薄荷葉泰國菜

營業中

休息中

有幾次去元朗公園野餐，行返入元朗市時都會經過一間泰國餐廳，因為有露天座位，地面鋪左人工草地，整個感覺好有渡假feel，所以印象深刻。今次去開元朗大會堂，終於可以順便試下呢間泰國菜啦。估唔到晚市剛開始就差不多坐滿，室內環境都唔差，原木色枱椅，七彩顏色既民族風布製吊燈，小型酒吧加大螢幕，猶如置身芭提雅既酒吧。黑加倫子梳打，杯邊一顆車厘茄，加埋2枝打圈圈飲管，淨係造型都加晒分啦。甜甜既黑加倫子汁加上梳打水，未飲都覺得清新，加埋新鮮青檸，fresh到入心入肺，成個人醒神晒，炎夏必飲。BBQ泰式燒蠔，大大隻又肥美既鮮蠔，面層鋪上滿滿既泰式醬汁，燒到剛剛熟透，濃濃既蒜茸辣椒味，加上青檸汁既微酸，竟然冇搶到蠔既鮮味，蠔肉飽滿多汁，入口一咬開，蠔汁充滿整個口腔，又辣又酸又鮮，味道豐富有層次感。泰式燒豬脾仔，伴以大大碟沙律菜，豬脾仔望落細細隻，但食落啖啖肉，條豬脾骨好細好幼，豬脾仔充滿炭燒風味，肉質嫩滑，豬脾仔醃得夠晒入味，鍾意食辣既可以點配辣椒汁或泰式辣醬，更加惹味可口。食下豬脾仔，又食下沙律菜，可以互相中和下，食多幾件都唔怕膩。價錢中等，但菜式夠地道，食物質素高，環境又充滿泰國風味，店員友善，下次會

端午節放假一天～黎個元朗一日遊！ 下午去掃街，晚上坐低食餐泰菜，傾下計呢間泰式餐廳走bar嘅風格。室外最適合晚上坐低飲下啤酒食下小菜，談下心！菜單設計感不錯， 附上好多菜式樣本圖參考餐廳送的醃青瓜，又酸又辣 幾醒胃木瓜沙律，都幾辣下，唔食得辣嘅可以嘗試同侍應講聲？ 不過對我黎講岩岩好！酸辣木瓜絲嘅爽脆，配上香口的花生，典型的泰式沙律，味道很好馬拉盞炒芥蘭，芥蘭稍微苦澀，還是冬天的芥蘭最甜最好食，咸香味倒是吊起了味蕾，令人一口接一口泰式檸檬魚，魚身是熱的，淋上泰式醬汁及配上生菜。烏頭很新鮮，檸檬的酸發揮提味的功效，不辣，很好食！軟殼蟹咖哩，軟殼蟹份量滿滿的 浸在咖哩還是有小小脆口，滿滿的蟹肉令人興奮！！ 這道是我認為必點的菜式咖哩不辣，帶有少少甜味，椰汁味濃郁。有咁好嘅咖哩 一定要點$48/4塊嘅薄餅！外脆內軟，口感不錯，沾咖哩一流呀幾鐘意呢間餐廳嘅氛圍，小菜亦算出色！

聖期五公司放早，陪朋友入元朗搵元朗劇場，因佢個仔下星期六係元朗劇場行幼稚園畢業典禮，早少少入去探定路，順便搵食！任務完成，當然搵地方填飽肚仔！就係元朗劇場斜對面就有間食泰國菜嘅薄荷葉泰國菜館，一於開餐啦！我哋選擇坐出店外，感覺自在啲！首先一人一杯凍飲，青檸梳打，大椰青，透心涼！甜蝦柚子沙律，個賣相層層疊，加咗芽菜，柚子又大件，食落囗脆脆聲，好爽冬蔭公湯，配料好多，好香椰奶味，正馬拉盞炒通菜，好脆口五彩布吉魚，酸酸甜甜，勁醒胃，啖啖肉，好味椰青焗飯，不是原隻椰青焗，但個飯好香椰青味，又炒得乾身，正

