薄荷葉泰國菜

營業中

休息中

姊妹團結婚後很小出來聚會了,今天特意約出來見一見面,地點選擇較近大家的元朗以前大家未結婚前經常來元朗的,當時的元朗還不是那麼多人今天已是水貨客天堂的元朗,早已不是當天我們熟悉的地方所以見面地點選擇偏遠一點的地方來到這家薄荷葉餐廳,可能因為是偏遠地點不是那麼多人,這樣更舒服呢不過不久後室內便坐滿了人,可能是因為天氣熱的關係餐廳有酒吧,不小人飲啤酒吃了不小食物,不過因為大家忙於聊天,所以沒拍照最後終於趁空隙期間影了這個青茄喱雞,青茄喱不算太辣,相當惹味份量也不小,我們3人吃過小食,再吃這個已經相當飽了雞肉十分嫩滑,肉的部份也較多雞皮也不肥膩,相當滋味而且這兒可以坐到深夜,相當方便聊天呢 

位於元朗附近的薄荷葉泰國菜 Mint Thai House ，是一間以為泰國菜主的店舖。看一看餐牌，發覺價錢不貴。木瓜沙律$58店家採用的非一般的紅木瓜，而 口感爽脆的木瓜。把木瓜切成條狀，沉在酸酸甜甜的汁當中，感覺很清新和醒胃。細泰式拼盤$88可選大/小的拼盤 ，為不同人數客人設想。拼盤中每種款式小食各有兩件， 如炸蝦餠，蝦片，串燒，春卷。個人最愛春卷，味濃香料重，帶有泰國風味。可惜皮不脆身，但味道不錯。串燒則不太入味，建議點醬吃更好吃。廚師特色蝦醬炒飯$98貌相吸引的炒飯是吸引我來的原因，蝦醬炒飯的現淺啡色，但味道不太强烈。反而 炸魚乾充滿鹹香和蝦醬味 ，配上炒飯更惹味。石榴汁$28價值不貴的石榴汁， 賣相也精緻，以一小蕃茄為配料， 飲下充滿石榴味。底下更有不小啫喱狀的配料，一小粒一小粒 增加口感

與舊愛很久沒有見面,今天難得一見,卻是相逢在雨中下大雨的元朗很討厭,四處沒有遮頭之地,沒有雨傘的話很麻煩最後我們跑到一家餐廳,幸好當天沒有什麼人吃飯,所以可以在室內避雨當然坐下後不能不叫東西吃點了一個鮮蝦沙律,泰式沙律的賣點是新鮮,不過這兒的卻不是特級新鮮,但味道尚可以,因為溝了泰式醬汁青瓜絲較菜更多,吃起來尚算fresh,入口清新大蝦的味道一般,不過吃沙律重要的還是醬汁和菜,這個算是合格有餘另一味泰式小食卻相當不錯,特別喜歡牛肉串,燒得十分香脆而有味炸蝦片感覺也不錯,炸蝦球也是相當香脆當然重要的還是醬汁吃過小許東西後,跟舊愛聊那近況,沒多久便走了希望下次不是下雨天吧

星期5晚放工之後,約左D舊同學去元朗食飯,原本打算食韓燒,不過無位,所以去左食泰菜去到依間餐廳,野食選擇唔算太多,不過坐得幾舒服3個女仔唔係食左好多野,都係叫野飲同吹水多其中食左依個梅蘇雞,味道有D似燒鴿首先佢係成隻上枱比客人影相,個樣好靚,好大隻之後佢會幫客人切埋,好方便,不過切出黎就麻麻,無乜美感,應該用D配菜裝飾下切出黎都幾多肉,肉質幾滑,雖然無汁點,都幾夠味2隻脾先係最正既部份,淡淡肉,食起黎好爽而且個皮真係好脆,食起黎好有口感價錢唔算太貴,附近得佢一間餐廳,難怪咁多人食

