薔紅

營業中

休息中

平時去飲宴一枱人得一隻脆皮燒雞，每個人極其量食得兩三嚿，手快有手慢冇。午市12點九前埋單仲有85折，飲埋凍飲埋單都係68蚊嚟到灣仔呢度，簡直補償番晒飲宴食雞到喉唔到肺既感覺。半隻脆皮雞自己撕就咁睇真係好大隻，炸到勁通透俾埋手套嚟撕，所以唔駛驚食到一手都係入面好juicy層皮炸到勁香脆，簡直係食緊炸子雞咁但想食就真係要趁早嚟，午市真係超多人，仲好多枱人嗌呢個跟餐可以揀意粉或飯或者薯條或沙律感覺跟薯條會俾底既雞油油浸非常滿足，仲要唔欺場因為真係堅好味

今日同幾個朋友🥾行完山🏔，有人提議💡過嚟呢間茶餐廳🍽食個下午茶補充下💪體力！佢個一口🍞西多士上邊有勁大塊牛油🧈勁邪惡😈，不過🔥炸得好鬆脆，而且中間嘅🥜花生醬都好足料，另外佢淋上煉奶🥛感覺冇糖漿咁膩！呢個係🔥脆皮牛腩🐂，外邊炸得好香脆🤩，牛腩夠嫩夠滑有牛味👍！點埋佢配嘅🤤咖喱汁一齊食更加😋惹味！朋友仔極力推介呢個燒春雞🐓，都算幾大份，外皮🔥燒得好香脆👍，肉質鮮嫩多汁，不過整體偏鹹咗啲🤤。

已经帮襯了很多年，每次去庄士敦道一带，都会想起他们。以食物水准和价钱而言，蔷红肯定无得输。餐厅也愈来愈旺场，大部分时间都有八成以上的入座率。从他们的餐单，可以看到有不少选择，而且价钱不贵，的确比周边的食肆优胜。今天是下午茶时间到访，顺利成章是吃他们的下午茶餐。由于肚子不太饿，点了一个雪菜肉丝米粉配卤水鸡髀。米粉是用大碗盛着，很多的份量，味道也很不错。至于鸡髀，外层是入味，但中间的鸡肉较淡，比米粉失色。餐厅整体水准不低，唯一批评是楼面的服务态度不大友善，还有改善的安间。

今日同事介紹咗一間喺灣仔嘅茶餐廳話呢度有好出名嘅燒春雞聽落都好似幾吸引所以就一齊去試吓———————————————————————🔸脆皮燒春雞配意粉($70)一場嚟到當然要試吓最出名嘅燒春雞可以揀薯條意粉或者沙律怕麻煩可以另加$3斬件自己因為怕熱氣所以就揀咗意粉可以另加錢要餐湯同埋飲品落單後好快燒春雞就嚟到燒春雞熱辣辣配上左鹽同埋泰式辣醬啲皮食落我脆扑扑就好似食緊乳鴿咁啲餐廳衛生環境就唔係話咁好———————————————————————薔紅 (灣仔)灣仔莊士敦道194-204號灣仔商業中心1樓

牛扒無肉味 態度好差！ 一開始因為Keto. 所以選左呢度之後等位時。明明我地到左先 ！ 2 個人眼白白見住佢俾好多之後既人入去先 座低叫左牛扒餐。叫左薯菜因Keto 唔可以食著條。叫佢走薯條。話唔得！ 黎到又無味又硬 ... 叫佢俾黑椒又話無 .....個呀叔話塊扒本身都都有.... 食完仲有d乸口⋯⋯就咁.. 食左餐又硬又無味又受氣既一餐！.... 呢度次次黎d侍應都好似欠左佢咁。呼呼喝喝。超串！ .. 係去到最尾收碟。有白頭髮個叔叔有禮貌咁問！ 超碼有d安慰 ....

燒春雞配飯 𝚁𝚘𝚊𝚜𝚝 𝙲𝚛𝚒𝚜𝚙𝚢 𝚂𝚙𝚛𝚒𝚗𝚐 𝙲𝚑𝚒𝚌𝚔𝚎𝚗 $𝟽𝟶 熱辣辣 好𝚓𝚞𝚒𝚌𝚢 好滑 好嫰 🤤 皮仲燒得好脆 🥰餐廳超體貼 有手套 同濕紙巾 唔怕食到成手都係 大滿足😍 𝙾𝚟𝚎𝚛𝚊𝚕𝚕食評最高𝟻粒🌟)📌好味程度：🌟🌟🌟🌟🌟📌回頭度：🌟🌟🌟🌟🌟📌環境：🌟🌟🌟 📌服務：🌟🌟🌟

由於我同fd要去灣仔攞嘢，咁啱我哋都冇食飯，於是佢推介食呢一間，我嗌左雞扒加黑胡椒醬($60後尾折咗51)，等待時間唔長，份量我個人覺得好低，再加上黑胡椒醬調味，簡直就係美食，除咗雞扒之外，仲有茄醬意粉食，分量唔算好多，但係加埋一齊真似好好食，仲有少量嘅蔬菜，我個人覺得呢個價格好抵食，店舖有old feel，再加上啲音樂，就好似返咗去八九十年代一樣，仲有一個細節位就係，如果你有背包既話，佢會靜雞雞俾多張凳俾你，非常貼心，我一定會再幫襯返呢個老店！！！

不得了!!! 朋友一直講呢間燒雞點好味點好味法.但我地始於少一齊過海...撞岩今次做完野就可以黎試啦.我地黎到都點半. 重係爆場. 點半後入場有85折. 勁抵!!!脆皮燒春雞. $70  可配飯/意粉/薯條/ 沙律. 加$5 有 熱飲/ 中湯/ 西湯.問完係羅宋湯後梗係加啦.. 正呀!!!舊式餐廳既羅宋湯係濃味又足料!唔似依家個D轉哂做又淡又稀既茶湯!我叫左跟沙律, 係頹沙律黎, 唔建議試喇. 哈哈..下次都係叫返薯條算LU.朋友既跟薯條.. 但係全部係哂底吸油....,>,<即係迫人食少D 薯條者..上到黎係熱辣辣. 勁JUICY, 勁多油... 痴線GA!!!但真係好滑好嫰. 呢個價錢超值呀!!!呢度係預你手撕, 如果要切埋加$ 3!佢有手套同濕巾 跟埋, 唔怕食到成手都係..不過溫馨提示, 真係會彈油同彈汁, 論盡如我者, 搵張紙墊住大脾啦!! 哈哈哈哈.