元朗一向多好野食，今次果顧這間薄荷葉泰國菜。乍看之下，環境有點像酒吧，內有泰式飾物裝修並有大銀幕播放泰國音樂，除了室內外，室外也有露天座位，頗有氣氛，猶如身處泰國。入座後侍應先送上餐牌及前菜小食（$10)。小食是醃青瓜青瓜咬落爽口，醬汁是泰式的酸辣醬加上蒜蓉，十分醒胃。餐牌上食物選擇眾多，大部分常見的泰菜也有，另外更有些特色小菜。豬頸肉沙律($88)平日經常吃木瓜沙律，今次轉一轉口味點了豬頸肉沙律。生菜和醃洋蔥與豬頸肉的配合十分好，豬頸肉能在烤後保持肉汁，而生菜可以中和到肉的油膩感。醬汁可以的味道亦控制得酸辣得宜，既能引起食慾又剌激。招牌火焰燒雞($148)這道菜玩味十足，侍應會表演在燒雞上枱時澆上玫瑰露酒然後點火。烈酒會迅間點燃包圍了整隻燒雞，場面震撼，喜歡相機食先的人絕對不容錯過。火熄了後侍應細心將雞件切開。燒雞醃得十分入味，而且雞皮也烤得很香口，並留下燒過後餘下的陣陣酒香。不過對於不好酒的朋友可能會覺得酒味有點濃。明爐魚($168)魚用烏頭，主要是大骨比較小細碎魚骨，方便食用。餐廳細心準備了有肉碎的湯供食客添加，避免煮乾。烏頭以火爐邊加熱邊食，湯汁到最後吸收了魚的鮮味，成了酸辣魚

自從上次去完泰國旅行一直都對泰菜念念不忘，今日經過這間薄荷葉泰國菜見到很多人光顧，就決定walkin試一下。餐廳環境唔錯，有露天座位同室內，室內配上有泰國特色的吊燈和擺設，風味十足。餐牌上的食物歀式多得令人花多眼亂，有傳統的泰菜也有不少加入新式元素的菜式，最後還是選擇了比較傳統的。首先是明爐魚，用的是烏頭而不是鱸魚，個人覺得烏頭的肉質比鱸魚更好。烏頭放左爐上烤，配上惹味的酸辣魚湯，令魚肉能保持溫熱。魚的表面上放滿各種配菜和香料。魚肉在香茅，南薑，蒜頭，青檸的烹煮下帶出鮮味。食完魚後剩下的魚湯吸收了魚的精華，酸酸辣辣，令人忍不住多喝兩口。泰菜又怎少得泰式沙律。這次點了豬頸肉沙律，因為可一次滿足我想吃豬頸肉和沙律的慾望。豬頸肉烤得惹味，表面香口之餘肉質又不會烤得太乾。沙律以生菜為主，另外有醃了的洋蔥絲，淋上酸辣的泰式汁和魚露，更顯新鮮。沙律微辣，適合喜歡刺激的朋友。最後是特色菠蘿飯。炒飯以木桶盛載而不是菠蘿殼，不用擔心重用菠蘿殼的問題。炒飯內配料充足，有蝦，腰果，菠蘿肉和蔬菜粒，表面再撒上大量肉鬆，而且份量十足。炒飯帶有菠蘿酸甜的鮮味，令人格外開胃。這餐所有食物都很有泰國風味，十分滿意。

