薄荷葉泰國菜

營業中

休息中

每次去元朗都有驚喜！今晚就同男朋友仔撐枱腳，佢住元朗所以話帶我去食一間好有情調既泰菜餐廳。一見到個裝修，已經wa一聲！因為真係好好feel，開放式舖面，有酒吧feel，擺明係高檔路線，所以價單都唔平。 生蝦刺身198一碟有七隻，份量正常。店主好推介呢個，話係用海蝦所以食落好唔同一般街外既基圍蝦，於是男朋友就叫左一份。開落真係覺得好貴，但食落又真係幾好味，好爽口得黎又有黏性，無平時食既生蝦咁會韌，啖啖都咬得開，真係有鮮甜味。燒香茅牛肉沙律$108之後係必食既燒牛肉沙律！每次食泰菜都好中意點呢個沙律。沙律菜都係大同小異姐，重點係個香茅汁同燒牛肉，牛肉燒得好香，個肉邊脆口既，香茅汁都幾惹味，不過真係辣左啲。泰式炸蠔$168呢個炸蠔真係推介！係咁多樣之中既大愛！唔算平，但係好抵食，因為個蠔好鮮，炸粉唔厚啱啱好，用生菜包住食，一咬落去啲蠔汁真係咇出黎！仲有個酸酸地既醬可以淋上個炸蠔度食，三樣嘢真係好夾！冬蔭功湯$78呢個係細份量既，夠3-4人飲，所以2個人飲左3碗都有。味道不過不失既，勝在多海鮮料之餘，煲完湯食落都係有鮮味，not bad。好彩今晚唔係幾肚餓，所以可以叫得比較多嘢食，份量唔會太多

呢間係一間真心好正既泰國餐廳，事關本人最喜歡既cusine就係泰國菜haha 超愛泰國菜既一定唔可以skip左呢間野囉!!! （變得十分真誠 *笑喊*） 環境呢D唔多講因為比起食物，個環境已經不足掛齒。不過都睇下個環境係唔錯，加上佢元朗入面，個氣氛變得十分熱鬧同輕鬆。但要留意因為呢間野都幾旺，如果假日黎，早D黎(唔好遲過6:30~7:00 pm)比較好。因為假期既原因實在太＊多＊人了!!呢個係沙嗲串但冇如期中好，因為個肉唔太林，比起其他食物，沙嗲串比較失色。呢個係十分有特色既椒鹽魔鬼魚，建議黎到呢度一定要叫黎食下（但basic requirement係你地一行要有4個或以上先好!! 因為呢度既食物portion都好大份，如果只有2個人黎食，可能有好多大portion既食物都食唔到）呢個魔鬼魚雖然係好有特色但味道中間，黎食一次就足夠。咖哩蟹配薄餅係必食，因為真係好正好有風味。無論係個咖哩汁或蟹，even薄餅都係一流。我有d朋友麻麻地呢度既冬蔭公湯，不過我反而幾鐘意佢清清地既味，而且夠辣佢比較係近正宗泰國冬蔭公湯既味道（如果我係泰國飲既係正宗既話我應該冇估計錯誤haha lol）呢個炸蝦球

位處元朗嘅薄荷葉都算方便, 附近都有位泊車, 不過就太多人喇。鋪頭唔難搵, 一去到就見到有幾枱直情坐晒出黎, 都有啲泰國風味。不過我地就上左樓上嘅房仔, 裝修都唔錯。一開始整番個沙嗲串燒(豬牛雞)($78), 燒得唔錯, 唔會燒到乾晒冇晒肉汁, 而且沙嗲汁都整得好味 之後再黎椒鹽魔鬼魚($168), 呢個就比較一般, 乾左少少同埋有啲韌 呢個泰式燒蠔($168)冇得彈, 大大隻夠爽口, 擠少少檸檬汁落去而且連埋面頭嘅辣椒一啖放入口, 我本人非常唔食得辣就覺得有少少辣, 但呢種辣度剛剛好刺激到我嘅食慾! 好味! 黎到呢個泰式生蝦刺身($198), 生蝦唔錯, 不過重點唔在呢到, 最正嘅是每隻生蝦面頭有一片蒜片同埋少少辣椒。佢唔算太辣, 再加埋蒜片真是令我覺得好似有種去左泰國食野嘅地道感! 食泰國野冇理由唔叫番個冬蔭公飲架嘛, 最後飲番個冬蔭公湯(大)($148)。唔好睇呢到得一碗仔, 只是佢一窩拎出黎再分落細碗到, 而且好足料, 不過有啲辣, 我呢啲食唔到辣嘅要一路飲水先可以飲到一碗 , 但個湯勝在夠鮮!

