薄荷葉泰國菜

營業中

休息中

元朗有好多食肆，但係泰國菜並不多，好食的泰國菜就少之又少，今日終於食到呢一間--薄荷葉泰國菜館，從外面觀看，食店似酒吧多個似泰國菜館，鋪頭細細，但尚算坐得舒服，今日共食咗幾道菜，包括：鹹魚炒芥蘭、招牌炒飯、炸蝦棗、同大蝦柚子沙律！柚子沙律啲柚子好甜好多汁，令人好開胃，招牌炒飯裏面都有好多配料，特色就係炸魔鬼魚，同泰國腩肉，加埋啲提子乾、同菜絲一齊炒，令D飯變得好有口感！炸蝦組就細粒啲不過都幾好食，今餐都算食得唔錯幾滿意！

的確很少去朗屏, 還記得對上一次是跟朋友逛朗屏的地攤, 而今次再踏足是要去元朗劇院做 site visit, 準備帶班小朋友去活動。完成任務, 難得來到這裏, 當然在此覓食, 在四處逛逛, 見到一間好有feel的泰國餐廳, 想一想, 都有一排沒有吃泰國菜, 一於它吧!餐廳以開放式的設計, 分戶外和室內用膳區。戶外舖上假草披, 配上銀色鋁枱櫈, 彷如去了郊外用膳般; 走進內裏, 店頂掛滿不同顏色的泰式布吊燈枱櫈, 牆上掛了一些泰國藝術品, 挺有泰國色彩。內設有三排二至六人枱, 還有一個小型水吧, 旁邊有一個大螢幕, 正播放着輕快的MTV, 感覺很輕鬆。既然今日有陣陣涼風, 坐在戶外應該很舒服, 就在外面揀個好位。每枱枱上已放了兩份餐簿, 一份是酒類飲品配食物套餐; 另一份亦有晚巿套餐和散點菜式。晚巿套餐有2人及4-6人, 我一人來到, 當然不會揀套餐啦! 散點菜式分門別類, 有特別推介、頭盤、沙律、湯、蔬菜類、飯麵類、泰式咖喱肉類、海鮮類和飲品, 選擇都唔少。************************每次吃泰菜多數會點一個椰青 Coconut ($40), 今次也不例外。它雖沒有任

山長水遠嚟到元朗，當然要食點不錯的食物啦，泰菜都係係元朗既一個選擇。餐廳環境好東南亞風，有d燈幾有感覺。椒絲炒通菜，上菜時都香噴噴少辣既味道，菜既顏色都深綠，新鮮無爛葉。再嚟份量都多既。係咪好辣呢？咁又唔係，辣呢就野味d，連平時唔太食菜既朋友都食多左，話有辣呢無咁有菜青味，好食點呢。之後食特色菠蘿飯，好健康又係蔬菜類。賣相特別，唔係用菠蘿上而係木筒仔。依個飯有脆脆腰果同肉鬆，一硬一軟，幾好咬感。少少菠蘿粒，唔會太酸既。飯就岩岩好，始終炒既都唔會太濕口。咖哩蟹配了薄餅，首先咖哩蟹有好多蔥依d，顏色唔會太沉得咖哩色，同埋不算辣呢，正！蟹蓋有好多咖哩汁配少少蟹肓幾好食，因為蟹肓本身覺得比較乾，有左汁就濕d又有咖哩味。蟹肉多juicy既，唔會腥，都林好易去殻嫁！咖哩汁多點埋薄餅好正，好吸味。薄餅係全熟既，點解咁講？因為好多時都外脆內超林，依度好好岩岩好。2個人食飽又有眼福，裝飾幾靚，服務都好好又有少少介紹比我地2人唔好叫咁多，食唔哂就唔好。