今晚同老友入元朗探老人家，順道係元朗劇院附近一帶搵食，見到有間食泰國菜，個肚開始有啲餓，就係到開餐啦！打開menu見到都有好多選擇，但每次我例牌都會叫冬蔭公湯，今次都唔例外啦！平時飲開嘅係用鉄鍋上，今次用瓦煲上，幾特別，好有住家湯感覺！個湯好香椰汁味，配料又多，足足有4碗份量！馬拉盞通菜，正！椰青焗飯，遠遠都聞到陣椰子味，配合海鮮一齊焗，好合襯！五彩布吉魚，我問咗個侍應，其實係鱸魚，我就叫咗小辣，好惹味，好醒胃，配埋個焗飯一齊食，絕配！少不了叫咗個甜柚鮮蝦沙律，啲柚子好甜，好爽，最重要係一嚿嚿，大大嚿上，啖啖柚子肉呀！正特飲方面叫咗杯椰青同青檸梳打，好解渴！

星期五收工約咗BB同朋友一行四人去元朗食B仔，食B仔之前緊係要搵份正餐食吓啦😋，然後朋友就介紹我地去佢屋企附近個間幾出名既泰國餐廳🤗餐廳個環境好靚😮，有室外座位，因為地下個層full哂，服務員安排咗我地上三樓😀，三樓雖然冇地下咁大，但都坐得幾舒服，冇咁嘈，可以靜靜地同朋友傾下計👍🏻，最重要係每層都有洗手間，唔洗上上落落咁唔方便👍🏻👍🏻椰青椰青係食泰菜必飲😆！而且仲好新鮮，係熟咖！！啲椰肉食得咖😆😆😆！！！冬陰公湯（小）我地叫咗個細既冬陰公湯，四個人飲岩岩好🙆🏻味道一流！同泰國個啲一樣咁正！仲好足料，啲蝦仲岩岩好，好爽口😙木瓜沙律木瓜沙律係去泰國必食😆！！而佢地既木瓜沙律都好清新，酸酸甜甜好開胃，啲青木瓜都刨得好幼細，份量四個人食岩岩好😙肉碎生菜包我地叫咗小辣，味道岩岩好唔會太咸，生菜都好新鮮，夾埋生菜食就中和肉碎既辣😋泰式燒蠔一共四隻，呢個係最晚最愛😋😋😋！！蠔好大隻好新鮮，加埋個醬汁酸酸地又辣辣地，完全係完美配搭！！一人食得一隻真係唔夠喉👉🏻👈🏻馬拉盞炒通菜朋友話個馬拉盞炒通菜係必食，咁就緊係要試下啦。味道真係唔錯　通菜炒得好滑，聞落仲好香😂廚師特色蝦醬炒飯我地都係俾個賣相吸引咗先嗌

今日經過間氣氛環境唔錯既泰國餐廳，就入去試試坐低叫左幾個餸，送到黎個時個賣相都唔錯招牌烤雞，真係係我地面前加酒直接燒，燒完仲切埋件。個肉質幾嫩，帶小小酒味，食落個味道都幾特別。馬拉盞抄通菜，上菜個時都仲係好青綠，幾爽口，唔會老曬，個味岩岩好，唔太咸炸蝦球放入玻璃杯都幾特別，外脆內軟，入面有粒粒蝦肉。再配埋餐廳比既特製甜酸菜，味道幾清新。菠蘿炒飯足料，4個人食都夠曬，個味岩岩好，有菠蘿香，仲落左唔少海鮮，個口感都幾豐富

好耐無食過泰國野，今日同阿妹黎試下新野。感覺幾浪漫，好像係芭堤雅吃飯咁。坐低都幾舒服，如果有冷氣就好啦。首先黎個招牌火焰燒雞，店員係我地面前點著隻雞，等我影相，已經聞到香噴噴的。切開後是這樣的皮好香脆！肉都好嫩口。再黎個明爐魚，呢條係烏頭魚，中等size。上臺後，要煲多十五分鐘就可以食啦而且再陪有汁比我地加入去煲。一到時間，已經急不及待試下，好鮮甜啊d魚肉！都好入味。鍾意烏頭都係d大骨，方便食。次次食泰國嘢都會叫馬拉盞炒菜，呢間都好濃味。小食黎個串燒，特別在於將燒好串燒放係啤酒杯。另外有沙爹醬自由發揮😏我地雞，牛，豬都有order，我都係鍾意食個雞串多d，嫩口d。我咁中意食菠蘿，一定黎杯菠蘿特飲啦消膩又清新。