味道OK，但員工服務態度極惡劣、機械式工作，一定唔使旨意我再嚟！話說平時甚少入元朗，咁啱呢日要入去，就預先上網搵吓元朗有乜食，見到呢間好多好評，就決定打電話去訂枱。打電話去佢問幾號幾位，我答佢26號2個人。佢答：「3位呀？」咁我以為佢聽錯就話「唔係呀2個」佢又唔應我我又講多次，之後先發現佢原來唔係同緊我講嘢，因為聽到佢講：「等等先我聽埋個電話。」呢吓已經愕咗然，明明就係你問我日子人數，我即刻答你你轉頭竟然唔係聽緊電話又唔同我講聲先……呢單嘢其實我原本都得啖笑，因為諗住香港地做生意係咁上下服務質素，而且最尾都訂好咗，咁就算。但去到現場食完先知原來呢單嘢係惡夢嘅開始！我訂咗7點，佢話要8點半交枱，我話無問題。當日18:05。早咗到，6點鬆啲就到咗，去到我同朋友話2個，有個中年女人問我哋有無訂枱，我話原本訂咗7點但早咗到，我見佢哋全間舖得2個人啱啱坐低咗食嘢，諗住應該都可以俾我哋坐掛。佢話：「咁你7點半交枱啦！」我朋友話：「咦？之前又話8點半嘅？」佢睇咗本簿一睇，就話：「算啦！」之後勁不屑嘅態度，望都唔望我哋，指我哋埋去一張枱坐低。老實講，一個正常人食個飯其實你食得幾慢都好，30分鐘都應該食

這是我第一篇食評，平時我都好喜歡覓食同食好味的餐廳話說很想試這間好耐，因為它排名最高幾位，就想試試呢間有什麼特別。同平時的泰式餐廳顯然不同，有bar 、播著泰國的歌、出面有燈飾，氣氛幾好。 呢個 都辣 我吾係好食得辣 不過好香 重海鮮同埋酸酸辣辣甘 細細窩 夠兩個人飲 有蝦、菇、蕃茄仔。 叫咗黃咖喱雞 同埋 薄餅黃咖喱吾辣 幾好，d雞肉好彩吾係鞋 ，好多洋蔥添。薄餅我既摯愛熱辣辣 又香脆 ，即刻點埋黃咖喱一齊食 好味道平時 我鍾意食泰國既小食 今次都叫左 岩岩好二人份量 有牛同豬既串燒、蝦餅、菜肉卷丶蝦片 整體上 幾好味仲有叫左個蒜容炒雜菜，但咸左d第一次食 印象不錯 下次再試其他 同飲品

自從朋友搬入屯門後，我們便少了見面呢。今晚就約左係大家平日出沒既中間點食晚餐，一於見個靚面食餐靚飯。我地剛坐下不久，人流便愈來愈多，連門口位置都坐滿了！與之前去既泰式餐廳有點不同喔！朗屏薄荷葉現場環境開揚又有勁歌，牆上掛飾和佈置充滿泰式風情，好有民族feel！環境又好relax，真的很適合一大班人黎開餐！越式紙米卷 $88一共有八件，外層是透明狀的紙米卷，細看仲有層層分明的沙律生菜，內有大大片三文魚和絲條狀蘿蔔絲。配上沙律醬和醋混食， 好新鮮既組合，酸酸地挺開胃！烤餅配班蘭咖喱超推介！$130點菜時，待應生會問加唔加烤餅，食咖喱總要有麵包類的沾著一齊食先過癮！烤餅真係做得好出色！香口鬆軟的麵粉皮，厚度適中，不會食到乾喉又易啃，我急不住吞食了三大塊呢！配上貌似辛辣既班蘭咖喱，但其實只是滿足了視覺上的辣，事實上這是不辣又滿足到咖喱怪既超香口curry！椰青 @$38這個椰青應該係我食過最薄皮和軟身的！雖然開口位細，但用刮匙沿椰青殼邊順刮就好易刮出片片的椰肉，好軟身又易入口，真係又白又滑既椰肉呢！泰式炒金邊粉$98這個金邊粉要自己撈起嫁，碟邊四角都有配料，有砂糖，辣椒，蔥等。賣相係幾吸引！外