終於星期5了,又可以過2天的假期,又係吃喝玩樂既日子放假芾第一擊梗係去飲杯野啦約左朋友去元朗,做完GYM再食小小野黎到依間酒吧餐廳,岩岩好多人走左,可以有冷氣位坐我地食左個炸蝦餅,蝦餅幾香幾脆點埋佢D酸甜醬食會好食D不過份量細左D,唔算太抵食野飲就真係唔錯,我飲左士多啤莉特飲,味道唔算太重,但幾甜,所以幾好飲朋友飲左可榴特飲,佢話可榴好香,不過杯野唔算太甜,但都覺得唔錯氣氛都唔錯,係咁播住快歌,大家傾計都開心

早前在元朗找到了一間非常有特色的泰國餐廳！就是欣賞這裡的環境舒適，佈置得別有一番風味！而且播放著輕快的歌曲，令食客食得輕鬆又寫意！所以今次再來光顧，幸好食物質素依然保持水準！今晚晚上8:30pm全場差不多滿座了，相對起之前更熱鬧旺場！套餐一向都是我們的首選，就是餐廳安排一切，不需要傷腦根！三人先點了個二人餐，再加幾款菜式就好了！哈哈！要做個「惜」食專家，不要做「大嘥鬼」！甜柚鮮蝦沙津早前一樣有試過二人餐，這個酸甜柚子鮮蝦沙律，在整個套餐是我的最愛之一，賣相充滿夏日的感覺，繽紛色彩的，很醒胃的前菜，大大粒的柚子果肉，Juicy！鮮蝦再配上各種新鮮蔬菜，口感爽脆又清新！泰式檸檬魚青檸烏頭魚，魚肉雪白嫩滑，泰式醬汁酸甜帶點香辣，顯得烏頭味道更鮮甜！炒時菜泰式燒豬脾仔惹味燒豬脾仔，朋友都讚不絕口！表面燒得小小香脆，肉質彈牙，不會過度乾身之餘有肉汁，味道濃厚又香口，這個菜式用來送酒就最合適不過了！以上的二人餐只需$338，超值呀，份量都不少！炸蝦球$58上一次吃的是炸蝦餅，今次一粒粒金黃脆波仔是炸蝦球，表面炸得香脆，蝦肉結實又彈牙！確實是一道美味小吃！冬蔭公湯$78(小)冬蔭公材料豐富，酸酸辣辣

今日媽咪生日就同佢去左元朗食泰國菜慶祝下， 《薄荷葉》係區內有名嘅泰國菜館， 之前晏晝已經食過一次，不過估唔到夜晚食氣氛係咁好。 呢間餐廳設有戶外同室內區域， 戶外用左泰象裝飾 ，而且亦掛上色彩繽紛嘅霓虹光管， 裏面就用左咗泰式風情既吊燈裝飾， 店員打招呼都係用泰式最傳既 “SaWaDeeCup”，整體感覺真係好似飛左去曼谷一樣。由於呢排天氣極度炎熱， 二話不說就叫左麒麟啤酒夏天期間限定嘅 frozen beer， 我仲叫左香港限定嘅西柚味添，$75, frozen beer上面就好似思樂冰一樣， 而下面就係涼浸浸嘅啤酒， 今次叫左個西柚味啤酒好特別， 飲落除左有少少啤酒既苦味之外， 亦有淡淡既西柚清香， 非常消暑解渴。由於媽咪鍾意食酸野， 所以就叫咗泰式甜柚鮮蝦沙律，$78。沙律擺碟好靚， 大蝦亦好新鮮好彈牙， 柚子甜甜酸酸， 配買其他沙律菜同洋蔥一齊食， 非常醒胃。呢度嘅冬陰公湯都唔錯， 我地叫左個細嘅冬陰功湯，$78， 雖然話係細，但都有四碗。 冬陰公湯材料豐富， 足料。 鮮蝦，蘑菇，蕃茄一定唔少得， 而且亦都有好大陣嘅香茅，香葉同椰子味， 一飲就知做法正宗。而且亦都叫咗細泰式拼