來到元朗探朋友，都是朋友帶路去左一間門面似酒吧的泰國菜館。鋪頭裝修用上大量泰國特色燈罩，加上播放泰國歌曲，令人有種置身異地的感覺。睇過餐牌後，價錢合理大眾化，有2人，4-6人套餐選擇。餐牌清楚分類，亦有相片參考。招牌火焰烤雞，企立立上枱，賣相特別。原本係有原因的，因為要做成火焰效果，要淋上高度數烈酒再點火。烤雞嗅聞一下，有濃濃的酒香。味道較香濃，用上泰式醃料香料。香味一流，肉質外香內嫩滑，的確係招牌菜。原桶特色菠蘿炒飯，份量十分勁，足夠四人分享。味道帶水果的香甜，令食慾大增。炒飯炒得夠乾身有嚼口，火喉夠，咸甜適中。海鮮配料也十分多，令人意外。炸蝦球，質地彈口香脆，不錯的小食。配酒進食好好的選擇。咖喱雜什菜煲，味道十分惹味。蔬菜清新香甜加上咖哩配搭好好，再有粉絲底吸哂咖哩的香味，好正！

今次番到元朗娘家揾食，經過意間泰式餐廳。門面五光十色，色彩奪目搶眼。感覺上氣氛幾好所以就決定入去啦。當晚是星期五晚上大約8:00 ,座位基本上已經爆滿以為要等位的時候，是應安排左我們入私隱度比較高的另一間房間。的確是三五知己聚會傾計的好地方。食泰國菜大家都定基本上必叫的冬陰公，上台的時候，用上整煲小砂煲的。材料十足，份量足料，有大大隻蝦，硯，草菇及泰式香料，香濃十足，味道香辣帶酸，飲後都十分開胃。炸蝦球賣相不錯，即叫即炸，香脆彈牙。招牌火焰烤雞。必叫。賣相吸引，用上秘製香料葉成烤雞後，上枱會用上淋酒火熗燒香外層。之後店員即場切好雞再上枱。味道外層帶一點酒香及香料，裡面肉質嫩滑，真的一食難忘，十分特別。明爐魚，味覺不辣，大人小朋友都啱食，味道較清甜，魚湯味道夠，不需額外點汁，都好好味。特色菠蘿炒飯，用木桶上份量十足，夠三至四人進食，海鮮配料多，炒得夠乾身有咬口。整體來說環境氣氛好，食物質素好，價錢抵食^_^

上次過來係同朋友慶祝生日，覺得環境同服務都唔錯，所以今日落雨冇嘢做就約朋友過來食泰菜😂我哋兩個女仔咁細食，就嗌咗3個餸，最後都係食唔晒🙈首先一定有我摯愛嘅木瓜沙律，口感非常爽口，加埋酸酸辣辣嘅汁，好清新好開胃。不過我覺得如果唔落青豆角會好d。馬拉盞炒通菜夠味好多蝦米，而且分量好多下，2個人食唔晒，3個人食就差唔多，炒得好野味！泰式雞肉炒飯真係好好味，好夠鑊氣，飯粒粒分明，雞肉好嫩滑，多得黎又大大舊，一啲都唔孤寒。3個菜入面最鐘意係呢個炒飯Waiter告知啤酒買一送一，咁就梗係要呢個啦，兩個人啱啱好。上枱一刻真係嚇親，咁大杯嘅？😱😱😱呢度足夠4個人飲wor🤣好抵啊。味道甜甜哋，唔飲開酒既都會好易入口。餐廳入面播放泰國歌曲，原先嘅玻璃門又拆左，直接望到outdoor，光線又比之前明亮，顯得更加開揚舒服，食下傾下就兩個鐘好快過，係一個同朋友聚會嘅好地方。兩個人最後埋單係$323，呢個價錢有咁嘅環境同食物質素、份量我係覺得抵！

是晚收工入元朗，食Thai food 好耐無食泰國野餐廳環境幾有feel, 有室外座，有不少外籍人士happy Friday 飲番杯環境唔錯，好relax餐牌選擇都多，但我地依然叫番大路野好好enjoy happy Friday night 首先叫個椰青飲飲，透心涼又食哂椰肉叫左個串燒，雞羊牛每款兩串擺碟靚，以杯既形式去裝沙嗲另上好味再叫個米紙卷份量都多，有8件每件都包住菜同煙三文魚！煙煙韌韌，好味最後叫個炒金邊粉，好得意既上碟方式！金邊粉被薄薄既蛋包住，而4隻角 分別放上調味料！有糖、辛辣粉、芽菜等！自己口味自己調撈完就食得啦喜歡有心機而且十分適合鐘愛泰菜又想食得清d既我因爲調味料完全自己黎整體黎講，環境好舒服，很relax既地方！食物質素好，有心機有誠意既餐廳