餐廳位處於元朗劇院附近 , 由元朗朗屏站行約12分鐘 ; 此店在元朗好像頗有名氣 , 有不少人專程駕車而來。餐廳播著輕快的泰文歌 , 燈光及裝潢均予人置身泰國的氣氛 , 提供室內及室外座位 , 假日晚上來到 , 相當熱鬧~這裡提供的是新派泰菜 , 在傳統家鄉菜中加點新意思 !椰青($38)椰子味超濃厚 , 冰凍清甜 , 必點 ! 凍黑加侖子($28)為利賓納。椰汁雞湯 $78 (S)奶白的雞湯 , 我的至愛 ! 加入小蕃茄 , 酸酸的挺開胃~滿滿滑嫩的雞肉、秀珍菇 , 淡香椰汁味道 , 辣度不太強。明爐魚 $158魚是熱騰騰吃的最好 ! 香料味滲入魚肉 , 尤以香茅味出眾 , 是經典泰式明爐魚做法。魚肉嫩嫩的 , 沒有太多骨 , 都是大大條容易拔除的 , 吃起來更感滋味暢快 ! 泰菜最講究香料 , 這裡的香葉料是吃得出的新鮮 ! 魚肉配搭著香料一塊吃 , 香料味在口腔中久久不散 , 又是另一種滋味享受。招牌火焰燒雞 $138店員先為春雞淋上玫瑰露 , 然後點火 , 散發超級濃香的玫瑰味 , 視覺嗅覺率先享受~火光熄滅後 , 端回廚房切好再上碟。每一口均伴隨著醉人的玫瑰露香~ 春雞皮燒得

As we have made a reservation earlier on, thus we were able to get a seat once we arrived. Regarding the location, even though we navigated the place using GPS but it still took us some time to locate the place. It was located at the back end of the street and the surrounding shops were all closed, thus we were quite surprised to find a popular restaurant right in the middle of those shops. With the combination of Thai songs and dim lighting, the settings feel more like a bar rather than a resta

約朋友飯聚, 想搵間座得舒適又傾到計餐廳就揀咗薄荷葉食泰菜, 好彩有訂位, 估佢唔到平日都咁旺場, 差唔多9成滿。二話不說先來一人一個椰青, 真係透心涼, 椰青肉都好軟透。泰菜不可缺少的前菜, 酸辣鳳爪沙律 $68, 隻隻腳仔漲卜卜, 份量都唔少用咗好多香菜、蔥、 蒜, 醒胃指數直升。什錦小食$88,入面有齊我的最受, 有串燒、炸魚餅、春捲、蝦片。香口美食最吸引我, 當中最得我歡心就係串燒。串燒需然凍咗, 但仲可以食都肉質既彈性, 沾少許沙嗲醬就原全令我想起泰國街邊車仔檔既串燒, 泰國風味十足。 冬蔭公湯 $782個人就叫咗個細SIZE, 每人都REFILL咗2碗。初入口相當濃濃椰奶香味, 以為唔夠辣, 點知後勁凌厲, 一啲都唔可以睇少, 但略唔夠酸味, 再加強少少就好。是日太多美食想試, 但2個人肚皮空間有限, 唯有點咗個主菜泰式燒羊架$1184大件, 肉中插住果枝厡來係新鮮小迴香, 當中員工仲教我哋可以自己動手搣少少加適量落羊架上。羊架肉厚帶少少肥糕, 咬一口醇香羊脂味走遍口腔, 加咗小迴香得確提升咗味道。羊架底層配有沙律, 沙律菜有爽脆酸道夠, 中和主菜羊架既肥膩感, 兩者原美配

今晚我們去咗元朗劇院附近嘅「薄荷葉泰國菜」食晚飯！ 我們叫咗泰式生蝦刺身、招牌火焰燒鷄、 泰式炸蠔、芭堤雅燒海蝦、清邁蕉葉燒魚、越式紙米卷、 廚師推介-春卷、肉碎生菜包同薄餅！ 泰式生蝦刺身嘅賣相好吸引，生蝦非常新鮮， 醬汁嘅味道調教得恰到好處，令生蝦嘅鮮味更加提升， 鮮味十足！招牌火焰燒鷄嚟到嘅時候， 店員會喺人客面前倒啲酒落燒鷄嘅表面， 之後點火，燒完之後店員就會將燒鷄切件， 鷄肉有濃濃嘅酒味，皮脆肉嫩！ 清邁蕉葉燒魚嘅表面燒得好香脆同有少少燶， 但裡面嘅魚肉仍然相當嫩滑同充滿濃濃嘅香料同蕉葉嘅香味！ 越式紙米卷嘅生菜好新鮮， 外面嘅紙米包好煙煙韌韌，口感好豐富！ 肉碎生菜包嘅肉碎有微微辣，相當惹味，生菜好新鮮爽脆！ 薄餅嘅餅質好鬆軟，厚度適中， 就算唔加任何醬汁嚟食，都非常好味！係本人嘅必食推介！