餐廳環境好有氣氛，好鐘意佢啲吊燈，好有異國風 • 情。甜柚鮮蝦沙律個擺碟好靚啊，柚子同蝦都好多，夾埋我至愛既乾葱一齊食，酸酸甜甜脆脆夠哂開胃。呢個細既冬蔭公湯都不到四五碗，仲有兩隻蝦架，味道十分正宗。泰式炒金邊粉好得意啊，隻蝦楝企既！？個蛋網亦做得好薄，加啲青檸汁，yummy 。什錦小食，魚餅蝦餅春卷各有特色，重點注意係個串燒豬肉，平時我去泰國野嗌串燒好少嗌豬，不過呢度既豬嫩滑得黎又有少少豬味，肥瘦度適中，醃味亦唔會過火，推介。椒鹽魔鬼魚，我好鐘意食魔鬼魚，除左鐘意佢既肉質夠特別，介乎於魚肉同雞肉既特別口感之外，仲好鐘意佢啲軟骨，同埋唔係度度有得食呢，之前食過燒魔鬼魚之後幾乎每次見到餐牌有都會嗌黎食。今次見到當然都唔會錯過啦，不過個人覺得魔鬼魚都係燒好食啲，同埋如果炸得脆啲同啲肉厚啲就好喇。最後加多個馬拉盞椰菜苗，兩個人捧住個肚離開。

為了和幾位好姊妹聚一聚突然又想食泰國菜，因為這間有露天位所以便去試一試，中伏開始！生蝦只有7隻沒有冰壓底所以不夠新鮮而醬汁是甜的價錢仲要$198，勁搵笨串燒牛雞冇味好似冇醃過，不知道是燒還是炸的肉質un有渣鞋到一咬就唔想再食木瓜沙律，木瓜肉老有渣味道又唔夠泰式鳳爪又係偏甜黃咖哩雞跟薄餅，雞肉完全冇味又鞋得個顏色似咖哩，個咖哩汁似水所以不用再形容 (好彩冇叫新鮮雞唔係又要加到$130）炒通菜叫做正常返少少蝦餅炸到乾晒完全係硬*餐廳提供的調味醬料味道都是偏甜味道淡，所以要另外叫餐廳給點辣椒魚露先夠味*四位埋單$836，餐廳只是注重擺盤樣子食物好看，食物水準就未到可以餐廳囉！

元朗有很多好味的餐廳，種類很多，人均消費大眾化，這餐廳感覺像酒吧，不像是吃泰國菜的餐廳。餐廳內裏裝飾很美麗，有泰國風味的擺設，播著泰文歌，坐在這也很舒服。與朋友兩人一起來就選了二人餐，會比較抵吃。炒時菜的色澤好翠綠，多汁爽口，份量好足，十分新鮮。甜柚鮮蝦沙律酸酸甜甜的甜柚沙律好開胃，鮮蝦有兩隻，蕃茄洋蔥再加埋醬汁，味道的確不錯。飲品味道清甜，有淡淡的菠蘿味，十分解喝。泰式燒羊架一共有四件，食材新鮮，沒有羊羶味，肉質鮮嫩，另有兩款醬汁配搭，令羊肉味道更美味。吃完羊架再吃沙律，酸酸的，可消去吃羊肉時膩口的感覺，再增添胃口吃下一道。招牌火焰燒雞店員會在雞上淋上玫瑰露，然後點火，雞就會燃燒，因店外有點風，只隱隱約約看到些少藍光。火光熄滅後，員工就會拿回廚房切件，雞皮燒得很脆口，肉質滑溜又多汁。泰式檸檬魚身上有一片片青檸，可帶出魚的鮮味，肉質嫩滑，絕不鞋口，底下濃濃的醬汁一起吃，酸酸甜甜，又帶點辣，別有一番味道。

泰國野就食得多啦，呢間位於元朗嘅泰國嘢就比較特別，混合唔同煮法嘅形式，跳出一般煮泰國菜嘅方法熱熱地，一黎我哋就叫左兩杯野飲先，我叫咗一杯西柚味啤酒同青檸梳打 ，西柚味啤酒好清新，感覺好fresh，飲落去唔苦帶少少甜泰式羊架 一客四件, 燒到8-9成熟. 保留少少肉汁, 配店內自家制青辣椒汁, 辣辣地之外仲好醒胃 再加埋沙津菜好fresh馬拉盞炒通菜，一啲都唔咸，食到馬拉盞同香料味，而且份量好多，重點係佢用通菜苗，嫩口爽口。薄餅嘅餅質好鬆軟，厚度適中， 就算唔加任何醬汁嚟食，都非常好味！係本人嘅必食推介！ 班蘭咖哩雞，單看外表可能不覺得有什麼特別，試左獨特配製既咖哩汁後對此道菜180度改觀，盡管雞塊平凡但配上帶甜少辣的咖哩醬汁已變得份外入味。醬汁可以配簿餅，都好好食餐廳氣氛好好，有泰國風味的擺設、柔和燈光好似去咗泰國咁，而且仲有大螢幕播著泰文歌曲添！

