酸醬，用手套食就非常之有風味啦，雞肉都好嫩滑。另外叫嘅魚香茄子飯就比燒雞要遜色，中規中矩。呢度上菜速度好快，而且價格相宜。唯一既不足就係服務態度一般，你懂的，乜嘢叫做佬味茶餐廳。

其實已經黎過呢間餐廳好多好多好多次真係喺灣仔返身點都要黎食返次架(雖然聽講weekend係平過weekday的)其實入到去, menu都唔駛點睇因為每次都係叫返同一樣野!>>>燒春雞<<<一人一個餐半隻雞+薯條+飲品都係$7x性價比係非常之高!雖然真係唔係太健康但係佢新鮮整出黎...係熱到你唔可以即刻食架呢個時候就一定要戴定膠手套先!因為之後無論係薯條定雞都一定係用手食先最正!!!呢隻春雞, 外面既皮好脆入面仲係好juicy佢會配埋d兩種醬比你一個香一個甜其中一次另外一次唔係次次都有影相不過每次都係成台雞~雞~全部都係雞!

尼間係灣仔既茶記係樓上舖但都相當出名全因佢cp值超高 味道亦高質嗌個鐵板大大份都係50蚊 份量唔少 超抵食舖頭最出名係燒春雞 但由於我唔想食唔曬半隻雞就嗌左米粉加燒雞髀既餐 隻雞髀都係燒春雞髀咖 燒到好入味皮脆肉軟 係encore 再encore糧尾之選！

第一次食呢間，見佢d鐵板好似幾正，叫左份雜扒，好食 不過著條就冇特別另外叫左幾樣小炒share黎食 好低食 5個人食一個扒(推介) 一個炒蜆 一個鮮魷 一個菜 同吊燒雞(推介)五個白飯 五杯野飲都係每人80蚊會再食過👍🏻

與友人一齊試下薔紅， 真係估唔到甘抵同甘平。星期二有推介， 豬扒、雞扒跟火腿配意粉都係$50， 特飲額外加$10。 根本上，一個比較細食既女仔， 係會食唔曬。薔紅係我暫時見既一間有健康的飲品可選擇， 如芝麻合桃飲等， 不過要係晚上6點前先有等order.

書展行到十一點，大部分餐廳都收工了！朋友推介呢間餐廳入到去坐無虛席，等咗陣先有位有宵夜餐，飲品加錢四十幾蚊嘅公司三文治，一來到有驚喜，炒蛋入面竟然加了鹹牛肉而包亦是烘底，讚雞扒鐵板都好正，扒是香脆的，薯條就正常配蒜蓉汁十分惹味，不停薯條點汁食凍檸茶茶底都香，沒有叫少甜情況下，都唔係過份甜

聽朋友講呢間燒春雞好出名，今日假期特登去試下！$68燒春雞配薯條或沙律，怕熱氣嘅我就選擇咗沙律，打算降下溫🤣燒春雞個皮好薄好脆，雞好滑身，餐廳亦附上膠手套，方便客人食雞，等客人可以盡情食“手撕雞”😌，非常貼心，啱曬我呢啲怕麻煩嘅人！

這間餐廳是我最常去亦最鐘意去的，價錢實恵，食物有一定水準，特別是燒春雞，超好食，皮脆肉嫩，配料又可口，有鹽焗花生，泰式雞醬，華鹽等等，冷氣又夠，坐得舒服，地方夠大可容纳好多客人，又多選擇，值得推介

因為工作關係，近期不斷宵夜，在灣仔，相信大家都應該會識呢個飯堂，地方夠大勝在多枱容易找到座位，隨便攝搭枱都無所謂。有別於「西餐廳」同「茶餐廳」，定位介乎於兩者之間，有粉麵🍜、有小炒飯類🍚、亦有西餐供應🤡.🥢燒春雞🐔［注目熱推🔥必食］。幾乎每隔一枱都有叫，半隻🐔燒雞皮脆肉嫩，熱辣辣戴埋手套🧤揸住食，配埋淮鹽同甜酸醬，仲有薯仔沙拉🥗，$70可以去邊度搵呀！😱🥢鐵板什扒。又另一款抵食重份量選擇，滿到溢出整個鐵板，仲可以跟飯或意粉底🤭🥢涼瓜牛肉飯 / 椒鹽豬扒飯。中式小炒客飯即叫即製，跟上一大舊飯🍚，抵食夾大件🤣

呢個星期四同一班同事去呢間係電車路邊呢餐廳食嘢。一行七人，被安排咗一間房。有好大陣煙味，原來晚上大有麻雀打，檯原來亦是麻雀檯，坐得唔方便。每個人都叫咗唔同嘅飯，可以逐一介紹下。我叫咗 香茅雞扒飯 ，雞扒都嘅滑，但得一片半，但個鐵板一啲都唔熱，61蚊，加五蚊有杯熱飲，七蚊就凍飲好似。有一個焗豬飯，都正正常常。有兩個雜扒飯，都係講個豬較為乾同硬，個雞反而唔錯。女同事叫咗個招牌烤雞，好味嘅，有膠手套手撕雞咁，咬嚟食，配上一碗白飯，佢食唔曬嘅，都大份嘅。仲有一個燒排骨好似，個味道幾好，但見佢咬咗好奈，同幾大份嘅，四都五條骨。有一個叫咗牛，等咗最奈，係即煎嘅，我地全部人食緊都未上。

呢日喺灣仔食dinner, 大家都行到攰，唔知食乜好，屋企人力推呢間因為又抵又好食。🙈👍🏿叫左牛腩麵，牛腩有少少un, 本身以為嗰啲係肥膏，但食落好似唔係😉👍🏿，最驚牛腩會痴牙，呢個就無乜問題，雖然係少少un.🙈🙈 麵同湯底都ok, 其實你問我，我會覺得幾好食，會可以食第二次。🙈🙈但呢間更surprise 我嘅係，佢個例湯（無圖）好好飲，超清甜，又足料，我仲偷飲咗我屋企人個碗幾啖，極度建議去嘅人可以飲佢既例湯。👍🏿👍🏿😂

每次光臨呢間餐廳，來來去去都係食個兩三款，因為其他冇乜特別-炸春雞由$50食到而家$60幾，都仍然咁好食。落order後，唔使2分鐘就上菜，就知係招牌菜，勁多客人叫，對於茶餐廳來講確實係超水準-肉醬意粉加豬扒包，一次滿過足兩個口感