很久冇去灣仔而前返工都會去E度食嘢但之後去了澳洲返來香港都冇幫襯過都有6年冇去食物質素冇變牛腩肥瘦適中服務態度有如餐廳一樣非一般的茶餐廳但係有啲可惜西多士有賣相有點兒要改進

史上最抵食嘅燒雞🐥- 燒春雞配薯條 + 凍飲 $78 呢個價錢有半隻燒春雞食真係好抵食 仲要熱辣辣上 配菜可以揀飯或者薯條或者係沙律 鍾意食熱氣野嘅我就揀咗薯條 薯條就正常嘅 隻燒雞就好Juicy 個皮又好脆 仲有隻泰式醬同埋鹽俾你點 對於鍾意食雞嘅人來講真係大滿足Overall推介指數：4/5間舖頭都幾大 上菜速度都幾快 如果係附近番工放工就方便去食

有時餐廳要受歡迎，唔駛做咁多花巧野，一、兩樣食物突出就可以留住顧客個心，呢間就係其中表表者。中學師弟公司係灣仔，佢介紹食呢間樓上舖。係地下完全唔知上面有餐廳，入到去係茶餐廳寬敞版，無乜特別。打開餐牌，第二頁寫住燒春雞籃，咦，好耐未見過呢個餸，不如叫黎試吓，點知一試難忘！首先來餐湯羅宋湯，正宗港式味道，材料好豐富，偏酸少少，但可以接受，又唔會太浠，味道已經好唔錯。飲緊湯之際，春雞籃已到。半隻雞好大，外型討好，又熱騰騰，新鮮整起。戴上手套，首先撕開雞髀。嘩！雞油雞汁好似泉水咁爆瀉出來，雞肉滑到一個點，又有雞味，醃得個味啱啱好，唔過鹹，關鍵部位雞胸肉唔嚡唔硬，非常好！但最重點係雞皮，脆、薄、香，差唔多係炸子雞個level，勁呀！簡單來講，就係四個字：皮脆肉嫰！半隻大雞，配飯/意粉/薯菜，只盛惠70元，性價比高過IFC，完勝唔少韓式/台式/美式炸雞或燒雞，特別係炸粉厚過塊面皮嗰啲！鍾意食飯嘅人會好滿足咁捧住個肚走，唔鍾意食雞嘅會驚嘆香港仲有好雞食。多謝細佬，非常好介紹，強烈推薦！

薔紅！聽個名就覺得好有7/ 80年代feel！😂由於公司同事又上咗一輩嘅朋友，所以過嚟幫襯 ，襯返佢嘅身份。第一次上黎幫襯，原來呢度都幾好！ 茶餐廳得來有啲懷舊特色，野食仲出乎意外地好味！Lunch set 叫左黑椒豬手+ 維他奶紅豆冰 $75 - 豬手皮脆肉嫩，好夠味既，不過層骨膠原就肥左d甘...但如果想補一補嘅話應該好啱食好香口！而維他奶紅豆冰出奇地夾！ 估佢唔到！ 😝第一次飲紅豆冰係襯維他奶，我覺得都幾特別不妨一試。果然，舊式茶餐飲都有佢特別既地方，值得去尋一尋寶😁

叫是日午餐B，豬扒雞扒餐佢話冇我就問咁鐵板雜扒餐有冇我見材料都係豬扒雞扒，咁問下穩陣啲點知佢待應呀叔好唔老脾，佢話”我話午餐冇姐，鐵板我有冇話冇呀？”請著咁既員工，我只好報食環罰下你錢等你知到服務態度差會倒米負責人見到希望你唔好介意你地枱之間少過1.5米而且每台超過人數，係違反599條法例餐飲業務負責人及表列處所管理人違反第599F章的法定規定者即屬干犯刑事罪行，最高可被罰款50,000元及監禁六個月。

之前喺灣仔做嘢都聽過呢間餐廳有燒雞食, 特別嘅地方係每人半隻燒雞, 畀埋手套你去自己拆啲雞肉出嚟食, 感覺都幾新鮮。 餐廳雖然大, 但係食飯時間都要排隊等位, 因為真係有好多人嚟食佢嘅燒雞。佢有得揀燒雞配薯菜, 沙律或意粉, 飯, 分量都適合男士食, 我叫咗配薯菜, 雞皮好脆, 雞肉亦都有肉汁, 名副其實係皮脆肉滑。 燒雞配淮鹽同甜醬隨你選擇, 但其實唔需要用淮鹽隻雞都好入味, 再加埋杯冰凍凍檸茶, 呢個lunch食得好愉快😋

半個月食一次嘅餐廳！因為次次黎都係食佢個炸子雞飯唔可以日日食 太熱氣係灣仔lunch 唔洗70蚊都叫可以接受呢到係半隻炸雞咁上都唔洗70蚊都幾抵食仲有野飲，飯/意粉跟埋