友人為港島人，是日特登新界一日遊，揀選左元朗呢個美食天堂早两日book左呢間Mint，元朗多日本菜，試下元朗的泰國菜餐廳環境很好，有酒吧氣氛但並不嘈吵舖位連室外，秋天天氣一絕點了以下食物：串燒(豬，牛，雞)唔知點解用個酒杯裝有啲奇怪 鮮蝦柚子沙律，好清新，酸甜醒胃泰式金邊粉，調味料分別放碟四角，有辣有唔辣，想法周到蕉葉燒魚(馬友)，這不得不提，$198魚由蕉葉包裹，內有各香料，魚燒得剛剛好，魚肉滑到不得了， 同友人食唔停口，好好味友人點選果酒這是柚子味麒麟啤，幾得意，又有生啤味又有淡淡柚子味，不過上面啲泡，下次可慳返其實這有套餐，可惜星期六日，公眾假期暫停，否則都很優惠是晚，有泰文歌聽，有美食，有酒飲，為是晚劃上完美句號！

假日搵野食之元朗篇，夜晚想找一間特別泰菜輕鬆下飲下酒談天說地。朋友二話不説推薦此店。一到門外，有室內或室外因訂了枱被安排室內位置。極有泰國風味的擺設及柔和燈光猶如置身在泰國似的～還有播著泰文歌曲添！這間餐廳更有酒吧有不同種類啤酒供應。首先出場係甜柚鮮蝦沙律，賣相超吸引。一碟有2隻鮮蝦，洋蔥蕃茄仔沙律菜配上醬汁超級醒胃令人食指大動。串燒拼盤有六串，我們點了豬.牛.雞各二。豬同雞燒得恰到好處，不過牛就燒耐左有少少硬。店員給我們沙嗲汁一齊食，分外惹味。是日精選·清邁蕉葉燒魚！平時非常怕食魚的我也愛上了。這條魚是馬友，廚師在它的肚內放了大蒜及香草葉去燒然後配上燒汁。首先加了大蒜及香草葉可以減少魚腥味而且更多了泰國的味道。當咬一口，嘩⋯好滑燒汁加上大蒜真的一絕。我同朋友都喜歡這個菜式👍👍👍泰國食物點少得金邊粉.金邊粉不得油膩。一樣有紅椒粉同蔥撈起來吃！食完那麼多道美食超級滿足～飲品方面，我地點了Mint cocktail 及 西柚味frozen beer！超特別西柚味啤酒第一次試飲加上一種甜味同柚子味道!Mint cocktail可能太多冰關係味道淡了。

二話不說，這餐廳真的是十分不錯，以我吃過的泰國餐廳這也算是中中的。第一介紹的是我比較推介大家食的蝦球第二是咖哩蟹第三是馬拉盞炒通菜提一提大家，那餐廳的椰青真係99分，我飲了3個，個個都係冰涷，清甜，而且又大個。椰肉不會好硬，真係非常唔錯，椰青的香味十足

食得又睇得，唔單止係講d食物色香味俱全，呢間鋪頭嘅裝修設計都非常有風味格調。重點推介生蝦刺身 ～ 生蝦生鮮，甜，爽口，呢d做到哂。重點係調味到，一般外邊就用生蒜片加辣椒片，不過呢到就用生蒜片加自家製嘅甜酸辣醬，更加開胃鮮甜。馬拉盞炒通菜～水準高，唔係一味得個咸味同重口味，食到馬拉盞同香料味，而且份量好多，通菜“山”咁樣。重點係佢用通菜苗，嫩口爽口夠fresh。紙米卷～好味，有層次，外邊似係米漿做嘅皮， 煙韌有口感，入邊有爽口生菜，沙律醬，仲有mix & match嘅煙三文魚，味感大衝擊，正。冬蔭功湯～食泰菜一定要試，呢到水準都幾好，香料足，食得返個味，另外可能就返香港口味，甜辣度適中，都係心機野，值得試試。炸蠔～呢個真係不得了，size仲有過男人拳頭，炸到外脆內嫩，蠔夠鮮味夠濃，重點放係佢哋自家秘製醬汁，吊起哂個鮮味，可以食到濃郁嘅蠔味。 焗蠔～完全另一享受，用秘製酸辣汁同青檸黎吊起蠔原原本本嘅鮮甜感，口感味道同炸蠔完全不同。

今日即興 走左去元朗食飯眼看餐廳 有露天座位 內部裝修也不錯環境暗暗的 氣氛唔錯頭盤點了泰式生蝦刺身蝦肉爽 但蝦上的辣椒粒較辣再點上特色的泰式辣醬 不食辣的人要小心越式紙米卷 推介！有最愛的煙三文魚 加上爽的生菜口感豐富 好食！吃了炸蠔 燒蠔超大隻的 肉質充滿蠔味 但蠔邊略un個人覺得燒蠔比炸蠔好食最後 冬蔭公湯酸酸的帶點微辣 跟外面的味道不同沒有太勁的香草味 不錯不錯:！如果有泰式甜品就更加prefect ！