现时的元朗已不像昔曰的旧貌了，崭新的连锁名店随大马路边处处可见到的，还有许多拥挤的人们，好不热闹的啦！我邀朋友来到此间＂薄荷叶泰国菜馆＂一乐也的呀！😀😀😀＂薄荷叶泰国菜馆＂有露天茶座及室内座位都可供客人们舒适地坐丶吃闲聊均可的呀！咖喱炒蟹，此咖喱味极之浓郁，应是几好上乘的咖哩粉制作的吧？！蟹是皮壳极为薄兼肉还是厚厚的呀！要是蟹肉再可鲜甜些的，那，应是更加好的啦！😀😀😀再上了份薄饼，热辣辣香脆及又有牛油的香，更可口的！特式菠萝炒饭，内有各色的海鲜丶腰果丶芹菜及洋葱等作配料的，饭如此的香喷喷兼烟银的，味道极之好得很啊！捧捧捧！椒丝炒飞天通菜，通菜青翠鲜绿嫩的，再加上有红色的辣椒丝的配搭上，青绿上有点的呀！

聽朋友介紹，元朗有間食泰國菜幾出名嘅飯廳，喺圖書館隔離，今日終於去咗食，心情特別興奮！ 門口可以泊車，佢有一個開放式嘅吧枱，同埋室外露天嘅位置食嘢，飲下酒食下煙。 我哋就揀咗坐室內啦，室內嘅裝修好有泰國特色。 彷彿好似去左泰國旅行，有貼上泰王嘅poster，同埋有一個好大嘅螢幕播放一啲泰國嘅出名音樂啦。前菜呀>w<!!!!好好味我地點左小食拼盤（小），有蝦餅，魚餅，蝦片，雞肉串燒，春卷，薄荷葉作配襯（兩款醬：沙嗲花生醬，泰式辣醬，種類非常多，價錢亦都好抵。首先去泰國餐廳必叫的食物一定係菠蘿炒飯，依間泰國餐廳既獨特之處，同其他泰國餐廳吾同既係佢地用木桶裝住菠蘿炒飯，而吾係用菠蘿裝住，非常特別。而炒飯內有玉米，三色豆，肉鬆，蛋，洋蔥，蝦，魷魚，菠蘿，提子乾。味道同泰國地道既菠蘿炒飯相若，值得一試！另外，我地亦點左青咖哩，可配雞、牛、豬，而我地今次揀左雞肉，肉質鮮嫩，份量亦都好多，適合2-3人進食。青咖哩亦都吾會太辣，但係有少少辣味，非常醒胃！服務方面，員工人數 4至5人，絕大多數都是年輕人，十分活力，落單、上菜速度亦非常快。員工看到沒有水會自動幫忙斟，服務態度值得一讚。

經過一星期繁忙的工作， 最期待就是星期五，找間舒適的餐廳， 慢慢享受一餐就是我最喜愛的Good Friday ! 好好放鬆一下吧 ！我鐘意食泰國菜， 因為泰菜是酸酸辣辣， 香料特別多， 好有特色 ！聽朋友介紹元朗劇院附近有一間泰國菜， 上了openrice 一看， 原來是「薄荷葉泰國菜」， 又見到有二百幾個好評， 食物有正面評價， 環境也很舒適， 正合我心意 ！星期五， 梗係要鬆一鬆啦 ！ 從遠望見，有種泰國feel，好似去了泰國咁! 餐內佈置獨特，掛上泰式燈飾，播著輕鬆嘅音樂 ！ So Relax ! 《 廚師特色蝦醬炒飯 ＄108 》   做到好似藝術品的蝦醬炒飯，外貌非常吸引，非常漂亮，隻蝦好似跳緊舞咁，一見到就想食啦 ！ 店員建議我們把魔鬼魚乾壓碎， 再撈埋旁邊的青瓜絲，芒果絲， 蝦米和辣椒等一起吃。師傅把蛋做成網狀包住炒飯， 這樣撈起非常乾身，充滿蛋香！ 加上鹹香的魔鬼魚，口感增添不少， 做得十分出色， 值得推介 ！《 班蘭咖喱豬 + 薄餅 $140 》班蘭咖喱豬，香料十足，質感香濃，咖喱味不算太辣，適合怕辣嘅朋友，配上熱辣辣的烤餅， 效果不錯! 沾了咖喱的烤餅， 特別好味