夜媽媽10點幾收工,屯天元人吃泰式料理，一般人都會想起置樂，但置樂實在太多人等位，每次都要等個幾鐘,就到元朗吃。 第一樣一定要叫既系生蝦.個人認為實在太好味,然後再泥生菜包,個泰式雞腳實在太正了..下次一定要再泥食,揸車有錶位泊.行幾步就到了 

踩完單車 朋友係openrice search 下食咩就話呢間唔錯行到過黎一睇個門口 我就以為係酒吧 望真啲餐牌 原來係食泰國野 好彩><天氣唔係好熱 坐出面都幾舒服環境裝修都好靚 仲有個大screen 一路loop住啲流行泰文mv 幾搞笑個人覺得都好適合傾下計既地方 幾有feel可能位置相對偏僻 今日係星期日都唔算太多人 不過唔太忙都出左兩次小差錯>< 首先係上錯左菜 第二係薄餅然後係焗燶左少少><好在服務態度好好 我地又唔係趕時間=]

元朗出名多野食，見到間餐廳食評都幾好，點知中哂伏...見到個主餐牌有四至六人餐，我哋六個大人再加少少野食就夠。一點個餐時個後生男侍應話今日復活節，所以無做。心諗你就加多句「星期六、日及公眾假期不供應」喺個餐牌度啦⋯⋯算！難得一家人咁遠水路出嚟坐低萘，我散叫都差無幾。點咗冬陰公、蘇梅鴨、炸豬手、檸檬魚、斑蘭咖哩鮮雞（侍應當時話跟薄餅）、青木瓜沙拉、泰式大拼盤、什菜粉絲煲。後加生蝦（見唔到餐牌有，但食評講到好正咁），直接同侍應落單又有，價錢是198。而我哋得六個人，叫咁多肉類應該都夠食啦！但叫完冇耐，有個女侍應走埋嚟，話：你哋叫啲野好似唔係好夠食，要唔要加份酥炸生蠔，我哋招牌菜嚟架。我哋全枱聽完〇咗咀，諗緊乜食完生蠔就會飽？如果咁點解唔叫個炒粉面？直接講咗唔駛要，佢行前兩步用同一個口腔同說話咁問隔離枱，哦⋯⋯呢刻明哂！坐咗陣，發現好幾粒飛蚊滋跌落杯水，換咗三杯，燈光好暗。所以其他東西當睇唔到先轉多次頭，侍應話冇新鮮雞咁就唯有轉冰鮮雞啦。價錢仲平啲⋯⋯食物味道個人認為偏甜，應辣不辣。就連冬陰公都係甜嘅⋯⋯算是不地道之作。至於生蝦，198加一有六隻，走冰上唔夠凍，味道不至於好食，只可說是可入得

今晚同個fd放學黎食晚飯，見到openrice好多好評所以試下。見到門口格局已經好正，好似酒吧咁，燈光暗暗地，係浪漫既。(如果拍拖黎既話......)網上好多人都推介生蝦刺身($198)，我地都叫左一碟試下。食落真係有唔同，幾爽口，點埋個酸辣汁，好開胃~ 有塊廚師推介既板，叫左板上既椒鹽魔鬼魚($138)，炸得好脆口，個魚食落都好滑，唔會炸到好乾，有兩個汁可以點，綠色既有小小辣，我中意點呢個多啲，但係條魚可以大條啲就好了~ 我地仲叫左馬拉盞炒通菜同燒雞翼，兩樣都係$58。炒通菜正正常常，不過份量好多，好似食唔完咁。燒雞翼好好味呀~燒到個外皮好香脆，入面既雞肉好夠味，幾滑，加上係雞中翼唔係雞全翼，食落方便好多。 順帶一提，個洗手間好香，裝修度好似泰國啲酒店咁，你知啦，洗手間對女仔真係超級重要架！！