前幾日，有個同事話元朗有間泰國菜好正，同日收工就決定試下我地book左8點鐘，去到已爆場，好彩有book位餐廳裝飾好靚好特別，掛上不同顔色既民族風格燈，好有泰國風味收工太餓啦，即刻睇下有咩食木瓜沙律，清新爽脆再加上酸酸地既醬汁，好開胃紙米卷，一共有八件，入面有蟹柳，生菜，椰菜，口感十足燒蠔，每隻蠔都非常厚肉，面上有辣椒，青檸，食落有酸辣味，好鮮又夠蠔味，超正推介之選冬蔭功湯（細），份量十足，四個人飲都夠足足有三大隻蝦，味道夠辣夠酸，同我上次係泰國飲既冬蔭功湯無咩分別，好正宗生菜包，肉碎炒到好香，包住生菜食好夾，好惹味蝦醬炒飯，賣相一流飯上面有炸魔鬼魚同蝦，好特別椰青，夠嫩，飲完椰青水仲可以刮椰青肉食每次食都可以儲印花換野食，好正呀今餐飯真係好正，食物好味夠正宗，餐廳又好有風格，下次同屋企人食先

今日同朋友去左元朗南生圍踩完單車，就出左元朗市中心到搵野食，我朋友話好想食泰國菜，咁我地就上網搵下啦，網民就推介左薄荷葉🌱話呢間食物同環境都唔錯，咁我哋就去咗試吓啦！一入到去餐廳，可能因為今日係星期五，晚上比較多人，如果下次去記得要book位，我地入到去，店員都好好有禮貌咁帶我地入去，同遞上餐牌，果然餐廳環境確實唔錯，好有泰國feel !介紹下D食物先：木瓜沙律青木瓜都好新鮮好爽口，味道都調得唔錯，賣相都好美越式紙米卷皮好薄，材料都好足，裏面有沙律醬同蟹肉，呢種食法都係第一次食馬拉盞炒通菜炒得好惹味，菜嘅份量都不少，不過我哋班蝗蟲勁快就食晒lu😋泰式燒生蠔呢個一定要推薦大家食👍🏻生蠔真係勁大隻，好厚肉，配上佢個泰式秘製醬汁，雖然好多辣椒，但係一d都唔係好辣，反而酸酸地少少辣味，再加埋青檸汁，非常夾👍🏻冬陰公湯呢個冬陰公都唔錯架，本人都唔係好食得辣，但係都覺得好好飲，好足料，d蝦又大隻又爽口，我自己都飲咗三碗廚師特色蝦醬炒飯我見到好多客人都叫呢個炒飯，雖然我未食，但係我都比佢賣相吸引左，食落口好香蝦醬味，上面嗰塊係魔鬼魚，好脆好香口，加埋啲配料一齊食都幾正最後我哋食泰國菜就梗係要一人一個

我地屋企都唔鍾意同人逼，所以15號先同媽咪補翻媽媽節吃飯，今年揀左係元朗既一間泰國餐廳。黎到見到餐廳佈置的燈光，環境都好像泰國的餐廳，令人感覺在旅遊👍即刻坐低叫野食！首先小食黎個炸蝦球，餐廳好特別，用大既沙冰杯上，食落好香口。另外有豬頸肉，呢個好香好爽口，媽咪都食唔停主食我地叫左招牌燒春雞，店員會將隻雞擺著，然後淋上酒，再點火燒起來。好新奇。miss左著火既相😂搞掂之後就會切開比我地食，個皮燒得好脆，不過d肉多翻d汁就好啦🤗再黎個木桶飯，將做好既菠蘿炒飯放落木桶，又一特色菜式。炒飯好足料，很多菠蘿，面頭有香口腰果配搭。飲品我就飲薄荷蘇打，清新的味道，尾呢餐畫上一個完美句號。