今日又過開嚟搵個老友打波，打完波鬼死咁肚餓，見到呢間泰國餐廳個情調都唔錯，就即刻忍唔住拖住波友入去醫肚。見到呢間餐廳竟然有佢自己專屬嘅 apps，係用嚟儲印花換嘢食嘅，連 apps 都自己開發埋，認真犀利。肉碎生菜包，啲肉碎四分肥，六分瘦，口感豐腴，符合我最鍾意嘅比例，味道未算太辣，特別鍾意佢混和大量嘅香蔥，九層塔同埋紫洋蔥同炒，加埋塊新鮮嘅生菜包住嚟食，好味。鹹魚炒芥蘭，個鹹魚好特別，同平時食開嘅唔同，無咁死鹹得嚟外邊好似仲脆脆地咁樣，芥蘭新鮮爽脆，個莖嘅部份好鮮甜，好明顯用咗揀手靚貨。什錦小食（大）， 個拼盤勁豐富，有沙爹雞同豬串燒，廚師推介春卷，炸蝦餅，炸魚餅同埋蝦片。沙爹雞同豬都好嫩，一啲都唔會話太韌，個沙爹汁充滿著濃濃嘅沙嗲味之餘仲有少少甜，不過如果個串燒再燒燶一啲相信會更加好 。春捲炸得外皮酥脆，裏面充滿住熱辣辣嘅肉粒同埋菜絲，點埋個泰式雞醬就啱哂，最重點估唔到係個蝦片，脆到無朋友，真係仲脆過薯片架。泰式炒金邊粉，個賣相好特別，好似有棵樹生咗喺太空館 上面咁樣，隔離仲插咗一串鮮蝦，個金邊粉畀個蛋網包圍住，個蛋網做到好幼細好精緻，擺喺四個角落嘅分別有沙糖，辣椒粉，花生碎，韭菜

好耐無黎,估唔到的食物差左咁多,叫左個雜錦拼盤,的串燒乾到好似柴皮咁,春卷不脆。叫左菠蘿抄飯,一個小時都唔黎,催左兩次,服務員都話炒緊,拖字決。等左一個小時都唔黎,跟住我地話取消,服務員嘅態度超差即刻我哋冇叫埋單就自動比張單我,之後收野將成盤菜連汁到倒落我張凳嗰度,趕客走,真係過份,你話咁嘅餐廳咁嘅服務態度邊有人會幫襯,以後都唔會再黎。Bad List.bad List bad ist bad list. 太差

上個星期去咗元朗劇院出面嘅文化貨櫃展，扮下偽文青，了解一下鄉郊特有嘅圍村文化。再去埋附近嘅元朗公園雀仔塔， 玩足一日。 影完靚相， 就梗係周圍搵下美食。 行返去劇院附近， 見到有甚具芭堤雅特色嘅泰式餐廳。 戶外嘅座椅加上璀璨嘅燈飾，令人恍如置身芭提雅繁華夜市。好~ 就黎一晚泰國之夜先。一坐低，店員就介紹薄荷葉嘅電子儲印花app， 儲夠印花， 就可以免費換到泰式小食，唔使錢又有嘢送， 一於download個apps嚟儲下印花先~~由於玩咗成日好口渴， 所以就叫咗個【甜柚鮮蝦沙律】$88， 呢個甜蝦沙律清新開胃， 清甜嘅柚子肉， 配上特製酸辣醬汁，味道帶點微辣， 食落卻非常醒神。 柚子咬落卜卜聲， 配合埋新鮮嘅海蝦， 頓時令我哋食慾大增。另外一定要叫嘅泰式美食非【冬陰公湯】$88(小)莫屬， 薄荷葉嘅冬陰功湯用瓦煲盛載，一煲有四五碗湯， 冬陰功湯酸辣味道得宜，每一口都充滿陣陣檸檬葉同香茅香氣。 而且辣味不chok喉, 連唔係好食得辣嘅朋友仔都大讚好飲，仲同我爭人最後一碗添。特別推介【班蘭咖哩雞】$98配【薄餅】$48， 呢個班蘭咖哩雞唔係度度泰國鋪頭都有得食， 黃、青、紅咖哩就食得多， 班