為咗慳錢，一星期只出一次街食嘅我同我老婆，當然要搵一間好嘢先去啦！今次揀咗撘下西鐵，去元朗食薄荷葉泰國菜！其實元朗區變成有車人士搵食之選已經唔係舊聞，薄荷葉已經唔算最旺嗰區，不過周圍都有好多酒吧同埋特色食肆，真係可以去多幾次搵食！今次慕名而來，餐廳已經好多人喇！等位中，就梗係睇下餐牌睇下人啦！一睇佢啲裝修，就知道係行酒吧路線，半open area真係好有外國bar感覺！等咗一陣話有位，不過出面明明無人走噃...原來鋪入面另有洞天，有個小小房間好似試酒室咁，當然唔少得一個酒吧仔！可能佢未到飲嘢時段啦，小酒吧就無佢嘅功用住，用咗個大mon同音響去播jass，好有感覺！酒就唔太識飲喇，叫嘢食啦都係！我同老婆叫咗什錦小食 ($88) 同半打沙嗲($88)做前菜，生菜包($88)、咖哩軟殼蟹($148)同薄餅做主菜，仲有一個椰青($40)一個($38)青檸梳打。什錦小食幾豐富，蝦餅、春卷、魚餅、蝦片再加2支串燒沙嗲，最啱多心嘅人！值得一提個蝦片，應該係即炸架！熱辣辣之餘，仲有好香胡椒味，讚！沙嗲都應該係人手串架，點解？因為真係有啲大細唔均勻XD 不過唔怕啦，我食大舊啲啦唯有！佢上菜係用力學表現架

元朗劇院睇完表演。盪下盪下見到間泰國feel 甚濃嘅餐廳。❤️郁郁同閨蜜入黎試下。揭開Menu睇下。原來呢間餐廳2007年就存在。開咗10 年都未試過。有d慚愧。Chef Recommend小食拼盤～有串燒。魚餅。春卷。蝦餅。仲有脆卜卜蝦片。心多多必點肉碎生菜包～閨蜜唔食葱丫洋蔥嗰d。攪到個生菜包寡咗dd。諗錯曬。肉碎又香又辣。好似上咗（引）咁。流住鼻水都仲想食。包住生菜一齊食。食落索素聲。無得頂。泰式炒金邊粉～薄薄一層蛋皮包著金邊粉。多咗一份滋味。碟邊四角有「辣椒粉。砂糖。花生碎。芽菜」。辣D..甜D..香D..fresh D。味道自由選擇。馬拉盞炒芥蘭～平時食慣炒通菜。炒芥蘭都唔錯。爽甜無渣。

放工後要返入屯門過夜，一向都知元朗多嘢食，所以難得機會放工後入去搵嘢食...由b仔涼粉嗰到開始不斷行不斷行，睇下有啲咩，最終行咗去圖書館對面呢間泰國嘢，見人流都幾多下，於是決定入去坐底......呢間酒吧加泰菜舖頭，樓面酒吧setting但食泰國嘢，幾特別，再睇餐牌，好多樣平時食開嘅泰國嘢食都有，最終叫咗自己最愛嘅生菜包，份量方面都正常，碎肉多汁，包起生菜食時幾juicy, 辣度適中，入口有辛辣味，但唔係好食得辛辣嘅都唔會有問題另外食泰國嘢唔少得嘅當然就係串燒喇，呢個亦係我另一至愛，一上碟嗰下感覺佢地擺得好靚，我一拿第一條就已經散晒，即時諗佢地放幾耐😂⋯⋯雞、牛、豬燒時嘅火口都掌握得幾好，有少少燒焦味但食落口唔韌，加埋沙爹汁啱晒，如果沙嗲汁濃多少少就會更好喇...最後加埋個凍冰冰嘅椰青，為呢餐泰國嘢畫上完美句號，🎉🎉🎉very nice