今日入咗元朗搵好姊妹聚舊，突然之間好想食泰國菜，姊妹就即刻帶咗我嚟呢間泰國餐廳度，佢話全個元朗泰國菜最好食環境又最舒服就係呢間餐廳啦喎，等我嚟試下佢先。餐廳嘅環境果然唔錯，既有室外嘅露天茶座，方便食煙嘅朋友大快朵頤，室外位置嘅地下用上咗綠色嘅地氈，遠望有如一片綠油油嘅草皮，再加上圍邊嘅熱帶植物，令人短暫忘卻世俗嘅煩囂；另外亦有室內嘅冷氣座位，俾唔食煙，合家歡，怕熱又或者帶住 bb 嘅朋友，唔使硬食啲二手煙，室內嘅吧枱鋪設螢光藍色嘅燈帶，頗有夜場嘅氣氛 而吊燈就充滿著泰國風味，加上場內投射螢幕播放緊嘅泰文 mv，令我有返番到 Suan Lum night bazzar 嘅感覺。一坐低店員介紹完食物之後，即刻推介我哋 download 佢呢間餐廳專用嘅 apps，連自家嘅 apps 都出埋，可見餐廳對經營係幾咁用心，除咗有最新消息同食物推介之外仲可以儲印花㗎，啲印花可以攞嚟兌換食物，真係又有得食又有得玩。冬陰功湯（大）， 酸度同辣度都掌握得非常之好，椰味緩緩滲出，味道簡直係全元朗之冠啊，唯獨是係鮮蝦方面如果再鮮一啲相信會更加好。甜柚鮮蝦沙律，賣相好靚，擺到成個雀巢咁樣，相信都要好高嘅技巧，

同好姊妹係元朗搵野食，見到呢間開放式好似Bar咁既泰國餐廳，就一於試下佢啦😎😎叫左呢杯菠蘿特飲幾解渴👍🏻但菠蘿味唔夠重，仲以為會有好多菠蘿肉添～另外叫多個雪碧飲😃椰汁雞湯叫左個細既，兩個人每人都可以飲到兩碗👍🏻👍🏻但椰汁雞味唔出，而係偏酸，似冬陰公湯味多啲，不過係奶白色幾creamy😗另外個炸蝦球炸得好香脆，蝦都有微微鮮甜味👍🏻但比想像中細粒，睇黎都係蝦餅啖啖肉有厚度會正啲～個椰青焗飯用個木筒裝嫁😃😃都幾大個，啲飯有啲椰香味，有啲粟米同提子乾粒，如果個飯再濃味啲淋埋椰漿應該會仲正！呢個豬頸肉沙律夠哂香辣惹味👍🏻豬頸肉偏咸而且厭佢切得太薄無咩咬口，啲紋咬落會有啲孩口🤔🤔🤔呢個火焰燒雞好吸引😍首先店員會原隻上，等我地影夠相，佢就將一小杯既酒淋落隻雞到，再點火🔥🔥🔥隻雞就著火啦😆😆😆第一次試好興奮😙😙得個火熄左店員就會拎隻雞去解體等客人方便食👍🏻👍🏻雞肉某啲位滑啲某啲位孩啲，啖啖肉但偏乾🙁🙁不過幾中意個調味好香😋可以再重味啲都得，有啲酒香味都唔錯～